هل يحق للأخ ضرب اخته؟؟؟

[*amina*]

السلام عليكم ورحمة الله وبركاته

موضوع حساس و يمكن يحدث في بعض العائلات

هذا الشي سلبي ومهوش مليح خاطرش مش اي مشكلة تتعالج بالضرب؟؟؟

يعني المفروض الانسان يحاول يفهم و يقرى ويدرس الامور قبل ما يقوم باي حاجة

هل يحق للأخ ضرب أخته مهما كانت الاسباب ؟؟

للأسف هذه الظاهرة كاينة بيناتنا رغم التكتم عنها.

هذه الظاهرة بدأت تظهر على السطح بسبب وعي المرأة ورفضها إلى القهر والظلم
والاستبداد من قبل الرجل.

هل يحق للأخ ضرب أخته مهما كانت الأسباب وهل تؤيد ذلك؟

هل يريد الاخ أن يبرهن لنفسه ولاخته على انه سيد البيت المطلق في ضل غياب الاب..

هل الاخ الذي يضرب أخته أخ غير ناضج اوضعيف الشخصية؟

هل الاخ الذي يلجأ إلى وسيله الضرب ..هو إنسان واعي و فاهم و متعلم ؟

هل يستمدّ الرجل جبروته من قوّته، أم من ضعف المراه ؟

هل المرأة لا يجب ضربها على الإطلاق، مهما كانت الظروف أو الأسباب؟؟​

 

[Ninja_09]

يا أختي الضرب ممنوع للمرأة والأخت وكل بنت صغيرة ولا كبيرة لانوا موش ذوق وقلة أدب.

بصح واش نديروا بعض الاحيان البنت بفهامتها نتاع الوقت هذا دير حوايج بسبة قلة الحياء و التربية يقدر يكون السبب في القتل موش غير الضرب عند بعض العايلات.

ربي يصلح احوالنا​

 

[ملاك92]

علا حساب الهدة لي دارتها .......

 

[دمعة توبة]

أنــــــــا أوافق أختي سوسو

في بعض المرات لازم الضرب خاصة مع بنات هاذ الجيل​

 

[*amina*]

يا أختي الضرب ممنوع للمرأة والأخت وكل بنت صغيرة ولا كبيرة لانوا موش ذوق وقلة أدب.​

بصح واش نديروا بعض الاحيان البنت بفهامتها نتاع الوقت هذا دير حوايج بسبة قلة الحياء و التربية يقدر يكون السبب في القتل موش غير الضرب عند بعض العايلات.​

ربي يصلح احوالنا​

شكرا لك على رأيك بوركت
وكيما قلت ربي يصلح حوالنا و يحفظنا من هذا الوقت و يحفظنا من الفتنة

 

[*amina*]

علا حساب الهدة لي دارتها .......

لكن هذي الهدة متمنعش انو التفاهم يكون حل ومن بعد يشوف الا يضربها ولا يقتلها ولا واش يدلها
في الخير تبقى هذي نفس بشرية مللك لله
شكرا على مرورك ملاك

 

[maroua-babia1]

يعني أنا لاأوافق أنو الأخ يضرب أختو لكن في وقتنا هذا الطفلة لازملها غير الضرب باه تعقال لأنها ساعات ساعات تفهم حوايج خاطينيها ويضرو بالعائلة..والبنت ذات الحياء والمتخلقة متخليش خوها يقيسها بل تخلي روحها عزيزة ومكرمة..
شكرا لك على هذا الموضوع القيم..

 

[*amina*]

أنــــــــا أوافق أختي سوسو ​

في بعض المرات لازم الضرب خاصة مع بنات هاذ الجيل​

انا نقلك يا ختي انو الضرب عمرو ولا يخلي الطفلة توب بالعكس يخليها تزيد تتمرد ممكن الضرب من عند ابوه تتقبلو لانو هو السلطة العليا عليها لكن من عند الاخ انا وحدة في نفسي منقبلوش علاه هو اخطاؤو تعتبر طيش وانا اخطائي تعتبر جريمة
لالا اختاه الضرب عمرو ولا يحل المشاكل الضرب يخلي النفس البشرية تتمرد و تنتاقم واش صرالها جربيها من طفل صغير كون تجي معاه بالهداوة معاودش يدير الخطا لكن اذا ضربتيه من غير ما تفهميه مش رايح يفهم سبب ضربو و يعاود يرتاكب نفس الخطأ لانو مهوش عارف سلبيات هذا الخطأ
في االخير تبقى هذي وجهة نظري اختى ارجو ان تتقبليها و مشكورة على المرور حبيبتي

 

[*amina*]

يعني أنا لاأوافق أنو الأخ يضرب أختو لكن في وقتنا هذا الطفلة لازملها غير الضرب باه تعقال لأنها ساعات ساعات تفهم حوايج خاطينيها ويضرو بالعائلة..والبنت ذات الحياء والمتخلقة متخليش خوها يقيسها بل تخلي روحها عزيزة ومكرمة..
شكرا لك على هذا الموضوع القيم..

