أصحاب الباك والخلطة السحرية للنجاح

[Skor m@k]

ههههه هيه مازلت في عوايدي
نحب نعبر ديجا اختصرت في الرد هادا
انا المشكل عام البيام مرضت ماكانوش حاطيني ندي هههه
والباك مرضت ماكانوش حاطيني نديه تاني هههه
والتخرج وفي الشك خاطر العام لي فات وليت خيال من التعب تاع التخرج
بصح الحمد لله الذكريات الجميلة حنا لي نصنعوهم
انا فيا طبيعة ورا ماتعدي عليا أي حاجة ماش مليحة
كي نعاود نسترجعها نعاودها بشكل فكاهي نشبع ضحك
لدرجة تولي الذكرى هاديك لي ماش مليحة في نظري مليحة
اما البكالوريا رغم الظروف لكن تبقى بنتها وحدها كيما قلت
شكرا خويا مالك بارك الله فيك
​

هههههههه انت واقيل راموس فالنسخة الدراسية هههههه
فالأخير لي تفرحيهم هههههههههههههههههه
ايه الحمد لله كي بعد الألم يولي فرحة
هذاك هو الصح
وفيك بركة ختي​

 

[{مُدَلَّلَتُهُ}]

السلام عليكم

يا حسراه مالك خويا فكرتني باليامات .. انا النهار لول تع الباك داني بابا شبعت بكا في الطريق خخخ ومبعد تشردت وليت نروح وحدي و نجي وحدي
اما في العام وليت كيما المتحولون نرقد على ال12 و نوض على 5 نحفظ '"راسي كسكاس نحفظ من ننسا من"
و شا صرا فيا و يا حسراه "ضوك نجيب المشوارة و نبدا نبكي " و نهار ربحت وبكيت ما عجبنيش المعدل ههههههه كي نتفكر نشبع ضحك على روحي .. هاكاك و هاذاك العام ما يتنساش ♥ هايل بكل التفاصيل

ربي يوفق جماعة الباك و يفرحهم خاطر صح فرحة الباك ماكانش كيفها​

 

[لؤلؤة قسنطينة]

السلام عليكم

يا حسراه مالك خويا فكرتني باليامات .. انا النهار لول تع الباك داني بابا شبعت بكا في الطريق خخخ ومبعد تشردت وليت نروح وحدي و نجي وحدي
اما في العام وليت كيما المتحولون نرقد على ال12 و نوض على 5 نحفظ '"راسي كسكاس نحفظ من ننسا من"
و شا صرا فيا و يا حسراه "ضوك نجيب المشوارة و نبدا نبكي " و نهار ربحت وبكيت ما عجبنيش المعدل ههههههه كي نتفكر نشبع ضحك على روحي .. هاكاك و هاذاك العام ما يتنساش ♥ هايل بكل التفاصيل

ربي يوفق جماعة الباك و يفرحهم خاطر صح فرحة الباك ماكانش كيفها​

ههههه قتلتيني ضحك هدهودة
عجبتني تاع راسي كسكاس كي ماولاش راسنا طاجين رانا ملاح هههه
ونتي كي حالتي انا كنت نرفد 12 ونوض على 3 وليت زومبي اليامات هادوك هههه
بصح حلاوتهم وحدهم
ومرحبا بعودة القمر ^^​

 

[أشــواق 19]

السلام عليكم رحمةالله
مرحبا بيك مجددا خويا مالك
ههههه ضحكتني والله.. اوه يمات لباك جامي يتنساو مام وتكون هاردها مي تشعر بسعادة فيهم ههههههه
انا نتفكر صديقاتي يجو صباح كل وحدة من جيهة ويتلاقو عندي زعما انا المركز خخخخ زعيمة العصابة ??? حتا هما يروحو يشرولي هذا جي وهذي شوكولا معرف حبا فيني ولا يحوسو على دعاوي لخيرر هههههههه
اي في دار خلي برك تولي تحس روحك حاجة سبيسيال هههههه متنوضيش.. ارقدي..ريحي.. متغسليش لماعن ??? متسيقيش ههه هذووو نبع الحنان تقولهم في لباك برك يعني يتقالو مرة في العمر ههههه
ايي ونتفكر نهار الاجتماعيات خخخ نضت 4 نريفيزي ايا لقيت روحي ناسية كلش وبديت نتقلق ونبكي وبابا يقولي وشبيك زعما نسيتي كلش كلش؟؟وانا نقولوووو والله ماني متفكرة شي قالي وكتاه استقلت دزاير؟قتلو معررررف هههههههههههه
مي كي دخلت لكلاسة نزل لوحي وتفكرت كلش ????
ونهار مخرجت رزيلتا لغاشي متحير وناس خالعة
بثينة ختي جاية توال pc وتستنا وقلبها حابس تقول هيا لي عقبت هههه
وانا ولا علبالي نضت صباح وجدت روحي وخرجت ندووور ههههه تلفون هاه ويصوني وانا والله ماسامعة بيهم هههه حتان بديت نسمع في زغاريت ولحالة وباه فطنت بلي راني من جماعة لباك ايا هداني ربي وريبنديت علي الوالد????? حسيت صححح بلفررررررحة تاعوووو قالي وينك قتلو يا بابا راني هاملة هاه فيها خير ولا والوو خخ قالي ايه ومبروك عليك وفرحتينا وووو هههههه
ايا وليت دخلت لداررر نلقا بثينة زغاريت ولفرحة يعني والله فرحت كثرمني هههههههه صرا تبادل في شعور تبالي ?????
ويحصرااه على ليمات زينة دكا كبرنا وبقاو غير لي سفونير .?​

