راني بين بنت ميلة وبين بنت تاعي الفاميلة

[***سوسن الجزائرية]

لكلام لي حبيت نقولو قاع قالوهولك.

دركا خطبت ولا مزال تخمم؟

 

[MAN1850]

bent mila khirlek

​

 

[shosho.21]

خويا معندي منقلك غير
اداكنت تعتبر بنت خالك و كانها اختكو امك موافقة على اخت صديقك فتقدم لخطبتها هي لانك ارتحت ليها و هي لبقات في بالك يعني راح تديها عن قناعة ماش تدي وحدى مقانعش بيها

 

[ألاء الرحمـــن]

أفضل حاجة صلاة الاستخارة والله المعين

وخمم مليح وشوف الي يخرج عليك لانها هذي حياتك وقلبك هو دليلك

صح الأم عندها دور فحياتك مي أنت الي تختار شريكة حياتك وتعرف الا ترتاح معاها ولا لالا

الزواج عمر كلو مش فترة وتجوز

وربي يفرج عليك


​

 

[MiSs Sisi StyLe]

خويا نتا الي راح تعيش مع الطفلة مش يماك افرض انك سمعت كلام يماك و تزوجت بنت خالتك و بعد الزواج قعدت تخمم في اخت صاحبك مش خيانة هادي
نظن لازم تبع قلبك و امك مع الوقت تفهم هي في بالها مش حابة تكسر كلمتها قدام خوها و بنتو هاد ما كان لكن وين تشوف مصلحتك و تشوف بلي راك مهني تقبل و تتعايش مع الفكرة
و في الآخر القرار يرجعلك
سلاميـــــــــ ..​

 

[nina bonoise]

اخطيك من زواج الاقارب
تجي من وراه المشاكل

 

[هدى42]

انا بصفتي بنت انصحك ان تخطب التي اختارها قلبك وربي يهنيكم و سهلك

 

[fofabriyanka]

خليها على المكتوب انت وافق و ادا فيها خير ليك راها تكتب و ادا كانت ماش مكتوبك ماش راح تكتبلك ..و صلى صلاة الاستخارة

 

[طير الجنة]

واش حبيت نقولك خويا
أنا لافامي تاعي من ميلة
و بنات ميلة من خيار الناس
ماتلقاش كيفهم
أنا فرايي تقنع يماك تجيبلك أخت محمد أحسن ليك
قارية و بنت فاميليا
و زواج الأقارب ما يجي منوا غير المشاكل
القرار يرجعلك
و ربي يجيبلك اللي فيه الخير
​

 

[♥SaMoù Là MoDèsTe♥]

السلآم عليكم
صح إرضـآء الوآلدين لآزم يكون هو الشي الأول اللي تفوت عليه
إذن لآبد أن تشرح لأمكـ بأنو بنت خـآلتك تعتبرهــآ كيمـآ اختكـ
و أنه قد تتخـآسر أمك مع خـآلك أو زوجته بسبب هذآ الزوآج

و ادعي ربي بآش يوفقكـ في الزوآج مع بنت ميلة
لأنو على حسـآب الشوفة رآهي ملكت كيـآنك

والله يوفقك خويــآ ....
​

 

[tarek-83]

شوف البنت الي الي تتفاهم معاها يا اخي في حياتك ميغويكش الزين ممكن تقصد وحدى يحبخا قلبك من اول نظرة
و مبعد تبانلك في عقليتها موش متفاهما و تندم
ادرس العقلية قبل ما تصدم خير و خير
انا ما نصحك لا بنت خالك لا بنت ميلة​

 

[Amira43]

السلام عليكم ورحمة الله تعالى وبركاته
اولا رمضان كريم .....
شوف خويا نصيحة من عندي اخطيك من زواج الاقارب يجيب غير صداع للراس و en +غير المرض عفانا الله وسقسي اي واحد يقولك .. وانت ما عليك غير بصلاة الاستخارة كيما قالولك الاخوة والاخوات ....مادام يماك راهي قابلة باخت محمد ايه مالا اتكل على ربي ..وفيما يخص بنت خالك اقعد معاها وفهمها بلي راهي كيما اختك هاكا باش ما تخلي والواموراك ...وبالبركة عليك خويا ...ومرحبا بيك عندنا ههههههه ....سلام

 

[LoTfI-DZ]

بسم الله الرحمن الرحيم

نشكركم بزاف يا الخاوة على المرور والنصائح تاعكم

أنا على بالي طولت عليكم سامحوني راني خدام ومع رمضان شوية ماعنديش الوقت

شاقلتوا كامل مليح وباغي نشكركم من قلبي

انا نقولكم راني أخيرا هدرت مع خالي وتفاهمت معاه

هو فاللول غاضو الحال بالصح لاباس فهمني ونورمال خلاص

بقات بنت خالي انا بعت ختي خكات معاها

هي شيرة الله يبارك وماخصها والو وأكيد مكتوبها يجيها بربي إن شاء الله

واليوم واقيلا نضرب دورة عندهم ونزيد نهدر معاها والله راها كي ختي

بقات الميلية هذيك اللي شيبت الراس هذيك راني هدرت مع خوها وهو هدر معاها ومع والديه وماكانش مانع على حسابهم

ورا رمضان ويديرلها ربي تاويل كيما يقولو

بارك الله فيكم كامل وصحا فطوركم

 

