مشكلتي مطلقة وكيف انستر

[مشكلتي]

السلام عليكم ورحمة الله تعالى وبركاته

لعل مشكلتي محرجة وغريبة ولكنني لم أجد فضاءا غير هذا وأسألكم بالله دعاءا في ظهر الغيب

أنا انسانة مطلقة عمري 32 سنة لم أوقع بعد أوراق الطلاق بقي لي شهر وتكتمل عدتي....
حاولت مع زوجي عدة مرات لنرجع لأجل اطفالنا الثلاثة ولكنه رفض...
مشكلتنا باختصار التي أدت للفراق اولا تدخل أمه وزرع الفتنة بيننا ثانيا السحر ثالثا هو انسان مدلل أمه يضرب يهين يذلني ويحب يعاشرني اخر الليل من غير طلب السماح ونا الله غالب كنت نحبو ولكن بقا يآذيني حتى نهار برد قلبي من فرط الأذية...
وهو كي شافني هاك لم يقم بادنى بمحاولة اعتذار بل خمم فالطلاق هاذو احداث 14 سنة باختصار وزيد دار الدراهم رجع حاجة خلاف ورجع يحتقرني ونا اللي كنت معاه قبل ما تطلع بيه...
المشكل مش هنا المشكل تقبلت الطلاق مالقري غاضني واش فات واش جوزت ولكن ربي عوضني بعايلتي حطوني فوق ريسانهم وبقا برك نروحو للمحكمة....
داومت على سورة البقرة والذكر وسبحان الله نزلت علي الطمأنينة وتفتحو عليا بيبان جامي توقعت يتفتحو....
مشكلتي في حياتي الزوجية طول 14 سنة والله جامي حسيت بالأمان ولا حسيت بمعنى أنو عندك سند وراااااجل يخاف عليك الشعور اللي نتمنى نعيشو....
دفئ العلاقة جامي ذقتو...
تبانلكم حاجة نورمال وبزاف راح يقولولك ماكلة شاربة حمدي ربي...
مي والله قلبي ينزف كنشوف راجل واقف مع مارته يدخلها للطبيب يطبطب عليها....
عشت الترف وي....
سافرت وي....
ولكن عانيت عاطفيا وكنت الآلة التي تشبع رغبات الزوج وتقوم بالبيت أما الداخل اجوف زوجي انسان مادي وتهمو المظاهر ونا عكسو تماما ياربي تكون ما عندكش مي كون راجل معايا برك..
وماحسيتلهاش لأنو كنت نحب زوجي حب اعمى...
حتى بديت نفيق للحيلة تاعه ووووووو تماك بديت نفطن .....
لاعلينا...
درك حابة نتزوج....
وحنا عندنا عيب....
الزواج الثاني وزيد ثلاث اولاد...
من جهتي أنا الحمد لله نبان صغيرة بزاف على عمري والحمد لله....
والديا راح يرفضو سورتو بناتي يحبو يما و والديا يرفضو فكرة زواجي مجددا وفكرة رجوع البنات للاب...
درك تقولولي كفاش راكي مزال في العدة وتخممي تتزوجي....
انا من سنوات طوال عايشة كمطلقة فارغة من الداخل وفالسنوات الأخيرة كنت مطلقة باتم المعنى ولكن متزوجة بنفس الوقت...أما عاطفيا فمطلقة من زمان....
مشكلتي شهوتي نقاوم والحمد لله اغض بصري لا اخالط الرجال الا للضرورة القصوى....
ولكنني أريد الستر وأخاف الوقوع بالحرام.. ورغبتي في الزواج بحثا عن السند و الدفئ قبل الفراش.....
بالرغم متأكدة أنني لن أقع في الحرام كوني انسانة مثقفة و أمقت بشدة المرأة التي تعطي جسدها ذليلة دون زواج...
كما أن نفسي تعيف الحرام وهذه نعمة...
ولكنني اريد الزواج بشدة فكيف اقنع اهلي لو تقدم لي خاطب علما ان هنالك من بلغه خبر طلاقي فقرر القدوم لوالدي ثم تراجع لما علم ان الطلاق لم يتم بعد في المحكمة...
ثم بناتي كبار شوي يمكن البقاء لهن مع أمي فهي تحبهن وهن كذلك أو يعدن لأبيهن.... ويمكنني اخذهن معي ايضا
الأمر صعب جدا ولكنه أهون من الوقوع بالحرام... عجزت مرة نخمم كأنثى ومرة نخمم كأم....
ففي الأخير أنا بشر...
كما أنني اتعرض للمضايقات بشدة علما أنني محجبة ولا أتبرج خارجا...
ولعل السبب لأنني ابدو صغيرة والكثير يظنونني فتاة... (واش يقولو الناس)
اخبروني ماذا افعل ودون تعليقات جارحة...
وجزاكم الله خيرا....
ملاحظة....
الزوج طلبت العودة له بسبب الأولاد فقط...

