الهُــدوء المزعج ~''

[لمعانُ الأحداق]

تسجيل مرور
اخيتي دكتورتنا

أهلا بك
شكرا على حسن المُتابعة

 

[rafid2]

مش لازم تكون شباب و لابس لبسة جميلة باه تتصور
و لا لازم يكون صوتك جميل و موسيقي باه تغني

اي حاجة حاب تديرها ، ديرها .. ديرها لروحك مش شرط تعجب شخص آخر .. عيش لنفسك !

موهبة
لا نجعل الآخرين معيارا لحياتنا

 

[لمعانُ الأحداق]

موهبة
لا نجعل الآخرين معيارا لحياتنا

بالضبط
عيش كيما تحب و عيش لروحك

شكرا لمرورك

 

[لمعانُ الأحداق]

علابالي ماهيش نورمال انك تقطع علاقتك مع كامل الناس .. مي التعامل معاهم رجع " مُرهق " ، تتعب داخل راسك ، حكاياتهم ، حواراتهم العقيمة ، هدرات ماعندها حتى معنى ، ناس تدخل في خصوصياتك و ناس اخرى تقول حاجات مالازمش تنقال ، و كاين لي يدي عليك نظرة و يبقى حاطها عليك طول ، تلقى روحك قاعد تبرر لواحد و تشرح لـ لوخر و توضح لهذا و حتى تعتذر لهذاك .. و انت أصلا ماعندكش طاقة ، الطاقة لي عندك هات يا تكمل بيها نهارك ، المهم حاول تخلي روحك بعيد على الناس و قلل دائرة معارفك .. أي شخص تحس رح يديرلك إضافة سلبية خلي علاقتك بيه سطحية ، في النهاية ردة الفعل تاعنا تعتمد على وش يصرا حولنا ..

 

[لمعانُ الأحداق]

ايه و لي ماراهش يصلي يبدا يصلي خاوتي .. الصلاة الصلاة
مسلم و ماتصليش !! كيفاه حاب ربي يباركلك في وقتك و يحققلك وش حاب و انت ماتديرش وش قالك !! ماتقولش ماعندكش الوقت هي كلها 5 دقايق و راك زدت بيها درجات في ميزانك ، بلا ماننساو انها راحة و طمأنينة ، و اول حاجة يُسأل عليها العبد يوم القيامة .. ماتكونش من الغافلين تخسر الدنيا و الآخرة

 

[لمعانُ الأحداق]

- تصالح مع نفسك و سامحها ، ماتبقاش تعدد في الغلطات لي درتهم ، العيب مش كي تغلط ، كامل نغلطو .. العيب انك تغلط و ماتصلحش الغلطة تاعك

 

[لمعانُ الأحداق]

مش لازم واحد كي يآذيك ولا يجرحك ، انت ثاني لازم تدير نفس الشي و ترد الاساءة بالاساءة ، نحيه من بالك و كمل عيش نورمال ، تعامل معاه بأخلاقك مش بأخلاقو .. و اذا أثر عليك بزاف " وكل عليه ربي " و فوت .. ماتبقاش تحاول تنتقم ..
بصح كي واحد يوقف معاك و يدير فيك الخير ، وي ، هذا لي يليق تردلو الجميل و تعرف تتعامل معاه ، ماتقيسوش و لا تجرحو ، لأنو ماهوش انسان عادي في حياتك .. الانسان لي يدير الخير راه انسان بزاف ناس ملاح و طيب ، كون معاه انت ثاني هكا

 

[لمعانُ الأحداق]

أحيانا يجيني تساؤل .. كيفاه الانسان يقدر يتخطى حزنو و الألم لي عايشو ببساطة و يبان شخص عادي !!
حتى فوت نفس الشي ، و اكتشفت أنو قادر تكون حزين و قلبك هاز شعور قد الجبال ، مي شكلك مايبينش و لا نقول تحاول تحافظ على ثباتك ، لالا و تضحك ثاني و تبتسم و كأنو الامور " انتيك " .. واحد ماعلابالو وش كاين داخلك
ثما تنطبق مقولة " اللّٰه وحده يعلم "

 

[لمعانُ الأحداق]

The act of trying is so underrated
نقولكم علاه ، كي نحكو على الحُب مثلا ، رح نلقاو بزاف طرق باه نقدرو نعبرو عليه لكن نشوف أعظم وحدة هي " المحاولة "
كي تحاول علاجال شخص تحبو .. توصلو ميساج بطريقة غير مباشرة و صادقة انو انت مستعد تتعلم حاجات جدد غير باه تكون قريب ليه و معاه ، و مستعد تضحي بوقتك و طاقتك غير باه تشوفو فرحان و مرتاح .. مستعد تتعب ، مش علاجال شي و انما فقط لانك حاب تبقى معاه و ماتكونش مجرد " انسان عابر " في حياتو ، حاب تخلي الاثر في قصتو و تبقى شخصية رئيسية و مهمة ليه ..

" المحاولة " علابالي راهي كلمة بسيطة مي ماعرفتش كيفاه نعبر على هذا الامر و نوضح الفكرة ..

