اخباركم? احوالكم ?شلونكم فينكم ? ?

أبو عاتكة

فُـ,ـريڊ أبـٌـٌٌـٌٌٌـٌٌـٌوُفُـ,ـيصُـ,ـلُـِـِِـِِِـِِـِـ
طاقم الإدارة
إنضم
1 أوت 2008
المشاركات
8,542
الحلول
4
نقاط التفاعل
13,916
النقاط
2,156
الجنس
ذكر
مس الخير عليكم ناس اللمة الزينين ربي يتقبل صيامكم وصحا فطوركم?

بما أنو منتدانا اللمة العزيز عريق وقديم في المهنة راه الله يبارك عندو ماعاش وشاف سنوات عدة⏳
الله يبارك عدى على مراحل كثيرة كيما نقولو الشيب اللي راه بيان في الشعار اكبر دليل?

4algeria-logo-w.png


وانا نتصفح في المنتدى خطر على خاطري خطرة ?⚡

ومن عادتي لما منلقاش الكثير من الجديد في المنتدى ويعم السكون المكان نروح نغطس في اعماق بحار اللمة ?و نبقى نقلب في الصفحات القديمة ونقرا التوب نتاع الجديد في تلك الايام ونشوف تفاعل شعبنا الغالي حينها?

الخطرة اللي قلتلكم خطرت على خاطري⚡? هي يعني عشرات السنين من بداية اللمة و هي أخبار الزواج (سوجي مليح آه?) ابقاو عاقلين نكمل الحكاية...
لحد الان اللي سمعنا بيه سمعنا وفرحنالو وادعينالو وحتى حسدنالو? واللي مسمعناش? كان هنا وراح بن علي?... هرب ?...واللي مصدقت المفاجئة? هزت الميكرو ورماتو من البالكون ?لا لمة لا جد مواليكم✂?
?


ومن ديك اللحظة كاين من الاعضاء اللي يدندن ويقول عاللمة مازالني على ديداني مازال ? ومازالو يتنفس في اللمة ...وكاين اللي راني خليتهالك امانة تهللى فيها متغبنهاش ?.....رانا متهليني ربي يقدرنا.

خطبوا وتزوجوا وعرسوا ومعرضوشي وبناو ديار وعايلة وجابو لماميم ولملومات صغار? [ تصغير كلمة لماوي? ] بالبراكة عليهم واللي مازال ينتظر ربي يفرج ويرزقوا الصبر الجميل?
وكاين اللي كبرولو الاطفال وكاين اللي هو أصلا كبر كان غلام عمرو 13 سنة صدعنا وصدعتنا? بمواضيع ..احسب من 1 الى 10وارمي صاحبك من الطيارة✈،..تيري عليه بكلاش،...ارميه في المحيط ،...اجبديها من شعرها ? ..... مكانش غير الرعب والعنف والتعذيب بين الاصحاب.


وساعات كان يعيش شخصية البطل ڨلادياتور:
دزو معاهم مانيش خايف منكم يالادارة الحقارة...الا بغيتوا تحظروني..
...يا المشرف ارواح تخرج برة وتشوف? ...


والان كبر وركب عقل? ومازال حب اللمة ساكن في قلبو واصبح رجل مهم ?في عمرو سبعثمانوستين سنة واكثر يكتب ويقول اللهم ارزقنا الزوجة الصالحة ?
مانيش عارف راه يمعني داخل اللمة ولا خارج الحدود الان خايفينك تزوج من اللمة ينقصو زوج من اعضاءها? 1+1=-2


بن عميييي عشرات السنين ماكل شارب راقد في اللمة الدب القطبي حاسدك عالمعيشة وحابنا نزيدو نزوجوك ..

الجماعة اللي راهي تطل على المنتدى :unsure:هاي فيكم تقطعت اخباركم تزوجتوا وكليتو ڨاطوكم وحدكم? وارزقكم ربي بالاطفال وحرمتونا شوفتهم? وفرج عليكم واحنا كنا من القلب ندعولكم? . هاذي هي الدنيا من بكري.

