مراهقة?

[Nesserinenono]

السلام عليكم اخواني و اخواتي انشاءالله تكونو ملاح و بخير سمحولي راني هبلتكم بمواضيعي لكن للاسف معنديش لمن نحكي معندي صحبة معندي اخت عندي غي هاذ المنتدى نجي نفضفض فيه .
انا المشكل تاعي كيما حكيت ف الموضوع السابق فقدان الثقة بالنفس و هاذا شي طبيعي بالنسبة لطفلة ف 19 المشكل انو انا مزالني في فترة المراهقة و هاد العام حسيت بتغير كبير مقارنة بالعام الماضي من ناحية العصبية الزائدة و المشاكل مع الأهل ندابز معاهم بزااف و نعاديهم و نقطع الشهية منوليش ناكل كامل لأ نو الوالد رجع يقلي مديرش ديك و ديك مثل الماكياج و الألبسة و بزاف صوالح و انا بطبيعتي حساسة بزاف نبكي بلخف كيما ليوم مصباح و انا نبكي ابي قالي مديرش ماكياج و رفع صوتي عليا و انا زعما المدللة ف البيت علابالي هادي فترة المراهقة و هادو تغيرات تصرا ف هاد العمر و لكن كيفاش نتخلص من هاذ الفترة كيفاش نبدل عقليتي? كيفاش نولي رزينة? كيفاش نولي قافزة ? و سمحولي خاوتي و خواتاتي ربي يحفضكم

 

[الامين محمد]

أهلا وسهلا بنيتي إحكي على روحك كاين أخوات رائعات راح يكنوا ليك نعم الأأخوات
و راح يقدموا ليك نصايح راح تفيدك

لي عودة للرد على موضوعك بنيتي

 

[Nesserinenono]

أهلا وسهلا بنيتي إحكي على روحك كاين أخوات رائعات راح يكنوا ليك نعم الأأخوات
و راح يقدموا ليك نصايح راح تفيدك

لي عودة للرد على موضوعك بنيتي[/Q
ربي يحفضك والله ليقتكم خير من ناس نعرفهم ف الواقع شكرا ليكم

 

[لؤلؤة قسنطينة]

السلام عليكم ورحمة الله وبركاته
أهلا بيك حبيبتي نسرين، خلاص درك والفناك ^^ راكي ختنا الصغيرة نحبو نسمعولك وننصحوك ونتي تاني رايحة تلقاي فينا نعم الإخوة

ان شاء الله، أول شي حبيبتي نبداو بردة فعل الوالد تاعك ولي هو على حق، درك باباك لازم تعذريه راهو مسؤول عليك والمسؤولية صعبة

راهو يشوف فيك لؤلؤة جميلة لازم يصونها ويحافظ عليها ولازم يتشدد معاك في بعض المواقف، إيماجيني تجي وحدة من العائلة تقولك نسرين

نخلي بنتي عندك أمانة حتى نجي لعشية والطفلة هادي كي قعدت معاك كل مرة تقرب للغاز ولا للنار ونتي نبهتيها أول مرة وثاني مرة، ثالث

مرة خلاص تضطري إما ترفعي صوتك عليها أو تضربيها خوفا عليها ماش لأنك تكرهيها، هكاك باباك يحبك ويخاف عليك ويشوف في

بنتو مازالت غير قادرة على التفريق بين الخطأ والصواب يشوف في المدللة تاعو زين وأخلاق والناس كامل تشوف فيها بنظرات ماش مليحة

في رايك لازم يسكت؟ هو باباك ويشوف أمور نتي ماتشوفيهاش، واذا على الماكياج أنا 25 سنة جامي لا خرجت بالماكياج في وجهي

والحمد لله راني عايشة ماخصني والو ومانقصت أنوثتي ماتمسخرو بيا الناس، ونتي بنفسك قلتي مازلت صغيرة إذن مازلتي صغيرة كذلك على الماكياج

الماكياج والزينة يا حبيبتي عندها وقتها ومكانها المناسب، ماش تجي هكاك برك ونخرجو بيها في الشوارع إذن باباك عندو الحق ولازمو يرفع

صوتو باه يوجهك للطريق الصحيح ولا قرة عينو وحبيبتو لي هي بنتو تنضر وهادا لي يخاف منو هو، إذن لو جا باباك انسان سيء كن ماتقوليش

