تخيلو حياة الفايس بوك نعيشوها في الواقع ؟؟؟؟

[قرصان الساحل]

رد: تخيلو حياة الفايس بوك نعيشوها في الواقع ؟؟؟؟

علاش لي يموت يعاود يحيا ... انا جامي سمعت بيها هادي هههه
اذن مرحبا بيك في عالم لي يموت يعاود يحيا انه عالم الديجتال الرقمي الفايسبوكي اخخخخ علاه ديما يقولو فنان مات ولا كاش واحد ومبعدا غدوة يجي هو يقول راني حي واشاعات
كل شي ممكن في هذا العالم الوهمي صديقتي
ا خاي و الله غير كنت مدمنة عليه حتى و ليت 24/24 فاتحة حالنهار صباح ربي ماشية لا تبقاو على خير لا يديك لا يردك دخلت ديراكت انتحرت و خرجت ههههه
ههه الادمان الفايسبوكي هدا موضوع يستحق النقاش ايه مالا كنت تخدمي عساسة عن عمك مارك ههه باين الخلاص مكان مكان عليها عطيتيها
و الفال ليكم ان شاء الله ههه
ايه او لحقنا فالك يا لالة العقوبة لحاجة كبر نعتازلو الانترنيت ونولو لعصر الديناصورات ههه

شكرا ليك قناة كا اف زاد الالمانة كانت مرسلتنا زهور اللي ماتت وعاودت حياة اخخخ
شكرا جميلا
​

 

[قرصان الساحل]

رد: تخيلو حياة الفايس بوك نعيشوها في الواقع ؟؟؟؟

ربي يهديك برك امين دعوة مليحة و الله دموعي ويدان من الضحك اييييه رانا غرقنا في دموعك يا السي خديجة اخخخ قريب نجيبو سفينة نعودو نغرقو خاطينا العوم في الويدان ازووويط انزلقت السيارة خروج عن الموضوع -1\20 هههه هادي تاع خالد ومصطفى نهار كانو يلعبو بالكرة يعذرني جيل الفايس بوك ما يعرفهاش اما الكراع بوك :s او ليك الجديد كون يفيق سي مارك بهاد الاسموات ينتحر حينا قبل الحين الاخر فما عندوش الزهر لانو اتخلق او بالاحرى ازدهر ورا ما ازوجت و بالتالي انظم لقائمة زيارات صحاباتي و عرس بنت خالة جداتي و طهور ولد الجيران ههههههه ويحيا ولد بلادي شيكور لتموت بنت بلادي بالقهر هههههه مي لافيريتي هناني ربي من الكراع بوك ساعات تبانلي كي نشوف الفيس بوك تاع القوات العضمى تاعي يبانلي كي شغل ولاد الحومة تلاقاو و كل واحد يرمي بلاg ولا تقرعيجة على قد ما تحلى القعدة على قد ما تسماط كي تطول بزاااف و كل يوم بطاطا كرهنا البطاطا هههه تكرار -2\20 هههه علابالك خلطيلي لي سونتيمو بالمشاعر اخخخ بالنخاع الشوكي والبصلة السيسائية تحصلت على شكوكة المخ وما فهمت فيها والو دخلتيها عليا منا خرجتيهالي ب 20 علامة استفهام في راسي هههه ايه معندوش زهر الفايس بوك ما حصلوش الشرف ان يعرفك والا تغير لون تاعو من الزرق للبنفسجي الممزوج بالشكولاطة اععععع نخرودلك مخك انا تاني باه نخرجو 1*1
الفكرة تاعك عندها معنى في بلادنا لان اللقاءات محال تتحقق لاننا شعب معقد ورجعي وعندنا بلوكة في راسنا ههه قالها عثمان عريوات لكن كون جات في بلاد العم سام ما عندها حتى معنى هههههه هما كي يحبو يتلاقاو نورمال و نورمال واحد يمشي و يصبح عالناس و نورمال يجي يهدر مع وحدة يقلها هل تصبحين صديقتي و نورمال يدخلو النار تاني و يغرقو في ستين الف جاهنامة هههههههههه يساهلو يتمتعو و احنا نتفرجو برك هههههههه ايه كي شغل حنا الجنة مضمونة اخخخخ اوموا هوما عايشين حياتهم في الفايس بوك ولا في الواقع بوك احنا متفرة فينا ما ربحناها ني هاك ني هاك جايين في النص ونتفرجو
والله ما علابالي بلي لعبت ليكيب الجيرو فرونساز البارح احم احترمي وطنيتنا لا للتجريح ههه ولا فرونكوالجيريان خير ههههه اه انت من جماعة العميد باينة صدقني مصنفتها مع البطاطا تكرار ههههه -3\ هههه .3 هادي درجة تحت الصفر تبانلي تحكي على البرد اني قلت الحل هو اللوبيا 20
ربي ير زقك ما تتمنى باش تتهنى و ديرولو الحنااااا ههههههه
اييييه ونغنو ديرولو الحنة للقرصان تاعنا ونشعلو الشموع وااااااوو جو رومانسي اخخخخ تخيل

