مشكلتي تدمرت بسبب الاكتئاب

[مشكلتي]

السلام عليكم ...انا فتاة عمري 23 سنة كملت قرايتي ماستر 2 و قبل كورونا كنت نخدم و حبست ..المشكلة أنه عندي مرض الاكتئاب الحاد المزمن منذ سنوات اكتشفته عن طريق التشخيص عند اخصائي نفساني و عند طبيب اعصاب..حياتي ولات جحيم لا يطاق بسبة هاد المرض ياكلي حياتي اضطرابات عندي الشعبية منعدمة و النوم المتغير مانرقدش تقريبا و نقص رهيب في الوزن و حب العزلة نعزل روحي و الاعراض لي كملت عليا العصبية و المزاجية النفرطة و الحساسية الزايدة تجاه الامور كامل وليت ما نتحكمش نهائيا في اعصابي أقل حاجة تقلقني و نولي نعيط و نكسر اي حاجة تجي فطريقي و لا كي نكون قاعدة وحدي و تبدا تجيني الافكار السلبية و السوداوية ساعات تاع الانتحار و شحال من مرة نقيس روحي و لا تجيني نوبات قلق و بكاء هستيري تدمرت بسبة هاد المرض ..آخر فترة رحت للطبيب مدلي الدواء مهدئات شربت سمانة و هاداك الدواء فقط يكالميك و يخليك تولي انسان بارد بدون مشاعر ما تراياجي مع حتى شئ و تاع دارنا قالولي حنا نمدولك تشربي مبعد سمانة رماوه قالولي ماتزيديش تشربيه عييت نفهمهم ماحبوش يفهموا و حالتي تطورت مؤخرا للاسوء بسبة هاد المرض وليت نحب راسي نقطعه و نرميه لأنه ماتقدرش تقعد ساعة بلا ما يجيك تخمام كل وقت و سلبي لدرجة كبيرة تولي تكره روحك و تقنط الدنيا تولي تبانلك كحلة و ظلمة و مورالك ديما هابط و تحب تبعد على. الناس ..المشكل سبعين بالمئة باه تتغلب على هاد المرض بمساعدة الاهل و الدعم تاع لي ميحيطين بيك و انا راني نحارب وحدي مي فشلت تاع دارنا يزيدوا عليا بزاف مش متفهميش الحالة او خطورة المرض ساعات نقول نقتل روحي و خلاص عييت ة كرهت ...و بعيدا على الجانب الديني كاين لي يقلك صلي و قوي علاقتك بالله هاد المرض لا علاقة له بالجانب الديني لأنه مهما كانت علاقتك بالله قوية ادا حكمك ياكلك حياتك و لازم تتعالج منه في اقرب فرصة و لازم لي معاك يوقفوا معاك باه تتغلب عليه..المرض تاع الاكتئاب الحاد سببه الاول عضوي في الدماغ و نفسي كبير و يولي هو يتحكم في انفعالاتك و تصرفاتك و المشكل هو غياب الوعي في مجتمعنا و بزاف مهما تحاول تلبس قناع تاع السعادة المزيفة قدام الغير هاد الشي يأتر عليك تبين انك لاباس و انت ماراكش لاباس او تضحك فوق القلب و مين تولي بينك بين نفسك تعيش انهياراتك و كلما زادوا ليام يزيد يكمل عليك و ياكلك يالشوية ..و غير لي فات لهاد الحالة راح يفهم واش نحكي ..و الاكتئاب. الحاد و المزمن مش الاكتئاب العادي او الموشمي ...فلي فات بتجربة هكا و تعالج يقلي كيفاش دار و كيفاه تخلص منه و كيفاش تعامل معاه . و ادعولي معاكم

 

[إلياس]

