الامين محمد راقي شرعي بالتوراة و الانجيل و الزبور ـ و بصحف ابراهيم و موسى

الامين محمد

:: أمين اللمة الجزائرية ::
طاقم الإدارة
إنضم
7 أفريل 2015
المشاركات
16,684
الحلول
1
نقاط التفاعل
48,664
النقاط
1,886
محل الإقامة
الجزائر الحبيبة
الجنس
ذكر
بسم الله
السلام عليكم احبتي ايها الاكارم

كيف حالكم يا شعبي العظيم
ايها المرضى و المراريض
الممسوسين و المسحورين و المربوطين و اللي ضاربينهم بالعين
من القريبة
او من الجارة
و اللي الزهر ما عندهمش
و الشطارة
و اللي حاب يتزوج و اللي حابة تتزوج و تجيها
البشارة
و اللي حاب يفتح
تجارة
او يشري سيارة
او حتى طيارة

و اللي حاب يربح السانكيم او البيام
او البكالوريا
و يروح لجامعات
فرنسية
او ايطالية
حتى و لو كانت دراساتكم
ادبية

و اللي عندهم مشاكل
نفسية
او اسرية

او حاب يترقى في اعلى الوظايف و المناصب
الادارية

و اللي حاب يتزوج بوحدة جمالها كيما
الاكرانية
او حابة تتزوج بواحد يشبه لرجال تاع المسلسلات
التركية
كل احلامكم عندي راهي
مقضية
و مشاكل عندي ليها حلول
آنية

كل هذا عندي بصح بحاجات
سرية
تمتمات و كلمات
سريانية
و عبرية
تحت مسمى
رقية شرعية
ــــــــــــــــــــــــــــــــــــــــــــــ
هههههه
واش رايكم اخواني خرج عليا دور المرقي او المعالج الروحاني

ـــــــــــــــــــــــــــــــــــــــــــــــــــ
احبتي انتشار الرقاة و المعالجين الروحانيين
في المجتمعات و مواقع التواصل الاجتماعي و حتى على القنوات المعتمدة

شيوخ بانوا و ظهروا بين لحظة و اخرى من أناس كنا نعرفهم انهم منحرفين اعتقادا و سلوكا
و لا علاقة لهم لا بالمساجد و لا بأهلها

لبسوا القميص و اطلقوا اللحى و فتحوا قنوات للاجابة على اسئلة العوام
في الطب و الرقية الشرعية

هذا موضوع لكم للنقاش
و الاشئلة هي الاتية

هل ظاهرة انتشار رقاة مجهولين النسب
و الهوية و الطريقة هل هو امر صحي

كيف تعرف و تفرق بين الراقي الشرعي و الدجال

هل سبق لك زيارة معالج

ما سبب تهافت المجتمع بكل طبقاته عليهم

هل اصبحت تجارة رائجة يمتهنها من لا مهنة له

اي يكمن سرهم و قوتهم و تأثيرهم اذا كانوا فعلا يعالجون بالقرآن

اذا كانوا فعلا معالجين بالقرآن فلماذا هته التعقيدات و الاسرار
و لماذا لا نتعلم الرقية الشرعية و التحصينات و نعالج انفسنا و اهلنا
لوحدنا دون الذهاب الى اناس يعالجون بأمور مشبوهة

ما حكم الذهاب الى العرافين و الدجالين و المتمتمين
و اعطاؤهم الاموال اكثر مما يأخذه منا مخابر التحاليل
او مراكز الاشعة و السكانير

هل اصبح مجتمعنا تافها الى درجة استغفاله بطرق اقل ما يقال عنها
انها طرق جاهلية قديمة