[LoTfI-DZ]

chouf khouya l3ziz
ani miliya
w mankoulkch di lmiliya khatrach ta3 houmti bssa7

ida kan ymak radiya 3la lmiliya

ghir akhtabha

w bnt khalak wach nkoulk t9oul ymelk lkhalk makanch maktoub




wflakhar koulchi belmaktoub

السلآم عليكم ورحمة الله وبركآته​

خويا لطفي على حسآب مآفهمت المشكل ماهوش فالأم تاعك باسكو قلت كي عرفت باللي راها أخت محمد سكتت وهي تحب بزاف صاحبك هذا يعني هي راضية بأختو أو قابلة للرضى
والمشكل في بنت خالك مادام أمك عطاتها كلمة ​

أنا نقولك ياخويا هذي حياتك خير واش حب قلبك وبرضاية والديك ومادامك تشوف في بنت خالك اخت يعني مافيهاش مشكل كون تروح تهدر مع خالك وتقولو سمحلي بالصح الله غالب هذا مكتوب ربي وبنت خالي راها كي ختي وربي يوفقها ويهنيها
واش رايحة نقولك أتوكل على ربي وخلاص ياما حصلنا فامور وربي هو اللي ديما يسلكها من عندو سبحانو

+ ماتقولش كي عدت أنا ميلية راني جيت مع بنت بلادي هههه​

راها رجاصية من لونتيسمة تاع بلاد فور

الله يبارك عليكم خياتي شكرا ليكم

 

[samora20]

صلي صلاة الاستخارة ورب ينور لك طريقك قاع متخممش لي كاتبهالك ربي تديها انا ثاني نصلي صلاة الاستخارة كي نكون حايرة في شيء

 

[nawal 88]

حاول اقناع الوالدة تاعك بلي راك باغي أخت صاحبك ​

 

[مابقاش بزاف.Dz]

ربي يكتبلك كل خير ان شاء اللــــــــــــــــه
شوفواش يخرج عليك خو الي حبيتها و شفتها انها تناسبك و خمم مليح قبل ما تقول هدي و لا لخرا

 

[Moha le sage]

السلام عليكم


وقيل كامل نروحو لميلة وخلاص :shay: هههه


وش نقول لخويا ... القلب و ما يهوى

رضاية الوالدين واجبة ... بصح نتا لي راح تتزوج ماشي يماك ...

حاول تقنعها و خلاص ... خصوصا اذا عادت الطفلة متربية و عايلتهم لاباس بيها .. و اكثر من هذا هواتها نفسك ...

وفي نفس الوقت مشكل كي تروح تجيب وحداخرى ما تركبلكش .. و ما تقدرش تتخيل بينك و بين روحك انها تكون مرتك ...


وش نقول لخويا ...ربي يصلحلك الامور ...عافر بالشوي حتان يسهلك ربي سبحانو ... و اصبر ... و حاول و اسعى .. و ما تدي غير مكتوبك


خوك موح



​

 

[Moha le sage]

عندي ملاحضة اخرى شفتها بزاف و قلقتني ...

رجال بزاف يقولك نرضي والديا ... و خاصة الام ..

حتى لهنا القضية ما فيهاش مشكل ...لكن ان توصل الدرجة ان امك هي لي تخيرلك و نتا رايك تخليه ..انا نشوف ان الراجل هذا ولد ماماه ...

كل حاجة عندها حد ... و كاين حدود لازم الام تحبس عندهم لانهم خاصين بشخصية ولدها بميولاتو و بنفسو ... مالازمش تفرض رايها عليه من مبدا الامومة و الطاعة .....

طبعا بشرط ان البنت هاذي لي عجبت السيد هذا ماتكونش فيها عيب ولا في مواليها حاجة مش مليحة ...


الانسان يحاول يرضي الوالدة معليش .. لكن الارضاء ماشي معناها تخير وش تبغي هي و ترفض وش يبغي ولدها .. ولو تكون ام صح و تحب ولدها ... متخليهش يشقى و يتعذب ..باسكو الزواج مهوش حكاية زوج يتربطو بخاتم ..مهوش حكاية زوج كونو عايلة و راح يجيبو ذراري .. و لكن هو زواج تاع زوج نفوس ..يرتاحو لبعضاهم ...


نعطيك مثال عليا ...عندي الوالدة تاعي نفضلها على نفسي .. وكون تقلي جيبلي الورد من المريخ صدقني نجيبولها ..مستعد نحارب كون على جالها ... بصح في امر الزواج ... نجيب لي بغيتها انا ... و نحاول نرضيها ..ماشي نغمض عينيا .. و نتخبى بظلها .. و نقول لازم نرضيها و نخليها هي لي تخيرلي ....
هذا رايي و الناس طباع و عادات ... و كل عايلة و كيفاش مخدومة

ربي يجعل الخير ... هذاك تحكم فيه مرتو .. وهذاك تحكم فيه امو ... وينهم الرجال مالا ؟



في امان الله خيو لطفي


​

 

[كمايا]

عجبتني حكايتك والله

في رايي ادي للي عجباتك تعيش معاها متهني


بصح اذا اصرت والدتك خود رايها لازم تستلم لراي الاهل الله غالب


ربي يرزقنا بقصص من هذا النوع

^_^