عذرا لم استطع ان اقول لك

الوهم

:: عضو مُتميز ::
إنضم
28 فيفري 2019
المشاركات
636
نقاط التفاعل
1,735
النقاط
51
العمر
34
محل الإقامة
وهران
الجنس
أنثى
السلام عليكم اخوتي الكرام جاتني فكرة حبيت نشاركها معاكم وهي واشنو الكلمة او الموضوع الي راه في قلبك حبيت تهدر فيه معا شخص ما لكنك لم تستطع لضروف ما وبما اني صاحبة الفكرة راح نبدا بروحي انا شحال تمنيت نهدر مع والديا كيما نقولو نداسرهم نضحك معاهم نعنقهم كيما خواتاتي مي الله غالب نحشم بزاف والله لدرجة انو ادا دخل عليا ابي راقده نوض واقفا خياتي يحكو لامي كل مشاكلهم انا لا لو كان تقوم عندي الحرب العالمية الثالثة ما نقلولش كتومة بزاف نحس روحي بزاف بعيدة هوما يموتو عليا ديما يقولو لخياتي ياريت تكونو كيفها لكن انا نقول ياريت كنت كيفهم نفضفضلكم ونعنق ونبوس ونبكيلكم ولكن:censored:
 
موضوع شباب بزاف ولكن منقدرش نشارك لأنو المشاعر تحجرت الله غالب
ندمت الجدة تاعي كانت صارمة و جامي حكيتها و قلت ليها نحبك
و يما و جدتي الأخرى ربي يطول في عمرهم نحضنهم و نبوسهم و نعبر ليهم خفت يجي نهار و نندم كما ندمت قبل اليوم....
عجوزتي تمنيت يجي نهار نقولها أنا نحبك و يوجع قلبي كنشوفك ديري الشر فيا و واحد مهوش واقف معاك غير انا تمنيت لوكان نقدر نعبرليها بالاك تتبدل مالقري مستحيل
ابار الوالدين مكاش شخص ندمت على عفسة معاه
سلام
 
السلام عليكم ورحمة الله وبركاته
موضوع جد جميل أختي الكريمة، وكم هو صعب النّدم بعدما تنفلت من أيدينا الفرص
لذلك علينا اغتنام ذلك قبل فوات الأوان
قبل سنوات لم أكن اهتم لهذه الأمور، أما مؤخرا أي حاجة نحب نديرها
نروح نديرها مباشرة لأنني لا أريد الندم لاحقا
بالنسبة لبعض الامور انا اشبهك، نكتم كلشي لداخل مانحب نتعب والديا بأموري
لكن الام تاعي نحبها نحضنها نحكي معاها بصح ابي كيفك نحشم منو
نحكي معاه ونضحك معاه بصح كاين بعض الحدود، لذلك حبيبتي مادام حابة
تعنقي يماك وباباك روحي عنقيهم، هاد الحضن يسوى الدنيا ومافيها بالاخص
راهم قدامك، تحشمي اول نهار وتجيك بيزار من بعد توالفيها وتوليلك عادة طيبة
وتولي مدمنة عليها، صدقيني هادا اجمل
شي يمكن تجربيه في حياتك فما تفرطيش فيه نهائيا
اما عن نفسي ماعنديش حاجة حاليا في بالي، كي نتفكر نرجعلك ان شاء الله ^^​
 
السلام عليكم....
موضوع شباب ومميز والفكرة اجمل فلربما نجد الحل من خلال ردود االلماويين واللماويات


الشئ المؤسف انوو في معظم الأوقات لما نندم على شئ يكون فات الأوان التصليح
وأكثر شئ نندم عليه انوو انا شخص كتوووووووم ولا أشارك أفكاري أو ارائي احد حتى الوالدة وهذا ما سبب بعض الهفوات ولو كنت صريحة لكان الأمر اجمل

بوركتى
 
داىما يكون الاختلاف بين افرا الاسره في العقليات منهم المرح منهم الكتوم منهم البهلول ومنهم الي مزير وجهو
انا مثلا للي في قلبي على لساني لا اترك مجال للندم لما نحب ندير حاجة ما نخليهاش تبات في قلبي لازم نخرجها كنت صديق ابي رحمه الله ومازلت صديق امي حفضها الله
وحتى الأصدقاء اصارحهم بما يجول في خاطري في لحضته اخاف ان انسى واندم بعدها
كل الشكر على ما انتقيتي
انتضر منك كل جديد
 
والله موضوعك حساس و جميل ف نفس وقت
جميل انك تصارحينا و تصارحي نفسك بامور ندمتي عليها باه ك تشوفي غيرك قايم بيها تتشجعي بيه و انا ننصحك مكانش كيما حضن امك و باباك جامي تحشمي منهم روحي ارقدي عندهم و ابكي في حضنهم هوما الوحيدين الي رح يفهموك و يساعدوك و يحبوك
انا عن نفسي ندمت ك معنقتش امي اخر مرة قبل ماتتحط في قبرها
شكرا
 
وعليكم السلام ورحمة الله وبركاته
ماشاء الله لا قووة الا بالله تبارك الذي بيده الملك
بارك الله فيك وجزاك كل خير لمواضيعك الجميلة والمميزة وجعلها في ميزان حسناتك

حالتي وشخصيتي مثل اخي الطيب هنا :

داىما يكون الاختلاف بين افرا الاسره في العقليات منهم المرح منهم الكتوم منهم البهلول ومنهم الي مزير وجهو
انا مثلا للي في قلبي على لساني لا اترك مجال للندم لما نحب ندير حاجة ما نخليهاش تبات في قلبي لازم نخرجها كنت صديق ابي رحمه الله ومازلت صديق امي حفضها الله
وحتى الأصدقاء اصارحهم بما يجول في خاطري في لحضته اخاف ان انسى واندم بعدها
كل الشكر على ما انتقيتي
انتضر منك كل جديد

في الهوا سوا اخي الطيب
بارك الله فيك وجزاك كل خير
رحم الله والدك وغفر له وكل موتى المسلمين
الله يحفظلك امك الكريمة ويطول فعمرها في عبادة الله وطاعته

تحياتي احترامي وتقديري لشخصكم الكريم

لا اندم على مافات لانه دهب وانقضى وانما اتعلم باذن الله من اخطائي
اني اندم عن ظلمي لنفسي دائما بكرهي لها وعدم اعطاء لها حقها اني حتى لا ابرر لها واجلدها دائما وابدا
اعرف اني مخطئة لكن افضل الخطا في حق نفسي على ان اخطيء في حق غيري

والله يهديني ان شاء الله

ارجو تقبل مروري
تحياتي احترامي وتقديري لشخصكم الكريم الطيب
في امان الله وحفظه
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top