مهم جدا و خطير ـ إرسال الأطفال إلى الدكاكين

[الامين محمد]

بسم الله
و الصلاة و السلام على أشرف خلق الله
سيدنا محمد و من سار على هاه إلى يوم الدين ثم أما بعد

قبل فترة شفت فيديو لشيخ تاجر صاحب دكان ـ الشيخ كبير السن يقارب 80 سنة
جات عنده طفلة ممكن 9 ـ 10 سنين لا أكثر

الطفلة جات على نية تشري لكن الخبيث شيبة النار
كان يتعمد يمسكلها و يلمسها في أماكن حساسة
الطفلة كانت بريئة كانت تتهرب و في نفس الوقت كملت تشري مستلزماتها

ــــــــــــــــــــــــــــــــــــــــــــــــــــــــــــــــــ
أكيييد أمر محزن جدا جدا جدا
طفلة ممكن في عمر أصغر أحفاد هاذ الشيخ
حسيت بالغضب و بالحزن و تقلقت بزاااف

للأسف مازالنا نية بزاااف حنا كااامل
ممكن يجي الإنسان تعبان من الخدمة و ما يقدرش يروح يقضي يرسل ولده أو بنته لصاحب دكان خبيث
يبطن الخبث و يفصح عن الصلاح
و ما أكثر الذيابة في ثوب الملائكة وما أكثر أصحاب النية من أمثالنا

صح ما نقدروش نعرفوا لكن الإحتياط واجب
حتى إذا كان الغاية هي أننا نخلي الأولاد يتعلموا يقضوا
معليش كااين حل
نخلي ولدي أو بنتي تقضي بشرط نكون أنا مرافق ليهم
و نخليهم يتعلموا
نكون حارس ليهم في ظل أنتشار الذياابة

و نزيدكم معلومة أغلب لما نقول أغلب يعني اكثر من 90 بالمية من الذكاكين فيها
مقصورة أو غرفة خلفية

يعني طفل أو طفلة صغيرة يسهل اقاعهم في الفخ
مثلا يقول للطفل الشي اللي راك حاب تشريه راه في الغرفة روح جيبه

إذن خاوتي و خواتاتي حذاري كل الحذر أنك تقرا لمان و ترسل إبنك أو بنتك للدكان لوحدهم
خصوصا في أوقات اللي يكون الغاشي قليل
كالقيلولة أو في الصباح الباكر

في الأخير نقول ربي يحفظ لينا كل أولادنا
و كل واحد شرير و حاب الشر لطفل أو طفلة ربي يفضحه و يجعل كيده و تدبيره و في تدميره

رااااني حزييين الامين محمد​

 

[sanaya]

غير الخير علاه الحزن
بنتي عندها فيلو نهار كامل باباها و حماتي يقولولها شويا و تتعلمي تسوقيها و تروحي للحانوت
احلفت متروحش للحانوت باسكو الحال يخوف نشوف بنات فعمرهم تروح حتى فالليل تشري مصح أنا الله غالب قلبي مش مطمئن ماشي بسبة مولى الحانوت
و إنما بسبب الطريق
مصح كنكون فدار والديا الحانوت قريب بزاف نبعثها
مصح كقريت موضوعك دوكا لقيت كاين مشكل واحد اخر خلاف مخاطر الطريق وهو التحرش بالأطفال
أملا الواحد يتعب روحو خير مايندم و مراح نموتو لوكان كاش نهار ريحنا بلا حليب و لا خبز
مشكور على فتح بصيرتنا و سلمت يداك

 

[zagane]

السلام عليكم
بارك الله فيك

 

[الامين محمد]

غير الخير علاه الحزن
بنتي عندها فيلو نهار كامل باباها و حماتي يقولولها شويا و تتعلمي تسوقيها و تروحي للحانوت
احلفت متروحش للحانوت باسكو الحال يخوف نشوف بنات فعمرهم تروح حتى فالليل تشري مصح أنا الله غالب قلبي مش مطمئن ماشي بسبة مولى الحانوت
و إنما بسبب الطريق
مصح كنكون فدار والديا الحانوت قريب بزاف نبعثها
مصح كقريت موضوعك دوكا لقيت كاين مشكل واحد اخر خلاف مخاطر الطريق وهو التحرش بالأطفال
أملا الواحد يتعب روحو خير مايندم و مراح نموتو لوكان كاش نهار ريحنا بلا حليب و لا خبز
مشكور على فتح بصيرتنا و سلمت يداك

أهلا بأختي و سيدتي
فعلا يا طيبة لابد من الحذر و تحذير الآخرين فالذئاب البشرية
أصبحت في كل حي و في كل شارع و في أغلب الحوانيت

يا ربي لا تفجعنا في أحد من أولادنا آآآمييين

 

[الامين محمد]

السلام عليكم
بارك الله فيك

أهلا و سهلا اخي
و شكرا على كرم المرور

 

[أبو عاتكة]

يا ريت لو نبطّلو من الاساس ارسال الاطفال لقضاء الحوائج المختلفة سواء للبيوت أو المحلات أو أماكن أخرى خصوصا الصغار غير النابهين وهي عادة فينا جميعا نتهاون فيها سببها التكاسل والتعب والتواكل لكنها مسؤولية ومهام الكبار...
يعطيك الصحة الشيخ أمين على التنبيه.

