قالوا ناس بكري

قالو ناس بكري ...
ضرف الهندي مايجيبش تفاحة
والنخلة ماتجيب غير التمر
وحديثك مع السفيه قباحة
وعراكك معاه تطياح قدر
كاين لي على رزقو خماس يحرث في ارض غير ارضو
ولي بنى بنيان بلا ساس صلى النوافل ونسى فرضو
ولي يقطع في عروض الناس لابد يجي نهار لي يتوسخ فيه عرضو.....
18921749_204988626690018_1739185305991823243_n.jpg
 
قالو ناس بكري
الشتا ء هم وغم ،،
والربيع ما تشكر ما تذم،،
والصيف أجري ولم ،،
والخريف محلاه وكان يتم ،،
قال الربيع أنا بزهوري ..
والصيف انا ببقولي ..
والخريف أنا بدڨولي (دڨلة) ..
وقال الشتاء لمو وهاتولي
الشتا شدة والربيع منام
والصيف ضيف والخريف هو العام
c5f96bcb8d97515681d2bbc5a9f2a2e3.jpg
 
فعلا ناس بكري لم يتركوا اي شيء لنا اي شيء بدون معني
لكن المشكلة اليوم في هذا الجيل الذي اصبح يتكبر على هذه الاقوال
بحكم المستوى التعليمي وليس الثقافي

تقبل الله منا ومنكم صالح الاعمال
 
ناس بكري قالو
الرخيس رخيس يالوكان بالعسل عاجنينو
والحر يبقى حر يا لوكان بالمر خابزينو
الي باعك بيعو لا تسال عليه
والي شراك اشريه بالغالي لا تفرط فيه
في الدنيا هاذي افرز وقلل باه تعيش مدلل
لمحبة عندها ناسها ،وناسها كبار
الي قلك نحبك وخان ،ما يكون غير رخيس وغدار
الي قلبو نظيف وعينو مليانة
ما تشوف منو لا غدرة ولا خيانة
عايشين وراضيين وربي الي عالم بينا
اذا ضاقت بينا ندعو العالي يحن علينا
الي عطاني يديه وقت المحنة
نقولو تزيان ليام ونعطيك عينيا
يا خوتي العشرة ماشي كلام
العشرة توريهالك ليام
ناس كبرو وناس تكبرو وناس علينا تجبرو
ناس كيما الشجرة وناس كيما الحجرة
وناس ما تشوف منهم غير الغدرة
بكلامهم يجرحوك و بأفعالهم يقتلوك
وكي تجبد عليهم تسمى نكار العشرة
:mad::mad::mad:
Fm-1lFCWIAES8dL.jpg
 

يقولوا ناس زمان :

يجي جيل مجلجل قطاع الكسرة بالمنجل ياكل بالأرطال ويشرب بالأسطال​

ويسهر الليل وما طال​

يرقد النهار ويقول مازال الحال​

ماكلتو نجارة​

ولبستو خسارة​

وهدرتو دسارة​

مائهم (الماء) في الحيوط​

وهدرتهم بالخيوط​

الراجل يقلع العمامة​

والمرأة تقلع الكمامة​

و روحي يا دنيا بالسلامة​


269947945_242019294681384_7581066977049117517_n.jpg
 
ناس بكري ڨالوا
ماشي كل اللي ساكن قصر تهنى
و ماشي كل اللي كتم غيضوا صبار
وماشي كل اللي رفع صوتوا غنى
و ماشي كل اللي ركب ڨد المشوار
و ماشي كل اللي كسب عود دنى
و ماشي كل اللي بحر يسمى بحار
و ماشي كل اللي ركع نال الجنة
وماشي كل اللي عصى يدخل للنار
هذي الدنيا غدارة ما بقات فيها بنة.. تتقلب في كل يوم تعطيك أخبار
في الدنيا هذي واحد ما تهنى.. خداعة بعد العسل تسقيك مرار

332310176_902893394084812_7590819189535950347_n.jpg
 
ناس زمان قالو:
المنافق ما تقدر تسلك من سمو
يالو كان تسقيه العسل في فمو
موحال تنجى من بلاه و همو
مهما دير فيه الخير ما تصيبو
طبع الرخيس جاري في دمو
لي يخطوه الوالدين مايبقالو قلب حنين
صحتك هي راس مالك اذا راحت ماعندو مايبقالك
كاين المرا لي تعليك
وفي وقت ضعفك تقويك
وفي همك تنسيك
واذا كثرو جروحك تداويك
وكاين المرا لي تعييك
وفي وقت ضعفك تضحك عليك
وفي همك تزيد عليك
واذا كثرو جروحك

