لا فوبي (phobia)

السلام عليكم
أنا صراحة خواف لدرجة لا توصف من كنت صغير وأنا نخاف من كلش تقريبا.
ايه تخاف من كلش ماشيثغير انت بصح الفوبيا وحدها
حدد الحاجة الي خافها بزلف نهار تشوفها يحمار وجهك ويقشعر لحمك وتولي تعرق وتعيط كيما الي خرج فيه ديناصور
وعلى حساب الشوفة انت تخاف الحنش
اعترف قبل دخول اخي @Golden Man. قاىد السفينة
 
وعليكم السلام ورحمة الله وبركاته
هذا الموضوع قريتو في وقتو ومباعد غبت واليوم تفكرتو قلت نرجع نرد فيه
خخخخخخ يعطيك الصحة
الحالات لي حكيت عليها في موضوعك متنوعة
وخاصة ام اربع واربعين خخخخ تتخيلها لاصقة فيك قمة الفوبيا..والرعب.

انا عندي فوبيا الزواحف قادر قلبي يحبس
كون يخرجلي حنش كي نخرجو للطبيعة نبقى نعس
هوما كامل يحوسو وانا قبل مانفرش ونقعد فوق الحشيش ولا تحت الشجرة نتحسس المنطقة مليح
شغل كون يجي حيستناني ههههه وكي نمشي نقول بسم الله الذي لايضر مع اسمه شي.. بسم الله
هاذي كي نجي لدارنا ونحوسو في الحشيش..
اما طبيعة ولاية المسيلة والجلفة وماجاورها
فهي مختلفة وتخوفني اكثر
كيما كنت مازلت عروس خرجنا نحوسو
وانا منيش عارفة الغيران رحت مشيت عليهم وكي عيطت عليا عجوزتي دخلت رجلي في غار نضت نجري ونعيط ههههه من يومها مامشيتش وين الغيران
نخاف تاني من السحلية مرة طلت عليا من التاقة وجارنا عندو جنان
خرجتلي لسانها عيطت وهربت للصالون وقفلت البيبان منسيتش المنظر هاذاك لليوم
تاني منرقدش والباب مفتوح هاذي مستحيل كون منقفلوش ونعاود بالمفتاح مانطمنش
نبقى نتخيل في الزواحف دخلو من تحت الباب وجاوني خخخ
ونخاف كي تجي الصيف نفكر دار شيخي في القطران باه يديروه قدام الباب تاع البرا وفي الجنان
وقبل منرقد نتفقد الفراش وننفضو مليح

ربي يحفظنا ويبعد علينا كل شر
تحياتي
 
وعليكم السلام ورحمة الله وبركاته
هذا الموضوع قريتو في وقتو ومباعد غبت واليوم تفكرتو قلت نرجع نرد فيه
خخخخخخ يعطيك الصحة
الحالات لي حكيت عليها في موضوعك متنوعة
وخاصة ام اربع واربعين خخخخ تتخيلها لاصقة فيك قمة الفوبيا..والرعب.

انا عندي فوبيا الزواحف قادر قلبي يحبس
كون يخرجلي حنش كي نخرجو للطبيعة نبقى نعس
هوما كامل يحوسو وانا قبل مانفرش ونقعد فوق الحشيش ولا تحت الشجرة نتحسس المنطقة مليح
شغل كون يجي حيستناني ههههه وكي نمشي نقول بسم الله الذي لايضر مع اسمه شي.. بسم الله
هاذي كي نجي لدارنا ونحوسو في الحشيش..
اما طبيعة ولاية المسيلة والجلفة وماجاورها
فهي مختلفة وتخوفني اكثر
كيما كنت مازلت عروس خرجنا نحوسو
وانا منيش عارفة الغيران رحت مشيت عليهم وكي عيطت عليا عجوزتي دخلت رجلي في غار نضت نجري ونعيط ههههه من يومها مامشيتش وين الغيران
نخاف تاني من السحلية مرة طلت عليا من التاقة وجارنا عندو جنان
خرجتلي لسانها عيطت وهربت للصالون وقفلت البيبان منسيتش المنظر هاذاك لليوم
تاني منرقدش والباب مفتوح هاذي مستحيل كون منقفلوش ونعاود بالمفتاح مانطمنش
نبقى نتخيل في الزواحف دخلو من تحت الباب وجاوني خخخ
ونخاف كي تجي الصيف نفكر دار شيخي في القطران باه يديروه قدام الباب تاع البرا وفي الجنان
وقبل منرقد نتفقد الفراش وننفضو مليح

