مطلوع من مطبخي بالخطوات

[السلطانة]

السلام عليكم ورحمة الله وبركاته

ان شاءالله راكم بخير
تفكرت الاخت @الصحافية الساخرة
مرة سقساتني على المطلوع
مالا قلت اليوم نحط الوصفة بالصور باه تفهمني اكثر
ولي تحب الطريقة هاي ليها

أول حاجة توجدي المطبخ تغلقي النافذة خاصة كي يعود البرد
تسخني الطراشن لي راح تقرصي فيهم
تنقصي للطابونة وتبداي الخدمة
في قصعة ديري كيلة دقيق وكيلة ونص فرينة
انا نستعمل الخميرة لي نربيها خخخخ
نحطها في بورتمونجي صغيرة ونخبيها وغدوة نستعملها

نبل بالما دافي ونلم العجين

نغطيها وحد ال10 دقايق ونبدا ندلك ونعجن وفي نفس الوقت نسقي بالما باه تجيني طرية

الخطوة لي بعدها نضيفلها الخميرة والقليل من السكر
في شوي ما وندخل المكونات فيها مليح

ونكمل ندلك ونطري بالما

المرحلة التالية نضيف الملح وشوي ما ونكمل نعجن
لكن هنا ماش بزاف لاني عجنتها مليح في المراحل السابقة

العجينة راح تكون شوي مرخوفة
ولازم باه تجيني طرية
هنا نكور الخبزات ونستعمل الفرينة باه تلم روحها

ونخليهم شوي على طرشونة ونغطيهم مليح باه ميتشقوش
ونبدى نقرص وديما الفرينة في يدي باه ميلصقليش

نعدل خبزاتي على طرشونة ونغطيهم ونخليهم يخمرو
نسخن الطاجين ونبدى نطيب

هذا نوع تاع طاجين

تطيبي وتقلبيها على الجوايه كل باه تطيب وتحوشيها
وهاذو خبزات من طاجي خلاف

ياريت بنات اللمة تتعلمو الكسرة ومتبهدلوش بينا في ديار رجالكم ههعهع ولاتشتمو فينا شباب اللمة
لأنها الأساس
وباه كي تتزوجو تلقاوها
هاذي طريقتي في المطلوع لي نص فرينة ونص دقيق
واكيد كاين طرق كثيرة للمطلوع
المهم يجي طري ومسقم مليح

دمتم بخير






​

 

[أشــواق 19]

السلام عليكم..
هااااا علبالي بيك حرررررررة يا ام ياسمين
يعطيك الصحةةة مطلوع بالطبع يشهييييييي..
تسلمي

 

[الامين محمد]

ما شاء الله تبارك الله
الله يهديك سيدتي انا كي نشوف نجوع ههههههههههههه
خصوصا المطلوع الصباح و معاه مربى التمر
في المرة الجاية ما تخبرينيش رحمة على والديك ههههههههه راكي تقيسي في الوتر الحساس عندي و هو الأكل خخخخخخخخخخ
و نزيدك معلومة كليت المطلوع نتاع الجلفة و هو طيب مثل أهلنا في الجلفة ما شاء الله عليكم أختي
​

 

[cosette]

يااما وياما هههه وقيل نقلبها حاتم عمور خيرلي
ممم بصحتك اختي والله مطلوع وعليه الكلام يالفحلة
بصحتكم​

 

[قطر الندىdz]

ماشاء الله مطلوع وعليه الكلام
و يعطيك الصحة على هذا الشرح

 

[Malika Tlm]

ماشاااء الله
يعطيك الصحة هااايل
تحياتي لك

 

[آمِيْرَتُه]

السلام عليك
مدام زادو فالخبز غير تعلمو يا بنات متحشموناش ههه
يعطيك الصحة

 

[ضآحكة مستبشرة]

السلان عليكم حنونتي
يعطيك الصحة يا لفحلة
الله يبارك بصحتكم
حنا العجينة نديروها طرية على ديالكم حتى تولي تصلق في اليدين و نديرو غير الفرينة برك
هههههه كل منطقة و كيفاش
بصح تسخف روعة
شكرا

 

[السلطانة]

السلام عليكم..
هااااا علبالي بيك حرررررررة يا ام ياسمين
يعطيك الصحةةة مطلوع بالطبع يشهييييييي..
تسلمي

اهلا اشواق
الله يبارك فيك حبيبتي
ان شاءالله الجميع يستفاد من الوصفة ويدعولي

 

[السلطانة]

ما شاء الله تبارك الله
الله يهديك سيدتي انا كي نشوف نجوع ههههههههههههه
خصوصا المطلوع الصباح و معاه مربى التمر
في المرة الجاية ما تخبرينيش رحمة على والديك ههههههههه راكي تقيسي في الوتر الحساس عندي و هو الأكل خخخخخخخخخخ
و نزيدك معلومة كليت المطلوع نتاع الجلفة و هو طيب مثل أهلنا في الجلفة ما شاء الله عليكم أختي
مشاهدة المرفق 73054​

ههههه ياخا ياخا
نبعث لخويا مطلوعة منخليهاش في قلبو
نعم هذه طريقة ناس الجلفة تعلمتها في دار شيخي الله يحفظهم ويحفظ ولاد نايل
لانو انا بنت الشرق طريقتي غير هيك
واصبحت محظوظة تعلمت من الجيهتين
شكرا لمرورك الطيب

 

[السلطانة]

يااما وياما هههه وقيل نقلبها حاتم عمور خيرلي
ممم بصحتك اختي والله مطلوع وعليه الكلام يالفحلة
بصحتكم​

