احنا جزائريين ....ولا بطلنا؟

[ريمة 82]

احنا جزائريين :yahoo:
ربما لانهم في الانترنات يحتكو بالبنانيين والسعوديين .....:lol:
مشكور اخي على التساءل الي في محلو :001_smile:​

 

[amina-02]

ماكانش خير مالدزايريةمن شمال الجزائر حتى الجنوبها ومنى شرقها حتى لغربها كرهت من الهدرة التاعك أهدر بالوهرانيةبالتلمسانية بالشاويةبالمزابيةولا حتى بالقبايلية و الامازغيةراهو كاين اللهجات الله يباركو علاه تروح تهدر بالسورية و اللبنانية و المصريةمانخلوش التوالى تاع التوالى يمشونا كيما يحبوا

 

[podolsky]

سلام
تحية ليك روز 22

 

[podolsky]

عيب عليهم اللي يهدرو باللبنانية والسوري

قيمى رواحكم انتم جزائريين واهدرو هدرتنا وهما علاش ميهدروش لهجتنا علا خاطر احنا مقيمنهاش


حت يقيموهما هم​

والله ما غلطتي اختي
شكرا

 

[podolsky]

وعليكم التشاو

يكذب عليك ماكاش كيما لهجتنا

صح مخلطةmais هذا هو الcharme ديالها

والله ماكان خير منها قوليها وعاوديها
شكرا

 

[podolsky]

احنا جزائريين :yahoo:
ربما لانهم في الانترنات يحتكو بالبنانيين والسعوديين .....:lol:
مشكور اخي على التساءل الي في محلو :001_smile:​

سلام
لاشكر على واجب

 

[podolsky]

ماكانش خير مالدزايريةمن شمال الجزائر حتى الجنوبها ومنى شرقها حتى لغربها كرهت من الهدرة التاعك أهدر بالوهرانيةبالتلمسانية بالشاويةبالمزابيةولا حتى بالقبايلية و الامازغيةراهو كاين اللهجات الله يباركو علاه تروح تهدر بالسورية و اللبنانية و المصريةمانخلوش التوالى تاع التوالى يمشونا كيما يحبوا

الله يسترك بجاوية
شكرا لك

 

[ريحانة م]

صح اختي عندك الحق و صح ماكانش خير من دزيريتنا صح و لالا

 

[sama-h]

غير باش يفهموهم خويا برك مي هكذا وماشي سبب باش نبدلو هدرتنا كيما تعلمنا يتعلمو ولا واش رايك

 

[©§¤°الجزائـ صوت ـر°¤§©¤]

السلام عليكم:
صراحة والله ماتلقا كيما لهجتنا متنوعة وحلوة واللي مايفهمهاش يتعلمها احنا تعلمنا لهجتهم وهوما لازم يتعلمو لهجتنا وانا ضد تغيير اللهجة تاعنا كي نهدرو معاهم وعلاه هوما مايهدروش كيفنا
مشكور أخي
وتحيا الجزائر ولهجتها​

 

[la fole]

الموصوع شباب مي ماحسيتش بلي العقلية المقلية شوية قديمة

 

[nawal 88]

ههههههههههه لاتعليق بصح والله هدرتنا تهههبل علاه وشبيها هايله بزاااااااااااااااااااف

 

[Rissou]

algerie pas de tehlab
merci bcp pour cet article

 

[أبو يمنى]

الموصوع شباب مي ماحسيتش بلي العقلية المقلية شوية قديمة

نفس الراي مع المهبولة هادي:001_tt2:

 

[abdel-200]

انا اظن بليك هدا ناتج عن مهند و نور لي سلبولهم عقولهم المسلسلات التركية المترجمة الى السورية ولا اللبنانية هدا ما كان و انا نظن بليك هادوا عباد قرعة و عندهم عقلية حابسة اسمحولي بصح قرعوها انا هبلوني كي نلقى واحد دزيري يهدرلي لغة وحد اخرة ما نوليش انسان قالك البس على حساب هدرتك ولا اهدر على حساب لبستك راكم شايفين شوية ولا والوا

ايا يعطيكم صحيتوا على الموضوع انتيك و bien

 

[جلول34]

اللي ذاقت بيه اللهجة الجزائرية يا خويا يرحل من دوارنا اعلاش هما يقولك منفهمش هدرتكم ثاني احنى عندنى كلمتنا نهدرو جزايريين

 

[podolsky]

مارسي عليكم كاملين
كونطرا على الناس الي يقولو
بدي شو
زكارة فيهم ونقوللهم ريحو كيما راكم راكم ملاح غاية
احنا تبرينا منكم
وتشاو عليكم

 

[غريب في بلادي]

لالالالا هاذا من كثرت المسلسلات الي يشوفو فيها
يقولو الغراب جا يتبع مشية الحمامة نسا مشيتو
والفاهم يفهم

 

[podolsky]

يعطيك الصحة خويا
مي ما نظنش بلي راك غريب في بلادك
سلام

 

[أبو يمنى]

هههههههههههههههه راك كيفي حبيبي انا تاني نكره لي يهدر هكاك يععععععععععععع
ف واحد المنتدى لي نحكم عليه نلقاه جزايري ويهدر بلهجة مشرقية نبهدلو ههههههه
حاشمين بهدرتنا ولا وشنو