اليكم الخط احبتي




 
آخر تعديل:
موضوع قيم سلمت يمناك لي رجعة ان شاء الله لأنه جاء في وقته
 
ههههه مالا احجز لي

فعلا هي ظاهرة انتشرت مؤخرا
اختلط الحابل بالنابل.
مرة خالي نصحوه براقي مشهور في منطقتنا ذهب عنده فاكتشف انه يرقي بواسطة الجن هم من يخبرونه عن مكان السحر ومن سحره.
وبعد اخراج الجن ان كانوا مسلمين يأخذهم معه وان كانوا غير ذلك يطلق سراحهم..
مع العلم خالي انسان متدين وليست له علاقة بالسحر والشعوذة.. اكتشف ان بيته مسكون وزوجته اصيبت واصبحت ترى اشخاص وتسمع.. فنصحه الناس بهذا الراقي..
الناس يمكن تجهل الفرق بين الراقي والمشعوذ.
هناك من اشتد بهم الحال بعد يأسهم من الذهاب عند الرقاة دون نتيجة
يلجأون للرقاة المزيفين بجهل منهم.
في حياتي زرت راقي بعد زواجي
قرأ علي القرآن وشربت الماء فقط
طلب مني اتمام العلاج في المنزل الحمد لله.
بعد زواجي زرت راقي اخر عالجني من سحر اصابني الحمد لله بالقرآن تم فك السحر من اول جلسة..
بعض الحالات المستعصية هي الاصعب.
كيف بتم علاج السحر المتجدد؟
المصاب يعالج وينهي برنامجه ويرقي لوحده
لكن في فصل الصيف يتجدد السحر لوحده يعود لنفس النقطة ونفس الاعراض...
الله المستعان.
 
ههههه مالا احجز لي

فعلا هي ظاهرة انتشرت مؤخرا
اختلط الحابل بالنابل.
مرة خالي نصحوه براقي مشهور في منطقتنا ذهب عنده فاكتشف انه يرقي بواسطة الجن هم من يخبرونه عن مكان السحر ومن سحره.
وبعد اخراج الجن ان كانوا مسلمين يأخذهم معه وان كانوا غير ذلك يطلق سراحهم..
مع العلم خالي انسان متدين وليست له علاقة بالسحر والشعوذة.. اكتشف ان بيته مسكون وزوجته اصيبت واصبحت ترى اشخاص وتسمع.. فنصحه الناس بهذا الراقي..
الناس يمكن تجهل الفرق بين الراقي والمشعوذ.
هناك من اشتد بهم الحال بعد يأسهم من الذهاب عند الرقاة دون نتيجة
يلجأون للرقاة المزيفين بجهل منهم.
في حياتي زرت راقي بعد زواجي
قرأ علي القرآن وشربت الماء فقط
طلب مني اتمام العلاج في المنزل الحمد لله.
بعد زواجي زرت راقي اخر عالجني من سحر اصابني الحمد لله بالقرآن تم فك السحر من اول جلسة..
بعض الحالات المستعصية هي الاصعب.
كيف بتم علاج السحر المتجدد؟
المصاب يعالج وينهي برنامجه ويرقي لوحده
لكن في فصل الصيف يتجدد السحر لوحده يعود لنفس النقطة ونفس الاعراض...
الله المستعان.
اهلا اختي السلطانة
هههههه خلاص راني حجزت ليك بصح جن يجيب لينا مليار و يروح هههههه
ــــــــــــــــــــــ
نسأل الله السلامة للجميع
ربما على الاقل الرجال في البيت او واحد منهم يكون يعرف نوعا ما عن الرقية
على الاقل يحصن اهله و عايلته او يكون يعرف الفرق بين المشوذ و الراقي
ربما المرأة يصعب عليها معرفة الامر

و الله قبل لحظات كنت في المدينة لقيت صاحب مخبزة يهز في قشه
قالولي لقى رزمة تاع سحور
ففر مسرعا خوفا على صحته و ماله
ننتظر مدة ممكن يرجع خاطب لهاذيك اللي معفونة المقملة تاع الفيلاج هههههه
و هو يشوف فيها كساندرا هههههه و يقولوا مول الكوشة راه خطب ملوكة ام الزنق ههههههه


ربي يلطف بحالنا و ربي ينتقم من كل مشعوذ او من يزوره ليجلب الضرر لعباد الله
 
«جلب الحبيب وإغلاق قلبه بالقفل والمفتاح»، «تشترى قفل نحاس جديد وتكتبى على القفل اسم الحبيب وتقولى...»، «لجلب الحبيب بالصورة تكتبى على صورة الحبيب من الظهر...»، «لجلب الحبيب لخطبتك ضعى الحنة وأطلقى شعرك فى ساعة متأخرة من الليل وقولى...»، كلها عبارات استخدمها أشخاص أعطوا لأنفسهم لقب شيوخ، وظهروا فى بعض القنوات التليفزيونية من خلال إعلانات كان عنوانها «سحر جلب الحبيب»

