راني جيت نديك يا يما

الحالة
مغلق ولا يسمح بالمزيد من الردود.

maya31

:: عضو بارز ::
أحباب اللمة
إنضم
4 جويلية 2008
المشاركات
1,700
نقاط التفاعل
6
النقاط
77
العمر
31


الابن : راني جيت نديك يا يما


( وين تديها !!! )

يماه راهي مجمعة ساكتة و قاعدة تسبح

الابن : يما سمعتيني خلاص راني وجدت كلشىء هيا وجدي روحك

( وين راك رايح تديها ....للعمرة ..... خلصت عليها عمرة؟؟؟؟ )

الام : وين رايح تديني يا ولدي

الابن : أأأأأأأ لوحد لبلاصة فيها العجايز كيما نتي خير ماراكي قاعدة هنا
اوموان تروحي لهيه تشيخي معاهم و تقعدي و تريحي شوية

( ما تقوليش برك ...:eek:hmy:..........)

الابن : يما رايح نديك لدار العجزة .... كيما قتلك خير ماراكي قاعدة هنا وحدك و زيد لمراة راهي مقلقة شوية
ايه خلاص امالا درك نروح نجيب طاكسي و نجي نديك

( يماه شافت فيه و قريب طيحلها الدمعة ... حتى هو ما قدرش يشوف في عينيها دور وجهو و راح يجيب طاكسي
هاو جاب طاكسي .... و راهو مهود يماه باش يركبها ........ مرتو تشوف فيه و طايرة بالفرحة راهي فخورة بالسبع نتاعها ....ودعتها زعما و مدتلها حوايجها و بلعت الباب وراهم ..... خلاص هم و نزاح على قلبها )

( وصلوا لدار العجزة ...... هبط يماه يماه تشوف فيه و عينيها بالدمعة )
الابن : خلاص يا يما رانا وصلنا و ما تخافيش راني كل سمانة نجي نشوفك
و رضاي عليا برك يا ما

( يماه شافت فيه و تبسمت و دمعة هبطت ..:crying:.... و راحت )
امشا ولدها و خلا وراه يماه الي رباتو و كبراتو و زوجاتو ورجعاتوا راجل



و علاش ياخويا ؟؟؟؟؟؟
شكون الي رفداتك 9 اشهر في كرشها و جابتك للدنيا ؟؟؟؟؟
شكون الي كانت تسهر معاك الليالي كي كنت صغير غير تبكي ؟؟؟؟
شكون الي رباتك ؟؟؟؟
شكون الي كانت معاك في كل حاجة حلوة درتها في حياتك ؟؟؟؟
شكون الي كانت تخاف عليك كي كنت تتاخر باش تولي لدار ؟؟؟
شكون كانت تنهيك من رفاق السوء و ظل تدعيلك ؟؟؟
شكون الي كانت طيبلك و تغسلك حوايجك و ديرلك واش تحب ؟؟؟
شكون الي كانت تفرح كي انت تفرح و تبكي كي نتا كنت تبكي ؟؟؟
شكون الي رداتك راجل ؟؟؟؟
شكون الي زوجاتك ؟؟؟؟
و شكون ..........و شكون ......و شكون مهما نقول خير الام على ولادها ما نلحقش
و انت في الاخير واش درت يا السبع رحت ارميت يماك في دار العجزة باش ترضي مرتك
و حبيتها ترضي عليك هادا هو الخير هادا رد الجميل على كل واش دارتلك في حياتها
مارايحش تربح يا خويا الله و الاسلام و الرسول وصاونا على الام تم الام تم الام تم الاب
و كيما درت ليماك ربي يديرلك نفس الشيىء ولدك راهو يقيسك في دار العجزة
هاد الموضوع بغيت نديرو للناس او الاولاد الي راهم يرميو امهاتهم في دار العجزة و الي كتر هاد الشيىء في هاد الوقت
حبيت نديرو مع اعطاء متال صغير



موضوع مفتوح للنقاش و انتوما يا جماعة
تقدرو ديرو كيفوا
تقدرو ترميو امهاتكم لدار العجزة باش ترضيو زوجاتكم
واش رايكم في الي يدير هاد الشيىء
واش رايكم في فكرة الموضوع
ان شاء الله يكون عجبكم الموضوع في انتظار رايكم و ردودكم
و ربي يخلينا امهاتنا و يحفظهملنا ان شاء الله
شكـــــــــــــــرا
 