الاكتئاب يزيد في القلق و المرض خاصة منها الأعصاب نصيحتي لك الابتعاد عن كل منبهات اي الشاي و القهوة و عليك الدعاء و الصلاة في الثلث الاخير من الليل لله عز وجل أن شاء الله تشفين ثم زوري طبيب نفسي في ذلك
ربي يحفظك و يسترك يا رب العالمين اجمعين

 

[أم أُنٌَيسة]

وعليكم السلام ورحمة الله وبركاته

انت تظنين انه حتى وان اقتربت من الله عز وجل وقرأت القرآن ووو لن تشفي، ولهذا انت لن تشفي.. ان الله عند ظن عبده به، هذا حديث قدسي : أنا عند ظن عبدي بي.. ما تظنينه وماقلته يعد سوء ظن بالله غاليتي، ظني بالله اليوم ما تريدينه غذا، من الذي خلق كل شيء؟ من هو القادر المقتدر؟ هو سبحانه وتعالى.. خالق السماوات والارض ومابينهما هل سيعجزه مرض؟

ما عليكي الا ان تتوكلي على الله وتلجئي له بقلبك وروحك وسترين..

الحمد لله
أولا :
بداية نود الترحيب بك في موقع الإسلام سؤال وجواب ، نسأل الله أن ينفعنا وإياكم بما نقول ، وأن يرفع عنا وعن أمتنا الإسلامية البلاء .
أختنا الفاضلة ،
الدنيا مجبولة على الكدر ، هكذا خلقها بارئها ، وجعلها دار محن وابتلاءات وجسر عبور للآخرة ، لم تصف حتى للأنبياء خيرة الخلق ، ولم تعط عهدها لصغير ولا لكبير ، تفرحك يوما لتحزنك أياما ؛ ولا يزال ذلك دأبها أبدا ، ودأب الناس فيها :
طُبِعَتْ على كَدَرٍ وأنْتَ تُريدُها ... صَفْواً مِنَ الأقْذاءِ والأكْدارِ
ومُكَلّفُ الأيّامِ ضِدَّ طِباعِها ... مُتطَلّبٌ في الماءِ جُذْوةَ نارِ
فمن منا لم تحدث عنده حالة من الحزن إثر ما نراه من البلايا التي تنزل بالمسلمين ، يوما بعد يوم ؟ ومن منا لم تعزف نفسه عن الدنيا بما فيها ، لما نسمعه أو نراه ؟
لكن حينما يستمر هذا الشعور بالحزن والوحدة، أو اعتلال المزاج فيمنعنا من استمرار الحياة بشكل طبيعي ، أو القيام بما يجب علينا من الواجبات ، أو أداء الحقوق لأصحاب الحقوق ، أو الغفلة عن نعم الله علينا ، وما يجب علينا من شكره عليها ، حينها ينتقل الحزن من الحال الطبيعي إلى حال الضعف ، والمرض الذي يحتاج إلى علاج !!
وليس أعظم علاجا لذلك من الصبر والتقوى ، وحسن الظن بالله رب العالمين ، والتوكل عليه ، وتفويض الأمور إليه ، وحسن اللجأ إليه في كل ملمة .
قال شيخ الإسلام ابن تيمية رحمه الله :
" وَكَثِيرٌ مِنْ النَّاسِ إذَا رَأَى الْمُنْكَرَ ، أَوْ تَغَيَّرَ كَثِيرٌ مِنْ أَحْوَالِ الْإِسْلَامِ : جَزِعَ وَكَلَّ وَنَاحَ ، كَمَا يَنُوحُ أَهْلُ الْمَصَائِبِ ؛ وَهُوَ مَنْهِيٌّ عَنْ هَذَا؛ بَلْ هُوَ مَأْمُورٌ بِالصَّبْرِ وَالتَّوَكُّلِ وَالثَّبَاتِ عَلَى دِينِ الْإِسْلَامِ ، وَأَنْ يُؤْمِنَ بِأَنَّ اَللَّهِ مَعَ الَّذِينَ اتَّقَوْا وَاَلَّذِينَ هُمْ مُحْسِنُونَ ، وَأَنَّ الْعَاقِبَةَ لِلتَّقْوَى ، وَأَنَّ مَا يُصِيبُهُ فَهُوَ بِذُنُوبِهِ ؛ فَلْيَصْبِرْ إنَّ وَعْدَ اللَّهِ حَقٌّ ، وَلْيَسْتَغْفِرْ لِذَنْبِهِ ، وَلْيُسَبِّحْ بِحَمْدِ رَبِّهِ بِالْعَشِيِّ وَالْإِبْكَارِ " انتهى من "مجموع الفتاوى" (18/295) .
