ساعيدونييييييييي

[حكيك]

عندي كثير من la chapelure اي خبز يابس مطحون اريد وصفات اد امكن وشكراااااااا

 

[مريم07]

1
أنا درت اليوم طاجين الجلبانة والقرنون طيبت الدجاج في مرقة بيضاء ثم أضفت الجلبانة و القرنون ولما طابو فتيت الدجاج وحمرتو مع الزبدة ثم وضعت الجلبانة و القرنون في بلاطو نتاع الفور وفي اناء وضعت كأس خبز مرحي +كأس مرق +معدنوس مقطع+ فرماج +5 بيض +ملعقة قهوة من خميرة الحلوى وخلطيهم وأفرغيهم على الجلبانة والقرنون أرجو أن تعجبك الوصفة

 

[merieme hassi]

بسم الله الرحمن الرحيم و الصلاة على رسولنا الكريم وعلى اله و صحبه اجمعين اما بعد
اليوم راح اعطيكم كيفية تحضير طبق gratin و اكيد راح يعجبكم
1-قومي بتحضير مرق الدجاج
2-اقلي كمية معتبرة من البطاطا المقطعة الى مربعات
3-خذي كاس من la chaplure اي الخبز الفرنسي اليابس و المطحون بشكل متوسط.
4-خذي(le moule)اي الانية الزجاجيةالمخصصة للفرن ونضع فيها الدجاج المفتت الذي طهي سابقا(1) نضيف اليه البطاطا المقلية+مرق الدجاجالمضاف اليه la chaplure بالاضافة الى 4 بيضات+الجبن المبشور و ضعيه في الفرن حتى تنضج
شهية طيبة

 

[نجاة40]

تقطعي بيذنجان والباطاطا والجريوات دوائر ثم تقليهم طيبي لا صوص طوماط من بعد تجيبي المول نتاعك تحطي فيه طبقة من البيذنجان وفوقها شويا صوص طوماط شابلير ومن بعد الجريوات وكذلك فوقها شويا صوص واخيرا البطاطا وتحطي فوقها الباقي نتاع لا صوص طوماط وتغطيها ب لا شابلير
بصحتك ديرهالنا ماما مانشبعوهاش انشاء الله تعجبك
ثاني تقدري ديري سفيرية
كاينو وصفة نتاع الخبز اليابس مي ماشي مرحي :
تقطيعي الخبز دوائر دوائر من بعد تخلطي في صحن البيض وقليل من الحليب
تسخني الزيت
تضعي الخبز واحدة تلوى الاخرى في البيض ثم اقليها في الزيت بعد ماتقلى ضعيها في العسل ثم تقدم​

 

[حكيك]

شكرا جميعا على الوصفات

 

[شكيب الجزائر]

الاخوات قدمولك المالح وانا راح نقدملك التحلية انا مش مجربتها لكن قالوا لذيذة
المكونات:
100غ سكر , 100غ زبدة , 100 غ خبز مرحي , 100غ لوز أو كاوكاو , 2 صفار البيض , 2 بياض مضربين كالثلج , شرائح أنناس , 50غ مشماش مقطع , 15 سل حليب , 10سل كريما
الطريقة:
نأخد مول مدهون , ستفي شرائح الأنناس , ضربي السكر و الصفار , ضفي الحليب و الكريما , ثم الخبز المرحي و الزبدة , في الأخير ضفي البياض كالثلج , ضعي الخليط على الأنناس و أطهيها

 

[حكيك]

الاخوات قدمولك المالح وانا راح نقدملك التحلية انا مش مجربتها لكن قالوا لذيذة
المكونات:
100غ سكر , 100غ زبدة , 100 غ خبز مرحي , 100غ لوز أو كاوكاو , 2 صفار البيض , 2 بياض مضربين كالثلج , شرائح أنناس , 50غ مشماش مقطع , 15 سل حليب , 10سل كريما
الطريقة:
نأخد مول مدهون , ستفي شرائح الأنناس , ضربي السكر و الصفار , ضفي الحليب و الكريما , ثم الخبز المرحي و الزبدة , في الأخير ضفي البياض كالثلج , ضعي الخليط على الأنناس و أطهيها

 

[amina from setif]

سلام اخت حكيك
البارح درت بسبوسة بالخبر المرحي
المقادير
4 بيض
كاس سكر
كاس زيت
1 خميرة حلويات
كاس فرينة
كاس خبز مرحي و محمص او كاس و نص حسب الخليط
التحضير
خاطي البيض و السكر ثم الزيت ثم المكونات الجافة
ديريه في مول و طيبي ثم اسقي بالشاربات=عسل خفيف
شهية طيبة
with all my love

 

[حكيك]

شكرا عزيزتي على الوصفة ان شاء الله نجربها عن قريب

 

[أمل قادم]

بارك الله في جميع حبيباتي على الوصفات الرائعة :thumbup1:​

 

[حكيك]

شكرا على المرور الجميل

​