يعطيك الصحة خديجة ختي على ظلك الخفيف واطلاتك الجميلة نورتي الموضوع سعدت بمرورك
مرحبا بيك ديما ربي يهنيك
​

 

[ثَسْكُورْثْ نَثْدُوكْلِي]

رد: تخيلو حياة الفايس بوك نعيشوها في الواقع ؟؟؟؟

سلام عليكم
الحمد لله سوال عليك هههههه‍ههههههههههههههههههههههههههههههههههههههه
ههههههههههههههههههه
يعطيك طا كيما يقول شمندر او سندباد هه افريقي كيما احنا على كل خخخ

قتلتني بالضحك واه واه حياة فيسبوكية انتيكية ماماي خخخ
وانا زعما نظل نقبل غير في طلبات الاخوةاقصد صداقة ههه نهز كرسي ونقعد ونبدا ندير شادي مادي على لنقبلو صداقة ول لا ..

مي والعفسة تع الحظر كيفاه ههه باه مانعاودش نشوف خليقتهم
نبدل الولاية ول كيفاه ..

ههه

هيا صحيت ع الموضوع الزوين ..
تبارك الله

هه كن بخير اخي الافريقي ​

 

[قرصان الساحل]

رد: تخيلو حياة الفايس بوك نعيشوها في الواقع ؟؟؟؟

وعليكم السلام ورحمة الله وبركاته
اهلا ام ياسمين وش راكي وش احوال ياسمين كبرت شوي مزال طمينة موصلتناش اخخخخ
قعدت نتخيل في الحكاية هاذي ههههههه
ايييه اهم يعجبوني لي يتخيلو
تخيلت شاغلومونتي ماشية في الطريق وتقول ويعطيه ههههههههههههههه
وانا تلاقيت بيها وبقيت نقولها الربي انتي علاه دايرة كيما هاك احشمي راكي كبيرة
الشاغلومونتي لغة هي كائن متكون عن ترسب طبقات الشحم لعدة سنين وبعد تراكم لسنوات استخدم في تشحيم السيارات
فكان كلما يأتي احد يريد ان يشحم سيارته يعطيه فأصبحت مشهور بيعطيه اخخخخ اسرح في خيالك والف قصتك
ايه صح كبيرة وما بغاتش تحشم ولينا نحشمو في بلاصتها
تلاقيت تاني بليزادمين تاع لي باج وخمست معاهم خمسة تاع مايكل جاكسون :bravo01:
اوووو ياه متقوليليش مزالك متفكرة هاديك الخمسة تاع رضا سيتي 16 وتبهدايل تاع الكاميرا كاشي
اخخخخ وقتها رحت لباج تاعو ورخستو حتى كره مني رجعلي
زدت مشيت شوي وتلاقيت ببنويت لي يصورو ويحطو تصاورهم في الفايس بووك وقتلهم يحيا الروتريكا وليزابليكاسيون تاع البورتابل يكثر خيرهم كون ماش هوم :smile02:
كون ماشي هوما رانا شفنا المسعود بدل مسعودة والنواري بدل نورة مقلشة حبيبها وتفجعنا في حياتنا من زمان مالا كثر خيرهم صح
ايا وتلاقيت بمارك قتلو الله لاتربحك برك اخترعت اختراع ضيعت بيه العرب
من بكري سيدي مليح زاد عليه لعما والريح
مارك او يدخل بيه دراهم قد ما يدخلو العرب كامل في بترولهم نستعرف بيه للمرة الالف نبرهن اننا شعب استهلاكي وفقط
حتى ثقافة الاستهلاك ومنعرفولهاش تبا قلبي معمر وفكرتيني

