البالو حاشاه .... الغاشي الراشي لي تلفتلو العقلية

الحالة
مغلق ولا يسمح بالمزيد من الردود.

Moha le sage

:: عضو شرفي ::
إنضم
15 مارس 2009
المشاركات
8,013
النقاط
851


مدام حكى صحيبنا على السيد لي مات ..حبس قلبو على جال الماتش تاع دزاير وعلى المظاهر لي راها لاصقة مع البالو ذرك ..انا لازم نجبد و نبرد قلبي

انا واحد كان يتفرج في لونطونت حبس قلبو ثاني .. الغاشي في القهوة و هوما مش علابالهم بيه ربي يرحمو

واللي راهم يموتو في السطاد وبرا منحكيلكش .. حنا توالنا علابالك ديفوا تتهول في الصطاد في سطيف سيرتو في la coupe d'arabe ناز بزاف تفرح وتسيبورتي .. بصح الحقيقة المرة ان كاين بزاف ذرك اللي مش متربيين دوروها غير للبراكاج و لي زاgريسيون ..

الديفو مهوش في البالو راه في الغاشي الراشي .. البالو حشاه

مكانش لي ما يفرحش ليكيب ناسيونال .. وما يفرحلهاش ..بصح كينين بزاف يتعلقو بالبالو خطراش فارغين شغل ويتبعو في الناس...

بكري كانو القلال لي يتفرجو ويتبعو البالو ولا les equipes .. كان القليل لي يتفرج ملاعب العالم و يتبع في النتائج ...

ذرك واش نحكيلك ..كي ولات الناس كامل عندها بارابول . .. غير اللي ما يغسلش عينيه من العمش يقلك انا نتبع هاذ ليكيب و هذاك مش جوار ولا خر ناقص ...سبحان الله

نوليلك لوحد الظاهرة بدات تنقص ذرك .. تاع البارصا والريال ..انا واحد من الناس نتبع arsenal .. المهم .. كيما كانو في زوج تقريبا قد النيفو مع بعضاهم ..يعني كيما كان الريال عندها la dream team . زيدان ورونالدو و بيكهام ... الغاشي كامل شراو ديموات ..وولاو يتبعو البالو ..تجي تتفرج في قهوة زعما تسمع في الجماعة لي يبداو يتمجعرو وويوجعو القلب : حنا بارصا ونتوما ريال .. ونغلبوكم ونعطوكم طريحة .. ومعرف واش ..المشكل ان هاذوك الناس لا علاقة مع البالو .. يعني شرا ديمو البارح شاف ماتش ...عشى يبالط في جماعة حياتها كامل بالو وتعرف تاريخ كل ايكيب

ذرك ولات كبرت الظاهرة هاذي ..ناس كامل يفلاشيو الديمو و يعمرو الكارطات تاع الجزيرة وارتي .. تلقاهم غير يتبعو في الشومبيونات ..باش كوم كوا يعرفو للبالو .. يسمى دايرين باش يهدو بيه و يزوخو بيه .. و هوما لاعلاقة مع البالو .. غاشي يتبع في بعضاه وخلاص ..

الناس كامل تشري في تريكوات تاع رونالدينيو و تاع ميسي .. وليكيب لي فور يجو معاها وخلاص ...

وزادو لحقو حتى لبنات .. وعادت الطفلة لي ما تعرفش للبالو مش مثقفة في رايهم .. و ما تعجبش بزاف ذراري .. ديفوا نعقب على بنات يحكو تلقاهم يهدرو على البالو انا ندوخ .. معليش ليكيب ناسيونال .. بصح كي يبداو يهدرو زعما على لونطونت ولا ايكيب خرى انا نستغرب ..مماشي خطراش يسيبورتيو البالو .. بصح خطراش من بعد يطولو لسانهم بيه و يديرو رواحهم يعرفو كلش

البالو راه فسد امة .. يسمى هوما من بكري فارغين شغل غير للمعايرات و تشراك الفم و الزوخ ..وزاد جاهم البالو دارو جنحين ..تهدر مع واحد في حاجة تبالطو يسبك .. نتا تقول هو لي دار الفورماسين تاع هذيك ليكيب لي هدرتو عليها

واش نحكيلكم على التفرقة لي راها صارية على جالو .. تلقى في الجامعة des etudients ما يهدروش مع بعضاهم غير كي عاد هذاك يسيبورتي لونطونت ولاخر الكابا ؟ ولا زوج ايكيبات خرين خاصة كي يكونو جيران .. لاحول ولا قوة الا بالله .. كيفاش زعما الناس المثقفة دير هكذا .. مالا ما تلوموش النيفو الهابط كي يدير الفتنة ..

