** الزواج !! أجب بصراحة ! **

[نورالدين 100]

كيفكم اعضاء ؟

أطرح لكم موضوعي وهو كالتالي :​

- انتشرت في الآونة الأخيرة موضوع الخطبة التي تستمر لأكثر من سنتين وتصل أحيانا إلى 6 سنوات
أغلب الرجال في هذا الزمان يتزوجون نساء أصغر منهم في العمر بخمس سنوات
زواج الرجل من المرأة قبل أن يضمن لنفسه مصدر رزقه
ترك الزواج من بنات الأهل وأخذ موضوع الأمراض بحجة عدم الزواج منهم
الرغبة بالزواج من نساء ليسوا من نفس البلد الذي يعيش فيه​

​

بعد طرح نقاط الموضوع أحب أن تبدو رأيكم وبكل صراحة في الأسئلة التالية :
​

- هل تؤيد زيادة الخطبة عن سنة واحدة؟ ولماذا؟

- ما رأيك بالزواج من نساء أصغر منك بكثير؟ مع التوضيح


- حينما فكرت بالزواج هل نضرت إلى مستقبلك مع زوجتك وأبنائك ؟


- حينما تفكر بالزواج هل تختار من العائلة ,, أو ,, من نفس البلد ,, أو ,, من خارج بلدك؟؟ ولماذا ؟


وأرجو من الأعضاء لأجابه عن الأسئلة من خلال آرائكم الشخصية وأرجو أن ينال الموضوع إعجابكم ! .​

​

اتمنى لكم أطيب الأوقات ...​

​

الله معكم ​

​

 

[poli]

نبداو حاجة الزواج تقدر تقول نايد فكرة الخطبة مي .....ماطولش بزااااف لشتى اكثر من سنة...لانو لازم تعرف الشخص اللي رايح تعيش معاه
الزواج ببنت اصغر منه سنا ...هذا يرجع لانو الرجال تاوعنا يحبوا ينعتوا رواحهم بزااف....و لازم يلقى وحدة مزال عقلها قل عليه بزاف باه يلعب بيه كيما يبغي...و يقدر يسيطر عليها
الباقي كملوا .....
مارسي على الموضوع ......
مي انا ندي اللي نحب لاشتى يسكن في القمر...........ههههه

​

 

[فرحانة33]

:biggrin::biggrin::biggrin:

 

[حنين الروح+]

انا نجاوبك
انا منحبش الخطبة الي تبقى تتكرر ويسبب بانو ميقدرش يتزوج الي حاب يتزوج على الاقل يعرف الي ليه وعليه
يعني يخطب وحدة على الاقل عام ويتزوج طول خاطر اذا طول الحالة تروح فيها
وطبعا لازم الاهل يسالو عليه مليح
اما الرجل الي يتزوج وحدة عمرها اصغر منو ب 10سنين ماشي 5
5سنين عادي
مي واحد عمر اكثر من 27يتزوج وحدة عمرها 18 باش يسيرها كيما يحب ويعمل رايو يقلك بنت 24و25تغلبني مي هاذي عقلية خطا لانو ااذا حب يبني دار يبنيها على التفاهم والقدر ماشي يلعب درو الموسيطرر

 

[مايلي]

طبعا نايد فكرة الخطبة
آه والزواج ببنت صغير لازم بصح حنا رانا نشوفو في واحد عندو 30 سنة يتزوج بوحدة عندها 15 عام؟واش هادا؟تسما يعاود يربيها عندو ولا كيفاه؟وزيد العلاقة ماتدومش بيناتهم لانو سن المراهقة عند البنت هو الي لازم تطير فيه وتدير جنحين يعني ويجي هو يسيطر عليها؟لالا مايتجيش على الاكثر يكون يكبر ب5 سنوات...يدي وحدة شاربا عقلها وتخمم ماشي وحدة قد بنتو...
وباقي الاسئلة جاوب عليها نتا هههههههههههههههههههههههههههههه​

 

[marouane19]