دجالون يتاجرون بـ«حب الشباب» ويعلنون عن طرق لـ«جلب الحبيب والحبيبة فى 24 ساعة»



منافسة شرسة عبر مواقع الإنترنت أبطالها أشخاص ذوو «لحى» وسيدات منتقبات يتحدثون عن سهولة جلب الحبيب والحبيبة فى أقل من 24 ساعة باستخدام وسائل عدة، بداية من الإعلان عن استخدام قلادات روحانية للمحبة وخواتم لزرع المحبة فى القلوب، وصولاً إلى الإعلان عن استخدام آيات من القرآن الكريم.

اخى الا مين مو ضوع فى الصميم كى ينتبة الناس
 
هههه قريب اقنعتني بلي راقي من نوع مشعوذ...
ياخاوتي أرواحو نحكيلكم قصة صراتلي شخصيا تلايمو وماتنساوش لكمامات تاوعكم...
مرضت أختي بعد زواجها وجبنالها ميات راقي وكل واحد يحكي حكاية بوليسية صراتلو مع لجنون" مع العلم أنهم كامل قالونا راهي عندها جن عاشق"
وكل الرقاة فشلو في علاجها الى أن جاء الراقي الكذاب شيخ كبير جبناه لدارنا واحد الخراط ماعندي مانقلكم ...
المهم جا عندنا 4مرات وفي كل مرة نعطولو دراهم هو مايتشرطش بصح حنا اكرمناه وكلما يجي يطلب قهوة ولا باراسيتامول لأنو يعيط بزاف كي يكون يرقي
كل مرة يقولنا راني خرجت الجن والمرة التانية يلقاه مزال ويهدر معاه بالدارجة وبالفصحى وساعات بالمصرية" يتمسخر بيه" مع العلم أنو ماشي مستحب تكلم الجن الواجب قراءة القرآن فقط
جا مرة قالي ديريلي قهوة درتهالو عجباتو قالي نعرف واحد قهواجي يحوس على بنت فاميليا تتزوجي؟
قلتلو لالا،دار لبابا قالو بنتك لازم ترقي
قالو بابا تفضل...حبيت نجرب وقلبي كان يخبط مية فالدقيقة
الحق مع اللول كي بدا يقرا الدموع بداو ينزلو وحدهم،قال لبابا عندها العين
اومبعد بدا الخرطي..شربلي كاس ما فيه الخل والملح والمسك وبدا يقرا ويعيط صدعني تقلقت،وحبيت نلحق الكداب لباب الدار حاول يستنطق الجن اللي فيا ويقولي شكون نت انطق ياعدو الله...ههههه
قلتلو انا مريم،قالي واش راكي ديري في جسد مسلم ،قلتلو انا مسلمة
قالي وعلاش تآذيها قلتلو باش ماتتزوجش
وبدا العذاااب... قال لزوج خاوتي يشدولي رجليا ويديا وهو غلقلي نيفي وبدا يشربلي فالما فيه خل وملح ومسك ..ضاق فيا النفس ووالله اختنقت وقريب مت
بديت نعيط للأب ديالي ونقولو أنا فلانة..
بابا غضتو وقالو خلاص خليها..
زعف الشيخ وقالو ماتدخلش في خدمتي ماشي هي اللي راهي تعيطلك الجنية حست بقلبك حن على بنتك راهي تعيط باسمك...
عيطت باسم خاوتي كيفكيف ماخلاهمش يتدخلو حتى قلت لبابا رايحة نموت باش قالو خليها تستعفى...
زعف الشيخ وقالو مانرقيش هكدا هربت وماحبيتش نولي للصالون ودارنا يقولولي زيدي مرة برك حلفت مانكملش وحبيت نفضحو بلي كداب وكنت نمثل برك وقلت خلي برك يتولاه ربي
كي نزلت للصالون سقساني تتزوجي قلتلو لالا،قالي مالا ماشي نتيا اللي راكي تهدري
أخيرا الشيخ بطل يجي عندنا واختي شفاها الله بفضل امام اعطاها أذكار فقط التزمتهم ورقات نفسها وحدها ولزمت قيام الليل والحمد لله..
وانا راني حية والحمد لله شاهدة عيان حكيتلكم حكايتي للعبرة
الرقية ترقيها نت بروحك لاراقي لاوالو
اسمحولي طولت ولكن صدقوني اختصرت على قدما نقدر لانو كون حكيت التفاصيل صفحات المنتدى كامل ومايكفونيش هههه
ربي يهدي ماخلق ويشفي كل مريض
الرقية رجعت تجارة
 
