قالك ناس زمان
يجي وقت النمل ياكل النمل، والباقي يهمل..... المرأة تحكم والراجل يتبهدل
الدين يبيعوه والحرام يتبعوه ............الطفل من صغرو في المال يحمل ويكبر في الذل ..
يروح الحيا وقراءة القرآن، وتكثر الأديان و يقل الماء في الويدان .......
ويتخالفو العرب وما يبقالهم لا قيمة ولا شان.....
الطفلة في وسط الرجال تبرح ،وكي تتعرف على واحد امها تفرح ،.....
والراجل يرجع كي الطفلة يغني ويضبح ،.
....يجي جيل مجلجل يقسم الكسرة بالمنجل وياكل بالارطال ويشرب بالاسطال ويرقد الليل وما طال ويقول مزال الحال ....
ويجي جيل ماكلته نجارة، ولبسته خسارة ، وهدرته دسارة......
الراجل يڨلع العمامة ولمر تڨلع الكمامة روحي يا دنيا بسلامة.........
قالو الحق يتشنق والباطل يسبق ولي يقول كلمة الحق يتسمى أحمق ....
البس قدك صاحب ندك وتبع سيرة جدك
و الحديث قياس