تقبل مروري

مشكورة اختي ام ياسمين عجبتني جدا مخيلتك خاصة على هاديك الابريقة تاع شاغلومونتي ويعطيه يخي جيل يخي كيما قال هشام الجخ في قصيدة التأشيرة سقينا الذل اوعية سقينا الجهل ادعية مللنا السقي والساقي
شكرا مرة اخرى تحياتي
​

 

[قرصان الساحل]

رد: تخيلو حياة الفايس بوك نعيشوها في الواقع ؟؟؟؟

بارطاجي خويا عجبني الموضوع هههههه
واه واه بارطاجي خلي لزناش يستشفاو اخخخخ
جام يا الزين تستاهل اخخخخ على الزين عادي نضربها بتوسويسة متخلاصش منا حتى لمدغشقر عارف بلي حنا شعب مشاعرو في توسويسو ههه
كومنتير راني ديجا نكومونتي اييييه فكرتني في الكمونبير والنجاص وهاديك الحية المكربعة ععع والا عرفتها طفي الضو
ههه الفيس خلانا نعيشوا في عالم افتراضي خيالي صح وي عالم من الاوهام عالم رقمي ودرنا بين صفر وواحد وشدينا الصفر وتركنا الواحد
المهم يعطيك الصحة خويا في انتظار المزيد الله يسلمك خويا ان شاء الله في مزيد بوفائكم

سعدت بمرورك خويا يونس مرحبا بيك دايما في مواضيعي
ربي يهنيك
​

 

[قرصان الساحل]

رد: تخيلو حياة الفايس بوك نعيشوها في الواقع ؟؟؟؟

ههههههههههههههه
يا مجررررررررررررررررررررم
يا حفيظ انت تتهمني علنا وانا شاهد ما شافش حاجة
شفتني وانا ميت اخخخخ
احم أحم أحم
و الله بصدق العفسة اللي نتماناها صح تصرا
هي رؤية الكعبة
ربي يسهلنا كامل ان شاء الله زيارتها ويعطيك ما تتمنى خويا
يااااااااه يااااااا ليت الكعبة قريبالي
حلم و الله حلم
شتقت لريحاتها
و ريحة قبر المصطفى حبيبي
يا كعبة يا بيت ربي محلاكي والسلام على الخليل لي بناكي ان شاء الله نزورها قولو امين
فتحت الفيسبوك على جالهم و البث المباشر
من مكة و المدينة و الحديث مع الوكالات
بالصح اي كاينة في التلفزيون امين خويا علاه حتى تفتح فايس بوم -___- علابالي بروحي سامط اخخخ
و كي عتمرت و الله نسيت المودباس
ايه ربي يتقبل منك خويا
​

​

اول مرة نلقى من فتح فايس بوك من اجل الكعبة حقا امر جميل ربي يثبتك خويا ويرزقنا زيارة بيتو
مشكوووور على المرور نورتني
​

 

[قرصان الساحل]