راني مدللة إذن باينة يحبك ونتي كلشي في حياتو بصح كي يشوفك تخلخلتي شوي هههه يكون صارم معاك، درك حبيبتي نحي من بالك مراهقة وما

مراهقة، راكي 19 سنة الله يبارك راكي خرجتي من مرحلة المراهقة ورايحة تدخلي مرحلة النضوج درك باباك خلاص يشوف فيك سند مابقيتيش

طفلة صغيرة بالعكس نتي لي تنحي عليه العبء وتوقفي معاه، وكي يقولك على حاجة اسمعيلو وحتى ولو حاجة جاتك غريبة استفسري بلطف

واتقبلي رأيو في النهاية، درك راكي مرأة ماشاء الله على عامين ولا 3 ولا 4 قادرة تتزوجي وتولي أم وتولي تجيبي أجيال صالحة لازم من درك تتجهزي

لهاد المسؤولية وتبداي تنحي الافكار تاع المراهقة تولي رزينة تتحكمي في غضبك وقبل ما تديري حاجة تفكري فيها، أما البكاء والحساسية فهو

ردة فعل جد طبيعية، حتى أنا راني كبيرة ولما نتلقى توبيخ في محلو أو في غير محلو نبكي وتغيضني روحي بصح من بعد كي نطلع ونهبط نلقى بلي

يمكن صح راني غالطة ولازم نكون واعية ونصحح أخطائي، إذن حبيبتي كوني ناضجة وواعية واسمعي لكلام والديك وربي يوفقك ان شاء الله

ومرحبا بيك في أي وقت رانا هنا نسمعولك وننصحوك ^^​

 

[Nesserinenono]

السلام عليكم ورحمة الله وبركاته
أهلا بيك حبيبتي نسرين، خلاص درك والفناك ^^ راكي ختنا الصغيرة نحبو نسمعولك وننصحوك ونتي تاني رايحة تلقاي فينا نعم الإخوة

ان شاء الله، أول شي حبيبتي نبداو بردة فعل الوالد تاعك ولي هو على حق، درك باباك لازم تعذريه راهو مسؤول عليك والمسؤولية صعبة

راهو يشوف فيك لؤلؤة جميلة لازم يصونها ويحافظ عليها ولازم يتشدد معاك في بعض المواقف، إيماجيني تجي وحدة من العائلة تقولك نسرين

نخلي بنتي عندك أمانة حتى نجي لعشية والطفلة هادي كي قعدت معاك كل مرة تقرب للغاز ولا للنار ونتي نبهتيها أول مرة وثاني مرة، ثالث

مرة خلاص تضطري إما ترفعي صوتك عليها أو تضربيها خوفا عليها ماش لأنك تكرهيها، هكاك باباك يحبك ويخاف عليك ويشوف في

بنتو مازالت غير قادرة على التفريق بين الخطأ والصواب يشوف في المدللة تاعو زين وأخلاق والناس كامل تشوف فيها بنظرات ماش مليحة

في رايك لازم يسكت؟ هو باباك ويشوف أمور نتي ماتشوفيهاش، واذا على الماكياج أنا 25 سنة جامي لا خرجت بالماكياج في وجهي

والحمد لله راني عايشة ماخصني والو ومانقصت أنوثتي ماتمسخرو بيا الناس، ونتي بنفسك قلتي مازلت صغيرة إذن مازلتي صغيرة كذلك على الماكياج

الماكياج والزينة يا حبيبتي عندها وقتها ومكانها المناسب، ماش تجي هكاك برك ونخرجو بيها في الشوارع إذن باباك عندو الحق ولازمو يرفع

صوتو باه يوجهك للطريق الصحيح ولا قرة عينو وحبيبتو لي هي بنتو تنضر وهادا لي يخاف منو هو، إذن لو جا باباك انسان سيء كن ماتقوليش

راني مدللة إذن باينة يحبك ونتي كلشي في حياتو بصح كي يشوفك تخلخلتي شوي هههه يكون صارم معاك، درك حبيبتي نحي من بالك مراهقة وما

مراهقة، راكي 19 سنة الله يبارك راكي خرجتي من مرحلة المراهقة ورايحة تدخلي مرحلة النضوج درك باباك خلاص يشوف فيك سند مابقيتيش