ثانيا :
إذا تطورت حالة الحزن ، وأدت بصاحبه إلى درجة من درجات الاكتئاب ، فالأمر يحتاج ، مع العلاجات الإيمانية ، وحسن الصبر والتوكل على الله ، وملازمة ذكره ، إلى متابعة طبي ، عند أخصائي موثوق في علمه وأمانته .
ومن أعراض الاكتئاب :
• شعور دائم بالحزن والقلق وتعكر المزاج .
• فقدان الاهتمام والشعور بالمتعة في الأنشطة المحببة للنفس .
• الشعور بالتشاؤم الدائم وقلة الحيلة في مواجهة مشاكل الحياة .
• الشعور بالذنب، وعدم القيمة والأهمية في المجتمع .
• عدم القدرة على إظهار أو تقبل العواطف للآخرين ومن الآخرين .
• مشاكل في النوم مثل الأرق أو النوم لساعات طويلة ، أو الاستيقاظ مبكرا.
• مشاكل في تناول الطعام (الشهية زائدة ، انقطاع الشهية).
• آلام جسدية مزمنة والتي لا ينفع معها علاج .
• البكاء الكثير.
• سرعة التوتر والنشاط الزائد وعدم القدرة على الهدوء والارتخاء .
• الشعور بالتعب الدائم وعدم القدرة على بذل الجهد البدني .
• نقص القدرة على التركيز، والتذكر، واتخاذ القرارات السليمة .
فإذا اجتمعت عندك أربعة فما فوق ، من الأعراض السابقة الذكر ، فهنا ينبغي أن تعرضي نفسك على أخصائي في الطب النفسي ، كما سبق .
ومع العلاج حاولي شغل نفسك بما هو مفيد: بقراءة القرآن والمطالعة وممارسة هواياتك وغيرها. ولا تنسي بعض الوصفات الطبيعية التي تجم الفؤاد وتساعد المخ على استعادة نشاطه ، مثل العسل والفواكه الجافة .
ومن الوصفات التي كانت تستعمل قديما : التلبينة ، وقد صح فيها قول رسول الله - صلى الله عليه وسلم : ( التَّلْبِينَةُ مُجِمَّةٌ لِفُؤَادِ الْمَرِيضِ ، تَذْهَبُ بِبَعْضِ الْحُزْنِ ) رواه البخاري ( 5101 ) ، ومسلم ( 2216 ) .
قال ابن القيم رحمه الله في "زاد المعاد" : "وهذا الحساء يجلو ذلك عن المعدة ، ويسروه ، ويحدره ، ويميعه ، ويعدل كيفيته ، ويكسر سورته ، فيريحها، ولا سيما لمن عادته الاغتذاء بخبز الشعير، وهي عادة أهل المدينة إذ ذاك ، وكان هو غالب قوتهم ، وكانت الحنطة عزيزة عندهم، والله أعلم" .
والتلبينة حساء من دقيق الشعير بنخالته يضاف لهما كوب من الماء وتطهى على نار هادئة لمدة 5 دقائق ثم يضاف كوب من اللبن(حليب) وملعقة عسل نحل.
وينظر جواب السؤال رقم : (158533)، ورقم : (45847) .
والله أعلم .