 

[أبو عاتكة]

وعليكم السلام
قد يكون سبب عدم تقبل اهلك لفكرة الزواج مؤقت فقط بسبب وضع الطلاق الحديث جدا بمعنى يرون انو مزال وقت الحديث عن زواج ثاني حاليا

قد لايكون رفض مطلق ولك كل الحرية في اتخاذ قرارك فالامر يعود اليك اولا واخيرا والامر صواب

كاين امور يراها المجتمع والاسر انها محرجة او غير طبيعية كالزواج السريع للمطلقة تدخل فيها شكوك وتفتح ابواب غير مرضية وصراعات هي في غنى عنها وتأخير القرار لوقت كافي سيعطي المطلقة و اولادها فرصة لاستيعاب الوضع الجديد ولا يكون الزواج مرة اخرى استمرار او بداية لمشاكل غير متوقعة.

الامر يحتاج تريث في هذه المدة واللي فيها الخير ربي يسرو
والله اعلم.

 

[الامين محمد]

الزواج من حقك يا اختي و لا واحد يمنعك
لكن
ممكن الاعل خايفؤن من التجربة السابقة و ايضا الزواج مباشرة
بعد الطلاق يعتبر نوع من قلة الرزانة

اما الزواج اذا جا من ترضين دينا و خلقا و متأكدة انك راح تلقاي السعادة
اكيد ماراحش والديك يوقفوا امام سعادتك
بشرط
اللي يتقدم يخلي والديك يحسوا بالاطمئنان انها ليس تجربة مثل الاولى
بل هو االلي لازم يكون لأن بتهم ناجحة و زوجة ناجحة و طلاقها كان بسبب
رجل فاشل

ربي يسعدك و يرزقك بالزوج اللي يعرف قيمتك و حقك و يحبك و يحترمك

 

[بسمة القلوب]

الأخوة الاعضاء كفاو ووفاو نزيدلك غي نقطة الخاطب لي يحب يخطبك قوليلو يروح لامام الحي نتاعكم و يجي معاه و الإمام يقنع والدك بضرورة الزواج بسبب صغر سنك و صيانة النفس يعني يحاول يقنعه دينيا في حالة الرفض و ربي يفتحلك أبواب الخير

 

[أم سلطان 16]

الله يجبر بخاطرك
حبيت برك نقول لاختي الله يكون معاك وربي يفرج عنك حاولي ترتبي امورك غير بالعقل راهي فترة جد حساسة في حياتك وحياة بناتك حمدي ربي راكي في نعمة كبيرة اهلك واقفين معاك وقابلين ولادك وربي عطاك الصحة والجمال **هذا من مفهومي كي قولتي نبان صغيرة ** والله هذه اكبر نعمة الصحة وزيد ولادك في حضنك والله يااختي حمدي ربي اما بالنسبة للعواطف والرغبة يااختي هذذه الحوايج اي مراة محتاجاتهم انتي حاولي صبري ونزيد نقولك حاجة صومي لوجه الله وحاولي تفكري غير بالعقل وربي يهدي سرك ويفرج علك
ومن قلبي نتمى ترجع لراجلك وربي يلم شملكم مانيش نقول ذذلي روحك مي ان شاء الله ربي يهديه ويفيق لروحو

