Life style✔✅✅✔عيش حياتك🤩😍

[sanaya mery]

عودة السلسلة بعد طول غياب وشراهم خاوتي ان شاء الله بأحسن حال
بزاف ناس يتخيلو باش يعيشو مليح لازم يكون عندهم دراهم وكلشي حطة و ليكس باش يقدرو يفرحو ويعيشو
والحقيقة من خلال تفاصيل صغيييييورين نقدرو نضيفو لمسة شابة و من خلال عفايس صغار نقدرو نخلقو الجو فدارنا ومع ولادنا
ماشي لازم طابلة فاخرة و كل يوم نوع قاطو جديد باش نتلمو و نفرحو فالدار
كسرة بزيت الزيتون مع كاس أتاي ونلمو ولادنا وفرحانين ونضحكو(الكسرة والمطلوع بزيت الزيتون نحبهم)
ماشي لازم يجي ضيف باش نطيبو احسن المأكولات
وحنا وحدنا فالدار نطيبو المخير تاع المخير
ماشي لازم نلبسو مليح غير فمناسبة و لا نهار نخرجو برك
فالدار و وحدنا نلبسو و نشيكو رواحنا باسكو انتي ونتا تستاهل توقف فالمراية وتلقى روحك شباب قبل أي واحد☺☺☺☺
ماشي لازم نخبو الحاجة المليحة نن
البسوا واش عندكم و استعملوا لماعن الجدد والصالون تاع لضياف ريحو فيه و متخلوش ولادكم يحسو أنو الضياف هما اللي يدو كلشي
ولا نهار يلقاو الحالة مستيكية بزاف والطعام كل نوع يفهمو بلي كاين ضيف نن✖✖
اولادكم ثاني يستاهلو وكما نقيمو الضيف نقيمو ولادنا❤❤❤
نسيت حاجة
ماشي لازم تسافر باش تفوت فاكونس شباب فمدينتك تقدر تخرج و تحوس لبلايص اللي ماشفتهمش
ونسا سرتو اللي ما يخرجوش ماعليش ما حوستيش قهوة العشية اليوم فالصالون خطرة فالبالكون خطرة فالحوش وهكذا
البارح وليدي بقى راقد فالصالون شربت قهوة مع لبنات فشومبرتهم وشحاااال عجبهم الحال
هاذو جيست أفكار والمغزى ماشي الانسان لازم يستنى معجزة و لا كاش مليار باش يفرح تفاصيل و دي جاست صغار يديرو فرق كبير بزاف
و السلام عليكم...

 

[إلياس]

وعليكم السلام ورحمة الله وبركاته
كلامك صواب ماشي كل يوم ما لذ و طاب لازم الواحد يعيش نهارو و لازم يكون ناس مع الناس كامل مليح و يرسم ليه خطة يمشي عليها لان هذه دار مفر و ليس مقر المهم يكون على طريق صحيح و صواب يمشي عليه

 

[Andy_Delort]

/

نعم صحيح واش قلتي افكار بسيطة وبقناعات بسيطة تغيرلك مجرى نفسيتم وحياتك

مي مجبتيهاش فحكاية امليااار هه يارب يتاا ذيك 44 مليار ااربي دعوتي اانا وصديقي فالعمل شاك برمانوص ♥​

 

[sanaya mery]

وعليكم السلام ورحمة الله وبركاته
كلامك صواب ماشي كل يوم ما لذ و طاب لازم الواحد يعيش نهارو و لازم يكون ناس مع الناس كامل مليح و يرسم ليه خطة يمشي عليها لان هذه دار مفر و ليس مقر المهم يكون على طريق صحيح و صواب يمشي عليه

وي هاذي هيا

 

[sanaya mery]

/

نعم صحيح واش قلتي افكار بسيطة وبقناعات بسيطة تغيرلك مجرى نفسيتم وحياتك

مي مجبتيهاش فحكاية امليااار هه يارب يتاا ذيك 44 مليار ااربي دعوتي اانا وصديقي فالعمل شاك برمانوص ♥​