المصدر: الاسلام سؤال وجواب

اسال الله ان يزيل همك ويفك كربك ويسعد قلبك ويملا حياتك فرحا وسرور امين يارب
ارجو تقبل مروري
تحياتى القلبية​

 

[همس الوُرود]

السلام عليكم
اختي اذا تقدري تغيري المكان يلي تعيشي فيه تروحي مثلا عند جدتك اذا مزالها حية حاولي تغيري المكان ..
انتي تعرفي سبب يلي خلاكي ترجعي هكا
أكيد بديتي تفكري فأمور و تعقدت داخلك وملقيتيلهاش حل ومحبيتيش تحكيها لحتى حد و الان كبرت الشكوك داخلك مع أي موضوع وصرتي تتحسسي لكل شي
حاولي تشوفي اول مشكلة رجعتك لهادي الحالة أكيد عرفتيها احكيها لأقرب انسان ليك فالعائلة اخوك اختك اي احد ترتاحي ليه ومتخافيش انتي فقط تكلمي على المشكل الحقيقي هم رح يلقولك حل ممكن جدا مايعجبكش وترفضي الحل لكنك ففترة صعبة لدرجة انك متعرفيش تميزي بين الصح والغلط خليهم يعملو اللازم
و صدقيني التزمي بالذكر الذكر و الصلاة هذا اهم شي فالأول رايحة تلقايها صعبة و تشكي فنفسك صليتي او لا شهدتي او لا ركعتي او لا وش قلتي وش ماقلتيش ماتفكريش فهذا شي توضااي و صلي وصلاتك تقبل باذن الله عز وجل وباقي الوساوس من الشيطان انسيها ماتمشيش مع الشيطان
وابقي هكذا حاربي كلما يأذن نوضي تصلي واذكري اذكري ربي وادعي ينسيك همومك
انسي انك تشوفي مع نفسك فالمراة متشوفيش انتي جميلة المرض فقط أثر عليك ولما ترتاحي رح ترجعي احسن من كيما كنتي
ماتفكري فوالو حاولي تفكري فالذكر فقط حاربي مرضك بهذا شي واخرجي تنفسي خليهم يدوك للنزهة حتى لو مش حابة قولي يخرجوك وحاولي تشوفي الجمال حتى لو مابانلكش قولي انو كلش جميل حتى لو مش مقتنعة
صح راهي حرب كبيرة داخلك لكن هذا هو الحل خليه يروح وحاربي الشيطان على قد ماتقدري لأنو هو يلي راهو يوسوسلك ويخليك تفكري بالسلب​

 

[ONjINE]

وعليكم السلام
اهلا اختي شكرا لثقتك
الصراحة دخلت للموضوع مرتين وترددت اني نحط رد لانو الموضوع اكبر من مجرد نقاش خاصة اننا مش من اهل الاختصاص والحالة حساسة بعض الشيء
ليكي بخصوص الاكتئاب مكانش تجارب مي عندي اطلاع عليه خاطر كنت نحضر دورات لدكتور نفسي وفالدورة حكالنا على كل مايخص الطب النفسيوفي جزء منها تطرقنا للاضطرابات المزاجية { الاكتئاب ; الاضطراب الوجداني ثنائي القطب ; الهوس}
انتي بويسك عندك الاكتئاب الحاد مالا الهلوسات و الظواهر الذهانية من الاعراض وعادي تصيبك باسك راهو خلل ومعك حق كي متقدريش تتحكمي فيها

بلا مانطول و من الاخير مكانش حل غير العلاج النفسي والمهدئات والادوية المضادة للاكتئاب { يوصلو حتى وين يستعملو ال Electroshock - الصدمات الكهربائية والتنبيه لتحفيز الدماغ } نظن انتي عارفة هذو الحاجات اكثر مني

ساو تابعي عند طبيب نفسي { الاكتئاب عندنا ميعاملوهش بجدية للاسف لكن علاجو صعب وييكون على المدى الطويل كيفو كيف مرض السكري }

