كل يوم معلومة طبية بالدارجة

[ذات الشيم]

السلام عليكم ورحمة الله وبركاته
وش احوالكم إن شاء الله تكونو كامل بخير

​

صورة من طرف: أبو عاتكة​

دخلت للبحث عن الأخت مريم فقط نظن عجبني الحال بينكم وقلت علاش ما نفيدكمش من مجالي الطبي ..

بصفتي طالبة طب في المرحلة الاعدادية
حبيت ندير هذا الموضوع وكل يوم ننشر معلومة طبية عن مرض يكون شائع بشكل مختصر بالدارجة بطريقة سهلة لي الجميع يفهمها بإذن الله ونتوما تخلولي اسئلتكم حول هذاك المرض ونحاول نجاوبكم إن شاء الله بواش نعرف ..

مستعدين ؟؟ ​

 

[إلياس]

ما شاء الله ربي يوفقك بالنسبة لي مستعد
احسن ما عملت لكي يستفيد الكل بالدراجة

 

[ذات الشيم]

ما شاء الله ربي يوفقك بالنسبة لي مستعد
احسن ما عملت لكي يستفيد الكل بالدراجة

بإذن الله
ننتظر البقية

 

[Oktavio_hinda]

السلام عليكم ورحمة الله وبركاته
وش احوالكم إن شاء الله تكونو كامل بخير

دخلت للبحث عن الأخت مريم فقط نظن عجبني الحال بينكم وقلت علاش ما نفيدكمش من مجالي الطبي ..

بصفتي طالبة طب في المرحلة الاعدادية
حبيت ندير هذا الموضوع وكل يوم ننشر معلومة طبية عن مرض يكون شائع بشكل مختصر بالدارجة بطريقة سهلة لي الجميع يفهمها بإذن الله ونتوما تخلولي اسئلتكم حول هذاك المرض ونحاول نجاوبكم إن شاء الله بواش نعرف ..

مستعدين ؟؟ ​

مستعدين

​

 

[ذات الشيم]

السلام عليكم ورحمة الله وبركاته ..

إن شاء الله تكونو بخير أحبابي الحلوين..

اليوم حبيت نحكيلكم على وحد المرض مشي معروف بزاف الحمد لله قليل بسبب الفاكسان لي نديروه من الطفولة
هذا المرض اسمو " تيتانوس" ولا "tétanos" بالفرنسي ولي تسببو وحد البكتيريا نلقاوها في أي بلاصة وبزاف فالأرض ، فالشجر ، فالحديد خصوصا كي يكون مصدّي ..
وتدخل للانسان عن طريق أي جرح فالجلد ولو صغيير ما يبانش حتى النقزة تع الشوكة وتقدر تكون منفذ لهذ البكتيريا خصوصا الناس لي تخدم تنقي الشجر فالجاردان ولا الناس لي تمشي حافية ( اغلبنا كجزائريين ) ..
المشكل أنو هذي البكتيريا تستهدف الجهاز العصبي مباشرة وتبدا تصرا تقلصات لا إرادية في كامل الجسم ومن سبعة ايام الى 15 يوم من دخولها يبداو يبانو الأعراض وأهم عرض يبان فالبداية هو "trismus" يعني تقلص عضلات الفكين يعود الواحد ما يقدرش يفتح فمو نهائيا وهذ التقلصات مؤلمة ومبعد تبدا تتمشى ، تصرا تقلصات فالمريئ وين الواحد ما يقدرش يبلع اي شيء ، تصرا تقلصات في عضلات العمود الفقري والظهر والأطراف وهذي كلها توجع بزاف واخر شيء كي توصل التقلصات لعضلة الحجاب الحاجز " diaphragme" المسؤولة عن التنفس تصرا مشاكل تنفسية ومبعد المريض يقدر يموت بسرعة لا قدر الله ..
والعلاج صعب جدا جدا ويكون في وحدة العناية المركزة ونسبة الفشل في العلاج كبيرة خصوصا اذا الانسان وصل لمرحلة التقلصات العامة في كامل الجسم ...

رح تجيو تسقسوني : ايه مالا كي عاد رانا دايرين فاكسان وقليل هذا المرض علاش راكي تحكيلنا عليه ؟
وهنا كاين مشكل آخر ، ان اللقاح هذا ماهوش مستمر قع الحياة تاخذو مرة وخلاص ، لالا ، لازم يتجدد كل 10 سنوات بعد سن 18 سنة
لانو آخر فاكسان ديناها لما كان عمرنا 16 سنة ( اولى ثانوي) ومبعد لازم يتجدد يعني 26 سنة ، 36 سنة وهكذا ..
باش الانسان يحمي نفسو من هذ البكتيريا الخطيرة ..
أما إذا كان الإنسان ما دارش rappel تاعو تع الفاكسان او ماراهش متفكر وينتا بالضبط اخذ اللقاح آخر مرة وقد الله وتعرض لجرح نعطيكم خطوتين ديروهم :
أولا.. تغسل المنطقة مليح مليح بالما و الصابون والجافيل مدة 15 دقيقة إلا اذا كانو حروق في المنطقة تجنبو الجافيل ..
ثانيا .. توجهوا بسرعة إلى أقرب مصلحة طبية وين عندهم "sérum antitétanique" يحقنوه يبطل مفعول البكتيريا هذيك ويزيدو يديرو فاكسان للمدى البعيد..

