راها تالفتلي واليوم احتجتكم.......................... قولولي الله يحفظكم

[tarek 09]

.................

السلام عليكم​

​

​

​

 

[simouka]

و عليكم السلام و رحمة الله و بركاته

يا أخي راك في position صعيبة بزاااف

ما رانيش معاك باش تقول لصاحبك بلي اخته راها تتمشا مع صاحبه على خاطر اهنا تخلق فجوة كبيرة و تولي في حل و ربط و تزيد تكبرها.
انت زيد اكد مع صاحبك باش يخطي هذيك الشيرة و روح هدر معاها هي و هددها لوكان تزيد تهدر معاه تخبر خوها بلاك تخاف ​

و لي فيها الخير ربي يجيبها ​

 

[rare-jewel]

ana djabli rebbi matheddou mawalou
wtehder m3aha hiya
essay tkhewefha le +possibl
balak berk yehekmek m3aha hhhh
b3etlha kach wehda
l'essentiel
rak t3ref
khatech lwled
maykhfch
etefla hiya li tkhaf men khoha
wlla wash kal
wnchallah tefra??
rebbi yhdihom wyhdina kamel
adjma3in
salam

 

[sara maria]

welah s3ib el hal

besah rayi men ray el khawa

besah nta hada rahou sahbak w ta3raf 3a9litou ida

kan yetfaham goulou khir w ida lala hawel ahdar m3aha hiya


welah nta saheb ta3 el sah

rabi ykhalikomlba3dakom


byyyyyyyyyyye

 

[الساجدة لله وحده]

نقولك حاجة خويا طاارق...
هو صح موقف صعيب بزاااف..سيرتو منين في زوج صحابك..اون + هوما تاان صحاب في بعضاهم...
..وحاجة مليحة منين تغير على اخت صاحبك وتعدها كيما اختك..
..مي لبناات للي نخافو عليهم...هوما للي مايحبوش يهدرو مع لولااد..
لوكاان جاات هادي البنت ديما تتهرب منو وتفهمو بللي خاطيها هذا الدوماان..اكيد مااش رايح يجبرها انها توقف معاه...ومن كلاامك السابق باين بللي راها تمشي معاه بالارادة ديالها...وهو منين لقا البااب مفتوح قداامو علا ه مايوصلهااش!!
هنا لافوت فالبنت...ومادامها تخمم هذا التخمام لعوج..ماتستاهلش واحد يخاف عليهاوهذا الواحد للي هو انت...
..مي مالقري سا...حاول انك تفهمها...بارسكو خليل صاحب خوها..واذا عرف سيد علي رايح يصرا مشكل كبير..
حاول انك تحكي معاها بلا مايعرف خليل..هكا ماتخسرو انت مايخسرو سيد علي..
......وبالتوفيق......​

 

[نورالياقوت38]

صح موقف صعيب لوكان تخبر عليها خوها راح ينوضو مشاكل في دار و.....و. راك عارف
شوف انت احكم الطفلة و قوللها الي راكي ديري فيه غلط وانصحها وقوللها ادا شفتها معاه مرة تانيه انك راح تخبر عليها خوها وشوفها واش تقولك ​

 

[صمت الذكريات]

انا نظن يجب عليك ان تتحدث مع الفتاة و تهديدها افضل من تزرع المشاكل في بيت صديقك و اجتنابا للفتنة في العائلة شكرا

 

[RaNiA]

احكي مع اخت السيد علي وحاول تقنعها
خيرمن تقول لصاحبك ويولي في مشاكل مع اختو
مي حبيت ننبهك لحاجة كي تكتب الاسماء مثلا علي ولا خليل
قادرين كون يتصفحو على المواقع اساميهم وتتباصا معاهم ولا مع الطفلة هذي لي تحكي عليها
المهم ربي يكون في عونك
ابعد عن الشر وغنيلو ​

 

[asma2090]

يا خويا راك في موقف صعيب بزاف بصح بلاك من حاجة وحدة بلاك تقول لصاحبك على خاطر رايحة تكون ردة فعلة رايح يدير حاجة في اختو وانت مدبيك ما تقيسش لعباد سيرتو وحدة ولية ولله صعيبة ونحي هد التخمام اللي ماشي مليح قاع من راسك بصح كاينة حاجة ادا هد صحبك يتمسخر بيها غير انصحها بالعقل و فهمها بشويه خير ما تعود تخسر واحد منهم و ربي يكون معك ان شاء الله

 

[iam-The-Darkness]

موقف صعيب سيرتو نتوما كامل صحاب
انا رايي الطفل مايديرش عليك سيرتو كي قالك ناويها زيد اهدر معاه قولو كون ناويها روح اخطبها و خلاص قبل ماتتحكم ولا نقول لخوها
اذا ماحبش يدير عليك اهدر مع الطفلة خير

 

[podolsky]

السلام عليكم

اخي طارق الله الموقف الصعيف بالبزاف
انا نقولك مادام انك تقول بلي سيدعلي بليصاحبك واختو يسما اختك
ننصحك انك تلغي سيدي على كامل من الحكاية

وتصرف في مكانو اي انه شغل خليل وسمعت بلي يمشي مع اختك انت واش كنت راه دير
ومن بعد ايدا فرات صح وصلاح وايلا ماكاش
لازم تعلم سيدي علي هذا من حقوا غليك كصاحب
والسلام خويا
ونحيي فيك غيرتك على اخت صاحبك
والله يجيب الخير

 

[rafika32]

الله يكون في عونك ، من المفروض انك تهدر مع الطفلة لأن تصرف خوها اذا عرف

راح يكون عنيف ، اعتبرها مثل اختك ونحيي فيك غيرتك

****

لكن كاين جانب آخر للقصة هاذي

لو لم تكن هذه البنت اخت صديقك هل كنت ستحتار مثل حيرتك الآن ؟

علينا ان نخاف على اعراض بعضنا البعض حتى لا نقع في مثل هذه المشكلة​

 

[kikina]

السلام عليكم

اخي طارق الله الموقف الصعيف بالبزاف
انا نقولك مادام انك تقول بلي سيدعلي بليصاحبك واختو يسما اختك
ننصحك انك تلغي سيدي على كامل من الحكاية

وتصرف في مكانو اي انه شغل خليل وسمعت بلي يمشي مع اختك انت واش كنت راه دير
ومن بعد ايدا فرات صح وصلاح وايلا ماكاش
لازم تعلم سيدي علي هذا من حقوا غليك كصاحب
والسلام خويا
ونحيي فيك غيرتك على اخت صاحبك
والله يجيب الخير

:thumbup::thumbup::thumbup:

 

[°~Kenza_02~°]

السلام عليكم
موقف صعيب بالبزاف
انت لوكان تروح تقول لسيد علي راهم يصراو مشاكل بينو وبين اختو وبالاك في لحضة غضب ما تعرفش واش يدير خاصة كي عاد هاذا خليل صاحبو هو ثان
في رايي روح احكم الطفلة غير بالعقل وفهمها واش راك عارف وقلها علاه راكي تخوني ف الثقة تاع خوك يعني انصحها وزعف عليها .......اذا كانت كبيرة وتفهم تحبس...واذا ما بغاتش....الساكت عن الحق شيطان اخرس.........وانا ما نضنش الي كي تنصحها تزيد تكمل.....الا شفنا غير للحشمة منك تحبس في دقيقتها
ربي يكون معاك

 

[tarek 09]

شكرا لكم وسأعمل برأيكم
ان شاء الله​