السلام عليكم ورحمه الله وبركاته
كثير من الاوقات نحس بأننا نملك العالم كله
نحس ان الحياه حلوه وان احنا عايشين احلى حياه
عايشين بدون هموم ننام واحنا مرتاحين .
ونصحى واحنا متحمسين لليوم الجديد
نشوف الحياه بنظره ورديه نظره حلوه اصحابنا حولنا
ونحس بأننا محاطين بناس كثير يحبونا ويهتمون فينا
[ كلـها مشـاعر حلوه صح ؟ ]
طيب لو حسينا بعكس هالمشاعر تماماً
لو حسينا بالوحده .. بأنه مافي احد حولنا
لو انجرحنا من ناس كثير وهالشي خلانا نحس
بأنه خلاص ماعاد لنا اصحاب بهالدنيا لما نطلع من المشاكل
وندخل بمشاكل ثانيه .. وبعدها هالدنيا متى ناويه تصفى
نتمنى ننام ونرتاح من كل المشاكل بس مايخلص هالليل
:
:
متـى تـحس انـك وحـيد ؟؟
سـاعات لما ننجرح من الحب .. اوف اصعب احساس انك تنهى علاقتك مع الي تحبه
ساعتها راح تحس فعلا بالوحده راح تشوف الدنيا ظلمه والاصعب لما تترك الي تحبه
غصبا عنكم .. تتفترقون ومو بيدكم تسون شي وقتها برضو راح تحسون ان الدنيا
مالها طعم ومهما ضحكتم يبقى جزء فيكم مجروح مو راضي يتقبل هالحياه بأي شكل من الاشكال.
لما تنجرح من صديق او من اصدقاء " وهذا الي اتمنى ماحد فيكم يمر فيه طبعا اكيد البعض مر بهالتجربه
وانا وحده منهم " لما تنجرح من صديق.. اسوء احساس لما يتخلى عنك وتشوفه يسلم على الكل
ويطالع فيك كأنه مايعرفك كأنه ماضحك معاك بيوم كأنه ما شاركك اسراره وماشاركته اسرارك كأنه
ما كان يقولك على الي مزعله وتقوله على الي مزعلك كأنه ماكان يفهمك ولا كان يحكي معاك بكل موضوع
صغير ولا كبير .. والاسوء لما يتركك وينسى كل هالامور الي كانت بينكم بدون اي سبب لمجرد انه مل
من هالصداقه .. صحيح مايتسمى صديق ومايسوى نبكي عليه لكن لما يحصل هالشي راح نعيش
شعور سيء راح نحس بوحده حتى لو كان في ناس حولنا , بعضكم يقول ان الصديق الخاين مايستاهل
دمعه وحده [ لكن صدقوني لما تعيشون التجربه راح تعرفون انها اصعب بكثير من تخيلكم ] وهي برضو
من الاسباب الي تخلي الشخص يشعر بالوحده .
احيانا نحس بالوحده وبألم قاتل لمجرد فترة كآبه نمر فيها اما بسبب مشاكل كثيره او بسبب ضيقه
في العيشه او بسبب كبت الاحزان جوا قلوبنا ومانلقى احد نفضفض له نحس جد ودنا لو نروح لمكان
بعيد مافيه احد بس نروق هناك وننصدم لما نلقى الاصحاب او الي كنا نفتكرهم اصحاب و احباب بدو
ينسحبون من حياتنا وبدون اسباب ... لما نفكر انو حولنا اشخاص كثير يحبونا ويهتمون فينا فجأه..
وقت الجد مانلقاهم !
[ وطبعا هنا يظهر دور الصديق الحقيقي ]
