- إنضم
- 13 أفريل 2013
- المشاركات
- 14,618
- نقاط التفاعل
- 54,535
- النقاط
- 1,756
- العمر
- 31
- محل الإقامة
- قسنطينة
- الجنس
- أنثى
السلام عليكم ورحمة الله وبركاته
اهلا ماري توحشتك يا طفلة مثلما توحشت كل أهل اللمة
اليوم راني هازة الستيلو وندور من بلاصة لبلاصة نحوس على المواضيع لي كيما هكا لي يبردو القلب على اقوال الأخ سامي، حتى لقيت موضوعك قلت نجري نخربش هنا شوي ونفرغ قلبي
وبالعودة للموضوع، مسألة العمر تعتبر خط احمر لدى العديد من النساء، لأنو المرأة بطبعها تحب تبقى شابة وصغيرة وماتكبارش كن تصيب تتحنط كي فرعون تقعد كي المومياء مايتغير فيها والو، لكن هذا خطأ رانا بشر وهادي دنيا تمشي مصيرنا نكبرو، والعيب ماش في العمر وإنما كي تكبر وتبقى فيك جياحة الصغر هاهو العيب، وانا لي تحيرني ماشي الطفلة العازبة نقولو بالاك تتوسوس مع مرور العمر وماجاهاش عريس، بصح وحدة متزوجة وولادها قد الشجر في الطول لي راجل ولي مراة ومازالت طامعة في الدنيا، تلقايها تلبس ملابس المراهقات وتعجبها كي يمدولها عمر اقل من عمرها كأنو رايحين يعاودو يخطبوها.
الإنسان لازم يتقبل سنو كيما راه، شوفو انا حاطة عمري في معلوماتي الشخصية بكل روح رياضية هههه ولي يسقسيني نقولو عمري ربع قرن وسنة
مافيهاش عيب هادي
بصح لي ضحكتني في الموضوع كامل لي قالت لبنتك ماتسقسيش هاد السؤال، انا مافهمتش بعض النساء لما يطلقو ولادهم في ديار الناس يسقسيو على الصغيرة والكبيرة، قريب مصارنك يسقسيو عليهم تقول تابعين للتحقيق ولا جواسيس، تما ماتقولكش عيب وماش مليح يضحكولهم ويقولك صغار، بصح الامور العادية يحاسبوهم عليها، وعلى هادي ولادنا مساكن خرجو معوجين خاطر ماعرفوش واش الصح وواش الغالط.
في النهاية كيما قلتي العمر مجرد رقم الصح في واش نستغلو هاد العمر، والشباب قادر يكون في قلب مسن ومايكونش في قلب شاب، الامر يعتمد على شخصية الإنسان فقط
شكرا مريومة على الموضوع، راني كل موضوع ندخل نبرد قلبي شوي ههه
تحياتي
اهلا ماري توحشتك يا طفلة مثلما توحشت كل أهل اللمة
اليوم راني هازة الستيلو وندور من بلاصة لبلاصة نحوس على المواضيع لي كيما هكا لي يبردو القلب على اقوال الأخ سامي، حتى لقيت موضوعك قلت نجري نخربش هنا شوي ونفرغ قلبي
وبالعودة للموضوع، مسألة العمر تعتبر خط احمر لدى العديد من النساء، لأنو المرأة بطبعها تحب تبقى شابة وصغيرة وماتكبارش كن تصيب تتحنط كي فرعون تقعد كي المومياء مايتغير فيها والو، لكن هذا خطأ رانا بشر وهادي دنيا تمشي مصيرنا نكبرو، والعيب ماش في العمر وإنما كي تكبر وتبقى فيك جياحة الصغر هاهو العيب، وانا لي تحيرني ماشي الطفلة العازبة نقولو بالاك تتوسوس مع مرور العمر وماجاهاش عريس، بصح وحدة متزوجة وولادها قد الشجر في الطول لي راجل ولي مراة ومازالت طامعة في الدنيا، تلقايها تلبس ملابس المراهقات وتعجبها كي يمدولها عمر اقل من عمرها كأنو رايحين يعاودو يخطبوها.
الإنسان لازم يتقبل سنو كيما راه، شوفو انا حاطة عمري في معلوماتي الشخصية بكل روح رياضية هههه ولي يسقسيني نقولو عمري ربع قرن وسنة
مافيهاش عيب هاديبصح لي ضحكتني في الموضوع كامل لي قالت لبنتك ماتسقسيش هاد السؤال، انا مافهمتش بعض النساء لما يطلقو ولادهم في ديار الناس يسقسيو على الصغيرة والكبيرة، قريب مصارنك يسقسيو عليهم تقول تابعين للتحقيق ولا جواسيس، تما ماتقولكش عيب وماش مليح يضحكولهم ويقولك صغار، بصح الامور العادية يحاسبوهم عليها، وعلى هادي ولادنا مساكن خرجو معوجين خاطر ماعرفوش واش الصح وواش الغالط.
في النهاية كيما قلتي العمر مجرد رقم الصح في واش نستغلو هاد العمر، والشباب قادر يكون في قلب مسن ومايكونش في قلب شاب، الامر يعتمد على شخصية الإنسان فقط
شكرا مريومة على الموضوع، راني كل موضوع ندخل نبرد قلبي شوي ههه
تحياتي
يبدا يفكر في اعادة الزواج بعد ويبدا يخطط هادوك السنوات لي نقصتهملو من عمرو كيفاه يجددهم ههه
