حكاية كلها وسعدو

[قطر الندىdz]

السلام عليكم ورحمة الله وبركاته
حكاية اليوم تحكي على الانسان يعمل ويشقى ولكن واحد مايعبرو مثلا المرأة طيب وتحضر وتتحف لكن اسرتها عمرهم ميقلولها كثر خيرك ولا يمدحو طيبها بالعكس يشوفو غير الديفو يبقو يفكرها به سنين وسنين وكين غير تكور وتطي للعور كامل يشكروها ويمدحوفيها سنين وسنين علا هذيك خيرت العنوان كلها وسعدو معناها كلها وحظو في هذي الدنيا لزم كل واحد يصبر ويكمل طريقو مايسنى مدح حتى واحد
نرجعو للحكاية
زوج يحب زوجتو بزاف وش تقلو ينفذ ميخلي حتى حاجة في خطرها وهي عمرها مقاتلو صحة ولا بارك الله فيك او كلمة مليحة رغم هذا ميزعفش منها و عايش معاها على هذي الحالة
وحد النهار الزوجة راحت للعرس وهي قعدة في السطح (لعراس كانو زمان يديروهم في السطح) تشوف وحد الطير يحوم فوقها الله الله بسط جناحو عجبها وبقات غير تشوف فيه
كي رجعت لدار قالت لزوجها كون تشوف وش شفت قالها خير ان شاء الله قاتلو وحد الطير ابيض بسط جناحو الله الله ويحوم عليا قالها عجبك قاتلو ايه قالها هذا الطير هو انا كنت نحوم عليك قاتلو صار انت علا بيها كان جناحو معوج شوية
لازم دير فيه ديفو هههههههه
كلها وسعدو
ان شاء الله تكون عجبتكم الحكاية
قطر الندى dz
4algeria.com

​

 

[دعاء الجنات]

هاذي الزوجة ماهي إلا نكارة خير ونكارة عشرة ويجي نهار وتطيح في الحفرة..
وهذا الصنف لي قال عليه الرسول صلى الله عليه وسلم "يكفرن العشير" ولي هوما حطبة النار
ربي يعافينا ونعوذ بالله أن نكون منهم

شكرا لك اختي على القصة​