مليار واحد بزاف علاش قاع 44
باينة الانسان يحب دراهم ويحب يعيش ويتفشش مي توجور ملازمش يستنا يخلق الجو من حاجة قليلة....
المهم واذا جاتك 44 مليار تفكر اختك sanaya ماعليش يا لوكان بمليون برك

 

[Andy_Delort]

مليار واحد بزاف علاش قاع 44
باينة الانسان يحب دراهم ويحب يعيش ويتفشش مي توجور ملازمش يستنا يخلق الجو من حاجة قليلة....
المهم واذا جاتك 44 مليار تفكر اختك sanaya ماعليش يا لوكان بمليون برك

\

ايا خلاص كونك مهنية خلي تجي برك وباقي عليا

 

[ام أمينة]

السلام عليكم
مشكورة على الموضوع
القناعة كنز لا يفنى
كي يكون الانسان قنوع تسهل عليه حياته و تصبح جميلة في عينيه

 

[أبو عاتكة]

كيما قلتي قدقد.
وكيما يقولو السعادة هي لحظات وليست كل الحياة كما يتخيلها البعض.
اللحظات السعيدة نسترقها ونقتنصها ونلتقطها ونستطيع ابتكارها او التمهيد لها بابسط الامكانيات المتاحة كيما قلتي كاس تاي وحبيبات قاطو مخبيين من العيد هههه وتنتشر السعادة في البيت.
القلب الطيب القنوع المفتوح يستطيع تقبل الابتسامة ويعتبرها سعادة.
اما اللي القلب المزير وضيق وفاهم انو السعادة تصنع بالمال الوفير والجاه والممتكلات فهذا راح يتعب في حياتو ويعيشها ظلمة عليه وعلى اسرته ومحيطه ويفوت على نفسو ما متعه الله فيها من نعم وخير يالو كان العافية او صحة البدن تلقاه مكدر ومشنف ومتقلق ويحسب للناس ويستنى ويقتاش يترفه ويدير واش راه باغي حتى طف كسل ولوح في الحفرة.
هي صح ماعندنا مانقولو كي يكون فيها مليار في الكونت ولا زوج بصح ومكانش هذا ما قدره الله من رزقك ؟ نعيشو مغمومين ومهمومين ولا ننتحروا ولا نسرقوا ونطرافيكو.
شفنا وعايشنا وحكاولنا بصح والله واللي تعظم جلالتو كيما يقولو الكبار والله من دون الركعات والسجدات اللي سجدتهم ربي وقطرات الماء اللي توضيت بيهم اذا لقيت الماء الباقي كامل خرطي.
ربي يبصرنا بعيوبنا ويقدرنا على حمد النعم كثيرها وقليلها.

حقا تعرفي اطيبي المطلوع راكي تحكي عليه استاذة ؟

 

[الامين محمد]

اوافقك تماما الحاجة مريم
الجانب الاهم هو الروح لما تكون مرتاحة او لما نعرف نجلب لها السعادة و لةو بأبسط الامور
في رمضان اللي قبل الفائت كنت مريض الحقيقة طاولت الاكل مثلما يحكوها يرفعوها
يعني كنت أتألم بشدة و كنت ما نصومش بنتايا و ابني و زوجتي صايسمين لكن ما قدروش
ياكلوا او يجتمعوا على طاولة الافطار بل بالعكس وقت المغرب يبقاو يبكوا و ما يقدروش
يفطروا من دوني
هته السنة الحمد لله بالرغم المصروف قليل لكن و الله الحمد لله كنا نتلموا كامل
و معانا مريم الصغرونا و البنات و اسلام و حبيبة القلب و رفيقة الدرب زوجتي الغالية
شوربة و خبر و قهوة و زلابية و الله تسوى الدنيا بحالها الحمد لله
ربي يديمها نعمة