السلام عليكم ورحمة الله وبركاته
بارك الله فيك اخي على الموضوع
قبل كل شيء الزواج هو نصف الدين ويعتبر هو كدلك عبادة لانه يربي النفس من درجة وكدلك زيادة عدد المسلمين منجهة اخرى
- هل تؤيد زيادة الخطبة عن سنة واحدة؟ ولماذا؟
اويد دلك لكن بشرط اخي ان يكون الرجل اي الخاطب دو اخلاق انسان متدين يعني لا ينحرف في هته الفترة
يكون اهل ثقة
لانو ربما عنده اشغال عليه اكمالها قبل الزواج ربما خاف على ضياع هته لزوجة منه
- ما رأيك بالزواج من نساء أصغر منك بكثير؟ مع التوضيح
مايهمش امراة كبيرة او صغيرة المهم تكون فيها الكفائة باش تربي اولادك وتكون متدينة

- حينما فكرت بالزواج هل نضرت إلى مستقبلك مع زوجتك وأبنائك ؟

حاليا لم افكر بعد مازلت صغير شوية وكل شيء بالمكتوب قادر نكبر ونزوج وندير اسرة كيما قادر نموت قبل دلك كل شء بيد الله
المهم الواحد يرضي ربي في الواجبات تاعو لانو كل ماتزيد في العمر كل مايزيدو الواجبات
- حينما تفكر بالزواج هل تختار من العائلة ,, أو ,, من نفس البلد ,, أو ,, من خارج بلدك؟؟ ولماذا ؟
استبعد العائلة .. ودلك خوف من انتشار الامراض الوراثية التي تعود بالسلب على الاطفال فقط
اللهم اعلم اخي المهم الدين هو كل شيء وبعدها تاتي المواصفات الاخرى

 

[poli]

قريت الموضوع كنت رايحة نقلكم راه مكرر هههههه
سع لقيت روحي اول من جواب راه في الارشيف ههههه
مارسي على مروركم
احم احم مولات الشئ
​

 

[البراءة]

كيفكم اعضاء ؟
الحمد لله

- هل تؤيد زيادة الخطبة عن سنة واحدة؟ ولماذا؟
لا اؤيد دلك لمصلحة الطرفين
لانو لي راح يخطب يكون فاريها غير يحط يدو على المخطوبة ويوجد روحو ويتزوج
كاينين لي يقعدو خاطبين ب3سنين
وممبعد يقوللها مكتوب ربي
- ما رأيك بالزواج من نساء أصغر منك بكثير؟ مع التوضيح
انا واحد من الناس نحب ندي وحدة صغيرة عليا
علاخاطر غير توصل 30سنة تبدا تشكيلك راني عييت وراني منيش عارف:glare:

- حينما فكرت بالزواج هل نضرت إلى مستقبلك مع زوجتك وأبنائك ؟
مزال مجربتش
مي اكيد راح نفكر
الزواج مستقل العمر
مشي لعب

- حينما تفكر بالزواج هل تختار من العائلة ,, أو ,, من نفس البلد ,, أو ,, من خارج بلدك؟؟ ولماذا ؟
العائلة اكيد لا خليني من مشاكل العايلات
من المستحسن تكون من نفس البلاد عارفها مليح
ومتبعها من قبل

​

​

 

[البراءة]

قريت الموضوع كنت رايحة نقلكم راه مكرر هههههه
سع لقيت روحي اول من جواب راه في الارشيف ههههه
مارسي على مروركم
احم احم مولات الشئ
​

مفهمت والو
​

 

[H@teM]

- ما رأيك بالزواج من نساء أصغر منك بكثير؟ مع التوضيح
نورمال نفرض- الرجال مزال مسجاش روحوا للعرس
- حينما تفكر بالزواج هل تختار من العائلة ,, أو ,, من نفس البلد ,, أو ,, من خارج بلدك؟؟ ولماذا ؟
من نفس البلد علابالها بلعادات والتقاليد تاعي
- ما رأيك بالزواج من نساء أصغر منك بكثير؟ مع التوضيح
ماشي صغيرة بزاف ماكسيموا 10سنين مليحة

تقبل مروري
​

 

[BellojojO]

