بسم الله الرحمن الرحيم
جمعة مباركة.
أنا لطفي من مستغانم عندي 26 سنة
حكايتي طويلة شوية على خاطر راح نكتبها بالتفصيل باش تفهموني مليح وتعاونوني لكان قدرتو
المهم أنا كانت عندي من قبل تجارب وباءت بالفشل يعني ماكتبش ربي ماكانوش من مكتوبي ومادرتش معاهم الدار فاتو ليام أنا كرهت خلاص والوالدة تاعي تضل فوق راسي نخطبلك نخطبلك فنفس الوقت تعرفت على انسان كان يقرا معايا فالجامعة في alg الاسم نتاعو محمد وهو من ولاية ميلة كان اول شخص من الشرق الجزائري تعرفت عليه وكان قمة في كلشي بدات علاقة الصداقة بيناتنا وكبرت بزاف بزاف مع مرور السنين ودخلتو لداري وولى مش صاحبي برك ولى خويا وواحد من الفاميلة تاعنا المهم مرة هو تاني عرضني نروح معاه لدارهم لميلة يعني وانا وافقت وقبل مانروح الوالدة تاعي زادت فتحت معايا موضوع الخطبة قلتلها دبري راسك مادام حابة تخطبيلي شوفي نتي على ذوقك وخلاص بالنسبة ليا كنت كاره وكنت نشوف فلبنات كامل كيف كيف
المهم وصلنا لميلة ومحمد صاحبي دخل لحانوت يفليكسي وانا كنت واقف برا نسنا فيه حتى فاتت قدامي شيرة الله يبارك حسيت باللرض تزلزلت تحت رجليا وقلبي طلع للسما وهبط قلبي اللي عندو قداه من عام وهو كاره وراقد اليوم فطن ضربة وحدة ماقدرت ندير والو قعدت نشوف بعينيا وخلاص حتى غابت هيا خلاص خرج محمد من الطاكسيفون حكيلتو واش صرالي أيا ولى يضحك عليا وقالي باستهزاء مالا وجد روحك من درك بنات ميلة راهم كامل هكذا ووجد رجليك اللرض منا وهي تتهزز بيك
المهم هو كان قالبها قصرة بالصح انا كنت سيريو خلاص وصح شفت تما بنات ماشاء الله عليهم وماغلطتش اللي قال الشيرات تاع الشرق زينين بالصح هي قعدت في بالي كي وليت للدار حكيت للوالدة مي هي ماعجبهاش الحال قالتلي كيفاش درك راني هدرت مع خالك باش يمدلك بنتو وراه قابل والبنت قابلة وكيفاه نبطل على جال وحدة شفتها برك ماتعرف عليها والو .........إلخ كلامها ذاك الوقت كان منطقي بالصح الله غالب يقولك القلب ومايريد
المهم فاتو ليام وقبل 15 يوم من اليوم هذا زدت رحت عند صاحبي محمد درتهالو سيربريز دقدقت فالباب حتى لقيت الباب تفتحت وطلت وحدة حاطة عليها خمار بالصح ....هي والله غير هي الشيرة اللي نهار شفتها قدام الطاكسيفون ياخوتي انا راحتلي الهدرة وتلفتلي gاع قلتلها محمد راه هنا قالتلي ايه وراحت تعيطلو كي جا هو فرح بزاااف وقالي تفضل بالصح انا قلقتو ارواح ازرب لكانش قهوة خرجنا وحكيتلو قالي هذي راهي ختي وحساب هدرتو هو ماعندو حتى اعتراض باش نخطبها المهم انا زدت سقسيت جماعة تما قالولي باللي راها بنت ماشاء الله عمرها 21 تقرا جراحة اسنان فقسنطينة ومربية وكلشي انا لحكاية صايي ركبت في راسي وقلت هذي هي رجعت لمستغانم عند الوالدة وقلتلها كلشي هي فاللول رفضت مي كي سمعت باللي راها خت محمد سكتت على خاطر تبغيه بزاف كتر عليا بالاك هههه وقالتلي ناس ميلة ماشاء الله عليهم بالصح انا حبيت بنت خالك درك انا راني حاير تاع الصح
نتبع قلبي ونتكل على ربي ولا نتبع ميمتي وندي بنت خالي مع انها والله كي ختي ومانقدرش نشوفها اكتر من ختي
راني حاير بزاف وحبيت نسمع رايكم.