 

[Princesse Diyor]

السلام عليكم
انا تاني جازو عليا هاد العفايس الايامات اللي فاتو
و كيما قلت صح تولي تحب اي حاجة حتى لو كانت تافهة المهم خير من الكراس
و الامهات تاني كاامل كيف كيف
تشوفني نحفظ تجيبلي هاداك العسل معمر بالمكسرات تقولي كولي باش تحفظي مليح
و الجي و الياوورت و الحليب و اي حاجة فيها الفايدة
و تزيد قبل متخرج تدعي هادوك الدعوات الملاح و تقولك ربي معااك و تروح
والله انا من هاد العفسات يزيد عليا الضغط
مي كي نتفكرها حتى و لوكان كنت كارهة من لقرايا نوض نقرا و نزيد على جالها
و الميناج تاني ممنوع معندك مدخلك في التسيااق غيير روحي تقرااي برك
اما ايامات الباك هاديك وحدها
لازم الكالم في الدار
اسكتوا متهدروش تقلقوها اسكتوا تشوشوا عليها
ممنوع الضحك ممنوع الكلام بصوت عالي و ممنوع منعا باتا تدخلوا عليها للشومبرا و تهدروا معاها
باش متفقدش تركيزها اكم علابالكم هههه
و قبل ما نخرج الصباح دعوات و سكر و شيكولا كيما قلت + الما زمزم اللي جاباتو جداتي من العمرة العام اللي فات كانت مخبياتوا لمثل هدا اليوم خخخخخخ
و تزيد هي اللي تغلق من وراياالباب
و هي اللي تفتحوا كي نجي
و الغدا منحكيلكمش غير المخير
الشاورما و السكالوب و الحطة
كل يوم حتى كملنا و تهنينا
ومن اليوم الاول عدنا للميناج و الطياب و التسياق و راح نرجع ناكل اللوبيا و العدس
و العود احمد هههه
المهم ربي ينجحنااا
و يحفظ لميمة ياا رب
سلام​

 

[لآ شَيْـئَ مُهـمْ]

السلام عليكم

هههههههههههه و الله ضحكتني ، سورتو تع السكر كنت حاسبة غي انا لي مدوهالي
ممم في عامي تع الباك نتفكر جارنا جا مالعمرة، نتفكر كنا بزاف رح نفوتو مالجيران ، ولا يدعيلينا صباح ربي و مدلنا ماء زمزم شربنا ، هذاك النهار ما ننساهش
مالغري دار معانا جاست ما ننساهش بصح ستريسانا معاه لاايراديا ، لانو كثرنا مالنصائح حتى نخلعنا
همممم الباك كان تجربة قاسحة شوية ، مالغري جبتو بصح رهبتو مازالت فينا و ربي يوفق كل واحد معانا يفوت الباك هاذ العام​

 

[faith8]

ايييه اليامات خخخخخخخ والله قتلتني بالضحك اضحك الله سنك
انا يامات الباك المأكولات الشهية كامل حضرو والفواكه ما نحكيش عرام ههههه لوكان اوموان استبنيتهم كنت بالخلعة يا ربي ندوق
وليت دوكا كي نولي ناكلهم قلبي يخبط كردة فعل نتفكر هادوك اليامات ههههههه
وعندك تاني قرعة ماء زمزم باردة وحلوة الحلقوم والتمر هادو اللي ماما تسيف عليا نديهم معايا كل امتحان مش غير الباك
ربي يحفظ الوالدين ويقدرنا نردولهم ولو قطرة من خيرهم واحسانهم
موضوع مميز بارك الله فيك على الذكرى الجميلة والتجربة الممتعة
تحياتي

 

[ناصر dz]

الله يوفق طلبة الباك

 

[hassn]

ربي ينجحكم