وهكذا نكونو خلصنا معلومة اليوم يا حلوين .. إن شاء الله تكونو استفدتو ، ما تنساوس تجددوا اللقاحات كل مرة

اتهلاو ​

 

[إلياس]

سؤال
ماهي طرق الوقاية من هذا المرض

 

[ذات الشيم]

سؤال
ماهي طرق الوقاية من هذا المرض

سؤال جميل جدا
الوقاية الوحيدة هي اللقاح وحنا الحمد لله في الجزائر اللقاح تلقائي ضد هذا المرض
داخلة فل calendrier vaccinal algérien لي يديروها ليبيبي بشكل دوري ومبعد فالابتدائي تع ست سنوات يديروها فالمدرسة وتع المتوسط و الثانوي ثاني
المشكل أنو بعد الثانوي الانسان لازم يولي مسؤول على نفسو وهو يتفكر لقاحاتو
وهذا اللقاح يتجدد كل 10 سنوات
يعني لي اخذ آخر لقاح لما كان عمرو 16 سنة فالاولى ثانوي ما يزيدش ياخذ حتى لي يولي عمرو 26 سنة وهكذا ..
فالفترة لي تكون داير فيها لقاح حتى لو تدخل البكتيريا رح يهاجمها الجهاز المناعي وما دير حتى ضرر بإذن الله
ونقولكم أي واحد راهو شاك بلي ماشي مكمل اللقاحات تاعو او مجددها يروح يجددها احسن
الوقاية خير من العلاج

 

[إلياس]

سؤال جميل جدا
الوقاية الوحيدة هي اللقاح وحنا الحمد لله في الجزائر اللقاح تلقائي ضد هذا المرض
داخلة فل calendrier vaccinal algérien لي يديروها ليبيبي بشكل دوري ومبعد فالابتدائي تع ست سنوات يديروها فالمدرسة وتع المتوسط و الثانوي ثاني
المشكل أنو بعد الثانوي الانسان لازم يولي مسؤول على نفسو وهو يتفكر لقاحاتو
وهذا اللقاح يتجدد كل 10 سنوات
يعني لي اخذ آخر لقاح لما كان عمرو 16 سنة فالاولى ثانوي ما يزيدش ياخذ حتى لي يولي عمرو 26 سنة وهكذا ..
فالفترة لي تكون داير فيها لقاح حتى لو تدخل البكتيريا رح يهاجمها الجهاز المناعي وما دير حتى ضرر بإذن الله
ونقولكم أي واحد راهو شاك بلي ماشي مكمل اللقاحات تاعو او مجددها يروح يجددها احسن
الوقاية خير من العلاج

شكرا لك على المعلومات القيمة و الرائعة

 

[ام أمينة]

في المتابعة ....
موفقة إن شاء الله ....

 

[أبو عاتكة]

راح يكون موضوع مفيد وقيم جدا جدا ونحن في المساعدة
جزاك الله خيرا اختنا ذات الشيم وهذا من شيم الطيبين

 

[أبو عاتكة]

كثر الحديث على البوحمرون مؤخرا في الجزائر
اي معلومات طبيبتنا باذن الله ذات الشيم؟

 

[أم إسراء]

مشكورة على المعلومات المفيدة دكتورة.
و شخصيا نسيت موضوع أنه تكون الفاكسا هذي كل 10سنين. الا أنهم في فترة الحمل خبرتني عليها طبيبتي.
نتمنى أنه تذكرينا بالمواضيع المهمة كهذي.
و حتى تخبرينا على فوائد اللقحات للرضع لأنه عدد كبير من الأمهات الجدد رجعو يفضلو أنه مايلقحوش أولادهم رغم أنه التلقيح في بلدنا اجباري.

 

[ذات الشيم]

شكرا لك على المعلومات القيمة و الرائعة

العفو .. في الخدمة دائما

 

[ذات الشيم]

في المتابعة ....
موفقة إن شاء الله ....

الله يبارك فيك أم أمّون .. يا خير من يُتابِع ويُتَابَع

 

[ذات الشيم]

راح يكون موضوع مفيد وقيم جدا جدا ونحن في المساعدة
جزاك الله خيرا اختنا ذات الشيم وهذا من شيم الطيبين

وهذه غايتي .. أني نفيدكم بكل لي نقدر ولي نعرفو بإذن الله
جزانا وإيّاكم ..

