راني بين بنت ميلة وبين بنت تاعي الفاميلة

[Houda Chaouienne DZ]

السلام عليكم خويا
الزواج راهو واعر و راهو مشروع حياة
خمم مليح و ما يأثر عليك حتى واحد بقرارو
القرار يرجع ليك نتا وحدك شوف لي تعجبك و لي ترتاحلها
و ادي لي تحس روحك رح تكون معاها مليح
و بنت خالك اذا ماتحبهاش ماكان لاه تديها تعذب روحك و تعذبها معاك
دام قلبك ماهوش معاها مع وحدة خرى ماتقدرش تسعدها
و ماماك ذرك تقبلك نورمال و ماتفرضش عليك
و دار خالك يجي نهار و يتنحى عليهم اذا تغششو
مي نتا اذا ضحيت بحياتك على جالهم نهار اخر كي تكره واحد ما يمدلك حياتو صدقني

طولت عليك خويا

سلاام و ربي يدلك للخير و صلي صلاة الاستخارة
​

 

[نور الهدايات]

​

خويا لطفي والله قصتك رائعة
نقلك نصيحة وعن تجربة
يماك ختارت مكتابها وخالك تاني ختار مرتو
أمالا جا وقتك تختار لولادك يماهم الي يشاور قلبك عليها
خالك يزعفلو يامات وينسى الموضوع
انت قول ليماك تفتح الموضوع عاجلا مع بنت خالك وتفهمها بالعقل أو خلي ختك أو بنت من داركم تحكيها باش متطمعش هي ربي يجيبلها مكتابها
وانت خويا لطفي مكتابك راه يعيطلك في ميلة
مبروك عليك من درك إن شاء الله تزفلنا خبر خطبتك ومتنساش تعرضنا
ما اجمل ان تعيش مع من تحب والله لو تتلاقاكم مشاكل الدنيا لتتخطوها

 

[فــلة]

من راي لازم تدي الي ختارها قلبك وخاصة ان الشرع تاني وصانا باش نبعدو يعني كي تجي تتزوج من الاحسن ماتديش واحدة قريبتك بزاف هكذا باش تتجنب ذرية تكون ربما فيها حاجة لخاطر كاين بزاف اقارب تزاوجو وولادهم كان فيهم حاجة كاين مثلا الي خرجو اولادهم مونغوليان او حاجة وهذي نبه بيها والدتك

ربي يوفقك وادعيلنا
​

 

[mira real]

انا في رايي يا خويا خير تاع ميلة ولي بغيتها ماشي تخير بنت خالك غير باش ترضي يماك لخاطر راهي حياة ماشي تمصخيرة ......هادا رايي برك وفي الاخيرة رايح ترجع الكلمة ليك

 

[النورس]

صحيت خويا حبيت نقلك قصتك عجبتني و ربي يوفقك

و تبانلي تدي اخت صاحبك احسن لاخطر المكتوب لاقاك بيه و عرفك بيه بش تشوفها
حاول تقنع امك و اتكل على ربي
وربي يفرحك ان شاء الله
​

 

[احلى لمة]

اودى غير تزوج برك

 

[اشواريا راي]

هههههه سلام اخي
انا برايي خليها تخلى و اللي كاتبها ربي هذيك اللي تمشي صح ماكاش كيما رضى الام مي ندبر عليك اخطيك من الفاميليا فيها تكصار الراس برك
و ربي يوفقك خويا و ربي يجيبه في الصواب ان شاء الله

 

[MA§§!N!§§A]

حبيبي نقولك كلام شباب
الرسول صلى الله عليه وسلم قال: باعدوا تصحوا

وشم معناه هذا الحديث ؟ معناها إيفيتي لا فامي في الزواج بارسكو ممكن يكون توافق في الجينات و أك علابالك اللولاد يخرجو معوقين ولا مشوهين لا قدر الله كيما واحد جارنا مزوج بنت عموو

أنا في رايي أدي تاع ميلة ، اللولة عقلية جديدة و زيد تبع قلبك في الأموور هادوو
يماك أحكي معاها و تقنع خالك بهدا الحديث لي قتهولك
وزيد قولو بلي منيش انا لي خيرت يما معناها راك معذوور
و ربي يسهل إن شاء الله

خووك ماسينيسا من باتنة سلام


أرض الله وطني
نحبك يا بلادي
48= 3>
​

 

[MA§§!N!§§A]

