مشاركة في مسابقة أفضل عادات الزواج في ولايتي ولاية قالمة

الحالة
مغلق ولا يسمح بالمزيد من الردود.

السلطانة

:: المديرة التنفيذية ::
طاقم الإدارة
إنضم
19 سبتمبر 2009
المشاركات
47,312
النقاط
821
محل الإقامة
الشرق-الوسط
الجنس
أنثى
السلام عليكم ورحمة الله وبركاته

أردت المشاركة في المسابقة
أعرفكم على عادات الزواج في
ولاية قالمة


نهار الشوفة:
بعد مايتفاهم الاهل بين بعضهم بالهاتف ويسقسوا مليح على عائلة العريس وهوما بدورهم يسقسو عليهم مليح
يجي نهار الشوفة لي يجي فيه عادة اب العريس والعريس واخوته او رجال كبار فقط من العايلة مثلا خال او عم
والنساء الوالدة والاخت والعمة والخالة يعني ميكونش عدد كبير غير شوي
يجيبو طارط والخاتم وكاين لي يحبو يجيبو بوكي نوار وكورباي لعروسة كل واحد ومقدورو


قلبت مواضيعي القديمة لقيتلكم بعض الصور كنت حطيتها في اللمة ههه باسمي لقديم

1519742963202.png

يدخلو اهل العريس نمرحبو بيهم اهلا وسهلا يقعدو
الرجال في الصالون والنساء في صالون
نحطولهم حليب وقهوة وقاطو
انا هاذا واش حطيت
1519743085938.png


بعدما شربو القهوة وكلاو القاطو حطينالهم ديسار وعصير كاين لي يدير تحليات ومكسرات وتاي
مباعد تدخل لالة لعروسة هعهعهع تبا تفكرت كي كنت لاعبتها حشمانة منهم
تسلم عليهم وتقعد يصورو شوي
مباعد يدخل لعريس يصور ويقص لاطارت ويلبسلها الخاتم
يكونو الرجال تفاهمو مع بعض
ويحكيو على الشرط والامور هاذيك المهم تفض يروحو يروحو


نهار الفاتحة :
يقراو الفاتحة في الجامع او في الدار كل واحد واش يحب
المهم الفاتحة نعرضو فيها الرجال بزاف لأنو نعتبروه هي الاساس


امام ومعاه رجال من لافامي وخاصة الكبار يحضرو ويشهدوا على الشرط والمفاهمة
النسا تاني يعرضو حوالي 20 مع عائلة العريس 10 او 15 مرا


انا مهري كان :9 ملايين+براسلي ذهب +خاتم الشوفة +خاتم العقد+شاة لحلال

المهم يجيو يصونيو طيطيططي

يجيبو حوايج الفاتحة لبسة وكوسميتيك وطارط وفخض لحم مزين بالخضرا والديسار
يزغرتو يدخلو النساء للصالون يلقاو سني واجد عليه القاطو :


ضروري البقلاوة والمقروط ومعاه انواع اخرى من الحلويات
يشربو قهوة وحليب وياكلو مالذ وطاب
يحطلوهم الرفيس لي هو ضروري في الفاتحة ويكون مزين بحلوى الدراجي :love::love:

يتقدم مع اللبن
1519743861497.png


مباعد تدخل لعروس في ابهى حلتها
كل وحدة واش تلبس غوب ولاقفطان ووو


1519744102546.png

المهم في عادات القوالمة يديرو ديدجي
انا مدرتش الغنا

دخل العريس قصينا لاطارت صورنا وراحو روحو لانهم بعاد باه يوصلو بكري

1519744178142.png

1519744225377.png

انا فاتحتي كانت مع العقد في نفس الوقت
بحكم انو العريس بعيد جبنا نوتار عقدلنا في الدار في نفس اليوم وانتهي

ومن عادات سكان ولاية قالمة العقد يعملوه في البلدية ويجيبو العروس
ويديوها تتغدا هي واهلها

والفاتحة يكبروها تاني انا عدلت حسب واش يوالمني ويوالم ظروف راجلي واهلو

نهار الفراش:


تعدل لعروسة فراشها في دارهم وتزينو ويجيو يصونيو طيطيطيط باه يديوه
ويديرو كورتاج فيه الزهو
من عادات القوالمة انهم يكريو فرقة تاع عساوة
يطبلو على الدف يخرجو بيهم الفراش
والرجال لي يجيو ياكلو القاطو ويشربو قازوز
1519744530858.png
هاو فراشي هعهعهع
1519744441633.png

777777777.gif

1519744657848.png


العرس:

:cry::cry::cry::cry::cry: يالميمة بقي بنتك بالسلامة

جا نهار العرس من عادات القوالمة العريس يدخل يخرج لعروس من دارهم بالعيساوة انا تاني هادي نحيتها هعهعهع
شفتها معندها حتى فايدة
جاو اهل لعريس للاصال دخلو النسا مع النسا والرجال مع الرجال
يشربو القهوة وياكلو القاطو
ويشطحو ويزهاو


هاذو بعض من الصور تاع امورات القاطو تاع عرسي
SAM_8633.gifSAM_8634.gif

SAM_8640.gifSAM_8632.gifSAM_8637.gif


يتبع...................