رد: تخيلو حياة الفايس بوك نعيشوها في الواقع ؟؟؟؟

سلام عليكم
وعليكم السلام مرحبا بيك سارة كوكو
الحمد لله سوال عليك هههههه‍ههههههههههههههههههههههههههههههههههههههه
ههههههههههههههههههه
ايه يسال عليك الخير واش هاد الضحكة منا حتى لتندوف اخخخ بالشوية على حرف الها في الكلافي منين داك استعملي الخاء كيما انا اخخخ
يعطيك طا كيما يقول شمندر او سندباد هه افريقي كيما احنا على كل خخخ
واش يعطيني طاوة على راسي هكا حاب يقول وعلى راسك تاني اخخخخ بديتي ترحمي في حرف الهاء
قتلتني بالضحك واه واه حياة فيسبوكية انتيكية ماماي خخخ
هههه وانا قاتل يعني وسلاحي الضحك امممم انتيكية ماماي منين داك مش ديما -__-
وانا زعما نظل نقبل غير في طلبات الاخوةاقصد صداقة ههه نهز كرسي ونقعد ونبدا ندير شادي مادي على لنقبلو صداقة ول لا ..
ههه الاخوة والى اي منطق تستندين في قبل طلبات الاخوة اقصد الصداقة اخخخ ولا لي جا زهرو هداك هو
مي والعفسة تع الحظر كيفاه ههه باه مانعاودش نشوف خليقتهم
نبدل الولاية ول كيفاه ..
هههه ما تبدلي الولاية ما والو بدلي الكرسي برك وهني على راسك
ساهلة ماهلة

ههه

هيا صحيت ع الموضوع الزوين ..
تبارك الله

الله يبارك فيك ختي

هه كن بخير اخي الافريقي
وانت كوني بخير اختي العفريقية كذلك
​

شكرا على مشاركتك لينا الموضوع سارة كوكو فيرنانديز اخخخخ اسمك ولا هايل بهادي الاضافة تباني جوار يلعب في ساوباولو البرازيلي
تحياتي الممزوجة بالنعناع
​

 

[Skor m@k]

رد: تخيلو حياة الفايس بوك نعيشوها في الواقع ؟؟؟؟

السلام عليكم
واش راك يا خويا هشام واش هالغيبه هذي حبيت نخلصوك باش تكتب
ايا ديجاا هاك مليون دولار ولا نزيدولك خخخخخ المهم ماركي فالحيط بلي ربحت ههههه
اه ياسيدي حبيت ترجععنا نمشو كي الفايسبوك
انت هدرت لي يبارطاجيلك الماكلا بصح كاين لي يجي يحكيلك على واش كلا
انت خارج من الدار مديقوتي تغديت عدس ممبعد تتلاقى بواحد يقولك شوف واش كليت
علبالك وحد الديسير ممبعد واحد يمشي قدامك يكومونتيلك بصحتك خو ماعرضتناش ممبعد انت تبارطاجيها ويجوز خوك يقولك ماتحشمش لعدس راو مزال ريحتو فمك
ممبعد تسمع ليكومونتار زواخ قييو هههه وانت مسكيين مصارنك تصددو ملعدس ههه

وكاين لي يجوززو عليك بنات تقولك علبالك خطبني بيلوط وماقبلتش ههههه
ممبعد انت تفرح تقوللها نولو اونكوبل وهي تزعف وديرلك بلوك
بصح كيفاه لبلوك ماقدرتش نتخيلو ههههه سينفوبلي قولي كيفاه ههههه
خو جبتها قد قد وتقول ماعجبكش الموضوع انا عجبني هخهه
صحيت خوربوتشوف الافريقي ​

 

[GOST LADY]

رد: تخيلو حياة الفايس بوك نعيشوها في الواقع ؟؟؟؟

شكرا على الترحيب و نشاء الله نكون خفيفة عليكم :thumb_up02::thumb_up02::thumb_up02::thumb_up02:

 

[GOST LADY]

رد: تخيلو حياة الفايس بوك نعيشوها في الواقع ؟؟؟؟

و كاينة حاجة نسيتها و هيا الهايلة كي ما تحب تهدر مع حتى واحد دير desactivé la déscussion
ولا كي تمل مالمعيشة لي راك عايشها ندير désactivé le compte وتحل واحدوخر جديد :-h:bravo01::bravo01::bravo01::bravo01:

 

[ليليا مرام]

رد: تخيلو حياة الفايس بوك نعيشوها في الواقع ؟؟؟؟

السلام عليكم
ههش هنا مش مصدقة عيني لمة سينيما مش حتقدر تغمض عينك
وينك يا راجل خطفوك دواعش والا واش
والله يا هشهش صح انا وانت ما طلقنا حتى سوجي مي كل يوم تخرج هدة جديدة وموضوعك ما مخلط ما والو
ايه تخيلت معاك انو حياتنا الفايسبوكية لو ولات فالواقع تهردت علينا تولي تمشي يخبطك واحد بجام او كومونتير واللا تجيك بوسة من حيث لا تتوقع هذي انت فالفايس بوك مزهيتني فالكومونتير
او دبزة مع جماعة القروبات اللي يحاربو النسا وااااااااااااع نولي كل يوم عند لابوليس
واااااااااع وانا نستنى غير نتلاقا ببنات المنتدى ونخبطوها يوسات وتعنيقات هههه
موضوع توب كالعادة

