معلومات تهمك

[السلطانة]

اغلب النساء الحوامل يروحو لطبيب ديرلهم ايكو بصح بلاك ميفهموش وش كاين و تخليلهم علامات استفهام
على هذا راح نفكلكم كل الرموز لي تحتاجوهم و لازم نتعرفوهم

الإيكوغرافي Échographie : مش راح نحكي على الآلة و المعدات لي تخصها راح نحكي على الوثيقة ليمدهالكم الطبيب :
اهم ورقة في #compte rendu لي تهمدهالك الطبيبة مش الصورة تع الراديو
ترجعو درك للتقرير compte rendu : راح نلقاو فيه كل الاجابات على الاسئلة تعكم ركزوا مليح :

تاريخ اخر دورة :#DDR : لهنا لازم تنتبهو مليح لان اذا لقيتي تاريخ مبدل متحيريش هذاك الطبيب فقط صلح تاريخ اخر دورة على حساب عمر الحمل بالايكو و هذيك هي لتعودي تمشي بيه

تاريخ الولادة محتمل :#DPA
: تعني طبيا هو تاريخ لتكملي فيه 40 اسبوع يعني تاريخ لتكملي فيه شهرك و تدخلي في dépassement , يعني قادرة تولدي قبل و قادرة تولدي بعد هذاك التاريخ

#الوضعية : position
لهنا نقصدو باها وضعية الجنين و كاين 3 وضعيات :
✴البيبي هابط براسو :céphalique
✴البيبي بالعرض :transversale
✴البيبي هابط برجله :siège و لا تقدرو تلقاوها podalique

عمر الحمل :AG

محيط الرأس:BIP

طول عظم الفخذ:LF

محيط البطن :CA

نبض القلب:AC

حركة الجنين :MAF

جنس الجنين :***e :
✴انثى : XX
✴الذكر :XY

وزن الجنين :PFE و لا بالانجليزية :EFW

#المشيمة :placenta :
و عندها وضعيات :لازمهم شرح كبير :نشرحهم في منشور خلاف ان شاء الله

السائل الامنيوسي: LA

التشوهات :malformations

#الخاتمة :هي conclusion :
تلقاو فيها عمر الحمل عادة و ملاحظة حول نمو الجنين

كاين ملاحظة صغيرة :
ساعات في صور تع الايكو تلقو وين القياسات مثلا :
Bip :88
AG:35sa+1j
و تحت منو تلقو :
LF:70
AG:36sa+1j
و انت الحمل تاعك عمر تاعو 36 اسبوع، راح تحيري و تقولي وعلاه الفرق ادا و قداه عمر الحمل
عمر هذاك هو #عمر_الأعضاء على حساب الايكو مش عمر الحمل و هذي هي كيفاه تعرفو اذا النمو تع الجنين مليح و لا لا
كيكون كاين فرق تع اسبوع و لا اسبوعين بين عمر الحمل و عمر الاعضاء بالزيادة و لا نقصان متخافوش قصدي ان النمو جيد و مش حاجة تخوف.

ربي يتمم حملك على خير .
منقووولة.. للامانة