 

[خديجة ph]

السلام عليكم
ربي يفرج همك و يعينك على هذي الحياة و يكتبلك ما فيه الخير
سبحان الله من موضوعك خليتيني نحس انك عصفور يطير بفرحة الحرية حسبنا الله و نعم الوكيل في كل زوج يسيء الى زوجته حتى يصبح فراقه اقصى امانيها قال رسول الله صلى الله عليه وسلم

اتَّقوا اللهَ في النساءِ؛ فإنَّكم أخذتُموهنَّ بأمانةِ الله، واستحلَلْتُم فروجَهنَّ بكلمةِ الله​

اختي انت يبدولي عزمتي امرك على الطلاق و للطلاق آداب كما للزواج فان كان سبب طلاقك الآن هو تسرعك في زواجك فلا ترتكبي نفس الخطأ هذه المرة
اول شيء لان طلاقك لم يتم بعد فلابد لك من احترام صدور الحكم النهائي بالطلاق قبل التفكير بالزواج و نهاية العدة اعلم انك لا يمكنك التحكم بافكارك لكن لابد لافعالك ان تحترم هذه المدة لا تكلمي احد ولا حتى من جابلك خبر هذا العريس الجديد ولا والديك ولا تقبلي التكلم بهذا الموضوع هذا هو ديننا
تخيلي ان زوجك يردك قبل ان تنتهي العدة و انت سرحتي بخيالك و وصلتي لاعادة الزواج ؟ تخيلي انه قبل نهاية العدة بيوم يرجعك ! لذلك ما تتسرعيش لا تكلمي لا والديك لا بناتك لا خياتك اصبري حتى يبين ربي امرك لا تخططي لشيء
ثاني شيء تخيلي زوجك يعرف بامر هذا اللي حاب يتقدملك والله يندمك على اليوم اللي ولدتي فيه يخليك معلقة طول عمرك
ثالث شيء بناتك اعرف ان فرحة الطلاق ماخذة كل تفكيرك لكن واش يصبرك على فراق البنات اذا قرر ياخذهم يذلهم و عينك تشوف يعذبك بيهم او اذا اشترط عليك الزوج الجديد انك ما تشوفيهمش و يبقاو عند امك؟! مش سنة ولا سنتين ولا ثلاث العمر كله ؟ يفقدوا الاب و الام في يوم و ليلة صدقيني لن يمر هذا على صحتهن النفسية مرور الكرام
رابع شيء راكي في الجزائر غاليتي ماذا تتوقعين راح تلقاي هنا الا رجل جزائري فيه الكثير من الايجابيات لكن كذلك سلبيات نقص العاطفة بنسبة ثمانين بالمئة موجودة عند الرجال ما تخليش عقلك ياخذك لبعيد من بعد تصطدمي بجدار الواقع نعم كاين اختلافات بين الرجال مش كلهم كيف كيف لكن كاينة نسبة كبيرة ناقصتهم المشاعر مع زوجاتهم
و حسب خبرتي من مطلقات كثر حولي خاصة اللواتي تطلقن في عز شبابهن و فيهن من عندها طفل واحد فقط ان الزوج الثاني لم يتقدم قط قصد الزواج بل ليظفر باشياء اخرى و انتهى
اما قولك انك مازلت تباني صغيرة فالبنات الصغيرات العازبات الجميلات الابكار راهم يستناو مكتوبهم ولا احد نظر اليهن
صدقيني غاليتي لم اكتب هذا الرد لكي احبط آمالك لكن حتى لا تعميك الفرحة و تضربك في حائط الواقع المرير
تخلصك من هذا الزوج شيء يفرح حقيقة مع ان مازال كاين امل ربي يهديه ربما يرقي و يتخلص من السحر الذي اصابه
عودتك لتكوني حرة نفسك شيء جيد
لكن من واقعنا اخبرك ان مجتمعنا قاس جدا في التعامل مع المطلقة خصوصا من قبل من يدعون انهم يريدون الزواج بها احذري اختي فهم يعلمون ان المطلقة محتاجة لزوج اكثر من احتياج العازبة له لذلك يصطادونها باستعمال فخ الخطبة انتبهي اختي و اخفضي سقف توقعاتك ليس تشاؤما لكن خوفا عليك من صدمات عاطفية انت في غنا عنها
بعدما تمر كل هذه الازمات بسلام نتمى منك تعطي نفسك وقت تستريحي فيه تنظمي افكارك من جديد تخالطي الناس و انت مطلقة تشوفي نظرة المجتمع و من بعد اي قرار تتخذيه راح يكون عن سابق قناعة و وعي فالكل راح يساندك فيه
سلام