{

و بعيدا على الجانب الديني كاين لي يقلك صلي و قوي علاقتك بالله هاد المرض لا علاقة له بالجانب الديني

هي واجب عليك تكوني قريبة من ربي سبحانو وتحافظي على عباداتك وتدعيه بالشفاء }

هنا ولا واحد يقدر يمدلك حل صدقيني حتى التجارب ورح تكون مختلفة بحسب الدرجات ممكن واحد عندو جيست اكتئاب موسمي وانتي عندك اكتئاب حاد مالا

تحتاجي طبيب لانو كيما علابالك اعراض الاكتئاب وحدتها تتفاوت ولازمه هو لي يحدد الدرجة تاعهم
يعني الموازاة بين الاستشارات النفسية والعلاج بالادوية ومضادات الاكتئاب

وكنصيحة يمكن تساعدك : تناول الاغذية الغنية بالاوميغا 3 مثلا الاسماك باسك بزاف دراسات ياكدوا انها فعالة فمكافحة الاكتئاب ومرات تكون فعالة اكثر من مضادات الاكتئاب
وجربي اليوجا و التأمّل (Meditation) و التخيل باسك كامل يساعدو على الاسترخاء وتخفيف التوتر
ديري الحاجات لي يفرحوك كولي شكولاطة اقعدي مع ناس ترتاحيلهم وتحبيهم ومتنسايش صلاتك والعبادات وخلي صلتك وثقتك بالله قوية
اشغلي نفسك واملي وقت فراغك حتى ماتسيطر عليك الافكار واياك والخلوة خاطر لتم وين يتراكمو الافكار هذوك
وسيي تبعدي على الاخبار والسوشل ميديا وكل حاجة تبعث مشاعر سلبية

وكاخر حاجة ... انتي جميلة كيف ماكنتي لانو الجمال من الروح ياحبيبتي اما الخارجي رح يجي نهار وين التجاعيد تكسو جسمنا وماينفع ني جسم مثالي ني بشرة مشدودة لي ميحبكش ويوقف معاك في محنتك خرجيه من حياتك بلا ماتخممي زوج خطرات ... ولي يظل يفكرك في عيوبك ومرضك طفيه وسكتيه ديراكت ماحتى واحد عندو حق يكريتيكي حاجة فيك

هذا وش نقدر نقولك اختي مديتلك حسب وش نعرف
طهورا ان شاء الله ❤

 

[خديجة ph]

وعليكم السلام
اهلا اختي شكرا لثقتك
الصراحة دخلت للموضوع مرتين وترددت اني نحط رد لانو الموضوع اكبر من مجرد نقاش خاصة اننا مش من اهل الاختصاص والحالة حساسة بعض الشيء
ليكي بخصوص الاكتئاب مكانش تجارب مي عندي اطلاع عليه خاطر كنت نحضر دورات لدكتور نفسي وفالدورة حكالنا على كل مايخص الطب النفسيوفي جزء منها تطرقنا للاضطرابات المزاجية { الاكتئاب ; الاضطراب الوجداني ثنائي القطب ; الهوس}
انتي بويسك عندك الاكتئاب الحاد مالا الهلوسات و الظواهر الذهانية من الاعراض وعادي تصيبك باسك راهو خلل ومعك حق كي متقدريش تتحكمي فيها

بلا مانطول و من الاخير مكانش حل غير العلاج النفسي والمهدئات والادوية المضادة للاكتئاب { يوصلو حتى وين يستعملو ال Electroshock - الصدمات الكهربائية والتنبيه لتحفيز الدماغ } نظن انتي عارفة هذو الحاجات اكثر مني

ساو تابعي عند طبيب نفسي { الاكتئاب عندنا ميعاملوهش بجدية للاسف لكن علاجو صعب وييكون على المدى الطويل كيفو كيف مرض السكري }