المفيد والحاصول✋
الجماعة اللي راهي حاضرة وتعيش في مستنقعات وادغال اللمة تزوجتو ولا مزالكم في الغبينة ولا كاشما راه باين في المستقبل يا العوينة ومخبي علينا الله يعطيكم الروينة واش راكم قاعدين تستناو فينا انا ومحمد الأمينا ؟؟؟


اهداء الى كل من توشينالو الوتر الحساس?
والله راني حاب نشوف تصاور كتاكيتكم بشرط يكونو موش شبهكم?
اللي معجبوش السوجي نتاعي فهذا دليل انو رمضان مغلبوش واصل ايمانك قوي?

اللي عجبوا موضوعي معناها قريب يستدعيك ماجر لماتش غامبيا
uuid_6w9lenap2haqufnz7ptcr3x2t.png
فكن على استعداد سنذهب معا?
 
آخر تعديل:
السلام عليكم
عندنا بزاف ماشفناش مواضيع في واش راك تهدر
خاصة مواضيع كيما هكا ههههه، يعجبني هاد النوع من المواضيع هههه ويضحكني وينحي لغبينة المذكورة في الموضوع هههه
عجبتني سورتو جابو لماليم ولملومات هههههه وشرط مايكونش شبهكم :LOL:
وعجبني الشعر في الأخير هههه ورانا مازلنا في الغبينة للأسف ننتقل بين أشجار اللمة ونقفز هنا وهناك ونقطف المواضيع بصح علكيف
خير من لملوم يكسرلك راسك بالبكاء ولا اب لملوم يغلبو رمضان ويرجع هبالو فيك هههه رانا هكا ملاح ونعيشو بسعادة داخل اللمة
والصراحة اللماليم واللملومات لي شفتهم حتى لدرك يهبلو ماشاء الله والله عسل وأجمل من الكتاكيت
منهم بنت الاخ الامين وبنت الاخت ام ياسمين وابن السيدة ميلينا ماشاء الله عليهم ربي يحفظهم من العين
اما لي تزوج وهرب وماخلاناش نشوفو اللماليم تاعو نقولولو استنى برك نجيبو حنا تاني لماليم وماتشوفهمش :cautious:
نمشيو بقاعدة لي ينعتلي ولدو نعتلو ولي ما ينعتش ما نعتلوش :-p وهادي هي اللمة شهدت زواج ناس ونجاح ناس
كانت ولا تزال بيت كبير يجمع العديد من الإخوة والاخوات ربي يدومها ان شاء الله
والاهم من كل هذا أنو يكونو بخير وبصحة وعافية وتكون أحلامهم وأهدافهم تحققت فهذا هو الاهم عندنا
شكرا سيدي الكريم على هذا الموضوع الجميل
تحياتي
 
السلام عليكم ورحمة الله وبركاته
?????????
اتمنى انهم بالف بخير وربي يحفظهم وين ماكانو، تعودت على خروج الاشخاص من حياتي لدا عادي
ربي يحفظك على الموضوع المميز
لم اجد ما ارد به، لاني كنت سافل نفس الشيء حين كنت مخطوبة ???
الزواج خارج قاموس حاليا واللي فيه خير يجيبو ربي
شوي ان شاء الله ونعرفكم بعيوني ابناء اختي
ارجو تقبل مروري
تحياتي احترامي وتقديري
في امان الله وحفظه
 
هههههه و الله صافي بليزير ترجع بعد غياب تلقى موضوع كيما هاك هههه
تفكرت وحد الجماعة سبيسيفيك راحو و كلاو القاطو و دارو لعراس و معرضوشي كيما قال عثمان عريوات خخخ
و لي خربتلي فالوتر تاع كانو يديرو اكتب من واحد لعشرة و تيري على صاحبك ههههه لاه تكلاشي هاك زعما شهر الرحمة ها ستر ما ستر الله هههه
و الله يا اللمة هاذي كي الخيمة لعزيزة وين تروح و الله قتولي ليها يا لوكان بتخمامك برك
ربي يحفضك صحيت