 

[الامين محمد]

السلام عليكم
ربي يفرج همك و يعينك على هذي الحياة و يكتبلك ما فيه الخير
سبحان الله من موضوعك خليتيني نحس انك عصفور يطير بفرحة الحرية حسبنا الله و نعم الوكيل في كل زوج يسيء الى زوجته حتى يصبح فراقه اقصى امانيها قال رسول الله صلى الله عليه وسلم

اتَّقوا اللهَ في النساءِ؛ فإنَّكم أخذتُموهنَّ بأمانةِ الله، واستحلَلْتُم فروجَهنَّ بكلمةِ الله​

اختي انت يبدولي عزمتي امرك على الطلاق و للطلاق آداب كما للزواج فان كان سبب طلاقك الآن هو تسرعك في زواجك فلا ترتكبي نفس الخطأ هذه المرة
اول شيء لان طلاقك لم يتم بعد فلابد لك من احترام صدور الحكم النهائي بالطلاق قبل التفكير بالزواج و نهاية العدة اعلم انك لا يمكنك التحكم بافكارك لكن لابد لافعالك ان تحترم هذه المدة لا تكلمي احد ولا حتى من جابلك خبر هذا العريس الجديد ولا والديك ولا تقبلي التكلم بهذا الموضوع هذا هو ديننا
تخيلي ان زوجك يردك قبل ان تنتهي العدة و انت سرحتي بخيالك و وصلتي لاعادة الزواج ؟ تخيلي انه قبل نهاية العدة بيوم يرجعك ! لذلك ما تتسرعيش لا تكلمي لا والديك لا بناتك لا خياتك اصبري حتى يبين ربي امرك لا تخططي لشيء
ثاني شيء تخيلي زوجك يعرف بامر هذا اللي حاب يتقدملك والله يندمك على اليوم اللي ولدتي فيه يخليك معلقة طول عمرك
ثالث شيء بناتك اعرف ان فرحة الطلاق ماخذة كل تفكيرك لكن واش يصبرك على فراق البنات اذا قرر ياخذهم يذلهم و عينك تشوف يعذبك بيهم او اذا اشترط عليك الزوج الجديد انك ما تشوفيهمش و يبقاو عند امك؟! مش سنة ولا سنتين ولا ثلاث العمر كله ؟ يفقدوا الاب و الام في يوم و ليلة صدقيني لن يمر هذا على صحتهن النفسية مرور الكرام
رابع شيء راكي في الجزائر غاليتي ماذا تتوقعين راح تلقاي هنا الا رجل جزائري فيه الكثير من الايجابيات لكن كذلك سلبيات نقص العاطفة بنسبة ثمانين بالمئة موجودة عند الرجال ما تخليش عقلك ياخذك لبعيد من بعد تصطدمي بجدار الواقع نعم كاين اختلافات بين الرجال مش كلهم كيف كيف لكن كاينة نسبة كبيرة ناقصتهم المشاعر مع زوجاتهم
و حسب خبرتي من مطلقات كثر حولي خاصة اللواتي تطلقن في عز شبابهن و فيهن من عندها طفل واحد فقط ان الزوج الثاني لم يتقدم قط قصد الزواج بل ليظفر باشياء اخرى و انتهى
اما قولك انك مازلت تباني صغيرة فالبنات الصغيرات العازبات الجميلات الابكار راهم يستناو مكتوبهم ولا احد نظر اليهن
صدقيني غاليتي لم اكتب هذا الرد لكي احبط آمالك لكن حتى لا تعميك الفرحة و تضربك في حائط الواقع المرير
تخلصك من هذا الزوج شيء يفرح حقيقة مع ان مازال كاين امل ربي يهديه ربما يرقي و يتخلص من السحر الذي اصابه
عودتك لتكوني حرة نفسك شيء جيد
لكن من واقعنا اخبرك ان مجتمعنا قاس جدا في التعامل مع المطلقة خصوصا من قبل من يدعون انهم يريدون الزواج بها احذري اختي فهم يعلمون ان المطلقة محتاجة لزوج اكثر من احتياج العازبة له لذلك يصطادونها باستعمال فخ الخطبة انتبهي اختي و اخفضي سقف توقعاتك ليس تشاؤما لكن خوفا عليك من صدمات عاطفية انت في غنا عنها
بعدما تمر كل هذه الازمات بسلام نتمى منك تعطي نفسك وقت تستريحي فيه تنظمي افكارك من جديد تخالطي الناس و انت مطلقة تشوفي نظرة المجتمع و من بعد اي قرار تتخذيه راح يكون عن سابق قناعة و وعي فالكل راح يساندك فيه
سلام

