وش راكوم ديروا في المنتدى ؟

[عجوز شنطاء]

وش راكوم ديروا في المنتدى ؟؟؟؟؟ ​

السلام عليكم اخواني ان شاء الله تكونوا بخير ​

عندي هدرة حابة نهدرها و ان شاء الله تفهمو المغزى منها ....​

عندي سؤال جوهري و اللي هو : وش راكوم ديرو في المنتدى ؟؟؟؟؟؟؟​

حبيت نعرف وش هو الهدف من تواجدكم في المنتدى ؟؟؟؟؟​

هل يا ترى علابالكوم علاش راكوم هنا ؟؟؟​

وش راكوم تستافدو ؟؟؟؟​

آسك راكوم تجوزو في وقتكم بلا فايدة ؟؟؟؟؟​

صحا بلعقل نتفاهمو ..​

الحاجة اللولة آسك علابالكم ما معنى المنتدى ؟؟؟؟​

و هل المنتدى يعاونكوم باش تحققو أهدافكم في الحياة ؟؟؟؟​

وش هي مهمتكم في المنتدى ؟؟؟؟ ​

هل هي مهمة المتصفح الذي ينظر الى الصور و لا يقرأ و لا يناقش ؟؟​

ام مهمة الناقد السلبي الذي يبحث عن الاخطاء و يستهزأ بها ؟؟​

ام مهمة المهرج الذي لا يجيد سوى الضحك و الاضحاك ؟؟​

ام مهمة الناقل الذي ينقل من منتدى الى منتدي الحلو و المر ؟؟

​

ام مهة الكاتب الذي لا يخاف الله و لا يعلم انه سيحاسب على كل حرف ؟؟​

ام هي مهمة عابر السبيل الذي يمر و يأخذ ما يريد و يرحل و لا يعود ؟؟​

ياااااااااا ناااااااااس المنتدى وسيلة سخـرها لنا ربي باش نتواصلوا مع الآخرين نتناقشوا نتعلموا و نتعارفوا و نعاونو بعضنا البعض ...​

يا نااااااااااااس المنتدى مساحة كبيرة فيها بزاف ناس يسمعوكم و يفهموكم و ينصحوكم ..​

يا نااااااااس المنتدى فرصة باش تعرضوا افكاركم و خواطركم و تقيموا انفسكم و تصححوا مفاهيمكم...​

يا نااااااااااس المنتدى يمنحكم فرصة باش تكونوا دعاة الى الله و تدوا أجر و ثواب كبير....​

يا نااااااااااااس المنتدى جمعكم و وحد كل اقطار الجزائر ...​

يــــــــا ناس و الله غير المنتدى نعمة كبيرة استغلوها و استافدوا منها و اشكروا ربي عليها ...​

يا ناس اسمعوا حكاية من حكايات منتدى و قولولي وش رايكم فيها ...​

خطرة في واحد اليوم من اليامات اللي فاتوا واحد العضو من الأعضاء حط كلام اللي ما يتنقالش ..​

سب و شتم و طياحة بأحد افضل الأعضاء و بصفتي مشرفة القسم حذفت وش قال بصح هذاك الشخص​

زاد عاودها ما حشم و ما قال عيب ... يسب اخت له في الاسلام وهو عارف بلي ربي به بصير و خبير..​

المنتدى ماشي لتبادل الشتائم و انما لتبادل الافكار وعلاش عليكوم هاذ الغضب و العصبية ..؟؟​

ومن جهة لوخرى كاين شويا ناس اللي يبالغو في الرومانسية و يقولو كلام يلهب المشاعر و يحطو صور تخدش الحياء ...​

و مسكين هذاك الشاب و هذيك البنت اللي راهوم في مرحلة الشباب وين تكون عواطفهوم جياشة و بطبيعة الحال يتأثروا بواش شافوا و تتعمر قلوبهوم بالاماني ...​

الله اكبر ... فتن في المنتدى و الله يعينا عليها .....​

يا سيدي ما راناش ضد الرومانسية بصح ما تبالغوش و ما تهلكولناش الشباب خاطرش هوما طاقة البلاد ..​

° المنتدى يبني ، لا يهدم° من فضلكم حافظوا على هاذ المعنى وما تتعداوش الحدود هذا وش نقدر نوصيكم ...​

طولت عليكوم و ان شاء الله ما تكونوش فهمتوني غلط و ماراني نضرب المعاني على حتى واحد برك هدرة لازم تنقال .... فان أحسنت فمن الله و ان أسأت فمن نفسي و من الشيطان ...​

ملاحظة : كان الاجدر بي ان استعمل الضمير نحن في الكلام عوض انتم لأن الخطاب يشملني ايضا ،،​

و آخر دعوانا ان الحمد لله رب العالمين .​

 

[محامي الجزائر]

شكرا لك اختي
تقبلي مروري​

 

[mister lonely]

شكرا على الموضوع خالتي الحاجة.