 
المفيد والحاصول✋
الجماعة اللي راهي حاضرة وتعيش في مستنقعات وادغال اللمة تزوجتو ولا مزالكم في الغبينة ولا كاشما راه باين في المستقبل يا العوينة ومخبي علينا الله يعطيكم الروينة واش راكم قاعدين تستناو فينا انا ومحمد الأمينا ؟؟؟


قالك شمر واخدم على روحك
رانا نقارعو كيما يقولو ناس الغرب​
 
السلام عليكم ورحمة الله وبركاته
اييييه هادي شحال مشفناش موضوع شباب كيما هكا فطريقة الطرح بارك الله فيك
أنا دخلت للمة ف 2011 وقت كان عمري 14 سنة هههه كي نتفكر كيفاش كنت نحير بيسك مرات نروح نطل على مواضيعي كيفاش كانت نكتب الضحكة فخمس سطور ونقوللكم سلسبيلتكم المشاكسة نشفى كنت نضحك فنفس الوقت نكتب الهاء حتى نخلص ضحكتي:LOL:
وكيفاش كنت نتخيلكممم ونتخيل روحي أميرة اللمة مكانش الي كيغي ونتوم العجايز الشايبين النايبين:sleep::ROFLMAO:


بصح كاين امور تاني يعجبوني فروحي كي نشوفهم وتفكيري كيفاش كان لباس عليه انا ونحير فهديك الكتكوتة عبير كيفاش كانت احمم:giggle:

ونشفى فالباك يا التبهدييييييل وش كتبتلك فمنتدى الاستفسارات والشكاويي رغم اني كنت كبيرة بصح كنت فاهمة امور بالغالط كي نتفكر نقول ههههه وشبيا فأنا أعتذر منك من هنا

وكاين صح الي كبرو هنا وسمعنا بيهم تزوجو وراحو .. روحو معليش جيبو نشوغو وليداتكم برك والله ياسيدي هههه ابنة ام ياسمين نشوف غير فيدها ورجلها نولي رايحة نهبل فبلاصتي ومرات نشوف غير حوايجها يجيبي تشوفي وجها شوي بن عمييي
شفت غير ابنة الامين محمد ما شاء كتكوووتة حلوة واموووووورة تهبل تقول ناكلهااا همييييي هههههه


وماعلينا غير نقولو لا زلنا نصارع في ادغال اللمة هههه و يبقى نهار المرأة تتزوج وتولي عندها مسؤوليات وزوج غيور فأكيد بنسبة كبيرة تبتعد عن هذا الصرح الجميل
ونقولو للمتزوجين الي راهم هنا من هذا المنبر عسو اطفالكم و بلاكو منهم و سلمووووولي عليهم متنساوش
وبارك الله فيك موضوع قيم بزاف ^^

وبش نزبد نربح من ردي ادعولي ربي ينجحني يا رب فدراستي
 
ويكون في علمك خويا قريبا نزوج لماوي وبعدها ينقصوا 2 في الساحة ومنعرضكش والعرس يكون في قصر اللماوي الراقي ههههه
 
و الله صدقني يا فريد بعد قرن من الغياب دخلت نضرب طلة على الزهر.. لقيت إسمك دخلت ديراكت
قريت شوية قلت راني غالط في الإسم، قلت sure الغيبة خلخلتلي مخي، و زيد الكبر تلفلي الذاكرة
قلت فريد مستحيل يكتب بالعامية و كان كتب بيها ما يحكيش بالطريقة هاذي ( ايه ولفتنا غير بزبيط الوجه و فهمها كيما حبيت هه )
و مبعد كي لحقت للجزء تاع الحساب من 1 لـ 10 قلت اواه واقيلا هو.. آيا دخلت لصفحتك الشخصية و درت بحث على المواضيع و رحت للصفحة الأخيرة ( رقم 25 ) و تأكدت بلي صح أنت أيا رجعت نعلق..

