بَسْبوسَة~خفيفة~لذيذة~بالفرينة والسميد ^^

[ضيوف وسـنغادر]

السلام عليكم ورحمة الله تعالى وبركاته



اخوتي اخواتي ان شاء الله تكونوا بخير
أحضرت اليوم معي بسبوسة جربتها
ان شاء الله تجربوها وتنال اعجابكم مثلما نآلت اعجآبي ^^
نبدأ على بركة الله
المقآدير:
-7بيضات
-كاس سكر
-كاس حليب
-كاس زيت
-3خميرة كيميائية
-فآني
-كيلة فرينة مع كيلتين سميد
طريقة التحضير:
نفصل البياض عن الصفار

نخلط الصفآر ثم نضيف السكر+فآني

ثم الزيت والحليب تدريجيا

بعد ذلك نغربل الفرينة والسميد ونضيف لهما الخميرة الكيميائية

ونضيفهم تدريجيا على الخليط ونتركه يتجآنس
في جهة أخرى نطلع بياض البيض فوق حمام مآئي مع شوية ملح ونتركه

بعد تجانس الخليط السابق نضيفولو كاوكاو محمص ومرحي

ثم نضيفولو تديرجيا بياض البيض ونخلطو بهدوء من فوق لتحت حتى يتجانس كل شيء مع بعض

نحطوه في المول

ثم الى الفرن ^^
في جهة أخرى نديرو الشاربات كاس سكر مع كاسين ماء

بعد النضج نسقيوها بالشاربآت

وانتهينآ شهية طيبة ^^

دمتم في أمان الله^^

​

 

[قطر الندىdz]

الله يبارك
فكرتيني في رمضان خاصتا مع كاس لتاي يم يم :kiss: يعطيك الصحة

 

[zohor kfz]

ya3tiki assa7a ... nsayéha wallahi ghir chahitini fiha hhhh

 

[cosette]

علابالك يا سلومتي بلي متحشميش
متقوليش حتى مورسو صغير نمده لزهرة راها تحبها ~T_T~ خليتيني نبكي
هههههههه
يعطيك الصحة جات تهبل وتشهي مممم
شآأآااآآطـ رَة
╰_╯ههههههه

 

[ضآحكة مستبشرة]

السلام عليكم
اهلا بالفحلة اهلا مشاء الله عليك اختي
يعطيك الصحة تبان تشهي نحبها يمممممي
بصحتك

 

[ريحـان]

السلام عليكم

يعطيك الصحه هايلة
ماشاء الله و الخطوات
واضحة و ساهلة ماهلة
ااهههه قوليلي داروها يديك ههه

 

[سكون الفجر]

ما شاء الله لا قوة الا بالله، شكل رائع ما شاء الله
تسلم ايديكِ على الطريقة
بصحتكم غاليتي ​

 

[السلطانة]

خفيف ظريف تسلم يديك اختي

 

[زهور الأمل]

نقطة ضعفى السبوسة
هايلة يعطيك الصحة