انا مع رأي أختي خديجة جملة و تفصيلا

يعطيك الصحة اختي خديجة تحليلك للمشكلة ممتاز
بارك الله فيك

 

[ذكريات]

يعطيك الصحة الأخت @خديجة ph تفسير منطقي وواقعي وإن شاء الله الأخت تشوف مشكلتها من زاوية مختلفة وتأخذ بعين الإعتبار قول العائلة بعدم تزوجها مرة ثانية لأنه وحقيقة، وبعد مدة ليست ببعيدة ستبدأ مراهقة بناتها وعليها مرافقتهم ومساندتهم، فهي مرحلة صعبة على الأسرة السوية فما بالك بأسرة مفككة، تخطيها سيكون صعب، لا تتسرعي في أخذ القرارات، وكما قال الشيخ الشعراوي رحمه الله، من ابتغى حبيباً بدون مشاكل ، عاش باحثاً، وربي يفرج عليك ويوفقك لأخذ القرار الصائب.

 

[إلياس]

نصيحة لا تمضي اوراق الطلاق شوفي اولادك قبل شيء

 

[أم سلطان 16]

نصيحة لا تمضي اوراق الطلاق شوفي اولادك قبل شيء

ممكن سؤال
يعني اذا هي موقعتش اوراق الطلاق ميقدرش يطلقها

 

[إلياس]

ممكن سؤال
يعني اذا هي موقعتش اوراق الطلاق ميقدرش يطلقها

نعم

 

[خديجة ph]

ممكن سؤال
يعني اذا هي موقعتش اوراق الطلاق ميقدرش يطلقها

يمكن الاخ @إلياس ما فهمش عليك السؤال اختي نعم ممكن الزوج يطلق زوجته بدون ما توقع الاوراق تاع الطلاق خصوصا ان لم تحضر جلسات التطليق راح يصدر الحكم غيابي و تجيها الورقة للمنزل

 

[الروسي]

