ما نخافش عليك خويا مروان نعرفك رجلة وتسلك راسك
هههه خوك مروان وي يسلكها ساعات برك
بصح لوكان تكوني تسوقي في الليل وحدك وما يحبوش ليفيتاس يفوتو لك كيفاش تديري مع هذ الاونبان
في الحقيقة جامي صراتلي لانو سيارة علبة اوتوماتيكية مع اني سقت مانوييل علبة عادية انا كي طيح اونبان نعرف نطفيها ونطلب مساعدة او نطلع الكابو يضربها ريح هههه وراك عارف فبلادنا تبارك الله اول ما مرا تتوقف الكل يعرض مساعدة وغالبا ما انا نتوقف امام نقطة تفتيش أمان
جاوبي بدون ما تسقسي اذا نعرفك تسلكي راسك
نجاوبك بكل صراحة واش نعرف نقول واللي خاطيتني نقولها
واذا كريفاتلك الرودة وما عندكش الكريك كيفاش تسلكي راسك
ههه صراتلي فبن شكاو طالعة للمدية كانت 1 نتاع ليل وكريفاتلي رودا وعينك ما تشوف الا نور الظلمةوحدي انا ويمى وبرد وضباب. كريك ديما موجود لكن ما نخدمهاش انا محال ايا درت فودوتراس ومثلث انو راني اونبان وتوقفو سيارتين من عاصمة وقعدت فالسيارة وهوما غيروها بروتسوكور لكن فحالة لازم انا نديرها نظن شفت يديرو زوج حطبات خشان فوق بعضاهم ويكالو بيهم سيارة تطلع باه تقدر تنحي البنو وكيما انا باه ندور هذوك عفايس فالبنو نطلع فوق ذيك.حية اللي.جاية كالايكس ههههه واسمها قولي هههه
واذا خلاصلك ليصونص وانتي في طريق وحدك واش تديري
وهذي هي فائدة فايس بوك ومنتديات وصديقات اتصل بالحصة وين ما نكون صديقاتي عزيزات منِ كل ولايات اتصال يجيني طونو نتاع ليسونس هههه فمره خلاصلي فطريق آفلو ويوم عيد وطريق مهجورة تقريبا وحبست صايي لما نزلت وقفت وجاب ربي شاحنة نتاع عسكر ماريين هو ممنوع يحبسو لكن سيارة لاجيب توقف عندي وسقساني. لما قتلو قامو باللازم وزيادة الحمد لله بلادنا فيها رجال وولاد فاميليا والله بلا.مقابل
واذا وقعني في حادث لا قدر الله كيفاش تديري
صرات مع كاميو كنت راح ندوبليه درت كليوتانت وضربتو بالفار يعني اشاره لانو كان مغطيلي طريق وظلمة يعني لو دوبليت وسيارة جاية لو راني مرحومة ليليا ايا رجعلي اشارة يسار انو اخرج مازال.ما شفاش انها مرا انا دوبليت وهو كان نعسان او غلباتو نوم حتى شفتو خرج لعندي راح يضربني انا جبدت الفولو للطرف مبعدة عليه بسرعة كبيرة وخممت انو لو نفريني تنقلب بيا فخليتها نحيت رجلي من لاكسيلاتور وراحت للبيست وبديت نخفف بالفران.مي ظلمةكنت نتوقع.كاش واد او ي حاجة نطيح من فوق وربي ستر وتوقف وجا.طلب سماح وقالي نعست داتني عيني وربي سترني
خويا مروان ما تلعبهاش تسيبورتي السياربي ونهار تحصل تعرف غير تعيط في التلفون باش يسلكوك
