اشتياق وربما فراغ لا أدري

[اسماعيل22]

لقد كبرنا و كبرت همومنا و اهتماماتنا في الحياة لدرجة انك تنسى كيف كنت تقضي اوقات سعادتك .عندما سجلت دخولي للمنتدى امس ضحكت وبكيت لان متصفحي مازال يتذكر كلمة المرور وانا لا اتذكر لكثر انشغالاتي و بعدي عنه.لا اعلم لماذا دخلت ربما الفضول و ربما الحنين وربما افتقدت سعادة تركتها وانا صغير لارجع اليوم بعمر جديد وكبير نوعا ما.اااه كم هي صعبة الحياة .لا تعيروني اهتمام فقط فضفضة في عقلي لا غير .الله المستعان.مساؤكم سعيد

 

[جليلوس]

يووووو شكوووون جاااا سماعيلوووووس
توحشتك يا جدك والله
اليامات الزينة ياااه راك شافي عليهم
راك تحكي تقول في عمرك سبعين عام ها مالك خيي
تعجبني كي تقسح باللغة العربية قسمبله تحصيلها

الفايدة راك مخطي معايا ههههه وماتقوليش علاه

 

[اسماعيل22]

يووووو شكوووون جاااا سماعيلوووووس
توحشتك يا جدك والله
اليامات الزينة ياااه راك شافي عليهم
راك تحكي تقول في عمرك سبعين عام ها مالك خيي
تعجبني كي تقسح باللغة العربية قسمبله تحصيلها

الفايدة راك مخطي معايا ههههه وماتقوليش علاه

هههههه نجيبلك الجاه و نطلب السماح من خويا...يا صاحبي عندي مشكل تنظيم وقت ..وبيني وبينك حتى النشاط تاعي قل على بكري عليها ني نحكي شغل شيباني في جسم واحد صغير ...وهاد الشي هو لي خلاني نعاود ندخل قلت بالاك نلقى الحلقة الضايعة مني هنا

 

[جليلوس]

هههههه نجيبلك الجاه و نطلب السماح من خويا...يا صاحبي عندي مشكل تنظيم وقت ..وبيني وبينك حتى النشاط تاعي قل على بكري عليها ني نحكي شغل شيباني في جسم واحد صغير ...وهاد الشي هو لي خلاني نعاود ندخل قلت بالاك نلقى الحلقة الضايعة مني هنا

هههههه

والله يانتا ما كنت هاك
نكمل ليك دعوة تاع شعبون ولا مكالاه
ااااي نتا باش تريح خصنا نزوجوووك

 

[اسماعيل22]

هههههه

والله يانتا ما كنت هاك
نكمل ليك دعوة تاع شعبون ولا مكالاه
ااااي نتا باش تريح خصنا نزوجوووك

هههههههه على هاد الحكاية راني هارب

 

[جليلوس]

هههههههه على هاد الحكاية راني هارب

ههههه
اسمع @Hakan هاني دبرتلك باير كيفك
وين هاربين وين جبتلكم ربي

 

[إلياس]

لي عودة إن شاء الله

 

[أستاذ الفلسفة]

عدت والعود احمد
عودة ميمونة لك اخي الغالي

 

[اسماعيل22]

عدت والعود احمد
عودة ميمونة لك اخي الغالي

شكرا ..بارك الله فيك استاذ

 

[أستاذ الفلسفة]

شكرا ..بارك الله فيك استاذ

العفو اخي الغالي

 

[السلطانة]

أهلا وسهلا بك اخي

تحكي تقول عليك شاااايب كبير
ههههه ديجا شيخ كبير متفائل عليك

ان شاءالله تلقى راحتك من جديد
في دارك

 

[صلوا على النبي]

نفس الشي اخي حتى انا دخلت اليوم بعد سنوات
على كل حال ذكرياتي اللمة وحدهم ميتنساوش

 

[اسماعيل22]

أهلا وسهلا بك اخي

تحكي تقول عليك شاااايب كبير
ههههه ديجا شيخ كبير متفائل عليك

ان شاءالله تلقى راحتك من جديد
في دارك

ان شاء الله اختي شكرا على الدعم

نفس الشي اخي حتى انا دخلت اليوم بعد سنوات
على كل حال ذكرياتي اللمة وحدهم ميتنساوش

صح ميتنساوش .على العموم اي لحظة تأثر فينا نعيشوها مننساوهاش سواء حلوة او مرة..المشكل هل يقتلنا الحنين عليها لاننا افتقدنا احساس تلك اللحظة!؟ ام تأثير الزمن يؤثر وعلى الشخص التعايش مع العمر الجديد؟؟ ام اننا مازلنا نعيش على احلام الماضي الطفولي مبني على شخصية ناجحة رأيناها في التلفاز وقررنا ان نكون مثلها واصطدمنا بالواقع الجزائري المر؟؟ ام ان كل هذا عبارة عن اكتئاب ويحتاج تشخيص طبيب نفسي! وهل نحن ضحية ام مسؤولون لما آل اليه حالنا اليوم

 

[أبو عاتكة]

مرحبا بك يااسماعيل وبكل ما تحمله في قفة العمر الجديد. اشتياق او فراغ المهم أنك هنا بين الرفاق.
اهلا وسهلا.

 

[إلياس]

مرحبا بيك بيننا اخي ان شاء الله تستفيد و تفيد

 

[بسمة القلوب]

مرحبا بك من جديد رغم اني لم اتشرف بمعرفتك

 

[وۣۗهۣۗہۣۗم]

اهلا وسهلا بيك من جديد
المشكل العام تاع الجميع هو الوقت الله غالب
ربي يجيب الخير

 

[aljentel]

عودا حميدا
الله يحييك

 

[الامين محمد]

اللمة مثل عين الفوارة اللي يشرب منها
يرجع للسطيف
اللمة اللي يلج اليها يرجع مهما طال الزمن او قصر

 

[اسماعيل22]

بوركتم و جزيتم
أجمل الايام أن تقضيها بين أصحابك ...وأثر الكلمة الطيبة يبقى ولا يندثر
ما حز في نفسي هو طيبتكم و احترامكم لشخصي دون معرفتي ..هذا ما يتميز به مجتمع اللمة دون غيره
أشكركم على دعمكم .حفظكم الله