 

[Mouna Salwa]

رد: تخيلو حياة الفايس بوك نعيشوها في الواقع ؟؟؟؟

السلام عليكم..........:regards01::regards01::regards01:
هههه.....بصراحة السوجي تاعك كان هايل يعطيك الصحة خليتنا نتخيلوا :d:d:d:d مي :smile02::smile02::smile02:لا مفر من الواقع ساعات الانسان يحب يهرب من الواقع
والفيس بوك عالم اخر يخليك تهرب من الواقع ويعيشك في وهم ليسونسيال تنسى شوية هم الدنيا سورتو الا كانوا عندك مشاكل من تدخل الفيس تسمع وتشوف مشاكل الاخرين تنسى روحك
وانا بروحي ساعات ننسى روحي فيه وننسى مام همي:cray02::cray02::cray02: ونقول والله غي الحمد لله اني في رحمة ربي :regards02::regards02: :regards02: وفي الاخر انا نفضل اني نعيش حياة الواقع بحلاوتوا و مرارتوا خير من حياة الفيس بوك بالف مرة والله يفارقنا بلادنوب انشاء الله ...سلاااااااااااام:regards01::regards01::regards01:

 

[قرصان الساحل]

رد: تخيلو حياة الفايس بوك نعيشوها في الواقع ؟؟؟؟

السلام عليكم
وعليكم السلام سيد سكر
واش راك يا خويا هشام واش هالغيبه هذي حبيت نخلصوك باش تكتب
اخخخ الله لا يغيبك سكر خويا كنت نمر بمرحلة تطور وفشلت كنت حاب نحتل العالم ههه
عفوا قصدي بنت جارنا لكن لم انجح لا زهر لا زرودية
ايا ديجاا هاك مليون دولار ولا نزيدولك خخخخخ المهم ماركي فالحيط بلي ربحت ههههه
مليون دولار قدرت تهدرها نورمال اهم في الفيلمات ويعجزو يقولوها
زيد قالولي حكاية كبيرة تدور على الحليب وانت الهدرة بالمليون العب نوض اخخخ
اه ياسيدي حبيت ترجععنا نمشو كي الفايسبوك
علاه لالا قالك انا افكر اذن انا موجود
انت هدرت لي يبارطاجيلك الماكلا بصح كاين لي يجي يحكيلك على واش كلا
انت خارج من الدار مديقوتي تغديت عدس ممبعد تتلاقى بواحد يقولك شوف واش كليت
علبالك وحد الديسير ممبعد واحد يمشي قدامك يكومونتيلك بصحتك خو ماعرضتناش ممبعد انت تبارطاجيها ويجوز خوك يقولك ماتحشمش لعدس راو مزال ريحتو فمك
ممبعد تسمع ليكومونتار زواخ قييو هههه وانت مسكيين مصارنك تصددو ملعدس ههه
ههههه الحديد لي نابت في كرشك كون يدوه لمصنع الحجار نحققو الاكتفاء الذاتي وانت طايح خشين
تسلل واضح يا مكال العدس ههه شفت ولينا نزوخو بالماكلة
كيما واحد قالك العالم يتكلم عن افكاره والجاهل يتحدث عن الحجار اخخخ راك فاهم
وكاين لي يجوززو عليك بنات تقولك علبالك خطبني بيلوط وماقبلتش ههههه
ممبعد انت تفرح تقوللها نولو اونكوبل وهي تزعف وديرلك بلوك