ربي يحفظنا ويبعد علينا كل شر
تحياتي
علاش حكيتي على ام44 علاش زكارة فيا درك الرقاد وما نرقدش ديجا قريت اسمها بديت ننفض فالفراش.
وبالنسبة للزاحف عندك الحق وشكون ما يخافش الحنش ولا الافعى وزيد مؤذية بصح الحنش ما يقدرش. يفتح الباب غير ما تخافيش وديري القطران ما يدورلكش بالدار
اما بالنسبة للسحلية اذا قصدك الزرزومية ما تاذيش مسكينة تحب تعيش في الكوانات والغيران مرات تحب الزكارة تلصق في الزجاج تاع التاقة رايحة جاية ولكن حذاري تطيحلك في حاجة تاع ماكلة حليب موش مغطي ولا طنجرة شربة ولا موش مغطية لأن سمها اذا تحول قاتل والله اعلم في السنة يجوز قتلها بكف اليد وقاتلها يؤجر
علابالي خوفتك اكثر ان شاء الله تروحلك لفوبيا
تقديري لك
 
السلام عليكم

ههههههههههه والله فكرتني مرة وحد الفار جبتوا في وسط الشوفاج قديم كان سير كال مين رحلت
وبعد يوم سمعت العياط في الكوزينة حسبت النار شعلت
تدخلت القوى الخاصة وانسحبت بعدها كل القوات الانثوية من الكوزينة واحظرت انا اسلحة الدمار الشامل
الفروطوار الكلاكيت وغلقت كل المنافد وبدينا في نقل الثلاجة وخرج من تحتها الفار عفست عليه بالرجل لقي حدفه وخرجو مصارينو
وتم تنظيف كل الاثار والبعر
لكن الفوبيا نتاع البعر بدات
كل يوم المرا تجيني وتقول لقيت بعر نتاع فار في الصالون
لقيت بعر في الكوزينة لقيت بعر في التيروارات فيييييييي فيييييييييييييييييييييييي
وفي الاخير اكتشفت ان هداك البعر هو السنوج نتاع الخبز ......... الاطفال احيانا ياكلون الخبز في اي مكان ويطيحو السانوج من الخبز
وحسبوه بعر الفار

من يومها بطلت نشري وقاطعت الخبز لي فيه السنوج
 
آخر تعديل:
السلام عليكم

ههههههههههه والله فكرتني مرة وحد الفار جبتوا في وسط الشوفاج قديم كان سير كال مين رحلت
وبعد يوم سمعت العياط في الكوزينة حسبت النار شعلت
تدخلت القوى الخاصة وانسحبت بعدها كل القوات الانثوية من الكوزينة واحظرت انا اسلحة الدمار الشامل
الفروطوار الكلاكيت وغلقت كل المنافد وبدينا في نقل الثلاجة وخرج من تحتها الفار عفست عليه بالرجل لقي حدفه وخرجو مصارينو
وتم تنظيف كل الاثار والبعر
لكن الفوبيا نتاع البعر بدات
كل يوم المرا تجيني وتقول لقيت بعر نتاع فار في الصالون
لقيت بعر في الكوزينة لقيت بعر في التيروارات فيييييييي فيييييييييييييييييييييييي
وفي الاخير اكتشفت ان هداك البعر هو السنوج نتاع الخبز ......... الاطفال احيانا ياكلون الخبز في اي مكان ويطيحو السانوج من الخبز
وحسبوه بعر الفار

من يومها بطلت نشري وقاطعت الخبز لي فيه السنوج
هذا من اخطر انواع الفوبيا
الفار بالنسبة للنساء ديناصور صغير
وبالنسبة للبعر اصبت اخي عندي قصة معاه والمشكل انه يشبه السانوج ويغلطك والمرأة لو تحلفلها على المصحف ماش رايحة تامنك بلي هذا سانوج حتى ولو اكلته امامها بعر يعني بعر معزة ولو طارت
وعملت مليح كي بطلت الخبز تاع السانوج هكذا تريح من تكسار الراس
تقديري لك اخي
 
هذا من اخطر انواع الفوبيا
الفار بالنسبة للنساء ديناصور صغير
وبالنسبة للبعر اصبت اخي عندي قصة معاه والمشكل انه يشبه السانوج ويغلطك والمرأة لو تحلفلها على المصحف ماش رايحة تامنك بلي هذا سانوج حتى ولو اكلته امامها بعر يعني بعر معزة ولو طارت
وعملت مليح كي بطلت الخبز تاع السانوج هكذا تريح من تكسار الراس
تقديري لك اخي
السلام عليكم
الناس تقاطع الانتخابات وأنا قاطعت خبز السانوج
قلت للفيران لازم ترحلو قاععع بيكم ببعركم
 
