اتبع التعليمات في الفيديو أدناه لمعرفة كيفية تثبيت تطبيق المنتدى على هاتفك.
ملاحظة: This feature may not be available in some browsers.
لا حول ولا قوة الا بالله العلي العظيم
والله نحير كي نسمع بناس كما هادو
أمو؟أمو؟
ربي يهديهم
وكاين متل يقول
كما تدير يندارلك
والجزاء من جنس العمل
المرة لي تخليني نطيش يما ما ولدتش و مازال ما تولدش , شكرا مايا موضوع يستحق التقييم .
السلام و عليكم و رحمة الله تعالى و بركاته خويا عبيدو
و صحا فطورك و تقبل الله صيام الجميع
و الله غير عندك ردود ماشاء الله تعرف تصيغ كل شيىء
كيما قلت و الله غير سحور راهو شرك بالله و راهي حاجة كبيرة و من الكبائر لانو ربي يغفر لكلشيىء الا الشرك به
و الله غير هادو سحارين كي نسمعهم كيفاش يولو هكا القتيلة فيهم حلال
كيما قلت يخرجو على دين الاسلام و ينجسو و يوسخو القران المصحف الكريم الدي جاء بالحق
و علاش على جال وسخ دنيا
و كي يخرجولو الجنون يقولو نحن فتنة فلا تكفر اي ان السحر هو كفر بالله
و هو راهو معمد على راحو و يروح في هاد الفتنة و يبيع روحو و دينو و يشرك بربو على جال
وسخ دنيا و الله كي تسمع هكا لحمك يشوك و كاين الي يبلع على روحو في بيت
فيها ظلمة و يدي معاه غير شمعة و يبقى تم في ديك البيت حتى يتوسخ يمكن يبقى اربعين يوم باش يجوه الجنون و يبيع روحو
اما هادو الي يروحو يسحرو و لا يشوفو زهرهم راهم يبيعو في روحهم معاهم بويسك هوما تاني راهم يشركو بالله
و كيما قلت يا خويا عبيدو الابتلاء من عند الله هو اختبار للانسان ادا كان قوي الايمان و يتحمل المصائب و يستعين بالله
مي كاين شي عباد ما يقدروش و يفقدو التقة بالله و يروحو للعبد يحلو مشاكلو
شوف كيفاش يخلى الله الي قادر على كل شيىء و يروح عند واحد كيفه كيفو يسحرلو
استغفر الله
و الله غير ديفوا نقولو ربي يعفو و ستر على درك واش راهو صاري
ربي يحفظنا و يتبتنا على ديننا و يخلينا ابائنا و امهاتنا
شكراا خويا عبيدو و الله انا اسعد بالحوار معك خصوصا من عضو منك و راني استفدت منك في بزااف حوايج
صحا صحورك