واش رايك الناس لي تبدلو و لا الدنيا تبدلت

marwa-laib

:: عضو مُشارك ::
في هذا الوقت ليسموه عصر السرعة
انا شفت السرعة هادي مست امور ماتتطلبش فيها السرعة
بكري كان كلش عندوا معني كان العيد عندوا لذتوا و الناس كامل تنتضر الاعياد بكل شوق اما درك و لا العيد يعدي علينا كانوا يوم عادي
انا هذا لي خلاني نتساءل هل حنا لي تبدلنا و لا الدنيا لي تبدلت ولا ........و لا ...............

و الله انا حايرة و نتمنى منكم الرد
 
انا انظن بالي لعباد هوما الي اتبدلو بكري كانوا اناس عايشين بالنية و النية في وقتنا ماكانش دوك كل واحد اقول نفسي
 
شكرا اميرة اسعدني مرورك
عندك حق النية درك ماكانش
 
انا نشوف بلي لعباد بعدوا على ربي لدالك قاعدين نعيش كيما هكا
مثلا في هدا العصر الناس الكل حزينة (كيف تخزن و الله ربك)
الناس الكل تسرق (لانهم ما طبقوش حد الله و هو قطع يد اللي يسرق)
الناس الكل يشريوا في السيارة من البنوك ( مع انوا الربا حرام)
الناس الكل تغتاب في بعضاها
و غيروا و غيروا
و بهدا كلوا راحلت السعادة عنا و فسدت الدنيا
 
يا مروة كشما كانت بكري الجرائم لي في وقتنا هدا و كشما كان واحد يحقد على خوه هدا يبينلك بلي العباد تبدلت و الدنيا تبدلت
 
العباد تبدلت والقلوب قساحت في هذا الوقت ماشي كيما بكري أحنا ماعيشناش هذوك ليام نتاع بكري مبصح كي يحكيولي عليهم جدودي نتمنى لوكان ترجع ليام ونعيش منها ولو يوم واحد , ولا لوكان جا في عمري 80 ولا 90 سنة هكذا نكون عيشت هذوك ليام ونولي أنا نحكي فيهم لولادي وحفادي
تقبلو مروري وشكرا على الموضوع
 
تنبيه: نظرًا لتوقف النقاش في هذا الموضوع منذ 365 يومًا.
قد يكون المحتوى قديمًا أو لم يعد مناسبًا، لذا يُنصح بإشاء موضوع جديد.
العودة
Top Bottom