 

[لمعانُ الأحداق]

حتى كون تطلع للقمر
رح تحوس على واحد تشرب معاه قهوة
الانسان بطبعو يحب الرِفقة..
فرحة الانجاز ماراحش تكتمل بلا رفيق .. جاية هكا

 

[لمعانُ الأحداق]

مرات مليحة الواحد يحبس ما يسكرولي .. يبعد شوي على السوشل ميديا و العالم الافتراضي
يدير عزلة بسيطة .. مش علاجال اي حاجة ، علاجال روحو برك
جرب خلي التيليفون في الدار و اخرج تتمشى برا وحدك لمدة ساعة ، و لا اقعد في بلاصة غير انت مع روحك ..
( لانو لو تدي الهاتف كي تبقى وحدك تولي تطلع و تهبط فيه )
المهم ، تقعد غير انت و افكارك .. تصفي ذهنك
رح تحس بشعور آخر كي ترجع للبيت بعدها ، جربها

 

[لمعانُ الأحداق]

شحال يعجبوني الناس " اللطفاء " و نحب نتعامل معاهم
يجو هكا جميلين في تفكيرهم ، في عقلهم و حتى لباسهم و شكلهم
في كلامهم يستعملو كلمات جميلة " شكرا ، Sorry ، ماعليش كذا .. " ، يضحكو و يبتسمو رغم كل شي مام تكون حزين يوقفو معاك و يواسيوك ، يعرفو وش يحكو و يحترمو الخصوصية تاعك ..
ديما يخلوك تحس انو الدنيا مازالت بخير
ناس هايلين ..

 

[MOHAMED LAMINE7]

بالتوفيق ان شاء الله
سنتابع كل جديدك

 

[لمعانُ الأحداق]

بالتوفيق ان شاء الله
سنتابع كل جديدك

شكرا
اقدر هذا

 

[لمعانُ الأحداق]

ديكوفريت عفسة ، الحاجات لي قادر يشوفوها الناس فيك انها عيوب ، ناس اخرين يشوفوها مميزات
مثلا انت تحكي و تدير جو ، كاين تبانلو فوضى .. مي ناس اخرين يقولو عليها طاقة و انسان نشيط و اجتماعي
انك تسقسي بزاف و تحوس تعرف ، كاين تبانلهم قاعد " تدخل في شؤونهم " في حين اخرين يشوفوها اهتمام و يعجبهم الشي هذا
الكلام الكثير و النقاش يتشاف حب ، حب مشاركة و تبادل وجهات النظر
حتى السكوت و الصمت لي قادر يكون مُزعج للبعض هو ميزة ليك انك انسان كالم و تهدر غير للضرورة
في النهاية حبيت نقول أراء الناس تبقى أراء و ماهيش حقيقة

 

[rafid2]

ديكوفريت عفسة ، الحاجات لي قادر يشوفوها الناس فيك انها عيوب ، ناس اخرين يشوفوها مميزات
مثلا انت تحكي و تدير جو ، كاين تبانلو فوضى .. مي ناس اخرين يقولو عليها طاقة و انسان نشيط و اجتماعي
انك تسقسي بزاف و تحوس تعرف ، كاين تبانلهم قاعد " تدخل في شؤونهم " في حين اخرين يشوفوها اهتمام و يعجبهم الشي هذا
الكلام الكثير و النقاش يتشاف حب ، حب مشاركة و تبادل وجهات النظر
حتى السكوت و الصمت لي قادر يكون مُزعج للبعض هو ميزة ليك انك انسان كالم و تهدر غير للضرورة
في النهاية حبيت نقول أراء الناس تبقى أراء و ماهيش حقيقة

اراء الناس متعبة

 

[لمعانُ الأحداق]

اراء الناس متعبة

و محاولة ارضائهم اكثر تعبا و ارهاقا

 

[لمعانُ الأحداق]

تعوَّد كي يجي واحد في بالك ، ادعيلو
( ربي يحفظو ، ربي يفرج عليه ، ربي يوفقو .. و غيرها )
ماعلابالكش علاه ربي دارو في بالك في هذاك الوقت ، بالاك يكون محتاج لدعائك
الدعاء حُب و فوق هذا " لكَ بالمِثل "
ماهيش حاجة صعيبة و فيها خير كبير ..
بزاف جميلة ، تعوَّد عليها

 

[rafid2]

تعوَّد كي يجي واحد في بالك ، ادعيلو
( ربي يحفظو ، ربي يفرج عليه ، ربي يوفقو .. و غيرها )
ماعلابالكش علاه ربي دارو في بالك في هذاك الوقت ، بالاك يكون محتاج لدعائك
الدعاء حُب و فوق هذا " لكَ بالمِثل "
ماهيش حاجة صعيبة و فيها خير كبير ..
بزاف جميلة ، تعوَّد عليها

صح والله

 

[لمعانُ الأحداق]

- رح يجي نهار و تعرف انك مش مُجبر تتحمل شخص يخلي نفسيتك تتعب فقط لأنك " تحبو "