بسم الله
السلام عليكم احبتي ايها الاكارم

كيف حالكم يا شعبي العظيم
ايها المرضى و المراريض
الممسوسين و المسحورين و المربوطين و اللي ضاربينهم بالعين
من القريبة
او من الجارة
و اللي الزهر ما عندهمش
و الشطارة
و اللي حاب يتزوج و اللي حابة تتزوج و تجيها
البشارة
و اللي حاب يفتح
تجارة
او يشري سيارة
او حتى طيارة

و اللي حاب يربح السانكيم او البيام
او البكالوريا
و يروح لجامعات
فرنسية
او ايطالية
حتى و لو كانت دراساتكم
ادبية

و اللي عندهم مشاكل
نفسية
او اسرية

او حاب يترقى في اعلى الوظايف و المناصب
الادارية

و اللي حاب يتزوج بوحدة جمالها كيما
الاكرانية
او حابة تتزوج بواحد يشبه لرجال تاع المسلسلات
التركية
كل احلامكم عندي راهي
مقضية
و مشاكل عندي ليها حلول
آنية

كل هذا عندي بصح بحاجات
سرية
تمتمات و كلمات
سريانية
و عبرية
تحت مسمى
رقية شرعية
ــــــــــــــــــــــــــــــــــــــــــــــ
هههههه
واش رايكم اخواني خرج عليا دور المرقي او المعالج الروحاني

ـــــــــــــــــــــــــــــــــــــــــــــــــــ
احبتي انتشار الرقاة و المعالجين الروحانيين
في المجتمعات و مواقع التواصل الاجتماعي و حتى على القنوات المعتمدة

شيوخ بانوا و ظهروا بين لحظة و اخرى من أناس كنا نعرفهم انهم منحرفين اعتقادا و سلوكا
و لا علاقة لهم لا بالمساجد و لا بأهلها

لبسوا القميص و اطلقوا اللحى و فتحوا قنوات للاجابة على اسئلة العوام
في الطب و الرقية الشرعية

هذا موضوع لكم للنقاش
و الاشئلة هي الاتية

هل ظاهرة انتشار رقاة مجهولين النسب
و الهوية و الطريقة هل هو امر صحي

كيف تعرف و تفرق بين الراقي الشرعي و الدجال

هل سبق لك زيارة معالج

ما سبب تهافت المجتمع بكل طبقاته عليهم

هل اصبحت تجارة رائجة يمتهنها من لا مهنة له

اي يكمن سرهم و قوتهم و تأثيرهم اذا كانوا فعلا يعالجون بالقرآن

اذا كانوا فعلا معالجين بالقرآن فلماذا هته التعقيدات و الاسرار
و لماذا لا نتعلم الرقية الشرعية و التحصينات و نعالج انفسنا و اهلنا
لوحدنا دون الذهاب الى اناس يعالجون بأمور مشبوهة

ما حكم الذهاب الى العرافين و الدجالين و المتمتمين
و اعطاؤهم الاموال اكثر مما يأخذه منا مخابر التحاليل
او مراكز الاشعة و السكانير

هل اصبح مجتمعنا تافها الى درجة استغفاله بطرق اقل ما يقال عنها
انها طرق جاهلية قديمة

اليكم الخط احبتي




ارجوا التكلم بادلة شرعية من الكتاب والسنة
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top