ايه لو تحسب لي بيلوط على حسابهم تلقى المعادلة التالية
عدد البنات في الجزاير == عدد لي البيلوط الموجودين في الجزائر
ومنه نستنج ان الجزائر قوى عظمي هههه
بصح كيفاه لبلوك ماقدرتش نتخيلو ههههه سينفوبلي قولي كيفاه ههههه
هههه لبلوك لو نلقاه نخدم بيه في حياتي المشكل محتمة تستحمل عباد كون تصيب تسلكهم وما تشوفهمش
خو جبتها قد قد وتقول ماعجبكش الموضوع انا عجبني هخهه
اوووو رانا في الديمقراطية باغي تردهالنا مملكة انا ما عجبنيش ههه
صحيت خوربوتشوف الافريقي
اووو عجبتني خوربوتشوف هادي لازم نولي نسرقهالك منين داك
​

غفلنا عليك سكر شوية لقيناك داخلها لوز وكوميكات وبيبيتو واش اخويا خير برك ولا وليت تحس من نيتك اخخخ
يعطيك الصحة ديما توووب خويا سكر ربي يهنيك
​

​

 

[قرصان الساحل]

رد: تخيلو حياة الفايس بوك نعيشوها في الواقع ؟؟؟؟

شكرا على الترحيب و نشاء الله نكون خفيفة عليكم :thumb_up02::thumb_up02::thumb_up02::thumb_up02:

أهلا بيك السيدة الشبح معانا اكيد تكوني خفيفة علاه الاشباح توزن اصلا هههه نقسرو برك
نتمنى لك اقامة ممتعة سلكينا برك في الكرا والتريسيتي اخخخ
​

 

[قرصان الساحل]

رد: تخيلو حياة الفايس بوك نعيشوها في الواقع ؟؟؟؟

و كاينة حاجة نسيتها و هيا الهايلة كي ما تحب تهدر مع حتى واحد دير desactivé la déscussion
ولا كي تمل مالمعيشة لي راك عايشها ندير désactivé le compte وتحل واحدوخر جديد :-h:bravo01::bravo01::bravo01::bravo01:

اييييييه كون جات كاين حكاية ديزاكتيفي هادي شحال مليحة راه الواحد تهنى من كامل المشاكل في حياتو
لكن تجري السفن بما لا تشتهي الرياح هههه
حنا في الواقع ديزاكتيفي الكونت معناتها انسى الدنيا وديزاكتيفي ديسكسيو معناتها شات اب ههه
بالصح ما يخلوكش تسكت لازم تهدر
صحيتي ختي
تحياتي
​

 

[قرصان الساحل]

رد: تخيلو حياة الفايس بوك نعيشوها في الواقع ؟؟؟؟

السلام عليكم وعليكم السلام مرحبا ليليا مرام ههه اسم جديد حياة جديدة
ههش هنا مش مصدقة عيني لمة سينيما مش حتقدر تغمض عينك
ههه واش حاسبتني سنيكرز انت مو انت وانت جوعان اخخخ احترمي مشاعري المرهقة بالقاف بالعاني ههه
وينك يا راجل خطفوك دواعش والا واش
والله يا هشهش صح انا وانت ما طلقنا حتى سوجي مي كل يوم تخرج هدة جديدة وموضوعك ما مخلط ما والو
ايه وعاجباتك روحك من فوق وتقولي فيها ما طلقنا والو نورمالمو رانا مدايرين سبحة قاعدين غير للتمنشير اخخخ
ايه تخيلت معاك انو حياتنا الفايسبوكية لو ولات فالواقع تهردت علينا تولي تمشي يخبطك واحد بجام او كومونتير واللا تجيك بوسة من حيث لا تتوقع هذي انت فالفايس بوك مزهيتني فالكومونتير
ايه مليحة البوسة تاع من حيث لا تدري هادي ركزيلي عليها ههه اما على لي كمونتار اهم مرميين في الطرقات دوك وين تتحرك وناس تخبط فيك بلي كمونتار من حيث لا تدري في ظهرك اما في وجهك اك تشبع جماجيم عقلية نفاق في بلاد البطاريق اخخخ
او دبزة مع جماعة القروبات اللي يحاربو النسا وااااااااااااع نولي كل يوم عند لابوليس
واااااااااع وانا نستنى غير نتلاقا ببنات المنتدى ونخبطوها يوسات وتعنيقات هههه
تستناي في بنات المنتدى وتخبطوها بوسات وتعنيقات هدا كامل وحش عليكم اخخخ ادخرو شوية للمستقبل
موضوع توب كالعادة
انت لي توب كالعادة