 

[zagane]

salame alaycom

لي يشوف يقول عندك 90 سنة في أ لمنتديات (عجوز شنطاء ) خبرة كبيرة جبدتي كل أخطأ
بارك الله فيك إنشالله نفيد و نستفيد

 

[Robben 11]

1- وش من سنة تقراي ولا ماقريتيش ؟؟؟
2- كلمة صحيحة و1000 غالطة

3- في اللمة سجلت باش نضيع الوقت

​

 

[عجوز شنطاء]

محامي الجزائر ، بشير ، و zagane
شكرا على الاهتمام ...​

1- وش من سنة تقراي ولا ماقريتيش ؟؟؟​

قريت و نجحت و تفوقت و تميزت و الحمد لله . و ماذا عنك ؟​

2- كلمة صحيحة و1000 غالطة

هذا رأيك و ليس رأي الجماعة ... على الأقل كن ديمقراطيا و وافق رأي الأغلبية ...

3- في اللمة سجلت باش نضيع الوقت ​

:thumbdown: و هاقد أكدت للجميع أن رأيك مجرد تهور .....​

​

يا وليد الناس قدر شبابك و تذكر السؤال الذي سيطرح عليك : و عن شبابك في أبليته ؟
الفت انتباه الناس بما هو أحسن و ليس العكس ..... أسأل الله لك الهداية و التوفيق .​

​

 

[02asma02]

يا ختي سجلنا هنا باش نستفادو ايضا باش نوصلو الشي لي في قلوبنا و ان شاء الله يستفادو بيه غيرنا
مشكورة على الموضوع

 

[الليبي]

عندي سؤال جوهري و اللي هو : وش راكوم ديرو في المنتدى ؟؟؟؟؟؟​

حبيت نعرف وش هو الهدف من تواجدكم في المنتدى ؟؟؟؟؟
لمقابلة الناس و تعلم منهم و يتعلموا منك​

هل يا ترى علابالكوم علاش راكوم هنا ؟؟؟
كما ذكرت سابقا​

وش راكوم تستافدو ؟؟؟؟
تعلمت ان افهم الغير و اتعلم من الناس​

آسك راكوم تجوزو في وقتكم بلا فايدة ؟؟؟؟؟​

الحقيقة هذا وقت فراغ بيسط و فيه افادة لى الحقيقة​

صحا بلعقل نتفاهمو ..​

الحاجة اللولة آسك علابالكم ما معنى المنتدى ؟؟؟؟​

الحقيقة لم افهم السؤال
و لكن ربما ما هوا المنتدى هوا يشبه النادي حيت يجلس فيه الجميع للنقاش و اخد اراء و التعلم من تجارب الناس​

و هل المنتدى يعاونكوم باش تحققو أهدافكم في الحياة ؟؟؟؟​

ليس كثير و لكن له لمسة في الحياة​

وش هي مهمتكم في المنتدى ؟؟؟؟
لا ادري ما مهتمي و لكن سوف تظهر ان كانت هناك مهمة​

هل هي مهمة المتصفح الذي ينظر الى الصور و لا يقرأ و لا يناقش ؟؟
لا ادري و لكن لا اعتقد​

ام مهمة الناقد السلبي الذي يبحث عن الاخطاء و يستهزأ بها ؟؟
هذا يوجد و اللاسف هم قلة​

ام مهمة المهرج الذي لا يجيد سوى الضحك و الاضحاك ؟؟
هذا نتيجة جهل الناس باهمية المنتدى ​

ام مهمة الناقل الذي ينقل من منتدى الى منتدي الحلو و المر ؟؟​

هذه ايضا نقطة مهمة و لكن لا اعتقد انه احد الاسباب​

ام مهة الكاتب الذي لا يخاف الله و لا يعلم انه سيحاسب على كل حرف ؟؟
هم فقط يحتاجون لمن يوعظهم بالخير و الشر ​

ام هي مهمة عابر السبيل الذي يمر و يأخذ ما يريد و يرحل و لا يعود ؟؟
و هم كثيرون ​

ياااااااااا ناااااااااس المنتدى وسيلة سخـرها لنا ربي باش نتواصلوا مع الآخرين نتناقشوا نتعلموا و نتعارفوا و نعاونو بعضنا البعض ...
سبق ان قلت هذا​

يا نااااااااااااس المنتدى مساحة كبيرة فيها بزاف ناس يسمعوكم و يفهموكم و ينصحوكم ..
نقطة غفلت عني و لكنني اشكوا همي و حزني لله تعالى​

يا نااااااااس المنتدى فرصة باش تعرضوا افكاركم و خواطركم و تقيموا انفسكم و تصححوا مفاهيمكم...
مزبوط كلامكم فيه تفكير ​

المنتدى ماشي لتبادل الشتائم و انما لتبادل الافكار وعلاش عليكوم هاذ الغضب و العصبية ..؟؟
الحقيقة لم اراء هذه الامور هنا​

طولت عليكوم و ان شاء الله ما تكونوش فهمتوني غلط و ماراني نضرب المعاني على حتى واحد برك هدرة لازم تنقال .... فان أحسنت فمن الله و ان أسأت فمن نفسي و من الشيطان ...​

ولا يهمك كله في سبيل النصح و الارشاد ​

 

[عجوز شنطاء]

سميرة و الليبي تفاعلكم كان اجمل مما كتبت ..​