قالوا ناس بكري

[حفياد آدم]

قالو ناس زمان :
البلاد اللي يطيح فيها قدرك ماتسكنهاش والحاجة اللي ماتعجبكش ماتشريهاش والكلمة اللي ماكش قدها ماتقولهاش والقعدة اللي مالك فيها كلمة ماتقعدهاش والعودة اللي ديما شاردة ماتركبهاش والارض البور ولو كانت ارضك ماتحرثهاش و
خليها على لسانك كلمة وفي مخك كلمة وماتنسهاش

 

[حفياد آدم]

يقولوا ناس زمان :
ارْقاد الجبانة ولا عيشة الهانة .
قال شاعرهم : لا تسقني كأس الحياة بذلة بل فاسقني بالعز كأس الحنظل
أمسية طيبة للجميع

 

[Golden Man]

يقولوا ناس زمان :
ارْقاد الجبانة ولا عيشة الهانة .
قال شاعرهم : لا تسقني كأس الحياة بذلة بل فاسقني بالعز كأس الحنظل
أمسية طيبة للجميع

مشاهدة المرفق 140559​

الله الله على القعدة .. وعلى الكلمة !

بصحتكم صديقي..

 

[حفياد آدم]

الله الله على القعدة .. وعلى الكلمة !

بصحتكم صديقي..

يسلمك لعزيز

 

[حفياد آدم]

يقولوا ناس زمان لي تحب المرقة تبننها
ولي تحب الكسرة تعجنها

 

[حفياد آدم]

***ناس زمان يقولوا***
البعد يجيب السلام.... والقرب يجيب الكلام...

 

[حفياد آدم]

يقولوا ناس زمان..
الي خدم ارتاح و الي قعد جاح والي تكى بغير الله طاح

 

[حفياد آدم]

يقولوا ناس زمان
ثلاثة ما يضمنو ثلاثة :
القراية ما تضمن الفهامة
والمال ما يضمن الكرامة
والسلاح ما يضمن الزعامة
وثلاثة تغم البنادم
موت الام
وعيشة الهم
والناس اللي تآذي بالفم
ربي يرزقنا ويرزقكم الصحة والعافية

​

 

[حفياد آدم]

يقولوا ناس زمان : يجي جيل مجلجل قطاع الكسرة بالمنجل ياكل بالأرطال ويشرب بالأسطال ويسهر الليل وما طال يرقد النهار ويقول مازال الحال ماكلتو نجارة ولبستو خسارة وهدرتو دسارة مائهم (الماء) في الحيوط وهدرتهم بالخيوط الراجل يقلع العمامة والمرأة تقلع الكمامة و روحي يا دنيا بالسلامة

 

[حفياد آدم]

يقولوا ناس زمان : الفرس على الفارس ، والفرس مهما كانت متمردة لا يروضها إلا فارس يفقه قوانين الحرب، الرجولة ليست قطوشة أو سراويل ممزقة، للرجولة ناسها ومبادئها عليك وعلى فهامتك

 

[حفياد آدم]

يقولوا ناس زمان:
مايحكلك غير ظفرك ومايبكيلك غير شفرك

 

[حفياد آدم]

يقولوا ناس زمان :
سبق الميم ترتاح م التخميم
يعني ماسمعتش وماريتش ومانندريش

 

[حفياد آدم]

يقولوا ناس زمان:
صفي قلبك و دير النية و توكل على الله
اللي كرهك بعد منو و نساه و اللي بغاك عرف بقيمتو و موت معاه.

 

[حفياد آدم]

قالو ناس زمان
لا تسرج حتى تلجم وعقد عقدة صحيحة, ولا تكلم حتى تخمم لا تعود عليك فضيحة.

 

[حفياد آدم]

قالو ناس زمان
راح زمان الجدود وهذا زمان لعيوب الحق على وجهو مكبوب
الغالب ولى مغلوب والوقت يمشی مزروب
كثر البهتان والكذوب
من الحرام تعمرت الجيوب حتی سبولة ولات تجي بلا حبوب

​

 

[حفياد آدم]

قالو ناس زمان :
الشتاء هم وغم. والربيع ما تشكر ما تذم والصيف اجري ولم... ومحلى الخريف لوكان يتم.. قال الربيع أنا بزهوري..وقال الصيف انا ببقولي..وقال الخريف انا بدقولي..وقال الشتاء لمو وهاتولي دقولي بمعنى دقلة الشتاء شدة.. والربيع منام.. والصيف ضيف.. والخريف هو العام

 

[حفياد آدم]

قالو ناس زمان
ما تعجبك ليام يا راكبها غدوة تهبط، و تركب لي عاجبها
دنيا صعيبة واسأل لي مجربها ساعات زاهية، و ساعات يكثرو مصايبها

 

[حفياد آدم]

قالو ناس زمان ⁦
⁩ ولد الأصل لوكان توكلو الخبز الحرفي يصونك وقليل الأصل لوكان توكلو لحم أكتافك يخونك

 

[razan roza]

قالو ناس زمان كي يروحو لحراير تولي النعمة تتباع فالشكاير

 

[حفياد آدم]

قالو ناس زمان
ليام كي شهر مارس ساعات سخانة وساعات برد ڨارص وساعات ملاك وساعات على ملك الناس حارس ساعات مغلوب وساعات فارس
​