السلام عليكم
هذا أول موضوع ليا بالمنتدى كنت ديما نتابعكم في صمت لكن اليوم قررت ندخل على أمل أنكم تحسو بيا و تفهموني و تعاونوني ..
حابة نصارحكم بحاجة في قلبي عندها تقريبا 7 أشهر.. أولا نعرفكم بنفسي أنا ليلى نقرا حقوق سنة ثالثة عمري 20 عام، عمري و لا حبيت لأني عارفة معاناة الحب و مانيش حابة نطيح في هاذ الدوامة ، تخيلو لو كان نحس برك كاين شخص عجبتني فيه حاجة نقطعلو التيكي نهائيا و مانزيدش كامل ندور بساحتو لكن العام الماضي تعرفنا أنا و صحبتي على شخص و كنت نشوف فيه عادي لكن هاذ العام لما عرفت عقليتو مليح بديت نحبو و خليتها في قلبي و ماقلتها لحتى واحد قلت هذا مجرد اعجاب و مع الوقت يروح بصح والو كل يوم نزيد نحبو حاولت نقطعلو التيكي ، حاولت نبعد من طريقو، لكن للأسف الصدفة ديما جامعتنا وهو مش عارفني طبعا لأني مش مبينتلو صدقوني بالعكس ديما نبينلو العكس و اللي زادت علقتني بيه أنهم صحاباتي يقولولي (ذاك السيد ديما يشوف فيك باين عليه طايح و محشوم ) أما هو لو كان طيح السما على الأرض مايقولش لوحدة يحبها على خاطر هو حشام بزاف و أنا أكثر منو طبعا مستحيل نقولو كرامتي ما تسمحش و في نفس الوقت مانيش قادرة كل يوم معانا و ماكاين والو...
خايف لا يجي نهار نندم لاه ماقلتلوش... بالاك تقولولي خليها للمكتوب بصح كيما يقولو مكتوب و قفيزة .. يعني الواحد يدير كاش حاجة..
يا جماعة ماتستخفوش بيا، هاذ الاحساس أول مرة نحس بيه مع أني حاولت باه نغلق على قلبي بصح الله غالب مقدرتش حاولت نلهي روحي بأي حاجة بصح والو نهارات و نرجع كيما كنت لقيتها حاجة صعيبة و مش بيد الواحد ..
ياجماعة شاركوني اراءكم و باه تعرفو شاركت في المنتدى غير على هاذ الشي بما أني منحكيش حتى لصحبتي .. ماقدرتش نخليها في قلبي أكثر من هاك قلت نجي لخواتاتي و خاوتي وليدات اللمة غير هوما اللي يحسو بيا و يريحوني :crying:
............. راني نستنى فيكم
هذا أول موضوع ليا بالمنتدى كنت ديما نتابعكم في صمت لكن اليوم قررت ندخل على أمل أنكم تحسو بيا و تفهموني و تعاونوني ..
حابة نصارحكم بحاجة في قلبي عندها تقريبا 7 أشهر.. أولا نعرفكم بنفسي أنا ليلى نقرا حقوق سنة ثالثة عمري 20 عام، عمري و لا حبيت لأني عارفة معاناة الحب و مانيش حابة نطيح في هاذ الدوامة ، تخيلو لو كان نحس برك كاين شخص عجبتني فيه حاجة نقطعلو التيكي نهائيا و مانزيدش كامل ندور بساحتو لكن العام الماضي تعرفنا أنا و صحبتي على شخص و كنت نشوف فيه عادي لكن هاذ العام لما عرفت عقليتو مليح بديت نحبو و خليتها في قلبي و ماقلتها لحتى واحد قلت هذا مجرد اعجاب و مع الوقت يروح بصح والو كل يوم نزيد نحبو حاولت نقطعلو التيكي ، حاولت نبعد من طريقو، لكن للأسف الصدفة ديما جامعتنا وهو مش عارفني طبعا لأني مش مبينتلو صدقوني بالعكس ديما نبينلو العكس و اللي زادت علقتني بيه أنهم صحاباتي يقولولي (ذاك السيد ديما يشوف فيك باين عليه طايح و محشوم ) أما هو لو كان طيح السما على الأرض مايقولش لوحدة يحبها على خاطر هو حشام بزاف و أنا أكثر منو طبعا مستحيل نقولو كرامتي ما تسمحش و في نفس الوقت مانيش قادرة كل يوم معانا و ماكاين والو...
خايف لا يجي نهار نندم لاه ماقلتلوش... بالاك تقولولي خليها للمكتوب بصح كيما يقولو مكتوب و قفيزة .. يعني الواحد يدير كاش حاجة..
يا جماعة ماتستخفوش بيا، هاذ الاحساس أول مرة نحس بيه مع أني حاولت باه نغلق على قلبي بصح الله غالب مقدرتش حاولت نلهي روحي بأي حاجة بصح والو نهارات و نرجع كيما كنت لقيتها حاجة صعيبة و مش بيد الواحد ..
ياجماعة شاركوني اراءكم و باه تعرفو شاركت في المنتدى غير على هاذ الشي بما أني منحكيش حتى لصحبتي .. ماقدرتش نخليها في قلبي أكثر من هاك قلت نجي لخواتاتي و خاوتي وليدات اللمة غير هوما اللي يحسو بيا و يريحوني :crying:
............. راني نستنى فيكم