سلااااااااام
في وقتنا ام يعرفو بعضاهم قبل الخطبة
يعني الخطبة بور لافورم مش اكتر

كان مايعرفوش بعضاهم
تبانلي عام يكفي
جوبنس يتعرفو على بعضاهم اكتر و هما في دار وحدة
_________
تبانلي كي تكون اصغر منو خير
صافي يكون هو شايف اكتر منها وعلابلو وش كاين
مي لو ماكس 5سنين

لباقي خاليه ليهم​

 

[H@teM]

نبداو حاجة الزواج تقدر تقول نايد فكرة الخطبة مي .....ماطولش بزااااف لشتى اكثر من سنة...لانو لازم تعرف الشخص اللي رايح تعيش معاه
الزواج ببنت اصغر منه سنا ...هذا يرجع لانو الرجال تاوعنا يحبوا ينعتوا رواحهم بزااف....و لازم يلقى وحدة مزال عقلها قل عليه بزاف باه يلعب بيه كيما يبغي...و يقدر يسيطر عليها
الباقي كملوا .....
مارسي على الموضوع ......
مي انا ندي اللي نحب لاشتى يسكن في القمر...........ههههه

​

شوف اسيدي وشكون قالك الرجال يحب نعت رواحهم؟؟؟؟
على كل حال مليح تجي منا ومتجيش منهم
​

 

[Silent Hill]

Silent Hill: أسف قلت قطرة من سرارك

​

​

​

​

- هل تؤيد زيادة الخطبة عن سنة واحدة؟ ولماذا؟

نعم مافي مشكل.
اذا انت بغيت حرمة كنت خدام
ماكش باغيها تروح عليك
مي مزال ما سقمت قاع لفونير
تخطبها باه ما تروح عليك
و بعد تبقى تتحسر

- ما رأيك بالزواج من نساء أصغر منك بكثير؟ مع التوضيح ​

ما بعرف
من جيهتي
عادي
مي ما رح نعملها ان شاء الله
مولات الدار الا كانت اكثر مني بقبل
علاش ممكن رح نقلد درب الحبيب محمد
و في سني باه تفهمني
و نعيشو لهناء و الله
والعقل على بعضاه

- حينما فكرت بالزواج هل نضرت إلى مستقبلك مع زوجتك وأبنائك ؟​

وهذاك لي شاغلني في دنيتي
بعد ما قلت خلقني ربي باه نعبدو
و الثانية لي مزالني معاها

- حينما تفكر بالزواج هل تختار من العائلة ,, أو ,, من نفس البلد ,, أو ,, من خارج بلدك؟؟ ولماذا ؟​

لو بإيدي نختار ما نقول القدر
نقول من البلاد اكيد
ماشي بنت الفميلة
باه نبعد على الوراثة
والقيل و القال

وأرجو من الأعضاء لأجابه عن الأسئلة من خلال آرائكم الشخصية وأرجو أن ينال الموضوع إعجابكم ! .​

اتمنى لكم أطيب الأوقات ...​

الله معكم

​

مشكور يا لعفيف
​

دمتـ،ـ،ـى
ـــــــــــــــــــــــــــــــــــــــ
:: . :ّ بسم الله ّّ: . ::
ربـ،ـي لقد مسـ،ـ،ـني الضـ،ـ،ـر:closedeyes: فإرحمـ،ـ،ـني
خوفا قبـ،ـ،ـ،ـل ان يكون طمعا منـ،ـ،ـي
طرحك راقي بزاف يا لعزيز
يعطيك الصحة
انا نقلك بكل تواضع و صراحة
جزاكي الله كل الخير
في رعاية الرحمان
ــــروحي غزةــــ
تحياتي و احترامي و تقديري
ـــــسلامــــــــــــ
:blush:
و اسف على الازعاج و الله
تقبلـــــــــو ا خالص الحب
Silent Hill
‏ζشيم الروζ
وراء كل امرأة رجل عظيم و ان لم تكن لكان أعظم
Catch Me If You C`an
الـمــм.ş.ήـــ3yit saber wallah ma 9additchـاسنجر​