{

هي واجب عليك تكوني قريبة من ربي سبحانو وتحافظي على عباداتك وتدعيه بالشفاء }

هنا ولا واحد يقدر يمدلك حل صدقيني حتى التجارب ورح تكون مختلفة بحسب الدرجات ممكن واحد عندو جيست اكتئاب موسمي وانتي عندك اكتئاب حاد مالا

تحتاجي طبيب لانو كيما علابالك اعراض الاكتئاب وحدتها تتفاوت ولازمه هو لي يحدد الدرجة تاعهم
يعني الموازاة بين الاستشارات النفسية والعلاج بالادوية ومضادات الاكتئاب

وكنصيحة يمكن تساعدك : تناول الاغذية الغنية بالاوميغا 3 مثلا الاسماك باسك بزاف دراسات ياكدوا انها فعالة فمكافحة الاكتئاب ومرات تكون فعالة اكثر من مضادات الاكتئاب
وجربي اليوجا و التأمّل (Meditation) و التخيل باسك كامل يساعدو على الاسترخاء وتخفيف التوتر
ديري الحاجات لي يفرحوك كولي شكولاطة اقعدي مع ناس ترتاحيلهم وتحبيهم ومتنسايش صلاتك والعبادات وخلي صلتك وثقتك بالله قوية
اشغلي نفسك واملي وقت فراغك حتى ماتسيطر عليك الافكار واياك والخلوة خاطر لتم وين يتراكمو الافكار هذوك
وسيي تبعدي على الاخبار والسوشل ميديا وكل حاجة تبعث مشاعر سلبية

وكاخر حاجة ... انتي جميلة كيف ماكنتي لانو الجمال من الروح ياحبيبتي اما الخارجي رح يجي نهار وين التجاعيد تكسو جسمنا وماينفع ني جسم مثالي ني بشرة مشدودة لي ميحبكش ويوقف معاك في محنتك خرجيه من حياتك بلا ماتخممي زوج خطرات ... ولي يظل يفكرك في عيوبك ومرضك طفيه وسكتيه ديراكت ماحتى واحد عندو حق يكريتيكي حاجة فيك

هذا وش نقدر نقولك اختي مديتلك حسب وش نعرف
طهورا ان شاء الله ❤

بارك الله فيك على الرد أنا أيضا أوافقك الرأي و نصر عليك أختي لازم تعالجي توسلي لوالديك يرجعوك للطبيب حالتك جد صعبة ماش تاع أدوها تنحي على بالها ولا زوجوها تزهالها الدنيا
نصيحتي لا تبحثي عن حلول ناس آخرين أنت أكثر إنسان عندو خبرة في مخك و كفاش يفكر لازم أنت تعرفي واش هي الأمور التي تزعجك و التي تفرحك وعادة يكون عمل ما خدمة عمل خيري كاينة حاجة أكيد تفرحك أو عالأقل تسكت الأصوات داخل رأسك لازمك تكثري منها و هنا العائلة تقدر تساعدك بتجنب ما يزعجك و فعل ما يفرحك ان شاء الله شدة و تزول

 

[الامين محمد]

هته الحالات موجودة و هي حالات مرضية تصيب الانسان
لاسباب وراثية او بسبب صدمة او موقف

سبحان الله و الحمد لله انه لكل داء دواء و مكاش مرض ما عندهش علاج
في حالتك لازم طبيب يكون خبير و كبير
و اذا قدرتي تلقاي طبيب و يكون ملتزم دينيا يكون افضل
راح يعالجك نفسيا و بالادوية و ممكن يرقيك او يوصيك بنوع من الحجامة

المرحلة الاولى من العلاج هي الاصعب و مع الوقت راح تسهال حتى ترتاحي

ايضا لازم تكوني قوية و تعالجي نفسك بنفسك
خلي حبيبك هو ربي اللي قادر يغير كلش في لحظة