 

[ذات الشيم]

كثر الحديث على البوحمرون مؤخرا في الجزائر
اي معلومات طبيبتنا باذن الله ذات الشيم؟

بإذن الله راح نتكلم عليه ولو أنو قل جدّا مؤخرا ولكن مليح نستفيد منو ونعرفو اهم طرق الوقاية
لانو دائما كما نقول ، الوقاية خير من العلاج

 

[ذات الشيم]

مشكورة على المعلومات المفيدة دكتورة.
و شخصيا نسيت موضوع أنه تكون الفاكسا هذي كل 10سنين. الا أنهم في فترة الحمل خبرتني عليها طبيبتي.
نتمنى أنه تذكرينا بالمواضيع المهمة كهذي.
و حتى تخبرينا على فوائد اللقحات للرضع لأنه عدد كبير من الأمهات الجدد رجعو يفضلو أنه مايلقحوش أولادهم رغم أنه التلقيح في بلدنا اجباري.

أهلا لك اختي نورت
نعم في فترة الحمل ضرورية لأنو كاين تيتانوس لي يجي عند حديثي الولادة لي يزيدو ولي نسموه " tétanos néonatal" لكن بسبب التلقيح الاجباري للمرأة الحامل والرضيع رجع مكانش خلاص في بلادنا الحمد لله لكن كيما قلتلكم بعد 18 سنة لازم يتجدد

أبشري بإذن الله رح نحكيلكم على فوائد التلقيح مستقبلا إن شاء الله

 

[faith8]

السلام عليكم ورحمة الله وبركاته
بارك الله فيك على المبادرة الجميلة
يسعدني المشاركة معك ان لم يكن لديك مانع

 

[ذات الشيم]

السلام عليكم ورحمة الله وبركاته
بارك الله فيك على المبادرة الجميلة
يسعدني المشاركة معك ان لم يكن لديك مانع

وعليكم السلام ورحمة الله وبركاته
أهلا أختي
أكيد لا يوجد مانع انا سعيدة جدا بمشاركتك
نحن هنا لنستفيد من بعض

 

[ذات الشيم]

السلام عليكم ورحمة الله وبركاته
أهلا بأحبابي الحلوين
إن شاء الله تكونوا بخير أنتم وأحبابكم جميعا يارب ..

اليوم طولت عليكم شوية سامحوني لأني انشغلت قليلا
بصح ذات الشيم ما نساتكمش وقالت لازم تحط معلومة اليوم رغم انشغالها
و جيت نحكيلكم على البوحمرون " la rougeole"
هذا المرض يقيس بزاف الأطفال ناااادرا وين نلقاوه عند الكبار ، يديرو فيروس لي عندو جاذبية كبيرة للانسان و خصوصا الكتاكيت الصغيرة

ومن بين أهم الأسباب ، ضعف الجهاز المناعي للطفل ، ونقص التغذية خصوصا الفيتامين "أ" وغياب التلقيح
بعد حوالي اسبوعين من دخولو تظهر حمى شديدة للطفل توصل حتى 40 درجة مع التهاب في العينين مرات يولو يدمعو وسيلان الأنف ومرات تجي السعلة تاني..
وهنا الآباء يحسبو بلي زكام عادي وجايز..
حتى يبداو يبانو حبّات في جسم الطفل ويملاو كامل الجسم من الرأس إلى الرجلين لكن الحاجة المليحة انو ما يديروش حكة عكس البوشوكة وتاني يجو نقط بيضاء كثيرة في خد الطفل من الداخل .. وكي تدوهم للمصلحة ويشوفهم الطبيب يقولككم مباشرة عندو البوحمرون

بالنسبة للعلاج يكون علاج الأعراض فقط وهو مرض ماهوش صعيب يعني ممكن نمدو علاج للحمى ، للسعلة فقط ويجوز سهل بإذن الله..

كاين لقاح ضد البوحمرون اذا اخذو الانسان يحمي نفسو من الإصابة ولكن كيما قلتلكم حتى الإصابة بيه ماهيش خطيرة ..

انا شخصيا جاني لما كنت صغيرة و قالولي البسي الاحمر باش يروحلك الحَبّ هذاك راكم شايفين الخرافات تع بكري..

هذي هيا أحبابي الحلوين ، خلصنا معلومة اليوم لي كان موضوعها البوحمرون ، إن شاء الله تكونوا استفدتو ، ما تنساوش تعتنوا بصغاركم ، بصحتهم ، بتغذيتهم ، لأن الكتاكيت الصغيرة لا يليق بها المرض
اتهلاو

دمتم في أمان الله وحفظه
نلتقي في معلومة الغد إن شاء الله

​