ميني تارت بكريمة الشوكولا/تطبيق

[*amani*]

السلام عليكم
ان شاء الله تكونوا كامل بخير
اليوم حبيت نشارك معاكم هاذ الوصفة البسيطة لي حكايتها حكاية
هذي الوصفة وكيما رايحين تشوفو درك في الصور هي في الأصل تجي عبارة عن تارت كبيرة بصح مصلحتليش كبيرة جات أقل من القالب مفهمتش علاه أيا حولتها لميني تارت وهذا الشي ڨاااع و مكانتش وصفة ناجحة بالرغم من أنها مقبولة في الذوق ماشي فوور وماشي سيئة لدرجة كبيرة
قبل مانديرها نويت وقلت اا هذي اليوم نشاركها في اللمة جامي شاركت وصفة بالخطوات وحدث ماحدث

وماشي لازم دايما نديروا حاجة وننجحوا فيها ونحشموا ونفشلوا كي نغلطوا
فنحن من اخطاءنا نتعلم
.
.
.
المقادير
125غ زبدة طرية
ملعقة كاكاو+ملعقتين سكر رطب
نصف ملعقة صغيرة خميرة الحلوى
شوية ڤاني + بيضة +سبع ملاعق فرينة



نخلط الزبدة والفرينة حتى يرجع الخليط بهذا الشكل​

نضيف الكاكاو و السكر والخميرة ولاڤاني ونخلط ونزيدو البيضة​

ونلم العجينة وندخلها الثلاجة ترتاح 15دقيقة
هنا كي شفتها مشققة هك عرفت بلي الحالة متعجبش ​

نحطهم في القالب ونثقبهم بفرشيطة وندخلهم يطيبو​

بالنسبة للكريمة نسيتها في المقادير ( بنينة تهبل جربوها )
نحط نص لتر حليب +ملعقة كاكاو +زوج ملاعق سكر +زوج ملاعق نشاء ونحطهم على النار حتى يعقد الخليط ويرجع كريمة نضيفلو بلاكة شوكولا​

ونحط الكريمة ف لي تارت التزيين اختياري انا حطيت شوية جوز الهند
والنتيجة أمامكم الشكل زاد فسد خلاااص بعد ماطابو هههه​

هذي هي وصفتي الغير ناجحة
المرة الجاية ان شاء الله نجيبلكم وصفة ناجحة متخافوش
تحياتي
​

 

[إلياس]

علاش تدري اختي حرام عليك احب كثيرا التي تصنع شوكولاتة
سلمت يمناك على ما قدمت من طبق اختي اماني

 

[سكون الفجر]

شووو هالجمااال واللذة هاي كلها
والله شهيتيني اعملها يا بنتي كل شي عندي ياه بالبيت
لا تقولي مش ناجحة شكلها كتير شكل واكيد طلع طعمها حلو
تسلم ايديكِ على الوصفة الشهية والخفيفة
تعجبني الوصفات اللي زي هيك
جزاكِ الله خيراً عزيزتي

 

[*amani*]

علاش تدري اختي حرام عليك احب كثيرا التي تصنع شوكولاتة ​

سلمت يمناك على ما قدمت من طبق اختي اماني

شهيتك في الجنة اخي إلياس
الله يسلمك نورت
​

شووو هالجمااال واللذة هاي كلها
والله شهيتيني اعملها يا بنتي كل شي عندي ياه بالبيت
لا تقولي مش ناجحة شكلها كتير شكل واكيد طلع طعمها حلو
تسلم ايديكِ على الوصفة الشهية والخفيفة
تعجبني الوصفات اللي زي هيك
جزاكِ الله خيراً عزيزتي

حبيبتي تسلميلي
نعم هي وصفة خفيفة ظريفة جربيها
نورتِ​

 

[الامين محمد]

وااااااااو طول عمرك فنانة و تتعمدين قبش مشاعري ههههههه

و الله روووعة بارك الله فيكم اخيتي

 

[*amani*]

وااااااااو طول عمرك فنانة و تتعمدين قبش مشاعري ههههههه

و الله روووعة بارك الله فيكم اخيتي

وانت طول عمرك تتعمد تحشمنا
وفيك بركة اخي الامين نورت ​

 

[بسمة القلوب]

تبان تشهي
اظن انك رققتي العجينة في ليمول
و ايضا كي ديري العجينة في القوالب دخليها للثلاجة ترتاح عاد دخليها للفرن

 

[السلطانة]

وبالرغم من هذا كله
جاتك تسخف

يعطيك الصحة

 

[أبو خديجة]

الرسمي في البنة مايهمش الشكل

رح نجربها كاش نهار