شيف اللمة ( طياب سيدي وين يدي )

[أبو عاتكة]

سلام شبيبة اللمة ان شاء الله تكونو غايا
كنت حابة نرسل رسالة صوتية بصح الله غالب مكانش أيا قلت مشي خسارة فيكم نكتب بصح باختصار بويسك ني بتلفون ونتقلق بلخف لمهم جربوها ومراحش تندمو والا جربتها ومخرجتلكمش هدا شي عليكم انما الطبخ بالقلوب احماحم
نجيبو 4 كيسان سميد متوسط نزيد لها م ص سكر و م ص ملح وخلط وعطي لعور أيا منبعد اعزائي المشاهدين ومنبعد جيبو كاس ديرو فيه ربع زيت وليبقا كملوه بالزبدة دائبة أيا فرغوه في سميد تدريجيا وخلطو مليح بيديكم بسوه منبعد زيدوله كاس قل ربع ماء تدريجيا وتاني خلط مليح من بعد شكلها كيما راني موضحتها في صورة بنعمي والله عييت من كتبا بصح معليش عطوني الوسام حق راني نشرحلكم أيا منبعد ديرو في طاجين يكون مسخن من قبل وخليه يطيب وبصحتكم ني حطيتلكم كيفاش جاني كولو بعينيكم وخمسة في عينيكم
مشاهدة المرفق 144354
مشاهدة المرفق 144356
مشاهدة المرفق 144355مشاهدة المرفق 144353

كي تكون شاقي شاقي صح هههه
قالك الشاقي لاتعبوه والمرتاح لا تشقوه
هاذ الشقى والتعب في الكتيبة والشرح يا اختيAsseli Queen وفي الاخير الموضوع يقول الطياب مشروط على الذكور اعضاء اللمة وليس على الاناث .
ولكن احنا مراحش نرجعولك السنيوة نقبلوها يكثر خيرك بصح مشاركتك منقبلوهاش لانك من لجنة التحكيم. هاركزي شوية هههه.
الله يحفظك يعطيك الصحة.

 

[أبو عاتكة]

بمناسبة رمضان جبتلكم كيفاه نطيب البوراك
ندير اللحم مرحي والبصل والثوم تاني مرحي والتوابل والملح وشوية زيت ونقليهم.نخليهم يبردو ونقطع عليهم شوية قصبر ومعدنوس ومن بعد نعمر الديول مع شوية فرماج ونقليهم وشهية طيبة
خطرة الجاية ندير لكم تاع الروز بالحليب

طولت في الشرح خويا محمد الله يحفظك هاذا بوراك وماادراك فمابالك الخطرة الجاية روز بالحليب شد مد .راك في المراتب الاولى بصح ناقص الشرح ينحولك نقاط .

 

[أبو عاتكة]

صح فطوركم، والله يعاونكم الأطباق راني نتخيل فيها وفي المذاق نتاعها، والكوزينة راها حالة طبق الأخ @فريد أبوفيصل راه سامط وحامض والدشيشة عقادت واللحم خاصو الطياب ،

المهم كاين بنة حامضة . الدشيشة نقدرو نرموها للجاج نستغناو عنها واللحم نعاودو نغسلوه ونتبلوه ونعاودو نشووه.
شفتي الطبق نتاعي قابل لاعادة التدوير هههه وهنا هي الحكمة .

والأخ
@جليلوس طبق بنين ما عندي مانقول يحبوه الجيل نتاع درك خاصنا معاه طبق جانبي لكبار السن الي مايحبوش المعجنات،

هذا طبق دوبل génération لا لا الله يبارك.

والأخ @حاتم خليفة قبل ما تبداو تاكلو عيطو للاسعاف علبة هريسة والفلفل الحار فيدونج نتاع المصارن أ

قالك نسيت ندير انونس الهريسة اختيارية وزيد السيد بسكري يتسمى معذور .

ظن الفائز هو @Hakan وراح نفطرو فريت اومليت

وهاذي رانا متفاهمين فيها

 

[barca.moha]

طولت في الشرح خويا محمد الله يحفظك هاذا بوراك وماادراك فمابالك الخطرة الجاية روز بالحليب شد مد .راك في المراتب الاولى بصح ناقص الشرح ينحولك نقاط .