شكرا اختي مروة على المرور
كاين مقولة "ان لم تستحي فافعل ما شئت" وهذا قول سيد الخلق عليه الصلاة والسلام
فالبنت اذا مكانتش تستحي فاكيد انها راح تفعل واش تحب حتى ولو قتلوها بالضرب وراني رديت على اخت من قبل
تقبلي رأي اختاه

 

[khadidja17]

لابالطبع
الله يهدي البنات و الشباب

 

[*amina*]

لابالطبع
الله يهدي البنات و الشباب

شكرا لك خديجة على المرور
صدقتي بقولك الله يهدي البنات والشباب ونقولو امين يا رب لانو هذا الوقت راه يزيد يصعاب

 

[yanni]

انا ضد الضرب هدا نسميه تخلف و ضعيف الشخصية ربي مدلنا عقل كون يضربني خويا على سبة ما يحبهاش نديرها مرة و 2 و3

 

[*amina*]

شكرا لك اخت ياني على الموضوع هذا ما اردت ان اوصله انو الضرب يوصل للتمرد
بارك الله فيك على المرور

 

[angel_fly]

الضرب ليس حلا اطلاقا لأنو كاين بنات الضرب يخليها تتمرد
يعني انا نفضل التفاهم و احسن حاجة انو البنت ما توصلش نفسها للضرب و لا التفاهم و لا اي حاجة يعني لازم تخلي نفسها عزيزة عليها

 

[محفوظ الشلفاوي]

نعم يجب على المراة او على البنت الضرب في حالت خطئها ومن يوافقني على الراي يتركلي كلينات في هذا المجال​

 

[لحن الحبيب]

الضرب عمرو ماكان حل
و
عمرو مايفهم
ماكاش كيما التفاهم
لازم الواحد قب مايرفد يدو سواء كان الأخ ولى
الأب ....
يسقسي علاش دارت هكدا
يفهمها بلي الحاجة لي دارتها راهي ماشي مليحة
وفي هدي الدنيا ماكاش لي مايغلطش
كامل نغلطو
و
من الغلط ديالنا نتعلمو
و
مانزيدوش نعاودو
و
بارك الله فيك على موضوع ​

 

[نجاة40]

لوكان يجي ويفهمني هاذي تصلح وهاذيك ماتصلحش نديرلو رايو اما اذا بالضرب ندير رايي وربي كبير
دارها مرة خويا عطاه بابا درس جامي ينساه قالو مادامني حي انا لي نقرر نضرب ولا لا​

 

[*amina*]

الضرب ليس حلا اطلاقا لأنو كاين بنات الضرب يخليها تتمرد
يعني انا نفضل التفاهم و احسن حاجة انو البنت ما توصلش نفسها للضرب و لا التفاهم و لا اي حاجة يعني لازم تخلي نفسها عزيزة عليها

شكرا لك اختي على الرد
عندك الحق البنت لازم تخلي نفسها عزيزة

 

[*amina*]

نعم يجب على المراة او على البنت الضرب في حالت خطئها ومن يوافقني على الراي يتركلي كلينات في هذا المجال​

عندك تعوقها برك تندم طول حياتك
مشكور على المرور

 

[*amina*]

الضرب عمرو ماكان حل

و
عمرو مايفهم
ماكاش كيما التفاهم
لازم الواحد قب مايرفد يدو سواء كان الأخ ولى
الأب ....
يسقسي علاش دارت هكدا
يفهمها بلي الحاجة لي دارتها راهي ماشي مليحة
وفي هدي الدنيا ماكاش لي مايغلطش
كامل نغلطو
و
من الغلط ديالنا نتعلمو
و
مانزيدوش نعاودو
و

بارك الله فيك على موضوع ​

شكرا ليك يا لحن الحبيب رأيك في محله الهدف من هذا الموضوع انو لازم يكون التفاهم اول حاجة كيا يقول المثل الشعبي الحر بغمزة والبرهوش بدبزة