قالوا ناس زمان ..

[أمير جزائري حر]

وقالوا..

بات على الغيض..
وما تباتش على ندامة...

 

[أمير جزائري حر]

وقالوا..

يْعاون المخّاضة.. بْهَزّان الرّاس...

 

[أمير جزائري حر]

وقالو..

نَدَّه المَعجاز.. يوليلك مُدبّر...

 

[أمير جزائري حر]

وقالوا..

يْجَيّف النملة عْلى حَبّة...

 

[أمير جزائري حر]

وقالوا...

امشي بالنيّة..
وارقُد في الثْنِيّة...

 

[أمير جزائري حر]

وقالوا..

اصحاب السَّعد.. تَحْطَبَّلْهُمْ الرِّيح...

 

[أمير جزائري حر]

وقالوا..

اذا جُعت روح لاخوالك..
واءا تَحْڨَرت.. روح لاعمامك...

 

[أمير جزائري حر]

وقالوا..

يَكَّبْروا الخاوة... ويْوَلُّو جيران..

 

[أمير جزائري حر]

وقالوا..

يَكَّبْرُو الخاوة.. ويْوَلُّو عْمُومِيّة...

 

[ذات الشيم]

وقالوا..

يَكَّبْروا الخاوة... ويْوَلُّو جيران..

الحقيقة مع الاسف
يكبرو الخاوة ويولو اعداء

بارك الله فيك اخي على اثراء الموضوع

 

[أمير جزائري حر]

الحقيقة مع الاسف
يكبرو الخاوة ويولو اعداء

بارك الله فيك اخي على اثراء الموضوع

العفو..
من دواعي سروري..

 

[أمير جزائري حر]

وقالوا...

اخْدَمْ الارض القريبة..
وخُوذ المْرا البْعِيدة...

 

[أم إسراء]

قالوا ناس زمان..
يمشي زمان ويجي زمان
الجيب عامر والراس فرغان..
اللسان معسل والقلب ڨطران..
يولي الداب(الحمار) عود..الراي للنساء
والحكم لليهود..

 

[ذات الشيم]

قالوا ناس زمان..
يمشي زمان ويجي زمان
الجيب عامر والراس فرغان..
اللسان معسل والقلب ڨطران..
يولي الداب(الحمار) عود..الراي للنساء
والحكم لليهود..

هذي رانا فيها بعدا..
ربي يلطف

 

[ذات الشيم]

قالوا ناس زمان :

جاري يا جاري ، انت في دارك وانا في داري

 

[أمير جزائري حر]

قالوا ناس زمان :

جاري يا جاري ، انت في دارك وانا في داري

هذا المثل عندي بصيغة:
صباح الخير با جاري... انت في دارك وانا في داري..

 

[أمير جزائري حر]

قالوا ناس زمان..
يمشي زمان ويجي زمان
الجيب عامر والراس فرغان..
اللسان معسل والقلب ڨطران..
يولي الداب(الحمار) عود..الراي للنساء
والحكم لليهود..

هذا أقرب ما يكون لنوع من التنبؤ .. ولا ينتمي للأمثال الشعبية بحق..
ومثله كثير..
مثلا يقولون في بعض المنشورات تحت مسمى مثل شعبي:
يجي النهار يولي الما في الحيوط..
والناس يهدرو في الخيوط.. ( يقصدون الهاتف السلكي)
..الخ
المثل من ميزته أنه تكون فيه حكمة.. توجيه سلوكي... الخ
والله أعلم..

 

[أمير جزائري حر]

وقالوا..
فْلان.. فلان.. مَكْسي ولا عريان..

 

[أمير جزائري حر]

وقالوا..

الزْوَاج هَرْسْ..
واِذا صْدَقْ جْبِيرَة...

 

[أمير جزائري حر]

وقالوا..

يْعِيشْ الرّاشِي..
ويْمُوت الماشي...