يعطيك الصحة ختي مريومة مزال برك لسانك مقص مراكي طالقة والو وانا قلت بلاك الطفلة عقلت شوي اطلقي شوية عليك حابة تدي كلش وحدك ولا كيفاش هه

​

 

[قرصان الساحل]

رد: تخيلو حياة الفايس بوك نعيشوها في الواقع ؟؟؟؟

السلام عليكم..........:regards01::regards01::regards01:وعليكم السلام مرحبا بيك ختي
هههه.....بصراحة السوجي تاعك كان هايل يعطيك الصحة خليتنا نتخيلوا :d:d:d:d الله يسلمك ايه مليح لي خدمتي مخيلتك شوي اخخ خير من القعاد مي :smile02::smile02::smile02:لا مفر من الواقع ساعات الانسان يحب يهرب من الواقع ايه الواقع يبقى واقع لكن الواحد مرات يحب يريح شوي من الواقع هدا ولا مدايرين معاه عقد زواج هه
والفيس بوك عالم اخر يخليك تهرب من الواقع ويعيشك في وهم ليسونسيال تنسى شوية هم الدنيا سورتو الا كانوا عندك مشاكل من تدخل الفيس تسمع وتشوف مشاكل الاخرين تنسى روحك
عندي اعتراض لو سمحتي انا جامي دخلت للفايس بوك ونسيت مشاكلي خخخخخ منين ندخل نتعمر كثر بالمشاكل ههه
وانا بروحي ساعات ننسى روحي فيه وننسى مام همي:cray02::cray02::cray02: ونقول والله غي الحمد لله اني في رحمة ربي :regards02::regards02: ايييه بصحتك ي لالة كي راه ينسي فيك الفايس بوك وفي الاخر انا نفضل اني نعيش حياة الواقع بحلاوتوا و مرارتوا خير من حياة الفيس بوك بالف مرة والله يفارقنا بلادنوب انشاء الله ...سلاااااااااااام:regards01::regards01::regards01:

ايه الله يفارقنا بلا ذنوب منى وكيما قلتي الفايس مليح الواحد يهرب شوي من الواقع مي ماشي مليح لي مدايرو حياة ولا كيما قالو الفايس بوك تحريشة ماشي معيشة خالتي عيشة هههه
يعطيك الصحة ختي ومرحبا بيك ديما ودوما ودائما
​

 

[باتنية و نص]

رد: تخيلو حياة الفايس بوك نعيشوها في الواقع ؟؟؟؟

سلام عليكم

~
يا سيدي هاني حطيتلك جام كبيرة رغم اني مشحاحة فلي جام ومنمدهمش لمن والا ^^
اني ماشية وهازتها في يدي
زكارة فاللي يكرهوك
ركزلي على هدوك جماعة الحكم و المواعظ واللي متفوتهمش صلاة الصبح
واللي لا تخرج قبل ان تقول سبحان الله ولا الله أكبر اذا مقلتهمش ولا محطيتش جام ان شاء الله تنكسر ايديك وتعما عينيك وينوضلك الحب في رجليك
من جيهة يخافو ربي ومن جيهة يطيحو عليك بالدعاوي -_-
متأكدة كون نلقاهم فالواقع .تلقا بلي ما بينهم وما بين الدين غير الإحسان
كيما يقول الڨاوري : عندهم جنون العظمة
المهم راك تسال من عندي بارطاج + قفة تع لي جام فوق وقشابية فهاذ البرد
علا خاطر مواضيعك عفوية وخفيفة وتخلو من التصنع
وحضرتك من القلائل (هذا اذا ما كنتش الوحيد ) فالمنتدى اللي يضحكوني حتى وكنت في أحلك ايام حياتي
يعطيك الصحيتو
ربي يفرحك
تحياتي

 

[قرصان الساحل]

