انا محقورة عخاطر ماعنديش خو

الحالة
مغلق ولا يسمح بالمزيد من الردود.
ربي يكون في العون اختي
لكنانو ماعندكش اخ يدافع عليك
علاش مش انت كنتي تدافعي على روحك
نشفى لروحي والله ديما ولاحمد لله كنت واعرة والي يقربلي نقتلو مع ا عندي اخ الا انو هو كان يعتمد عليا ساعات هههههههه
شدي في ربي اختي
 
ختى حتى انا معنديش خويا ..... رنى فهماتك ..بصح ماتخليهاش نقطة ضعف ...بعكس اصبرى ربى عندو حكمة من كل حاجة يديرهالنا ..على هديك سبقى ديما كلمة الحمد الله ..راهى تريحك ....وما تكونيش ساهلة كونى واعرة مع الى يحسب روحو عليك و ما تسكتيش على يسبك مش عيب كى معندكش خوك ..تحسابلك كل لعندها خوها راهى نورمال كين وين الاخ هو الى يضر خاوتو ..استغفر ربى وكثرى منو يروح همك ان شاء الله .. صح فطورك وصحورك
 
دعوة المظلوم لا ترد و ربي يكون معاك
 
كلامك احزنني لكن لم ادري ان هناك عباد بذلك الشكل (حقارة نسا) ربي يقويك مكان والو من لفامي رجالا
بجدك بتعمك بتخالك.....والله انا لااصدق عقلي ماذا يحدث
الحل من وجهت نظري انك تزوجي اذا كنت كبيرة او احد اخواتك يعني يكون عندكم راجل يحميكم
الصبر الصبر الصبر
 
السلام عليكم
ختي كلامك أثر فيا بزاف :crying:
رانا ولينا في غابة إن لم تكن ذئبا أكلتك الذئاب
الناس راحت منها رحمة ربي
مي ربك ماينساش عبادو
ويمهل ولا يهمل ويجيبلكم جقكم اليوم قبل غدوة
بلاك ربي شاف الخير كي ماعطاكمش أخ كان قادر يكون ولد تاع مشاكل ويجيبلكم العار
احمدي ربي

والحقار يجي النهار ويسلكها غالية لا ماشي اليوم غدوة
انا وحدة من العباد نكره الحقرة واللي يحقرني يجي النهار ونشرب من دمو

وجيرانكم ربي يهديهم ولا يديهم
عمبالهم كي يتعداو عالولايات هذي رجلة
اللي يحقر المرا راهو مرا :mad:

خليكي صامدة وكوني مرأة تاع الصح وكيما قلتي كرامتكم قبل كل شي
ووكلي عليهم ربي

كون جيتي قدامي قسما بالله نوريلك فيهم نهار​
 
بسم الله أولا صح فطورك
رانا في دولة ماناش فالغابة علاش ما رحتيش بلغتي عليهم الشرطة وحتى لوكان عندك خو ما كان راح يعمل والو
بلغي عليهم وروحي للإمام انتاع الحي شكي منهم باش يفضحهم فالجمعة ولا يتوسط لك الوجهاء وقبل هذا وبعدو كاين ربي
والله يبعث لك ولد لحلال فحل يقلع عليك لغبينة
 
الدولة مراح تقضيلك والو انت شوفي ولاد حومتك ادا كانو رجالا با نورمال يخليوك .

و ربي معاك .

مام انت بالاكي من طريقهم بويسك لي تقبض سابعها واحد ما يدور بيها .

سلام .
 
ربي يكون في العون....واللي خلق ما يضيع....والحقار يموت ذليل
 
الله يكون في العون
بصح عمرك ختي ما تغييري مكتوب ربي ولا تزعفي منو هذا ربي واش كتبلكم
انا نقولك كاين ولاد الحلال في كل بلاصة الحومة مثلا .....
الي خلق ما يضيع
المهم
انتي ماعندكش اخ هذي معندك ماديري معاها
ان شاء الله ايلاقيك بواحد يكونلك كل شي زوج واخ واب و صاحب
وانا انقولك
حقرت النسا ساهلة والعقايب واعرة
في الاخير ارجوا منك طلب بسيط

يا جماعة من ينضم الينا
شكرا
 
اختي الكريمة والله اثرتي فيا بزاف

والصبر الصبر ثم الصبر وما تياسيش وقعدي دايما محافظة على شرفك وصدقيني

الله يمهل ولا يهمل وما عليك غير تدعي في صلاتك ان الله يرزقك بزوج صالح

ويعوضك خير واستغفري استغفري استغفري دائما ولو 100 مرة في اليوم والله

الاستغفار يشرح الصدر ويجلب الرزق والزوج وكل خير ان شاء الله الم يقل عزوجل

في كتابه الكريم(استغفروا ربكم ثم توبوا اليه يمتعكم متاعا حسنا)

استغفر الله العظيم الذي لا اله الا هو الحي القيوم واتوب اليه

اسال الله العظيم ان يرزقك زوجا صالحا طيبا تقيا يخاف الله يكون

سندا لكي ويعوضك خيرا ان شاء الله
 
اختي انا ثاني ما عنديش خويا وحاولت شحال مرة نمحي هاذ الكلمة من راسي بصح ماقدرتش بصح راني صابرة ومع العلم هاذ المشكل كان نقطة ضعف يستعملوها ناس بزاف باش يقيسوني بصح الان وليت نقول لي شافها ربي مليحة وكل شيء بالمكتوب
 

موضوع مؤثر

اسمحلي على التدخل . لو كان تزوجي ولد الحلال لي خاف ربي راح يسترك ان شاء الله

وراح يكون هو الراجل لي تقدري تعتمدي عليه
 
أني فاهماتك يا ختي لغزيزة,كل واحد واش كتبلو ربي ف هاذ الدنيا,ما عندكش خوك c'est pas la fin du monde ,باش نقولك كاين بنات عندهم خاوتهم والله كرهولهم حياتهم ووصلت بهم الوقاحة لدرجة عمرك ما تتصوريها.
ربي يسلككم من محنتكم,ونشاالله يجيبلك راجل صالح لي يعوضك ف كلش,ربي يكون معاكم
 
وش حنقولك أختي غير الصبر الصبر فإنه مفتاح الفرج
و تاكدي من أن الله يمهل و لا يهمل
و إدا ما كانش عندك هدي حكمة يهب لمن يشاء الإناث و يهب لمن يشاء الدكور
 
ماتخافيش كلنا اخوانك واي مساعدة رانا هنا
 
ربي معاك اختي ممكن وجود اخ كان راح يتاعبكم اكثر من هاك الحمد لله عل فضل ربي
 
ربي يكون في العون....واللي خلق ما يضيع....والحقار يموت ذليل

سي فري واش قالك خونا تارق بصح مش غير انت معندكش خوك انا وحدة معنديش خويا بصح نورمال وباباك معندكش تانيك ربي يكون في عونك عمري
 
ماعليش يا اختي انا كلش خوك وباباك راني هنا ماكاين حتى مشكل راكي فوق الراس والعين
 
الحالة
مغلق ولا يسمح بالمزيد من الردود.
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top