الله يسلمك حبيبتي
ياو ابداي تتعلمي من درك
تتعلمي العجين على بكري تتهناي من حاجة ههه
نورتي الزينة

 

[السلطانة]

ماشاء الله مطلوع وعليه الكلام
و يعطيك الصحة على هذا الشرح

الله يبارك فيك عزيزتي
نورتي

 

[السلطانة]

ماشاااء الله
يعطيك الصحة هااايل
تحياتي لك

الله يبارك فيك ملوك نورتي غاليتي

 

[السلطانة]

السلام عليك
مدام زادو فالخبز غير تعلمو يا بنات متحشموناش ههه
يعطيك الصحة

ههه والله المعيشة غلات كون نرجعو زي تاع بكري وخلاه
الكسرة والمسمن نقتاصدو شوي هههه
نورتي امون

 

[السلطانة]

السلان عليكم حنونتي
يعطيك الصحة يا لفحلة
الله يبارك بصحتكم
حنا العجينة نديروها طرية على ديالكم حتى تولي تصلق في اليدين و نديرو غير الفرينة برك
هههههه كل منطقة و كيفاش
بصح تسخف روعة
شكرا

الله يسلمك اسوم
ايه متزيدوش الدقيق
وترخفوها بزاف
ومباعد توليو تحطو الفرينة وتقرصو
تتلم
كاش نهار صوريلنا كسرتكم
في دزاير كل ولاية عندها كسرتها ههه رانا شعب محظوظ تاع الصح
معندناش حاجة وحدة عندنا اطباق بزاف
شعب مكراش ههه
نورتي

 

[السلطانة]

هابنتي واين راكي الموضوع درتو عجالك هههه
@الصحافية الساخرة

 

[ضآحكة مستبشرة]

الله يسلمك اسوم
ايه متزيدوش الدقيق
وترخفوها بزاف
ومباعد توليو تحطو الفرينة وتقرصو
تتلم
كاش نهار صوريلنا كسرتكم
في دزاير كل ولاية عندها كسرتها ههه رانا شعب محظوظ تاع الصح
معندناش حاجة وحدة عندنا اطباق بزاف
شعب مكراش ههه
نورتي

هههههه خليني نتعلم نعجن و مبعد نوريلكم ماشي مشكل
نتوما متخدموهاش بزاف ههههه حنا تضربي سوايع معاها

 

[الصحافية الساخرة]

بارك الله فيك اختي العزيزة ^^ ما شاء الله عليك

و ربي يجازيك كي مزالكي تتفكري المطلوع اللي سقسيتك عليه خاطر أنا جامي كليت مطلوع عندنا وعجبني هههخخه على هذي سقسيتك انتي خاطر حابة نجرب حاجة تصلح و هذا يبان ما شاء الله .. إن شاء الله نجربوا و نردلك دوك حتى أنا وليت نركز على الطبخ نعدي بيه الوقت ههههخخه

و هذا @الامين محمد واش بيه جاي يضحك واقيلا وداخل وسط النساء وزاد طامع ياكل و ساخف ،، ها خلينا نتعلموا واش تاكل هذا. ، تاكل الصورة كما قلت لحلم كبير اختيتوا متعطيهش حتى شوي راه منظملكش مسابقة فالطبخ قالك حتى يتذوق هههخخخخخ
مرسي اختي بزااااف وراح نجربها باذن الله ( خاطر نحب المطلوع بزااااف و الحاجة اللي نحبها لازم نلقى وصفة مليحة ليها باش نخدمها ^^ ) و هاكي عاونتيني

تحية ليك الزينة

 

[الامين محمد]

بارك الله فيك اختي العزيزة ^^ ما شاء الله عليك

و ربي يجازيك كي مزالكي تتفكري المطلوع اللي سقسيتك عليه خاطر أنا جامي كليت مطلوع عندنا وعجبني هههخخه على هذي سقسيتك انتي خاطر حابة نجرب حاجة تصلح و هذا يبان ما شاء الله .. إن شاء الله نجربوا و نردلك دوك حتى أنا وليت نركز على الطبخ نعدي بيه الوقت ههههخخه

و هذا @الامين محمد واش بيه جاي يضحك واقيلا وداخل وسط النساء وزاد طامع ياكل و ساخف ،، ها خلينا نتعلموا واش تاكل هذا. ، تاكل الصورة كما قلت لحلم كبير اختيتوا متعطيهش حتى شوي راه منظملكش مسابقة فالطبخ قالك حتى يتذوق هههخخخخخ
مرسي اختي بزااااف وراح نجربها باذن الله ( خاطر نحب المطلوع بزااااف و الحاجة اللي نحبها لازم نلقى وصفة مليحة ليها باش نخدمها ^^ ) و هاكي عاونتيني

تحية ليك الزينة

ههههههههههههه يا المغيارة مني اختي ام ياسمين خلاص ضيفتني
و رسلت لي مطلوعة سخونة و قالت لي كل ما يجي في خاطرك حاجة
نطيبها لخويا ههههههههههههه و انت نهار نحكمك يا الكشرودة راني نلصق ليك العلق في شعرك هههههههههههه

 

[Hakan]

ياودي والله ق نايلية {سون بور سون} ههه سور عاودولك الوينداوز خاصة كي قلتي نربي الخميرة هههه
حنا الوالدة نحات الخميرة اللي كنا نربوها راهي طيب طوول بصح بنة المطلوع بالخميرة الطبيعية اللي تخليها تبات رووعة
ربي يهنيك مطلوع ولايتنا صورة طبق الاصل ​