جمعة مباركة.
أنا لطفي من مستغانم عندي 26 سنة
حكايتي طويلة شوية على خاطر راح نكتبها بالتفصيل باش تفهموني مليح وتعاونوني لكان قدرتو
المهم أنا كانت عندي من قبل تجارب وباءت بالفشل يعني ماكتبش ربي ماكانوش من مكتوبي ومادرتش معاهم الدار فاتو ليام أنا كرهت خلاص والوالدة تاعي تضل فوق راسي نخطبلك نخطبلك فنفس الوقت تعرفت على انسان كان يقرا معايا فالجامعة في alg الاسم نتاعو محمد وهو من ولاية ميلة كان اول شخص من الشرق الجزائري تعرفت عليه وكان قمة في كلشي بدات علاقة الصداقة بيناتنا وكبرت بزاف بزاف مع مرور السنين ودخلتو لداري وولى مش صاحبي برك ولى خويا وواحد من الفاميلة تاعنا المهم مرة هو تاني عرضني نروح معاه لدارهم لميلة يعني وانا وافقت وقبل مانروح الوالدة تاعي زادت فتحت معايا موضوع الخطبة قلتلها دبري راسك مادام حابة تخطبيلي شوفي نتي على ذوقك وخلاص بالنسبة ليا كنت كاره وكنت نشوف فلبنات كامل كيف كيف
المهم وصلنا لميلة ومحمد صاحبي دخل لحانوت يفليكسي وانا كنت واقف برا نسنا فيه حتى فاتت قدامي شيرة الله يبارك حسيت باللرض تزلزلت تحت رجليا وقلبي طلع للسما وهبط قلبي اللي عندو قداه من عام وهو كاره وراقد اليوم فطن ضربة وحدة ماقدرت ندير والو قعدت نشوف بعينيا وخلاص حتى غابت هيا خلاص خرج محمد من الطاكسيفون حكيلتو واش صرالي أيا ولى يضحك عليا وقالي باستهزاء مالا وجد روحك من درك بنات ميلة راهم كامل هكذا ووجد رجليك اللرض منا وهي تتهزز بيك
المهم هو كان قالبها قصرة بالصح انا كنت سيريو خلاص وصح شفت تما بنات ماشاء الله عليهم وماغلطتش اللي قال الشيرات تاع الشرق زينين بالصح هي قعدت في بالي كي وليت للدار حكيت للوالدة مي هي ماعجبهاش الحال قالتلي كيفاش درك راني هدرت مع خالك باش يمدلك بنتو وراه قابل والبنت قابلة وكيفاه نبطل على جال وحدة شفتها برك ماتعرف عليها والو .........إلخ كلامها ذاك الوقت كان منطقي بالصح الله غالب يقولك القلب ومايريد
المهم فاتو ليام وقبل 15 يوم من اليوم هذا زدت رحت عند صاحبي محمد درتهالو سيربريز دقدقت فالباب حتى لقيت الباب تفتحت وطلت وحدة حاطة عليها خمار بالصح ....هي والله غير هي الشيرة اللي نهار شفتها قدام الطاكسيفون ياخوتي انا راحتلي الهدرة وتلفتلي gاع قلتلها محمد راه هنا قالتلي ايه وراحت تعيطلو كي جا هو فرح بزاااف وقالي تفضل بالصح انا قلقتو ارواح ازرب لكانش قهوة خرجنا وحكيتلو قالي هذي راهي ختي وحساب هدرتو هو ماعندو حتى اعتراض باش نخطبها المهم انا زدت سقسيت جماعة تما قالولي باللي راها بنت ماشاء الله عمرها 21 تقرا جراحة اسنان فقسنطينة ومربية وكلشي انا لحكاية صايي ركبت في راسي وقلت هذي هي رجعت لمستغانم عند الوالدة وقلتلها كلشي هي فاللول رفضت مي كي سمعت باللي راها خت محمد سكتت على خاطر تبغيه بزاف كتر عليا بالاك هههه وقالتلي ناس ميلة ماشاء الله عليهم بالصح انا حبيت بنت خالك درك انا راني حاير تاع الصح
نتبع قلبي ونتكل على ربي ولا نتبع ميمتي وندي بنت خالي مع انها والله كي ختي ومانقدرش نشوفها اكتر من ختي
راني حاير بزاف وحبيت نسمع رايكم.