ربي يشفيك اختي و انا متاكد انك راح ترتاحي

 

[Andy_Delort]

/
السلام عليكم

ممكن مناش من اهل الاختصاص بصح ممكن نفيدوك بابزاف صوالح او تجارب شفناها او معلومات وخبرات عندنا ... عن نفسي كوتي تاع الدين شيء مهم ومدامو عندك ذاك الفراغ الكبير فهو عندو جزء كبير من الازمة .. بعيدا عن الاهل وقاع الحالة هاذي انتي لي تعالجيها بنفسك كي تقري ب ذالك .. لانو انتي بقيتي دوري في دوامة وحدة تع افكار وهكذا ..

لدي المزيد لاخبرك عنه حاليا لست في احسن احوالي ربما لي عودة بعد شفائي اذا كتب ربي ...

منا لذاك نهار .. كوني سيدة نفسك وسيدة قرارك ..

 

[aljentel]

لم أقرأ ردود الزملاء وبالتالي لااعرف مالذي نصحوك به ... نصيحتي تزوجي ومع الزواج ستختفي كل هذه الاعراض .. واتمنى من الله لك التوفيق ...

 

[طموحة]

السلام عليكم و رحمة الله و بركاته
أسعد الله أوقاتك حبيبتي
شفاك الله وأزال عنك مابك
ما من داء الا وله دواء و أكيد القرآن فيه شفاء لما في القلوب
استعيني بالله و توكلي عليه و أكثري من دعاء الهم و الحزن فهو شفاء نبوي
طالعي برنامج ألف باء الحياة للدكتور عبد الرحمان ذاكر الهاشمي سلسلة قيمة تساعدك على السمو بنفسك ن عجزت عنها فيكفيك بعض الحلقات منها و هي النفس و السرداب ...فقه النفس ..الفلاح و انظري في العناوين وما ينفعك و تابعي الدكتور فهو مختص في العلاج النفسي .
حاولي تشغلي نفسك و تجبرينها على الإنجاز إلى أن ترجع لك هواياتك و محابك
بالتوفيق أخيتي شفاك الله شفاء لا يغادر سقما ❤

 

[bobami]

اختي المرض هذا يصيب تقريبا 80% من البشر لكن يزول بعلاج اذا كان حاد و بدون علاج اذا كان فترةمن الفترات فقط .اذا تريدين نصحية ابتعدي على الادوية .لأنها مو حل و لها اعراض اخرى .جربي تناول مشروب تيزنة الويزة في الصباح و المساء و قبل النوم .لكن بكمية قليلة و لا تفرطي فيها فوق 3 اكوب لأنو عندها اعراض اخرى .جربي عملي شويا رياضة .و اكتري من الاستغفار بكل انوعه في اليوم .انتي لازم تحسني شويا مزاجك عشان حتى يعود اليكي التفكير ولو قليل بعدها روحي لأختصاصي وراح يفيدك .لكن ابتعدي على الادوية. ممكن تتناولي فيتامينات (مغنيسيوم+فيتامين D) او جربي فيتامين سي و الزنك .راح يحسنو مزاجك و يفتحو لكي الشهية في الاكل و يحسنو من النوم و يزيل القلق و التعب و الارهاق و الاكتئاب .

 

[إلياس]

نصائح وطرق الوقاية لتجنب الوقوع فى الاكتئاب

• النوم لعدد ساعات كافية مهم للغاية في منع التقلبات المزاجية.
• تناول الطعام الصحي والابتعاد عن الوجبات المليئة بالدهون المشبعة.
• الابتعاد قدر المستطاع عن بعض الأشخاص المتسببين في إلحاق بعض الضرر النفسي لك.
• مارس الرياضة لمدة 30 دقيقة ثلاث أيام أو خمس في الأسبوع.
• لا تتأخر في طلب المساعدة من المختص إذا شعرت أنك فقدت السيطرة.