بمثابتك طالبة جامعية ..... هل تقبلين

[SaMi_o7]

شكرا ‏ζشيم الروζ اخي
على المرور ​

 

[نرمين]

السلام عليكم ورحمة الله وبركاته اسمحولي نقولكم رأيي
أنا شخصيا لا يهمني المستوى التعليمي بل الأهم هي الثقافة والعقلية والتربية والدين لأننا نرى هذه الأيام ربي يستر واش راهم يديرو بعض المتعلمين خاصة في الجامعات فأنا أضن أنه لبناء عائلة سليمة يجب أن يتحلى الزوجين بالتربية والثقافة ولا يجب أن نقيس هذا بالمستوى التعليمي لأنه بالنسبة لم يعد في هذا الوقت معيار لمعرفة الشخصية
وفي الأخير تقبلوا مروري وشكرا

 

[POLIYANA]

صحيح انة الناس يتفرقو بقيمة معرفتهم ومقدار مستواهم الدراسي بالصح انا شخصيا مانحكمش على انسان غير من هادي الناحية لانو كاين صح الي مش واصل لمستوى دراسي عالي بالصح عندو عقلية تحبس الي قاري وتعديه والعكس.
انا وجهة نظري كون نتحط في هادا الموقف ممكن نقبل وممكن لالا مناه الراجل يبقى راجل والراجل مايتعيبش في مالو ولا جيبو ولا حتى ممكن في بعض الحالات مستواه الدراسي بالصح صح يتعيب في خلقه وتربيتو وطريقة معاملته للناس وخاصة تقديرو للمراة والانسانة الي رايحة تكون زوجتة. هادا مجرد راي .ارجو ان تتقبله وشكرا على الطرح.​

 

[SaMi_o7]

merci........... bcp
​

 

[SOFIANE BATNA]

كل وحدة ورأيها خويا لعزيز في هاذ المسألة
يعني لها كامل الحرية الشخصية ومن خلال الردود نلقاو بللي نسبة كبيرة من البنات لايهمهم المستوى التعليمي
بزاف مي كاين بنات ونعطيلهم الحق 10 /10 قالولك أنا لازم يكون توافق في المستوى التعليمي والثقافي
بيناتنا
وانت خويا حبست في 4 اساسي ماشي خلات الدنيا وتقدر تتزوج باللي باغيها وبزااف بنات يستناو
يجيهم واحد يسترهم​

 

[rania 3asla]

انا حقيقة مازلت مش جامعية مي ان شالله ربي يوصلني ونولي جامعية و انا بالنسبة ليا أقل من 3 ثانوي ما نقبلش لأنو كيفاش راح يعيشني ادا في بلادنا لي متخرج من الجامعة راه مريح مش يخدم امالا واحد مستواها ضعيف واش راح يخدم وهادا بالنسبة لاوضاع المعيشة
شكرا خويا على موضوعك

 

[nina bonoise]

انا كي يكون مسؤول و عندوا خدمة نقبل وعلاه لا ؟
بصح اذا كان اقل من ال 3 ثانوي اه جامي نقبل
مرسي

 

[طيور الجنة21]

لا حاشا لله
بالعكس فلربما من هم دون شهادات متفهمين و متفتحين اكثر من المتحصلين على اعلى الشهادات

و شكرا على الطرح الجميل

لي عودة للموضوع

بالنسبة لي التفاهم هو اهم شيئ يعن العقلية و القدام
​

شكرا اختي ....
بارك الله فيك
​

وفيك الف بركة:yahoo:
​

 

[SaMi_o7]

رحمك الله ههههه
​

 

[نجمة رجاص]

صراحة مانقبلش

 

[Parfum floral]

انا في الاغلب مانقبلش لكن اذا كان مثقف جدا و مستواه الفكري قريب من المتعلمين في الجامعة ممكن نفكر
شكرا لك اخي

 

[أميرة العيون]

ماتهم الشهادة ما والو المهم عندي التفاهم بين الطرفين و يكنو يحبو بعضاهم هذا هو المهم والباقي يبقى مجرد كلام زايد وانا نحتارم واحد راجل اماعندوش شهادة على واحد....... ايقول انا جامعي ولا عندي شهادة.

 

[A_abir]

اذا بيفهم خير من الي عندهم اكيد نقبل
مشكوووووور

 

[3afaf]

السلام شكر على سؤالك المميز
وردا عليه فانا بالنسبة لي وبكل صراحة ادا كان مستواه ثانوي اي 2او 3 ثانوي لايوجد عندي اي مشكل لانه لا يوجد فرق كبير .. ولكن كما قلت 4 اساسي لا اظن واستبعد الفكرة لانو اكيد راح يكون هناك فرق كبير حتى ولو لم يضهر الامر في البداية الا انه سرعان ما ينكشف ....لانو الرجل عمرو مايحب المراة خير منو امالا اتخيلو هي ليسانس او ماجيستير و هو 3او 4 اساسي !!!!؟؟؟؟ ....... *كارثـــــــــــــة*​

 

[ISMA.dz]

نو نقبل بيه أنا الصح ندي يكون خدام ووليد فاميلية

 

[Moha le sage]

اللي راجل راجل بذراعو خويا سامي ماشي بالدبلوم .. واللي فحل فحل

بصح كاين امور خرى ..ديفوا تلقى واحد ظريف وفاهم ومش قاري وواصل ... خير من واحد لاحق في قرايتو وما عندو حتى عقلية تصلح


تحياتي ليك سمسوم ............

 

[largo19]

و اشمن شهادة يرحم والديك .. بالاك غرتكم الشهادة تاع دزايرررررررررر
ههههههههههههههههههههه .. و الله العظيم .. في دول أخرى .. عيب عليك تقلو عندي ديبلوم من جامعة جزائرية ... و رانا علابالنا بلي 90% . من الناجحات في الباكالوريا .. جابوها بالتريشاج.. ومنبعد في الجامعة. حدث ولا حرج .. الطلعة بالتطباع.. لي بروف يقونفليو في النقاط .. و ماعلاباليش واش .. و بالذراع باش يجيبو لا ليسونس .. و من بعد يتكبرو علينا... و الله ربحت .... ههههههههههههه
حاشا خرين .. طبعا.. و أنا بروحي ما نقبلش ندي وحدة علا خاطر جامعية برك .. هذا ما يكفيش.. وماهوش مهم .. الزواج حاجة أخرى .. و عندو شروطو و متطلباتو ..
شكرا

 

[لحظة أمل]

انا مانقبلش مش عن تعالي
مي لالوجيك تقول هك وكستحيل يقدر الزواج هادا ينجح
خاطر يولي هو بعد يحس بالنقص من الناحبة هادي
ويحب دايما الراجل يتفوق على مرتو وراح تصرا مشاكل بزاف
​

 

[سماح4]

هذي مسالة تختلف من بنت الى اخرى مثلا انا جامعية وخدامة صح القراية عندها قيمة لكن انا نشوف الراجل مش بقرايتو كاين جامعي بصح تلقاه خاسر ماعلاقاش كامل بارجال وممكن واحد مش قاري بزاف تلقاه راجل وطيب ومتدين وخلوق يعني راجل بمعنى الكلمة ...واذا دخلت مسألة الحب فالقصة تنقلب راسا على عقب لانو المراة اذا احبت من قلبها ما تعرف فيها لا قاري لا سراق المهم يكون معاها هههههههههها.

 

[hanen master 2]

انا نقولك رايي خويا ماكانش تكافؤ بيناتهم ودايما راح يحس بلي مرتو احسن منو و يتعقد بهاذاك الديبلوم donc مانقبلش