السلام عليكم
الناس تقاطع الانتخابات وأنا قاطعت خبز السانوج
قلت للفيران لازم ترحلو قاععع بيكم ببعركم
السلام عليكم
الناس تقاطع الانتخابات وأنا قاطعت خبز السانوج
قلت للفيران لازم ترحلو قاععع بيكم ببعركم
السلام عليكم
الناس تقاطع الانتخابات وأنا قاطعت خبز السانوج
قلت للفيران لازم ترحلو قاععع بيكم ببعركم
والله جبته قد قد
ما تقوليش طالبت بتطبيق المادة 102 وما تخليش يكلحوك طالب بتفعيل المادة
7
 
الحاجة الوحيدة لي نقدر نصنفها فوبيا عندي هي القيادة بسرعة كبيرة للسيارت
ههه كي نشوف العداد لحق 140 ..150 تروحلي كامل لحسابات و نبدا نتخيل كيفاش الحادث باش يصرا ونبدا نشوف مشاهد كارثية ههه .. ومن غير هاذي ما عندي حتى فوبيا والحمد لله :) .
 
الحاجة الوحيدة لي نقدر نصنفها فوبيا عندي هي القيادة بسرعة كبيرة للسيارت
ههه كي نشوف العداد لحق 140 ..150 تروحلي كامل لحسابات و نبدا نتخيل كيفاش الحادث باش يصرا ونبدا نشوف مشاهد كارثية ههه .. ومن غير هاذي ما عندي حتى فوبيا والحمد لله :) .
عندك الزهر يا خويا دحمان ما عندكش فوبي كيما الجماعة
بصح لا فوبي تاع السياقة ماهيش قليلة سيرتو مع لوتوروت وزيد اذا كانت الطريق مشمخة بالماء رد بالك اخويا الطريق ماراهيش ترحم
تقديري لك اخي وسعيد بوجودك في الصفحة
 
هذا من اخطر انواع الفوبيا
الفار بالنسبة للنساء ديناصور صغير
وبالنسبة للبعر اصبت اخي عندي قصة معاه والمشكل انه يشبه السانوج ويغلطك والمرأة لو تحلفلها على المصحف ماش رايحة تامنك بلي هذا سانوج حتى ولو اكلته امامها بعر يعني بعر معزة ولو طارت
وعملت مليح كي بطلت الخبز تاع السانوج هكذا تريح من تكسار الراس
تقديري لك اخي
لا اخاف من الفار، العام اللي فات هو يجري وانا نجري موراه هههههههههه
 
لا اخاف من الفار، العام اللي فات هو يجري وانا نجري موراه هههههههههه
حذاري من الجري وراء الفار ممكن تطيحي اهي الطيحة واعرة ايتها البلهاء السلاح المتاح لاصطياد الفار هو الفروطوار ومحاصرته في الركن
واحييك على شجاعتك لانو قليلا ما نجد امرأه تقاوم الفوبيا امام الفار خاصه الفار الاسود
 
حذاري من الجري وراء الفار ممكن تطيحي اهي الطيحة واعرة ايتها البلهاء السلاح المتاح لاصطياد الفار هو الفروطوار ومحاصرته في الركن
واحييك على شجاعتك لانو قليلا ما نجد امرأه تقاوم الفوبيا امام الفار خاصه الفار الاسود
او راك تقول بلهاااااااء، حركت كل شيء بسبتو الفار هذاك منين يروح نروح هههههههههههه
واش من شجاعة تقول منعرف وش درت، ماشي حاجة وانت تكلم فتاة مجنونة وليس امراة ههههههههههههه
 
او راك تقول بلهاااااااء، حركت كل شيء بسبتو الفار هذاك منين يروح نروح هههههههههههه
واش من شجاعة تقول منعرف وش درت، ماشي حاجة وانت تكلم فتاة مجنونة وليس امراة ههههههههههههه
ههههههه اذا الفار عندو لافوبي منك نضن من ذاك النهار ما دخلش لداركم
ربي يكون مع الفار الي يتجرأ ويدخل للصالون
واصطيادك للفار انجاز كبير لانو الناس الي عندهم فوبيا من الفار يغلقو الباب على رواحهم ويستناوه يروح
مجنونة تاع الصح
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top