طفلة صغيرة بالعكس نتي لي تنحي عليه العبء وتوقفي معاه، وكي يقولك على حاجة اسمعيلو وحتى ولو حاجة جاتك غريبة استفسري بلطف

واتقبلي رأيو في النهاية، درك راكي مرأة ماشاء الله على عامين ولا 3 ولا 4 قادرة تتزوجي وتولي أم وتولي تجيبي أجيال صالحة لازم من درك تتجهزي

لهاد المسؤولية وتبداي تنحي الافكار تاع المراهقة تولي رزينة تتحكمي في غضبك وقبل ما تديري حاجة تفكري فيها، أما البكاء والحساسية فهو

ردة فعل جد طبيعية، حتى أنا راني كبيرة ولما نتلقى توبيخ في محلو أو في غير محلو نبكي وتغيضني روحي بصح من بعد كي نطلع ونهبط نلقى بلي

يمكن صح راني غالطة ولازم نكون واعية ونصحح أخطائي، إذن حبيبتي كوني ناضجة وواعية واسمعي لكلام والديك وربي يوفقك ان شاء الله

ومرحبا بيك في أي وقت رانا هنا نسمعولك وننصحوك ^^​

مغسي ختي راكي كي ختي كبيرة عندك الحق فلي قلتيه غي انا توالفت واحد ميرفع صوتو عليا و تاني هما يقولولي نتي صغيرة على كل شي علابيها مرات نتقلق نبغي نحس روحي كبيرة و ناضجة ربي يحفضك حبيبتي و يخليك

 

[قلم مغرور]

سلام الله عليكم
أخيتي عليك بقراءة سورة النور و تفسيرها ستفيدك بإذن الله ^.^

 

[Nesserinenono]

سلام الله عليكم
أخيتي عليك بقراءة سورة النور و تفسيرها ستفيدك بإذن الله ^.^

شكرا جزاك الله سأقرؤها انشاء الله

 

[طموحة]

السلام عليكم ورحمة الله و بركاته
ربي يكون معاك حبيبتي وان شاء الله فترة و تجوز و تولي أحسن باذن الله
و اسمحيلي حبيبتي اذاكلامي راح يجرحك لكن ربي عالم حابة ننصحك برك
أولا أنك تمدي مبرر لأنك مش مليحة بسبب المراهقة هذا خطأ يعني المراهقة اذا صنفوها تحكم 10 سنوات من عمر الانسان
فهل عشر سنوات راح تكون أخطاء مدفوعة التبرير ؟!
وزيد هادي الفترة هي من أهم المراحل و أكثرها لي يقدر الانسان يبني فيها ذاتو و يستغل ما يجب تعلمه لانو من بعد راح تكون عندو مسؤوليات أخرى ربما راح يكون هو رب أسرة بعدها
فهل يسمحلها تضيع فأمور مش لازمة بحجة المراهقة ؟!
يعني لازم تنحي من بالك فترة أنك صغيرة و لا أنك عندك مبرر لأي شي
تان على العصبية و القلق مشكلة العصر جيلنا كامل هكذا لكن لا يعني أنو نخليو هاد الصفات تغلبنا
انما الحلم بالتحلم سيي دايمن أضبطي نفسك و وقت لي تفقي بيه هداك هو ابتعدي عن الشي لي عصبك اذا لقيتي روحك غلطتي أعتذري تعوذي باله من الشيطان الرجيم و بلعقل بلعقل تنقص العصبية ان شاء الله
على مشكلتك مع باباك لازم قبل متزعفي عليه تخممي شكون لي على الحق هو لا نتي اذا لقيتيه حرمك حق من حقوقك لتم لي تحاولي تذكريه و بالتي هي أحسن
وفي مشكلة اللبس و المكياج هو لي عندو الحق لأنو طالبك بشيء طلبه رب العباد قبل العباد حبيبتي
ونتي راكي من محارمو و بنتو تدخلو في رعيته و سيسأل عنك لابد أن ينبهك
وهذا حبا لك و ليس كرها صديقيني
و أحمدي الله حبيبتي الذي حفظ لك والدك لكي يرعاك
غيرك يتمنى يعيش لحظة مع والده و لو كانت لحظة تأنيب منه
سيي تراجعي نفسك هاذي فترة و تجوز و راح تسالي عليها مرتين في قبرك مرة مجملا لما تسألين عن عمرك فيما أفنيتيه
ومرة بشكا خاص عن شبابك فيما قضيتيه
لذا سيي تكوني مسؤولة فيها أكثر من أي وقت آخر
ربي يوفقك لكل خير
​