لا حول ولا قوة إلا بالله ربي يهدي كل من خلق في هاذ الأرض ياربي آآآآآآآآآآآآآآآمين
شكرا موضوع قمة تقبل مروري
 
لا حول ولا قوة إلا بالله ربي يهدي كل من خلق في هاذ الأرض ياربي آآآآآآآآآآآآآآآمين
شكرا موضوع قمة تقبل مروري

العفو اخي شكراا على المرور الخفيف
 
أهلا مايا
تعرفي أنا رايح نقول كلمة وحدة أنو مهما نقول على يما والله مانردلها خيرها
والله ولو تقولي اي حاجة نقدر عليها وفي مرضاة والله نوفيهالها ويامايا أنا والله منغيظ يما حتى بكلمة و لو اني نشك في انو شكيت بلي شكيت انو جاني شك في اني نشك انو نقوللها برك على دار العجزة نحس أني ارتكبت كبيرة من الكبائر وهادي لمراة لي تقولي غلى يما هاك والله وأصرت صح والله نرميها في الشارع نظن انو فهمتيني بصحتك لفطور ولي عودة ان شاء الله
 
ربي يرحم امي وجميع امهات المسلمين وربي يهدي لولاد
 
:crying: يا ماما تغيض...
شوفي مايا انا في كل مشكلة تحصل نقلك السبب هو المراة ثم المراة ثم المراة...تكون هي لي قاتلو ادي ماماك مانحتاجهاش حتى ولو كانت مش هي تقدر تقنعو وتفكرو كيفاش كان وكيفاش ولا واكيد يقتنع لكن هي طايرة بالفرحة شفتك انت تقولي علاش يا خويا علاش يا خويا...قوليلها علاش يا اختي راهم مذنبين في زوج...تقبلي مروري يا الحنونة
 
هادي ميش مع قع الناس
 
الجنة تحت اقدام الامهات
واش نقلك على العباد ما عندهمش ضمير ولا قلب يحس
تقبلي مرور
 
أهلا مايا
تعرفي أنا رايح نقول كلمة وحدة أنو مهما نقول على يما والله مانردلها خيرها
والله ولو تقولي اي حاجة نقدر عليها وفي مرضاة والله نوفيهالها ويامايا أنا والله منغيظ يما حتى بكلمة و لو اني نشك في انو شكيت بلي شكيت انو جاني شك في اني نشك انو نقوللها برك على دار العجزة نحس أني ارتكبت كبيرة من الكبائر وهادي لمراة لي تقولي غلى يما هاك والله وأصرت صح والله نرميها في الشارع نظن انو فهمتيني بصحتك لفطور ولي عودة ان شاء الله

اهلا مختار

واش نقولك يا مختار مازدت ما خليتلي ربي يكتر من امتالك
راك تشوف حال الزوجات دروك ماولاوش يحملوا معاهم العجوزة في دار
و ولات باي طريقة تخلي راجلها يقتنع باش يقيسها في دار العجزة
مي نقولو بلي مازال كاين الخير الحمد الله

صحيت مختار و صحا فطورك
 
ربي يرحم امي وجميع امهات المسلمين وربي يهدي لولاد

ان شاء الله يا ربي
الي يدير هكا نقولو برك ربي يهديك و ارجع لعقلك ماكانش كيما يماك
يماك تم يماك تم يماك

صحيتي
 
:crying: يا ماما تغيض...
شوفي مايا انا في كل مشكلة تحصل نقلك السبب هو المراة ثم المراة ثم المراة...تكون هي لي قاتلو ادي ماماك مانحتاجهاش حتى ولو كانت مش هي تقدر تقنعو وتفكرو كيفاش كان وكيفاش ولا واكيد يقتنع لكن هي طايرة بالفرحة شفتك انت تقولي علاش يا خويا علاش يا خويا...قوليلها علاش يا اختي راهم مذنبين في زوج...تقبلي مروري يا الحنونة

صحا شوشو
واه عندك الحق كيما قلت لمختار ولاو يخليو رجالاتهم يقتانعو باش يقيسو امهاتهم
و راهم غلطانين في زوج كيما قلتي مي انا قلت و علاش يا خويا بارسكو هي يماه مشي يمات المراة
يعني المراة ماشي يماها الي رايحة تقيسها لازم هو يتكاكا بعقلو شا راه يدير .......كاش كيما يماه
........ يفضل ما تزعفش مرتو على انو البركة نتع يماه تبقى فدار