 

[الامين محمد]

يا ريت لو نبطّلو من الاساس ارسال الاطفال لقضاء الحوائج المختلفة سواء للبيوت أو المحلات أو أماكن أخرى خصوصا الصغار غير النابهين وهي عادة فينا جميعا نتهاون فيها سببها التكاسل والتعب والتواكل لكنها مسؤولية ومهام الكبار...
يعطيك الصحة الشيخ أمين على التنبيه.

أهلا بالأأخ و الأستاذ الغالي أبوفريد حياك الله و بياك
فعلا أمر نستهين به لولا حفظ الله
يعني هذا الامر كالرعي حول الحمى في أي لحظة قد تحصل المصيبة الله يستر

ربي يحفظ كل أولادنا

حبيبي أنت أبوفيصل

 

[سكون الفجر]

واقع مرير والله المستعان
بارك الله فيكم أخي الكريم على طرح الموضوع
ونصيحة للأهل
لااااااااااااااااااا تبعتوووووو ولادكن يشترو من الدكاكيييين
​

 

[الامين محمد]

واقع مرير والله المستعان
بارك الله فيكم أخي الكريم على طرح الموضوع
ونصيحة للأهل
لااااااااااااااااااا تبعتوووووو ولادكن يشترو من الدكاكيييين
​

فعلا اختي واااقع مر خصوصا على الاطفال
نسأل الله العافية

بارك الله فيكم اختي سرني مرورك

 

[HAMZA USMA]

ربي يحفظ اولادنا

 

[الامين محمد]

ربي يحفظ اولادنا

أهلا بالأخ الحبيب
اللهم آآآمييين بارك الله فيك أخي

 

[وۣۗهۣۗہۣۗم]

واقع صعب تعيش براعمنا وسط عالم مليئ بالاشواك فلانامن علىيهم حتى مع جيراننا الذيين اوصى بهم الرسول فما بالك الشارع نسال الله ان يجعل مستقبلهم اكثر اماناا من حاضرهم

 

[السوفي حمة]

بارك الله فيك اخي على هذا التنبيه وما قلته شيء موجود فعلا في مجتمعنا خاصة وان مهنة التجارة اصبح يمتهنها من هب ودب لست مع من يقول ان لا نرسل اطفالنا للتبضغ لكن ليس وحدهم فلنرافق ابناءنا للتبضع حتى يتعلموا ونعلمهم من الصغر عدم قبول اي شيء من الغرباء وعلى الامهات توعية بناتهن بكل الحيل التي يستعملها الذئاب البشرية في اصطياد البريئات كما كانت تفعل الامهات في زمننا

 

[الامين محمد]

واقع صعب تعيش براعمنا وسط عالم مليئ بالاشواك فلانامن علىيهم حتى مع جيراننا الذيين اوصى بهم الرسول فما بالك الشارع نسال الله ان يجعل مستقبلهم اكثر اماناا من حاضرهم

آآآميين آآآآميين
للأسف واقع مخيف لى أولادنا
شكرا يا طيبة سررت بمرورك أختااه

بارك الله فيك اخي على هذا التنبيه وما قلته شيء موجود فعلا في مجتمعنا خاصة وان مهنة التجارة اصبح يمتهنها من هب ودب لست مع من يقول ان لا نرسل اطفالنا للتبضغ لكن ليس وحدهم فلنرافق ابناءنا للتبضع حتى يتعلموا ونعلمهم من الصغر عدم قبول اي شيء من الغرباء وعلى الامهات توعية بناتهن بكل الحيل التي يستعملها الذئاب البشرية في اصطياد البريئات كما كانت تفعل الامهات في زمننا

أهلا بالأخ حمة
فعلا وحوش بشرية لا ترحم حتى البراءة
على الجميع التنبه لهذا الامر قبل وقوع المصيبة و أكيد يبقى الحفظ من الله هو الضامن
نسأل الله أن يحفظ كل أولادنا

سررت بمرووركم الكريم يا إبن الأكارم

 

[السلطانة]

وعليكم السلام ورحمة الله وبركاته
وراك فكرتني بالمرحومة سلسلبيل لي بعثوها اهلها تشري كيلو سكر
راحت مرجعتش كون في حادث كون موت عادي لكن اختطاف واغتصاب وقتل هي ابشع جريمة
انا تاني نخاف من هاذ الامورات ورجعت موسوسة
صح اغلب الشعب رجع ميخافش ربي ويقتلو في البراءة ويغتصبو فيهم ولاحياة لمن تنادي
على الاولياء يتولهو لولادهم لانها في لحظة يصرا لعجب
بارك الله فيك ربي يستر على وليداتنا