رد: تخيلو حياة الفايس بوك نعيشوها في الواقع ؟؟؟؟

سلام عليكم وعليكم السلام اهلا بيك ختي باتنية ونص

~
يا سيدي هاني حطيتلك جام كبيرة رغم اني مشحاحة فلي جام ومنمدهمش لمن والا ^^
هههه وعلاه عليك تشحي هكا ياك راهم باطل ولا عزاز عليك كيما انا
اني ماشية وهازتها في يدي
زكارة فاللي يكرهوك
ههه علاه تحشمي فيا دوك وين هوما لي يكرهوني يبانو منا وجاي ما نهدرش خلاص اي باتنية برك تسكتكم اخخخ
ركزلي على هدوك جماعة الحكم و المواعظ واللي متفوتهمش صلاة الصبح
اععععع كامل الناس تبان ومبعدا تنقرض غير هوما ما حبوش يحبسو علينا التنوفيق تاعهم
واللي لا تخرج قبل ان تقول سبحان الله ولا الله أكبر اذا مقلتهمش ولا محطيتش جام ان شاء الله تنكسر ايديك وتعما عينيك وينوضلك الحب في رجليك
من جيهة يخافو ربي ومن جيهة يطيحو عليك بالدعاوي -_-
ايه راكي شفتي لي يشوف يحساب الكسير تاع اليدين والحب بيديهم مي انا الصح ما يحيرونيش هوما يحيروني ناس لي تأمنهم وتروح تكمونتي
خايفين وقيل من العما من نيتهم اخخخخخ 2016 رايحة وتخرج ومزال الجهل يضرب أطنابه في مجتمعي البائس
افريقيا وما راهي رافدة الله يحسن عونها ما كفاتهاش مالاوي وزيمبابوي كملنا عليها حنا
متأكدة كون نلقاهم فالواقع .تلقا بلي ما بينهم وما بين الدين غير الإحسان
كيما يقول الڨاوري : عندهم جنون العظمة
يا ختي لا جنون عظمة لا والو انا ارجح مشكل سبغيات اخخخخ مشكلتنا ديما نتكلم بالسم الدين وهو بعيد علينا بعد السماء على الارض
فليقل خيرا او ليصمت ما قلنا خير ما شدينا فامنا
المهم راك تسال من عندي بارطاج + قفة تع لي جام فوق وقشابية فهاذ البرد
اييييه قشابية في هدا البرد وتحلو الحياة اخخخ حطيتي اليد على الجرح
علا خاطر مواضيعك عفوية وخفيفة وتخلو من التصنع
وعلاه نتصنعو مثلا واحنا كامل نعيشو في تمرميدة وحدة في افريقيا البائسة ديما نقولها انا ونعتز بيها
انا من رواد وعشاق البساطة وانبذ المثالية
وحضرتك من القلائل (هذا اذا ما كنتش الوحيد ) فالمنتدى اللي يضحكوني حتى وكنت في أحلك ايام حياتي
ههه هادي تاع بين قوسين لي ديما من نكتب ونكمل نحس بلي موضوعي ناقص نحب اوموا نصنع البسمة خير من مكاش
ربي يحلي ايامك ديما
يعطيك الصحيتو
الله يسلمك
ربي يفرحك
تحياتي

والله ختي باتنية ونص ما لقيت ما نرد عليك لان حقا ردك هذا كبير بزاف وما لقيتش وش نقلك عليه المهم ان شاء الله برك ديما مواضيعي تكون عند حسن ظنك وتدومي وفية ليها
وربي يفرحك ختي ويعطيك ما تتمناي
تحياتي
​

 

[الأستاذ مصطفى]

رد: تخيلو حياة الفايس بوك نعيشوها في الواقع ؟؟؟؟

‘ــــيومك جميلــــ’​

ــــروحي فلسطينــــ​

تحياتي و احترامي و تقديري​

موضوعك في القمة أخي
[FONT=&quot]قرصان الساحل[/FONT]
نتمنى أن تواصل
ـــــسلامــــــــــــ​

و اسف على الازعاج و الله​

تقبلـــــــــو ا خالص الحب​

ــــالكناري السعيدــــ​

وراء كل امرأة رجل عظيم و ان لم تكن لكان أعظم​

●|ღقلبيـے بــالوفــا رآقـــــيـےღ|●​