سؤال عرض Djezzy الخاص ب المشي..

[الرومانسي الجاد]

سلامو..
شكون عندو فكرة علاه متصلحش ف تلفوني..؟؟
عندي samsung m20
وشكون جربها.. اقولي تجربة مليحة ولا نو..

 

[جليلوس]

دير تحديث ولا الهاتف مايقراهاش
طلع النسخة من الحاسوب apk وارسلها للهاتف
وشوف كيفاش يلا صلحت معاك
انا راني في 4000 خطوة هههه

 

[السلطانة]

فهموني واش هاذ العفسة؟؟

 

[جليلوس]

@السلطانة
جيزي نشرت خاصية على تطبيقها حسب عدد الخطوات يلا مشيت مثلا 5000 خطوة عند 1 جيغا مهداة من طرف الشركة صالحة ليوم واحد تمشي 100000 مثلا عندك شهر تكونكتي باطل والله غير عجبتني حاجة مليحة تشجع على المشي خاصة انو رانا في شهر رمضان والناس داخلة عليها غير رقاد ههه هادي مليحة ليهم

 

[إلياس]

ليس لدي معلومات

 

[dahman kz]

نفس الشي جربتها وقالي نوع هاتفك النقال لا يتوافق مع هته الخاصية
مش عارف ممكن يكون الهاتف قديم و مايدعمش الخاصية هاذي

 

[خديجة ph]

الاخ @جليلوس من فضلك غير الصورة تاعك هنا في اللمة ههههه من الصعب الواحد ياخذ كلامك على محمل الجد و هو يشوف في التبسيمة هذيك تاع طفل طوايشي تبان أكيد تحضر في مقلب يا خوفي يمشيو سبعمائة كيلومتر من بعد مايديوش 1ميكروجيجا تاع نت

 

[جليلوس]

الاخ @جليلوس من فضلك غير الصورة تاعك هنا في اللمة ههههه من الصعب الواحد ياخذ كلامك على محمل الجد و هو يشوف في التبسيمة هذيك تاع طفل طوايشي تبان أكيد تحضر في مقلب يا خوفي يمشيو سبعمائة كيلومتر من بعد مايديوش 1ميكروجيجا تاع نت

ها صحا مايكون لا خاطرك هاداك تاع رمضان برك ههههه
فيما يخص التطبيق لا لا منها صح مكاش الزعاقة هههههه تمشي والموتور يمشي والجيڨات ونتا وزهرك شمال لحقت

 

[الرومانسي الجاد]

تلفوني ميدعمش خاصية المشي.. حبسوها الapp بصح ثغرة مزالها تخدم وناس رهي طلع ف ليميجا بلا حبسة.. كيما داروو حصلو.. لي خصو اسم تطبيقات التهكير نحطلوو.. حرام ولا حلال ااااهديك منعرف..

 

[aljentel]

انا اليوم مشيت اكثر من 5000 خطوه

 

[aljentel]

اليوم مشيت اكثر من 3 كيلو متر

 

[الفراشة الحساسة]

ضكا قالي راجلي من اليوم راح نديك لداركم اپيي باه نربح كونيكسيو باطل في جيزي هههه والله نحسبو يتقعد بيا
فينالمو كاينا منها