ربي يفرج عليك
ننصحك بقيام الليل وصلاة الفجر وستجدين ضالتك ان شاء الله

 

[dahman kz]

الزواج حق من حقوقك و ما يقدر حتى شخص يمنعك او يحرمك من نعمة الزوج و الزواج و مثل ما الراجل لمطلق من حقه يتزوج المرا ثاني من حقها تتزوج و تعيش حياتها كأيها الناس .. والعزوف عن الزواج بعد الطلاق خطأ كبير .. و الانسان خلقه ربي باش يتزوج ويجيب الاولاد .
والاولاد اذا تزوجتي يتكلفو بيهم اهلك و لا باباهم وهذا واجب و حق عليه
والديك واهلك اتكلمي معاهم و لا حياء في الدين واقناعهم برغبتك في الزواج ماهوش عيب .
و ياريت المطلقات و الارامل يرجعو للمنطق و يخلوو العاطفة على جنب و يخممو كيفك.

 

[ليليا مرام]

السلام عليكم أختي
أولا ندعي ربي يفرج عليك ثاني شي انت طلقتي وخلاص والبكاء عالماضي ما بقاتلوش فايدة وطليقك ويتزوج ويعاود حياته وانساي واش عشتي معاه ..نجوةللآن للزواج واهلك هي انت صغيرة ومن حقك تتزوجي بالاخص مرا محتاجة راجل فحياتها ونحكي عن تجربة صعيبة بزاف تعيشي فمجتمع زمكاش راجل معاك مهما كانت صفتو ووالديك لازم يخمو انهم مش راح يدمولك ولازم هوما يغكرو يزوجوك ويخلوك فرقبة راجل قبل لا تغمض عينهم لكن مجتمعنا يحلل للراجل يتزوج شعال من مرة ومرا كانو ما عندهاش الحق فالحياة نقولك ما تبنيش فرضيات على انو بلاك وبلاك ما يقبلوش انت اهدري مع امك وقنعيها كمرا وفهميها من ناحية الدين. امر اخر بناتك اياك ترمي بناتك للاب ومرتو حرام عليك تظلميهم راجل لي يقبلك يقبل بناتك يا اختي ما تكونيش انانية وتخمي فروحك وتقولي يقعدو عند يمى والا يروحو لباباهم يهنيك قلبك ترقدي وتعيشي وظوجة اب دايرة بنتك خدامة عرفتي بننك تقرا تليس تاكل مليح مش ترقد بدمعتها ومعاير امكم تزوجت وخلاتكم لالا اختي تزوجي ماهو حرام ماهو عيب مي بناتك وين تكوني يكونو وربي يسهلك أمورك

 

[الامين محمد]

السلام عليكم أختي
أولا ندعي ربي يفرج عليك ثاني شي انت طلقتي وخلاص والبكاء عالماضي ما بقاتلوش فايدة وطليقك ويتزوج ويعاود حياته وانساي واش عشتي معاه ..نجوةللآن للزواج واهلك هي انت صغيرة ومن حقك تتزوجي بالاخص مرا محتاجة راجل فحياتها ونحكي عن تجربة صعيبة بزاف تعيشي فمجتمع زمكاش راجل معاك مهما كانت صفتو ووالديك لازم يخمو انهم مش راح يدمولك ولازم هوما يغكرو يزوجوك ويخلوك فرقبة راجل قبل لا تغمض عينهم لكن مجتمعنا يحلل للراجل يتزوج شعال من مرة ومرا كانو ما عندهاش الحق فالحياة نقولك ما تبنيش فرضيات على انو بلاك وبلاك ما يقبلوش انت اهدري مع امك وقنعيها كمرا وفهميها من ناحية الدين. امر اخر بناتك اياك ترمي بناتك للاب ومرتو حرام عليك تظلميهم راجل لي يقبلك يقبل بناتك يا اختي ما تكونيش انانية وتخمي فروحك وتقولي يقعدو عند يمى والا يروحو لباباهم يهنيك قلبك ترقدي وتعيشي وظوجة اب دايرة بنتك خدامة عرفتي بننك تقرا تليس تاكل مليح مش ترقد بدمعتها ومعاير امكم تزوجت وخلاتكم لالا اختي تزوجي ماهو حرام ماهو عيب مي بناتك وين تكوني يكونو وربي يسهلك أمورك