- بخصوص الموضوع كل لي نقدر نقولو : " خاطيني البوليتيك و الأمورات " ههه


 
السلام عليكم
ههههه والله ضحكتني ياعمي فريد هههه
شفت كاين بزاف لي تزوجو ومامبا ماعرضوناش ولا قالونا رانا تزوجنا
هربو ديركت بدون رجعة يكونو خافو نعاينوهم
مع انو حنا عينا تسيل بالقطرة وزيد فالصيف ماجيش كل يوم هههه
صح الواحد كي يشوف روحو كيفاه كان صغير هههه الضحك يجيه هههه
الواحد عاد يكون متسرع بزاف ومايستوعبش واش راهو يهدر حتى يكبر ويفهم الحالة كيفاه هههه
والله صح رانا ساكنين باطل فاللمة ني كراء ني تخلاص الماء والكهرباء هههه
حتى في دارنا ماشي انا لي نخلص هاهاهاهاه
كي تولي المسؤولية طايحة على راسي هناك نولي نخلص هنا فاللمة وفالدار هههه
على كل حال كاين لي مانساوناش كي تزوجو وزادو عندم الأطفال ربي يحفظهولهم
ومثال على ذلك الأخت @أم ياسمينdz
هذي هي الدنيا نهار هنا ونهار هنا المهم هنا يموت قاسي ههههه

 
السلام عليكم و رحمة الله
هههه و الله ضحكتني ، مالغري موضوعك قاسني و فكرني بصوالح و ناس راحو ما رجعوش ، لكن اسلوبك جميل ،راك خليتنا نفكرو بايجابية و تع عد لعشرة قتلني و الله ههه
مم ما كاش لي بقا صغير لي كان فالسيام راه فالجامعة و لي كان فالجامعة راه خدام و بولادو ، على كل مبروك عليهم و ربي يهنيهم

مم ماذابينا الناس لي راحت تعاود ترجع ، و مش شرط نتلاقاو كامل في مرة ، المهم انو ندخلو و لو مرة في الشهر نتطمنو على بعضانا ، كنا عائلة تناقشنا تدابزنا تصالحنا و لعبنا فاني
ان شاء الله يكون الجميع بخير
و صح عيدك
م​
 
السلام عليكم و رحمة الله تعالى و بركاته
مواضيعك تنحي الغمة خويا @فريد أبوفيصل هههه
لي عحبتني انك ربطت ماضي اللمة بحاضرها
كاين امرين من لي ذكرتهم تحقو عندي
دخلت اللمة و بيقت فيها مدة و رحت و رجعت و رحت و رجعت شحال من مرة لكن الان رجعت متزوج و عندي الكتكوته رنيم لي راك تشوف فيها في صورتي الشخصية ههه و زيد كي رجعت لقيت ثان الناس متزوجه و بولادها الله يبارك ربي يحفظهم و يصون ان شاء الله
الأمر الثاني هو 1+1=-2 هههه صرا عندي ثاني لكن مش انا بالضبط بل هو اخي كان لماوي و تعرف على و وحدة لماوية و الحمد الله نقصو زوج منا ??? و راهم بولادهم ثاني الله يطيب بيناتهم.
و درك بديت نخمم نخلي بنتي تورث الحساب التاعي هنا ?? باه تتربي لماوية ان شاء الله
لي نقولها المتزوحين الله يهنيكم في حياتكم..و لي تزوجو منا نقوللهم اللمة راها تسال فيكم ?? ما تنساوش خيرها..
في الاخير ربي يحفظكم و شكرا الأخ فريد على الفسحه
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top