335239167_895524351688821_7158379567016152041_n.jpg
 
لي يبيعك بالفول بيعه بالقشور
تقبل الله منا ومنك الصيام وصالح الاعمال
 
ناس زمان قالو:
نوصيك ياقاري حديثي على زوح حوايج اذا خطاوك ابكي عليهم بالدم اما الباقي الله يسمح٠٠٠
الاولى:الوالدين "قالك لي يخطوه الوالدين مايبقالو قلب حنين"
الثانية:الصحة" قالك صحتك هي راس مالك اذا راحت ماعندو مايبقالك"
كاين المرا لي تعليك
وفي وقت ضعفك تقويك
وفي همك تنسيك
واذا كثرو جروحك تداويك
وكاين المرا لي تعييك
وفي وقت ضعفك تضحك عليك
وفي همك تزيد عليك
واذا كثرو جروحك تكويك

النعجة تقول حليبي زبدة وصوفي لبدة ومايكسبني غير حنين الكبدة
والكبش يقول صوتي صياح وراسي نطاح ولحمي فواح ومايقدر يكسبني غير الفلاح
البقرة تقول فمي نار وكرشي دار وماتشبع لا ليل لانهار ومايكسبني غير طويل لعمار
المعزة تقول صوتي عالي وحليبي غالي وصوفي شعر وطريقي وعر ومايكسبني غير ملقط دعاوي الشر

i.gif
 
السلام عليكم
تقبل الله منا ومنكم الصيام وصالح الاعمال
لا في النساء عهد وافي ولا عقد صافي ...
لا تغرك شمس الشتاء ولا تغرك ضحكة النساء
بالك تنسى وتامن النساء
النساء كيدهم ما يتنسى
أنتوما النساء هدرتكم ما تنحصى ومرقتكم ما تنحسى

ألي يحب الهراج يكثر الجاج والنساء
 
السلام عليكم
تقبل الله منا ومنكم الصيام وصالح الاعمال
لا في النساء عهد وافي ولا عقد صافي ...
لا تغرك شمس الشتاء ولا تغرك ضحكة النساء
بالك تنسى وتامن النساء
النساء كيدهم ما يتنسى
أنتوما النساء هدرتكم ما تنحصى ومرقتكم ما تنحسى

ألي يحب الهراج يكثر الجاج والنساء
صح فطورك
هههه يسمعوك نسا اللمة يطبخوك في بلاصة لبصل​
 
قالو ناس بكري ...
ضرف الهندي مايجيبش تفاحة
والنخلة ماتجيب غير التمر
وحديثك مع السفيه قباحة
وعراكك معاه تطياح قدر
كاين لي على رزقو خماس يحرث في ارض غير ارضو
ولي بنى بنيان بلا ساس صلى النوافل ونسى فرضو
ولي يقطع في عروض الناس لابد يجي نهار لي يتوسخ فيه عرضو.....
مشاهدة المرفق 156634
متاااااااااابعة
وعجبني الموضوع
وشكون قالك كلامهم يروح
جامي
هادو دروس صح ... استنتاجاتهم من الحياة
 
قالوا ناس زمان وحديثهم قياس :

ما يرقد الليل مديون ولا يحمل الذل مانع…
ولا يغسل العرض صابون
ولا ينجر القلب صانع.
ناس تصون و ناس تخون .
و ناس العشرة عليها تهون
.ناس تفرحك و ناس تجرحك.
وناس لوكان بيدها تذبحك.
وناس تدعيلك و ناس تكيدلك
.وناس من حقدها تنكر خيرك.
ناس نساو كيفاش كانوا
و ناس في وقت الشدة ما بانوا
. وناس اش ربحو كي خانوا.
304c7e10a2f3bdbfca7893becaaf22ff.jpg
 
قالوا ناس زمان
إذا مريض شوف عسل النحلة هو أحسن غذاء ودواء في الكون
 
قالوا ناس زمان
إذا راك خاطب شوفها على أصلها وفحلة في بالك ترتاح ولعرضك تصون
 
قالوا ناس زمان
البقرة النطاحة
والنعجة الصياحة
والمراة النواحة
ماتخليهم يدورو في الساحة
والمراة الخبارة والدجاجة الغبارة
كسيبتهم في الدار خسارة
😁😁😁
 
قالوا ناس زمان
والسلوڨي اذا نبح والراجل اذا شطح ادي للواد واذبح
 
قالوا ناس زمان
عيب النفس في كثر الخطايا
وعيب العين من قلة النوم
وعيب العقل في موت الخلايا
وعيب الڨلب دسان الهموم
وعيب الروح في خبث النوايا
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top