اهلا ليليا
كاين نقطة مهمة لازم نعرفها و هي اذا تزوجت يحق لزوجها الاول يدي الاولاد
بقوة القانون

 

[ليليا مرام]

اهلا ليليا
كاين نقطة مهمة لازم نعرفها و هي اذا تزوجت يحق لزوجها الاول يدي الاولاد
بقوة القانون

السلام عليكم اخي
هي فالقانون لو قاصرات ينحيهملها لكن لو هو متزوج تسقط حضانة لأمها ما يديهمش وما تديهمش هي ولو جداهم للأم مكاش تروح حضانة للجدة للأب

 

[Paysera]

ويحب يعاشرني اخر الليل من غير طلب السماح

ختي منين جبتيها هذه نتاع الزوج يطلب السماح من زوجته لمعاشرتها؟ وإن لم يعاشر الزوج زوجته آخر الليل يعني متى يعاشرها؟ ختي وسامحيني على صراحتي... الرجل إذا لم تعطيه حقو طبيعي يكرهك ويرجع يهينك ويقلل من شأنك لأنك لم تعطيه حقه الشرعي الذي العالم كله يعطي له الحق في ذلك... لا حجة للزوجة في رفض فراش زوجها إلا في حالة المرض الشديد واللي تحب زوجها صح تعطيه حقه حتى ولو هي مريضة تسايره لأن في الأمر ما يوطد العلاقة بين الزوج والزوجة... ماشي تجي تقولينا لازم يطلب منك السماح وآخر الليل هو أفضل وقت للمعاشرة... سامحيني نقولك أنت المخطئة وزوجك على حق... ما هو سحور ما هو دلال ما هي أمه وإنما أنت السبب ويبدو أنك قارية الدنيا بالمقلوب... أنت سبب خراب بيتك يا بنت الناس.

 

[فادي محمد]

أبغض حلال عند الله الطلاق
مشكلة الطلاق أمر صعب على المرأة خاصة لما تكون صغيرة حاولي أن ترجعي إلى زوجك وان لم يفلح الأمر فتزوجي لأن الزواج سترة وليس عيبا فلاتضحي بحياتك بناتك سيكبرون ويتزوجون

 

[Eay98]

ختي منين جبتيها هذه نتاع الزوج يطلب السماح من زوجته لمعاشرتها؟ وإن لم يعاشر الزوج زوجته آخر الليل يعني متى يعاشرها؟ ختي وسامحيني على صراحتي... الرجل إذا لم تعطيه حقو طبيعي يكرهك ويرجع يهينك ويقلل من شأنك لأنك لم تعطيه حقه الشرعي الذي العالم كله يعطي له الحق في ذلك... لا حجة للزوجة في رفض فراش زوجها إلا في حالة المرض الشديد واللي تحب زوجها صح تعطيه حقه حتى ولو هي مريضة تسايره لأن في الأمر ما يوطد العلاقة بين الزوج والزوجة... ماشي تجي تقولينا لازم يطلب منك السماح وآخر الليل هو أفضل وقت للمعاشرة... سامحيني نقولك أنت المخطئة وزوجك على حق... ما هو سحور ما هو دلال ما هي أمه وإنما أنت السبب ويبدو أنك قارية الدنيا بالمقلوب... أنت سبب خراب بيتك يا بنت الناس.

يالاطيف ما كل هذه القسوة والكلام الذي يكسر القلب في حق هذه المرأة الضعيفة ؟ لاحول ولا قوة الابالله العلي العظيم..