 

[لؤلؤة قسنطينة]

جبتلك الإخوة والأخوات يساعدوك
@hakim story
@فريد أبوفيصل
@عقــ اللمه ــيد
@السلطانة
@ضآحكة مستبشرة​

 

[zohor kfz]

matat9al9ich fatra w tfot ... nti t3amli 3la assas raki kbira w ba39alki w rzina ... yçolki papaki 7aja 9olilo sa7a w assam3i klamo 7ata law kan tchofi klamo machi 3la hwaki howa bo7do m3a elwa9t yarja3 y9olki dir li t7obih 3lakhatar ychofki tbadalti raki tasam3i klamo
w hakda m3a kol afrad el3a2ila ... bach takasbi ti9athom w m7abathom ... doka rahom ychoki t3andihom w khassa elwaldin may7aboch li y3anadhom
rabi ya7miki okhti

 

[aljentel]

ليش تعاندي والدك ... انظري لمن والدها متوفي كم تتمنى ان والدها على قيد الحياه .. انتي عندك نعمه كبيره قد لاتشعري بها لكنها محسوسة للغير وهو وجود رجل كبير في السن ببيتك فالبيت اللي ليس به كبير ليس به بركه الا ماشاء الله ....
ثم انتي طبيعيه مافيكي شيء فأحمدي ربك على تلك النعمه .. ويكون بعلمك ان والدك يرى مصلحتك ولايريد ان ينظر الاخرون لك نظره مش ولابد ولم يكن هدفه الإساءه اليك بل هدفه حمايتك من القيل والقال .... الله يسترك .

 

[صانعة الإبتسامة]

صباح الخير
أختي معظم الأباء يفعلون ما يفعله أبوك وهذا إن دل على خوفهم على بناتهم يا أختي ربي سبحانو أمرنا بالستر وأنت ماشاء الله فتاة يافعة وفي هاد السن لازم تستري روحك و لا تتزيني في الشارع هدا يخالف الدين وحتى العرف تاعنا إلا أنو وللأسف كاين بزاااف بنات لااازم يخرجو بالمكياج كي شغل رايحين للعرس!!!!
أنا شخصيا جامي نحط ماكياج كي نولي خارجة لأنو عارفة ربي سبحانو راح يغضب عليا ونحب نرضيه ونرضي والديا وتاني أصلا مانحبش المكياج مام في الأعراس بسيف نحط حاجة خفيفة كي شغل مرانيش حاطة
أما بالنسبة ليك تقولي أنك حساسة حنا لبنات كامل هكا هههه
وماتزعفيش من والدك صدقيني راهو خايف على مصلحتك لأنو يا أختي لعزيزة الشارع مايرحمش علابيها يقلك أستري روحك
ربي يسعدك حنونة ويريح بالك وماتبكيش بزاااف مراحش تولي شابة
اضحك وعيشي مزالك صغيرة ?

 

[Nesserinenono]

حك

جبتلك الإخوة والأخوات يساعدوك
@hakim story
@فريد أبوفيصل
@عقــ اللمه ــيد
@السلطانة
@ضآحكة مستبشرة​

مغسي. حبيبة ربي يخليك

 

[Nesserinenono]