خفيف ضريف هههه

 

[Bouchra zarat]

كي تكون شاقي شاقي صح هههه
قالك الشاقي لاتعبوه والمرتاح لا تشقوه
هاذ الشقى والتعب في الكتيبة والشرح يا اختيAsseli Queen وفي الاخير الموضوع يقول الطياب مشروط على الذكور اعضاء اللمة وليس على الاناث .
ولكن احنا مراحش نرجعولك السنيوة نقبلوها يكثر خيرك بصح مشاركتك منقبلوهاش لانك من لجنة التحكيم. هاركزي شوية هههه.
الله يحفظك يعطيك الصحة.

ههههه ويا سيليما حشمت روحي ههههه معليش راكم ربحتو وصفة

 

[ذكريات]

عجبتني هاذي طبق قابل لإعادة التدوير، رانا نتعلمو الحكمة، نيشان الواحد يزيد في راسو @فريد أبوفيصل ربي يدوم الظحكة والمرح

 

[وۣۗهۣۗہۣۗم]

عدنا
نبداو وبصفة الأخ @فريد أبوفيصل
هادى نظن فيها سبيطار واحد اليومين بنادم صايم نهار طوول ومبعد شوربة مليانة طماطم والحرور حراقة بصح فيها ريحة غاية غاية وصفة ثانية تاعوو الأخ
جاليليو @جليلوس لابأس لابأس مليكة بصح أكثر فيها الجبن راك شحيت بزااف رخى يدك خيوو
نجوو عند الأخ @Hakan شمينا غير ريحة الزيت وحبست تم

وصفة الأخ @حاتم خليفة
مليحة بالعموم واذا متقطعش فينا النفس وديت ذنوبنا هاوجهى ولاه ذيك الهريسة اكل بصح غير ربي وفاتت فالطياب كون راناا كلينا غير لعجين​

وصفة الأخ @barca.moha

وصفتوو تبان خفيف ضريف بلاكلنا الملح برك

​

 

[*amani*]

السلام عليكم
الله يبارك ع لي شاف لي عندنا
وصفة @فريد أبوفيصل كثرتلنا الطماطم المعدة الله يرحمها وراك خلطت في التوابل ااعمو راجع دروسك
تاع @جليلوس اا بدون مجاملة عجبتني بيناتنا خصها بصلة برك المرة الجاية تنساهاش
@Hakan ايي انت قلتلهم رقدو مانستعرفوش بفريتات اومليثات هذو
وصفة @حاتم خليفة هي تبان بنينة بصح رهجتنا بالهريسة والحار اا المعدة هنا تاني الله يرحمها
@barca.moha اا هذا خفيف ظريف عجبني البوراك تاعك واصل التألق


​

 

[Hakan]

السلام عليكم
الله يبارك ع لي شاف لي عندنا
وصفة @فريد أبوفيصل كثرتلنا الطماطم المعدة الله يرحمها وراك خلطت في التوابل ااعمو راجع دروسك
تاع @جليلوس اا بدون مجاملة عجبتني بيناتنا خصها بصلة برك المرة الجاية تنساهاش
@Hakan ايي انت قلتلهم رقدو مانستعرفوش بفريتات اومليثات هذو
وصفة @حاتم خليفة هي تبان بنينة بصح رهجتنا بالهريسة والحار اا المعدة هنا تاني الله يرحمها
@barca.moha اا هذا خفيف ظريف عجبني البوراك تاعك واصل التألق


​

نتوما حابين نرهجكم من لخر ما تحبوش لي يرحمكم ههه

 

[*amani*]

نتوما حابين نرهجكم من لخر ما تحبوش لي يرحمكم ههه

نحبو الرهيج حنا وريلنا حنة يديك برك

 

[حاتم خليفة]

عدنا
نبداو وبصفة الأخ @فريد أبوفيصل
هادى نظن فيها سبيطار واحد اليومين بنادم صايم نهار طوول ومبعد شوربة مليانة طماطم والحرور حراقة بصح فيها ريحة غاية غاية وصفة ثانية تاعوو الأخ
جاليليو @جليلوس لابأس لابأس مليكة بصح أكثر فيها الجبن راك شحيت بزااف رخى يدك خيوو
نجوو عند الأخ @Hakan شمينا غير ريحة الزيت وحبست تم

وصفة الأخ @حاتم خليفة
مليحة بالعموم واذا متقطعش فينا النفس وديت ذنوبنا هاوجهى ولاه ذيك الهريسة اكل بصح غير ربي وفاتت فالطياب كون راناا كلينا غير لعجين​

وصفة الأخ @barca.moha

وصفتوو تبان خفيف ضريف بلاكلنا الملح برك

​

اذا صرالكم تسمم غذائي أنا خاطي
بالاك من الخلطة نتاع @فريد أبوفيصل