قالوا ناس زمان ..

[أمير جزائري حر]

وقالوا../ هذا أيضا تقوله النساء..

الرَّاجَلْ كِي المَسْمَارْ، كُلْمَا اطْلَعْ ؛ بُطِّيهْ .. !

 

[أمير جزائري حر]

وقالوا..

الرَّاجَلْ كِي الطِّيرِ؛ يَنْقُبْ وِ يْطِيرْ .. !

 

[أمير جزائري حر]

وقالوا..

رَاجْلَكْ يْحَبَّكْ قْوِيَّة ، وُ خُوكْ يْحَبَّكْ غْنِيَّة ، وُ بُوكْ يْحَبَّكْ مَتْهَنْيَة .. !

 

[أمير جزائري حر]

وقالوا..

الرَّاجل قَبْلْ الزْوَاجْ سِيدْ النَّاسْ ، وُ بَعْدْ الزّْوَاجْ ؛ كِي هُوَّ كِي النَّاسْ ، وِاِذَا طَلَّقْ يْوَلِّي عُرّْةْ النَّاسْ

 

[أمير جزائري حر]

وقالوا..

الرَّاجَلْ ما يَتْعَايَبْشْ .. !

 

[أمير جزائري حر]

وقالوا..

الرَّاجَلْ يْسَامَحْ وُ مَا يَنْسَاشْ ، وَ المْرَا تَنْسَى وُ مَا تْسَامَحْشْ .. !

 

[غسق الليل]

قالو ناس زمان
ميفوح بخور بلا جمر..
وما ينبت زرع بلا مطر..
ومادوم محبة بلا قدر

 

[غسق الليل]

#قالوا_ناس_زمان
رد بالك تحڨر بالعين
الشمعة رخيسة
بصح كي تظلام عليك
تولي عزيزة......

 

[ذات الشيم]

وقالوا..

الرَّاجَلْ ما يَتْعَايَبْشْ .. !

شرعا ..
يُحاسب الرجل كما تحاسب المرأة

 

[ذات الشيم]

وقالوا ..
المعاونة مع النصارة ولا قعاد الخسارة​

 

[ذات الشيم]

وقالوا ..
قبل ما تخطب.. وجّد الما و الحطب ​

 

[ذات الشيم]

وقالوا..
الطمع يفسد الطبع​

 

[ذات الشيم]

وقالوا ..
الذراع الوافي ما يحافي​

 

[اليمامة_الزرقاء]

ما شاء الله راكم كمّلتوا كامل المقولات هه
قالوا :
" بات ليلة مع الجاج صبح يقاقي " ​

 

[أمير جزائري حر]

شرعا ..
يُحاسب الرجل كما تحاسب المرأة

ليس ذلك المقصود..

 

[ذات الشيم]

ليس ذلك المقصود..

بلى ..
أنا شخصيا سمعتها من أفواه الكثيرات من العجائز
ويقولوها تاني لما مثلا الرجل يكون لا ينجب يقولك " الرجل ما يتعايبش" بينما المرأة يلا كانت لا تنجب يشنوا عليها حربا ضروسا مع كلمات السب والشتم من نوع عاقر وكليتي ولادك في كرشك
...

 

[ذات الشيم]

وقالوا ..
الضيف ضيف لوكان شتا ولا صيف ​

 

[ذات الشيم]

وقالوا
الضيف ما يتشرّط ومول الدار ما يفرّط​

 

[ذات الشيم]

وقالوا ..
قالك مايبكيلك غير شفرك ومايحكلك غير ضفرك​

 

[ذات الشيم]

وقالوا ..
الحق مر ومايرضى بيه غير الحر​