السلام عليكم ورحمة الله و بركاته
ربي يكون معاك حبيبتي وان شاء الله فترة و تجوز و تولي أحسن باذن الله
و اسمحيلي حبيبتي اذاكلامي راح يجرحك لكن ربي عالم حابة ننصحك برك
أولا أنك تمدي مبرر لأنك مش مليحة بسبب المراهقة هذا خطأ يعني المراهقة اذا صنفوها تحكم 10 سنوات من عمر الانسان
فهل عشر سنوات راح تكون أخطاء مدفوعة التبرير ؟!
وزيد هادي الفترة هي من أهم المراحل و أكثرها لي يقدر الانسان يبني فيها ذاتو و يستغل ما يجب تعلمه لانو من بعد راح تكون عندو مسؤوليات أخرى ربما راح يكون هو رب أسرة بعدها
فهل يسمحلها تضيع فأمور مش لازمة بحجة المراهقة ؟!
يعني لازم تنحي من بالك فترة أنك صغيرة و لا أنك عندك مبرر لأي شي
تان على العصبية و القلق مشكلة العصر جيلنا كامل هكذا لكن لا يعني أنو نخليو هاد الصفات تغلبنا
انما الحلم بالتحلم سيي دايمن أضبطي نفسك و وقت لي تفقي بيه هداك هو ابتعدي عن الشي لي عصبك اذا لقيتي روحك غلطتي أعتذري تعوذي باله من الشيطان الرجيم و بلعقل بلعقل تنقص العصبية ان شاء الله
على مشكلتك مع باباك لازم قبل متزعفي عليه تخممي شكون لي على الحق هو لا نتي اذا لقيتيه حرمك حق من حقوقك لتم لي تحاولي تذكريه و بالتي هي أحسن
وفي مشكلة اللبس و المكياج هو لي عندو الحق لأنو طالبك بشيء طلبه رب العباد قبل العباد حبيبتي
ونتي راكي من محارمو و بنتو تدخلو في رعيته و سيسأل عنك لابد أن ينبهك
وهذا حبا لك و ليس كرها صديقيني
و أحمدي الله حبيبتي الذي حفظ لك والدك لكي يرعاك
غيرك يتمنى يعيش لحظة مع والده و لو كانت لحظة تأنيب منه
سيي تراجعي نفسك هاذي فترة و تجوز و راح تسالي عليها مرتين في قبرك مرة مجملا لما تسألين عن عمرك فيما أفنيتيه
ومرة بشكا خاص عن شبابك فيما قضيتيه
لذا سيي تكوني مسؤولة فيها أكثر من أي وقت آخر
ربي يوفقك لكل خير
​

لا حبيبة كلامك مجرحنيش هدرتي للواقع مغسي حنونة ربي يحفضك

 

[Nesserinenono]

صباح الخير
أختي معظم الأباء يفعلون ما يفعله أبوك وهذا إن دل على خوفهم على بناتهم يا أختي ربي سبحانو أمرنا بالستر وأنت ماشاء الله فتاة يافعة وفي هاد السن لازم تستري روحك و لا تتزيني في الشارع هدا يخالف الدين وحتى العرف تاعنا إلا أنو وللأسف كاين بزاااف بنات لااازم يخرجو بالمكياج كي شغل رايحين للعرس!!!!
أنا شخصيا جامي نحط ماكياج كي نولي خارجة لأنو عارفة ربي سبحانو راح يغضب عليا ونحب نرضيه ونرضي والديا وتاني أصلا مانحبش المكياج مام في الأعراس بسيف نحط حاجة خفيفة كي شغل مرانيش حاطة
أما بالنسبة ليك تقولي أنك حساسة حنا لبنات كامل هكا هههه
وماتزعفيش من والدك صدقيني راهو خايف على مصلحتك لأنو يا أختي لعزيزة الشارع مايرحمش علابيها يقلك أستري روحك
ربي يسعدك حنونة ويريح بالك وماتبكيش بزاااف مراحش تولي شابة
اضحك وعيشي مزالك صغيرة ?

شكرا ليك الاخت ربي يفرحك و ينجحك

 

[Nesserinenono]

ليش تعاندي والدك ... انظري لمن والدها متوفي كم تتمنى ان والدها على قيد الحياه .. انتي عندك نعمه كبيره قد لاتشعري بها لكنها محسوسة للغير وهو وجود رجل كبير في السن ببيتك فالبيت اللي ليس به كبير ليس به بركه الا ماشاء الله ....
ثم انتي طبيعيه مافيكي شيء فأحمدي ربك على تلك النعمه .. ويكون بعلمك ان والدك يرى مصلحتك ولايريد ان ينظر الاخرون لك نظره مش ولابد ولم يكن هدفه الإساءه اليك بل هدفه حمايتك من القيل والقال .... الله يسترك .