صحيت خويا حبيت نقلك قصتك عجبتني و ربي يوفقك

و تبانلي تدي اخت صاحبك احسن لاخطر المكتوب لاقاك بيه و عرفك بيه بش تشوفها
حاول تقنع امك و اتكل على ربي
وربي يفرحك ان شاء الله
​

خويا النورس كلامك كنووز
​

 

[شهرزاد32]

السلام عليكم
مادام امك تبغي محمد اكيد راح تقبل لوكان تزيد تهدر معاها شوي وتحاول تراضيها غير بالعقل.
بالرغم من انه ما عنديش الخبرة بالصح تبع قلبك وروح لبنت ميلة.
الله يسهل وما تنساش تعرضنا.​

 

[ghali17]

يا خويا جوبني هادي خت صاحبك راك متاكد بلي عاقلة ولا ديكور برك وراك تقول تقري في قسنطينة

يعني بعيدة علي دارهوم خمم في هاد صوالح ولا درت كونفينس في صاحبك ولا عجبك زين

علي الاقل سقسي 10 تع ناس باش تتاكد با سكو خت صاحبك ماراك عارف عليها والو


وربي يجيبلك لي فيه خير وربي معاك ان شاء الله

 

[Łøst Fłôwęr]

ياخويا رانا في 2011 كشما بقى واحد يسقسي الناس واصلا الناس ماترحم حتى واحد وقادر يقولو فيها حوايج مكانش خلاص في الصح مالا انا نقولك الزواج هو تشارك في لحياة وهو امر بين زوج وماشي لازم تتزوج باه ترضي طرف ثالث على هذه نقولك لوكان تدي بنت خالك راك رايح تندم طول عمرك وهذي لي عجباتك اخطبها وشوف اذا كانت هي صح الانسانة لي تقدر تكمل حياتك معاها وانا نظن بلي راك نسيت حاجة مهمة بزاف بزاف وهي واش راي البنت في الموضوع واذا هي راهي قابلة ولاهي حابة تكون لشخص اخر ؟؟؟ اسمع الجواب ومن بعد قرر

وربي يكون معاك ويقدملك اللي فيه الخير​

 

[برنســ اللمة ـيسة]

و عليـــــــــــكم السلام خويا
أنا راني ميـــلية و كي عدت بنت ميـــلة مالا نقولك اتكل على ربي و ماتخافش
و ربي يجيب اللي فيها الخير و ربي يهنيك ببنت الحلال خويا
في أمان الله و رعايته​

 

[Melia azedarach]

يا خويا ..شوف بنت خالك آسكو راها متربية ومرحمــة يعني طيبــة كي تجيبها ليماك تخدمها من عينيها ولا لالا .. واذا كانت قبيحـة و واعرة ..جيب نتاع ميلـة احسنلك ..

لانو اذا عادت بنت خالك واعرة تعييك وتعيي يماك غير لالا ..
نصيحة لوجه الله

 

[Bissan-sisil]

كماقالوعرس ليلة تدبيرتو عام​

 

[dahman kz]

يا لطفي شوف للعقلية..العقلية اللي تساعدك بنت خالك ولا بنت ميلة.
او بنت ميلة ادا ما تعرفش عقليتها ادي بنت خالك خير.والعقلية في الدار الداخل.تصرفاتها و....ووو...الخخ.

 

[allmaza]

وين الدم وين السم والهم
روح لاخت صاحبك وانشالله تعرضنا في العرس

 

[sisou023]

نت قلتها بروحك بنت خالتي كي ختي امالا علاه تتزوج بيها وتعذبها ما تبغيها ما والو هي واش ذنبها تزوج بلي راك حابها نتا و سيرتو كي قالولك عاقلة وبنت فاميليا نتا ادرى بمصلحتك خويا العزيز ونتمنالك الهنا في حياتك ان شاء الله

 

[3abdo-18]

ميلة ميلة ميلة
راك غيرتني ادي نتاع ميلة خويا نصيحة و الله

 

[سعاد..ة..]

انا في رايي اتوكل على ربي و صلي استخارة اولا ومن الافضل تدي لي حبها قلبك علاجال انت لي رايح تعيش معاها حياتك كاملة مش امك ......اما بالنسبة لامك الام حنينة بزااااااف و كي تفهمها وتحكي معاها و تحللها كيما نقولو اكيد رايحة تتفهم .... الام تحب تشوف ابنها فرحان
تقبل مروري ​