قالوا ناس زمان ..

[ذات الشيم]

وقالوا ..

كي شبع سمّا.. وقال طعامكم بالما

 

[ذات الشيم]

وقالوا ..

كُبّ القدرة على فمها .. تطلع البنت لأمّها

 

[ذات الشيم]

وقالوا..
كي تتقدر الاقدار.. تعمى الابصار

 

[ذات الشيم]

وقالوا..
خص العمية غير الكحل ..

 

[ذات الشيم]

وقالوا ..
عمرو داود لا يعاود..

 

[ذات الشيم]

وقالوا ..
الباب لي يجيك منو الريح.. سدّوا واستريح

 

[أمير جزائري حر]

 

[أمير جزائري حر]

وقالوا ..
عمرو داود لا يعاود..

هذا عندي بصيغة،:

ماتْلالْ داود ما يعاود.. / بلهجة مختلفة

مانلالو = عُمرو..

 

[ذات الشيم]

هذا عندي بصيغة،:

ماتْلالْ داود ما يعاود.. / بلهجة مختلفة

مانلالو = عُمرو..

حنا عندنا بالصيغة لي كتبت انا ..
لكن كلمة " تلال" نقولوها بنفس المعنى

 

[ذات الشيم]

مقبيل.. وانا نحكي مع ابي افتقدنا أخي لي راح لحصة رياضة كمال الأجسام وطوّل على التوقيت لي معتاد يرجع فيه ..
وحنا نحكو سمعنا صوت الباب .. دخل أخي

تذكّرت المثل وقلتو لأبي :" اذكر السّبع يهدف "

 

[أمير جزائري حر]

محجوز..
بعد حين

 

[ذات الشيم]

وقالوا ..
مول التّاج ويحتاج ..​

 

[ذات الشيم]

وقالوا..
بدّل اللّوك يحبّوك ..
( هذي بمناسبة البنفسجي ، مازلت محتفلة ) ​

 

[ذات الشيم]

وقالوا ..
قلّل ناسك ، يرتاح راسك ..
( هادي تاني عندها مناسبة )
ما كنتش حاسبة عندي رصيد في الامثال ، يا ماشاء الله ^^ ​

 

[أمير جزائري حر]

قالوا..

اَتْكَلْ زفريطْ عْلَى عَفْرِيطْ ، والحْمَارْ مَاتْ بالتَّفْرِيطْ.. !

 

[أمير جزائري حر]

وقالوا..


حْبِيبَكْ حَبُّو، وَالسَّرْ اللِّي بِينْكُمْ خَبِّيهْ، اِذَا حَبَّكْ حَبُّو اَكْثَرْ وِاِذَا تَرْكَكْ لَا تْسَالْ عْلِيهْ.

 

[أمير جزائري حر]

وقالوا..

هْرَبْ مَ المْطَرْ جَا تَحْتْ المِيزَابْ.

 

[ذات الشيم]

مصطلحات غريبة
تحتاج شرح
ميزاب ، زفريط ، عفريط ..​

 

[أمير جزائري حر]

مصطلحات غريبة
تحتاج شرح
ميزاب ، زفريط ، عفريط ..​

سأشرح تابعي..

 

[أمير جزائري حر]

زفريط وعفريط تسميات عشوائية..
كيما نقولو فلان .. وعلان..
..
الميزاب هو قناة تصريف ماء المطر فوق سقف البيت.. نظن الآن المثل صار مفهوم..