 

السلطانة

:: المديرة التنفيذية ::
طاقم الإدارة
إنضم
19 سبتمبر 2009
المشاركات
47,312
النقاط
821
محل الإقامة
الشرق-الوسط
الجنس
أنثى
المهم تتصدر لعروسة :

العروسة القالمية تتصدر بالقندورة تاع الفتلة
ويحطولها فوال على وجها باه ميبان والو يقولك العادة تقول هك
حتان تحني باه ينحيوهولها
يجيو اهل العريس يحنولها
ويرفعولها لوفوال من وجها
يشطحو شوي
ومباعد تكمل تتصدر في اللبسة لي خيطتها كل وحدة واش تحب


في هذه الاثناء العريس والرجال راهم يقصرو ويحكيو وزاهيين مع بعض

عادة القوالمة يطيبو شربة فريك باللحم وسلاطة متنوعة ودوزيام بلا مرقة حلوة وكفتة او دجاج او شخشوخة الظفر او تريدة او رولي كل واحد ومقدورو

وديسار

هاذي الصينية لي جابولي تعشيت فيها ههه

المهم وصلنا SAM_8779.gifSAM_8635.gifSAM_8636.gifSAM_8646.gifSAM_8650.gif

هاذي شاة لحلال هههه كي كانت معلقة SAM_8651.gif



المهم يتعشاو ويسهرو شويا

ان شاءالله يعجبكم الموضوع البسيط لعقوبة لجميع اللماويين واللماويات

سبق لي وحطيت العرس القالمي بالتفصيل في مجلة سابقة في اللمة كانت مرفوعة في واجهة المنتدى

تقبلوا تحياتي
 

طيب الكلام

:: عضو مُتميز ::
إنضم
6 أكتوبر 2017
المشاركات
929
النقاط
551
محل الإقامة
الارض
الجنس
أنثى
السلام عليكم و رحمة الله و بركاته
تقريبا نفس العادات عندنا حتى من ناحية الاطباق و الحلويات .
ماشاء الله موضوع في القمة اختي . ربي يهنيك ان شاء الله و العاقبة لي مازالو
سخفني الرفيس باللبن نموت عليه :love: . كلشي جاك روعة . يعطيكم الصحة
بارك الله فيك اختي
 

secret de coeur

:: عضو متألق ::
إنضم
19 ماي 2011
المشاركات
4,702
النقاط
851
محل الإقامة
Incheon.SK
الجنس
أنثى
شوشو اني حضرت عرسك من جديد
كي شغل بصح :love::love:
عجبني بزاف مانحبش تكاليف و التكلف والتبدع
عرسك هايل ماشاء الله
عقبال ماتفرحي بنورسين
 

ليليا مرام

:: مشرفة ::
منتدى فرغ واش فى قلبك
مجتمع اللمة العام
طاقم المشرفات
إنضم
16 جوان 2009
المشاركات
9,066
النقاط
2,151
محل الإقامة
اللمة
الجنس
أنثى
السلام عليكم
رائع رائع كنت هايلة ولو ما بنتيش راك درت كل شي قيس ما يساعد راجلك واهلو يعطيك الصحة ودرت جهاز ماشاء الله وما بالغتيش وكل شي درتيه بالطبع ربي يهنيك وعادتكم هايلة اول مرة نسمع بيها
يعطيك الصحة وربي يهنيك يا رب العاقبة لما تزوجي نينا بنتك
مشكورة
 

جميلة أنا

:: عضو مُشارك ::
إنضم
1 جانفي 2018
المشاركات
441
النقاط
41
محل الإقامة
باتنة
الجنس
أنثى
بوركتي على العرس نقصد على حضورنا لعرسك ههههه
الله يبارك منين كانوا ناس قالمة ناس طبع و شأن
 

*amani*

:: مشرفة ::
منتدى الصور والكاريكاتير
طاقم المشرفات
إنضم
25 أفريل 2016
المشاركات
3,395
النقاط
1,876
العمر
20
محل الإقامة
جيجل
الجنس
أنثى
السلام عليكم
ماشاء الله .باين فيه كان عرس راقي يبارك الله ..كلشي زين وباهي
شكراا على الموضوع المميز
 

omarwa

:: عضو مُتميز ::
إنضم
21 ماي 2011
المشاركات
1,359
النقاط
71
محل الإقامة
الشارقة الامارات
الجنس
أنثى
يبان جاز هايل العرس مكاش كيما البساطة عداتكم هايلين يعطيك الصحةً شوشيتا
 
الحالة
مغلق ولا يسمح بالمزيد من الردود.
Top