السلام عليكم خاوتي ولاد بلادي،
والله القلب راهو معمر كي نشوف واش راهو صاري في بلادنا.
250 مليون دولار للبنان، 200 مليون لأبو مازن، وولدو ياكل في المشوي في المروك، 15 مليون لبشار الأسد، 200 مليون لتونس، 30 مليون لأردوغان المنافق...
وحياة الجزائري هي آخر إهتماماتهم! فوق هذا كامل، عدم كفاءة كارثية في التسيير.
كل صيف نفس الفيلم، غاباتنا في تيزي وزو، بجاية، جيجل، سكيكدة، قسنطينة، قالمة، سوق أهراس، عنابة والطارف تتحرق قدام عينينا، والناس تموت، والثروة الغابية والحيوانية تروح، والدولة تتفرج.
هذه الأموال وحدها قادرة باش تغير الواقع:
هذه الملايير اللي راحت للخارج قادرة باش تطابي Tapisser المناطق الغابية كامل في الولايات اللي ذكرتها.
تصوروا معايا برك:
بهذه الأموال نقدروا نجيبو 250 شاحنة إطفاء مثل هذا الوحش اللي في الصورة، مع قطع الغيار وخدمة ما بعد البيع، نحسبو 2 مليون دولار للواحدة، عندنا أسطول يوقف النار عند حدها.
والخطة ساهلة وما تحتاجش عبقرية، تحتاج رجال برك:
1. نقسم إقليم **جيجل وحده إلى 25 منطقة تدخل**، **بجاية 20 منطقة، تيزي وزو 15، عنابة 15، قالمة 15، سوق أهراس 15، والطارف 20**، وندير نفس العملية في باقي الولايات الغابية.
2. نحدد مستودعات تابعة للحماية المدنية خاصة بالآليات الثقيلة تكون قريبة من الغابات، ماشي في الولاية بـ 100 كلم.
3. نحدد مع إدارة الغابات كل طرق المنافذ الإستعجالية ونفتحوها وننظفوها قبل الصيف.
4. نحدد أحواض التموين بالماء في كل منطقة باش نديرو حصار للنار ونفتتو مد اللهيب في ساعته الأولى.
هذا هو الحل، هذه هي الدولة اللي نتمناوها، ولكن لازملها رجال يخافو ربي في هذا الشعب.
أما بهذه العقلية تاع البريكولاج وكل صيف نستناو الكارثة ونبكو في الفايسبوك، والله ما راح نتقدمو.
غادروا، كفى... هذا البلد ما عادش يحتمل عبثكم.
حسبنا الله ونعم الوكيل.
ما رأيكم خاوتي؟
بقلمي: حاتم خليفة
لو صححنا انفسنا مع خالقنا لصححت معنا الدنيا والاخرة
الشعب وما فهش الخير وراك شفت الموال والخضار وووو....لايغير الله مابقوم حتى يغيرو ما بأنفسهم
تقبل ردي
يا أخي اغلبنا مقصرين في حق ربي وباغين الدنيا تتسوى