و كيما قلت مهما دارو يبقو في زوج مدنبين

صحيتي شوشو صحا فطورك
 
الجنة تحت اقدام الامهات ربي يهدى ما خلق
وكيما قالت شيرى المراة هى السبة هى لسيور تحرش راجلها مى انا عندى مهوش راجل
على جال مرتى نطيش اغلا وحدة فى الكون امى
 
هادي ميش مع قع الناس
علابالي يا خويا بلي مازال باقي الخير

بصح هاد الشيىء دروك راهو كتر و دار العجزة راهي كترت
و لوكان ما جاتش كاينة ديار العجزة وين كان رايح يدير يماه

حنا رانا نشوفو في هاد الشيىء بلي راهو عادي عند شي ناس

المهم ربي يهديهم
شكراا
 
الجنة تحت اقدام الامهات
واش نقلك على العباد ما عندهمش ضمير ولا قلب يحس
تقبلي مرور

ايه يا اختي
الام راهو وصاها علينا الله و الرسول و الاسلام
و كيما قلتي ما عندهمش ضمير هاد لعباد لي يقيسو ماتهم و زيد ما فيهمش الخير
ربي يهديهم
صحيتي
 
بكل حسره و بسره سأقول أن كل القوالب تتشابه لكن المضمون متغير من قالب إلى آخر

يعني كل عباد الرحمان الرحيم و فينا من لا يعرف الرحمة

فالأم التي رحمته و ربته و و و و و و في الأخير يقضي عليها في آخر أيام عمرها

و الله شيء محزن للأسف أكسح علينا الواقع هدفه

و شكرآآ على الموضوع الهام

تحياتي​
 
لا حول و لا قوة الا بالله
يمات زوجي هي يما الثانية و تكون على العين و الراس
و مننساوش حاجة كما تدين تدان
هدي الظاهرة تصرى بزاف مي نقولو ربي يهدي
يعطيك الصحة
 
يعطيك الصحة ختيتو مايا راكى نيشان كيما تقولى ههههه

واش نقولك ربى يهديهم فى هاديك الدقيقة يرؤمى يماه بلا ما يحس و لا يتفكر شكون رباه شكون تعب عليه تقدرى تقولى انانية مع انسانة مدت كلش ليه بلا انانية و زيد الى تقتل يرميها و ينساها كشغل حاجة زيادة فى دنيا نورمالمو هو يديها للعمرة ولا الحج تلقاه يدير هكدا و ممبعد حتى يردوهالو فى نعش و جنازتها يحضرها بسيف بصح ربى كاين دور دنيا و يدرلو وليدو واش دار فى يماه تما يندم و يعرف واش دار كما تدين تدان
ماشى كاما بصح كاين الى يدروها رنى دولت ههههههههههه صحا سحوركم
 
صحا شوشو
واه عندك الحق كيما قلت لمختار ولاو يخليو رجالاتهم يقتانعو باش يقيسو امهاتهم
و راهم غلطانين في زوج كيما قلتي مي انا قلت و علاش يا خويا بارسكو هي يماه مشي يمات المراة
يعني المراة ماشي يماها الي رايحة تقيسها لازم هو يتكاكا بعقلو شا راه يدير .......كاش كيما يماه
........ يفضل ما تزعفش مرتو على انو البركة نتع يماه تبقى فدار


و كيما قلت مهما دارو يبقو في زوج مدنبين

صحيتي شوشو صحا فطورك

ولاه كي عادت مش يماها تعمللها هكذا؟؟؟ مادام مانرضاهاش لماما تجي مرت خويا تعمللها هكا مانرضاهاش لام زوجي ايضا وزيد راهي في مقام امي الثانية و الزوجة لو كان جات تحب زوجها صح تتقبل عائلتو وتحطهم في عينيها هكذا نعرف انا بنت الاصل...ربي يهديهم هذا ماكان لا شفت روحي رايحة نعمل لام زوجي هكا اللللللللللللللللللله لا يوصلني ونقعد عزباء طول عمري قولوا امين ههههههههه
 


ربي يهدي ما خلق

يقول الله عز وز جل في محكم التنزيل :

" و تلك الأيام نتداولها بين الناس "

صدق الله العظيم

لابد يجي النهار عليه و يصرالو هكدا غير ما تخموش​
 
الحالة
مغلق ولا يسمح بالمزيد من الردود.
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top