كون جيتو في بلاصتي كيفاش تديرو؟؟؟؟؟؟؟؟؟؟

الحالة
مغلق ولا يسمح بالمزيد من الردود.

نقاء السطايفية

:: عضو مُشارك ::
إنضم
5 جويلية 2008
المشاركات
307
نقاط التفاعل
0
النقاط
7
اولا صح رمضانكم وصح فطوركم
حبيت نقولكم مشكلتي ونتمنى باش تقترحو عليا حل يكون نهائي
نعرفكم بروحي قبل انا من سطيف في عمري 16 سنة ونقرا سنة ثانية ثانوي كنت على علاقة مع شاب كثر مني ب 5 سنين "وهاد العلاقة كانت بالبورطابل وخلاص" مانقدرش نحكم ونقولكم لا يحبني ولا مايحبنيش الشي الي راني اكيدة منو اني مانحبوش وماكنتش ناوية باش نهدر لا معاه لكن تمشي الرياح بما لا تشتهيه السفن هو جاب النيميرو تاعي وهدر معايا ونعترف بلي انا غلطت خاطر ماكانش لازم نهدر معاه الى حد الان الموضوع عادي لكن الشي الي ماشي عادي انو العلاقة هادي تكشفت ومن شكون ؟ من خالي الي تزعزعت ثقتو فيا كي عرف بلي راني نهدر مع هاد الطفل ومانكدبش عليكم كحالت الدنيا في عينيا من هاداك النهار علا خاطر ندمت بزاف وسيرتو انا هاد الطفل مانحبوش و كنت ناوية باش نقطع علاقتي بيه في اقرب فرصة ومن اليوم الي عرف خالي انا قطعت علاقتي بهاد الطفل نهائيا مع انو حاول يتصل بيا شحال من مرة بصح انا رفضت وضكا حلفت بلي رايحة تكون اول واخر تجربة من هاد النوع في حياتي بالصح الشي الي متعبني هو نظرة خالي ليا ضكا .عليها طرحت عليكم مشكلتي باش تقترحو عليا طريقة نسترجع بيها ثقة خالي وماكاله تقولولي اهدري معاه خاطر مانقدرش نواجهو
في انتظار نصائحكم واقتراحاتكم.........وعيشكم ماتطولوش عليا
 
واعرة يا السطايفية سيرتو لاطحتي من عين واحد يعزك ومايخبيش عليك تسما خيانة
انتي حاولي تنحي علقتك مع الطفل هاداك وادعي ربي يحطك في طريق الخير
وان شاء الله تفرج

 
اسمعي ختي كي متقدريش تواجهيه منعرف واش الحل لوكان تهدري معاه وتطلبي السماح وتصارحيه بلي كنتي ناوية تقطعي هادي العلاقة بالاك يقدر يفهمك ....والحل الوحيد هو المواجهة بصح راكي تقولي منقدرش:blushing: وراني فاهمة شعورك حنونة معليش حلي اليامات يجوزو وبالاك يصفح عليك ...صح صحورك
 
كون جيت كيفك راني حايرة كيما نتي ونتمنى تنشق الارض و تبلعني.
اضربني النح و ماتزيديش تعاودي و فرات.
 
الله يهديك لطريق الخير إن شاء الله
 
ضربة واعرة
اصبري وصايي بويسك خالك ماعندك ماديري
والله اني عاذراتك اختي ربي يجيب الي فيه الخير
 
و عليكم السلام أختي في الله ..
...
ان شاء الله تمــام الصحــة و العافية ..

جيد في نفس الوقت سيئ .. اختي جيد لكني تعلمتي درسا

و السيئ الثيقة اذا راحت موحال ترجع الا بطلب السماح

و الأعتراف بالغلطة .. نصيحة من أخاك الأكبر

بورك فيك

تحية معطرة بالورد

images

 
والله ماعندي واش نقولك اختي
الموقف شويه صعيب
متقدريش تواجهيه تحشمي و تخافي
بلاك كون تواجهيه يفهمك مي متقدريش نتي
اصبري حتا يهديه ربي وخلاص
 
شوفي يابنت الناس

اولا لازم تكوني ندمانة على واش درتي .. سواءا عرف خالك او ما عرفش

لانو للاسف حسب ما فهمت اندمتي لانك خفتي او استحيتي من خالك

ماشي لانك مقتنعة بانو هاذ الشي غلط

والحل عندك انتي .. لازم تواجهيه وتصارحيه بانك غلطتي

وترجعي لاساس ديننا الحنيف .. وان شاء الله ربي يفرج عليك بالدعاء

ماكاش اللي ما يغطلش



ربي يسترك

 
كل فتاة معرضة لهذه الامور
وكيما يقولو الزمن كفيل بانسيان
يجي نهار ويروح هذا الشك ويرحمها ربي .
كونى فحلة ومتزيديش تعوديها راه يسلكها ربى وخير الخطائين التوبين
سلام
 
روحي اهدري مع خالك وقليلو بلي ما كنتيش تقصدي وبلي طفل هداك كان يديرونجي فيك هدا هو الحل
 
خليها على ربي و خلاص ....و انا نقولك مع الوقت تولي منسية من عند خالك هاذا لا ماراهوش نساها..........مي لازم يشوف بلي وليتي واعية دركا ..........شكرا
 
هو الحقيقة ماكانش قد الصراحة اذا قدرتي قولي لخالك واش صرا بالكامل هكذا تنحي على قلبك الهم واذا ما قدرتيش فصبرك على الله
 
مظنيتش كااين حل غير تهدري مع خالكـ
وربي يسهل
 
وش نقلك حنونة موقف صعيب صح انتي مزلتي صغيرة وراكي في وقت التجارب مي معليه نشالله تحاولي ترجعي الثقة بينك وبين خالك وطلبي منو السماح وبللي متزيديش تعاوديها .ولازم تدي عبرة منها هاذي اهم حاجة
وبي معاك
 
والله يا ختي انتي غلطانة من الاول ما زلتي صغيرة بصح انتي الا ندمتي صح قعدي مع خالك وصارحيه وقوليلو بللي ندمتي حتى كون تيجيك صعيبة المهم ترجعي الثقة تاعو فيك
 
شكرا على ردودكم كامل وحبيت نقولكم بلي انا صح ندمت وندمت تاع الصح ثاني مش كي عرف خالي برك ولكن خاطر كنت علابالي بلي اي علاقة بين طفل وطفلة حرام وزيد انا مازالت صغيرة ونورمالمو نلتا بقرايتي ومش بحوايج كيما هادو المهم نتمنى من كل البنات الي قراو موضوعي مايغلطوش غلطتي خاطر الندامة تجي مع اللخر
 
الحالة
مغلق ولا يسمح بالمزيد من الردود.
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top