امين يا رب و ربي يجازيك و شكرا جزيلا

 

[sanaya]

ساهلة ماهلة
يا حبيبتي لعلمك أنا نستعمل الماكياج مرتين وثلاثة في أسبوع لأنه مضر جدااااا خصوصا و حنا نشرو أي ماركة جات قدامنا قالك مديريش ماكياج عادي غدوا تتزوجي يقولك راجلك ماديريش مكياج
أنا كنخرج لوكان مدايرة ماسكارا يقولي راجلي نحيها نروح ندابز معاه مثلا شوفي حبيبتي طيعي باباك الطاعة ميجيش منها الا الخير
و بالنسبة للعصبية هي طبيعية بسبب التغيرات الفزيولوجية اللي تصرا على الجسم نتي حاولي تتحكمي بالعصبية و ترحي مع والديك تحكي معاهم و تضحكي وقات متقلقيش روحك راهي فترة و تروح نتي حاولي تتقربي أكثر ليهم تدخلي الكوزينة تعاوني ماماك متريحيش كل وقت وحدك
و ربي معاك حبيبتي

 

[أبو عاتكة]

السلام عليكم ورحمة الله.
بالتعود المتواصل على معرفة التصرف الصائب وتطبيقه حتى بعد ان يقع الانسان في الخطأ والانزعاج والانفعال في المرة الأولى المهم العودة لجادة الصواب فيما بعد.

نقولو على الشخص حتى وهو كبير بأنه " عقلية صغار" لأنه لا يراجع نفسه ولا يصحح الاخطاء ويبقى في تعنته واصراره المشابه لتصرف الصغار.
لكن لما يرجع لصوابه ويصحح وضعه وتصرفاته نقولو عليه" عقيلة لكبار"

في كل مرة تتصرفي بمراهقة أعيدي إصلاح الأمور باقتناع. الفايدة لما تقتنعي حتى لا تعيدي الوقوع في الخطأ مرة أخرى.
لما تتعودي على إصلاح الأمور باقتناع راح تتعودي على التصرف السليم وتوالفي الطباع الصحيحة بل راح تكوني انت مصدر النصح والقدوة والتوجيه للاخرين وتكتسبي ثقة وقناعة واحترام الاخرين والجميع سيستمع لكلامك.

الاقتناع بالتصرفات الحسنة هي نعمة مثل البصر يفتقدها الآخرون لا يغرنك تصرفات ومظاهر شبيهاتك في هذا السن لا تعني حرية تصرفهم وارتداءهم لاي شيء وفعلهم لكل شيء أنهم يعيشون في نعيم عمروا ولا عاش الانسان في الخطأ وهو مرتاح ولم يحس بالسلبيات لو تبحثين في أسرارهم وخباياهم ستحزنين على ضياعهم وتشتتهم وتتحسرين على فقدانهم للأيادي الأمينة والحريصة التي تحميهم وتسهر على رعايتهم مثل والديك.
نحن كبار ولازلنا نفتقد لحماية الوالدين إنها نعمة لا يحس بها الا المفتقدين لها.

لابأس الآن تبحثين عن الحلول والتوجيهات ونحن لن نمل فلا تكترثين لكثرة مواضيعك واستفساراتك فانت على الرحب والسعى وهذه خطوة أولى في الطريق الصحيح. تابعي محتوى المنتدى الذي ينقله ويكتبه الاعضاء ولن تندمي ستجدين ظالتك هنا لأن مواضيعنا ومشاركاتنا هي تجارب حقيقية وليست مجرد نظريات. سيأتي يوم تكونين ناصحة وقافزة ورزينة وينتفع منك الجميع.

 

[وۣۗهۣۗہۣۗم]

19 سنة خرجتى من المراهقة بمراحل ومراحل دووك كل ماعليكى انوو تبنى مستقبلك وترمى عليك كلشي تعبريه ولا تشوفيه ميليقش بيك
وتبداى تحضرى لحيات الجديدة بصفحة جديدة وتنساي الماضي اهتمى بدراستك واعطيها كل وقتك وركزى على الشئ اللى تبغى تديريه في حياتك ونميه وطوريه التزمى بقراءة القران ولو لمرة فى الاسبوع في وقت فراغك اقراي السيرة النبوية
هذي مجرد.نصائح الشئ اللى مش مليح نديروه. بيدينا حتى الشيطان الرجيم وخاطيه