الفتنة هاذي لحقت للمنتديات ..نورمالمون حنا هنا نتلاقاو نتعلمو من بعضانا ماشي نعايرو بعضانا .. انا نقلكم لحد الساعة راها اللمة نظيفة من هاذ الشئ ..بصح كون تروحو تطلو على المتديات لخرين تلقاو العجب ..البارح رحت نجيب تصاور تاع بالو من وحد المنتدى ..طليت على الارشيف تاعو وجعني قلبي صدقوني ..وحد الهدرة تاع حيوانات مش عباد .. المعايرة في بعضانا سيرتو الداربيات .. اولاد ولاية وحدة يتهاوشو و يعايرو ..اقسم بالله غير غاضني الحال ..واحد من Moc يعاير في لاخر من
csc ... ولا لاخر من ال babia يعاير في واحد من ess ..و العكس صحيح ..ياخوتي علاش هاذ الشئ ؟ البالو بلاصتو الصطاد و الهدرة بالرجلين مش باللسان .. و جامي البالو يفرق بين الناس غير لاكانو معندهمش عقل ..و شحال من مرة نقول بلي عندي حبابي من خيرة الناس ونتلاقاو انا نسيبورتي ess و هوما cabba ولا mcee .. بصح كي نتلاقاو كي لحباب تاع الصح وجامي فرقتنا جلدة منفوخة بالعكس نظالو نضحكو ونشايخو ونحكو في كلش

و قتلكم في المنتديات مكانش عفسة توجعلي قلبي تاع واحد يسمي اسمو ويزيدلو طرف تاع ايكيب زعما moh_ess ؟ واش رايح نربح كي ندير هاذ البسودو ؟ بالعكس راح نبين بلي عقلي محصور غير في البالو و رايح يكرهوني لي يسيبورتيو les equipes لخرين ..


خسارة فئة بزاف يطيحو من قيمة العبد لقيمة الحيوان لي يمشي غير بالغريزة و يتبع في القطيع le troupeau

نورمالمون البالو هذا نتعارفو بيه .. بصح ذرك ولينا نتهاوشو بيه .. راحو العقال ذرك خلاصو .. غير المقلق لخوه .. وقت فات نروحو نلعبو نكونطريو ايكيب تلقانا غير الضحك و نعقبو معاهم وقت مليح ..ذرك مكاش ماتش يفوت بلا هوشة ..

ياو ديفوا نلعبو في الماتيكو .. 6 ضد 6 وتلقانا غير اللي يشريها لخوه ولا يسب و يتهاوش ..و تلقى هدرة المعايرة اذات الجيران و الكلام الفاحش فرق العايلات اللي تسمع فينا ... صقسيو الناس لي تلعب في البالو راهم يحكولكم على هاذ العقلية لي تبدلت ..واللي علاجالها ناس بزاف حبساتو وولات تدير فوتينغ

الديفو لكبير في العقليات ..و في العباد اللي نسميهم انا ياجوج و ماجوج .. ميعرفو حتى لغة غير المعايرة وحب الذات والبلى على الناس.. ذيك الخطرة كورتاج تاع عرس حبس في سيركيلاصيون و جا الغاشي تاع الصطاد غير اللي ضاربين الحب .. بداو ياgريسيو فيهم ..ديجا ديما يسكرو الطرق وقت الماتشات .. صقسو روحكم وراه الديفو ؟

تقولولي ديما البرابول مش مليح .. سكايب مش مليح .. التلفون مش مليح .. في حوايج بزاف .. ونا نقلكم الديفو في العقليات الخاسرين .. اللي فسدت بزاف حوايج ومنهم البالو ..




بكري كان الواحد يروح للسطاد مع باباه و خوه ..ذرك وحدك وما تقدرش تروح .. ونا لي دوختني كثر العفسة الجديدة تاع البنات لي يروحو للصطاد ؟ يعني التربية الكبيرة والاخلاق العالية لي رانا فيها ونزيدو نطلقو بناتنا يروحو للصطاد ..ربحت مالا .. يخي صوق يخي ..انا كون يقولولي راهم ذبحو وحدة في الصطاد صدقوني نروح لقبرها ونشطح فوقو ونقلهم تستاهل .. كيفاش برا وما منعوش وفي لصواق وما منعوش .. يروحو للصطاد ؟ واش حاطينو ؟ سانسيرو ولا اولد ترافولت ؟ ياو راكم مع بني هندل لي يغلط يسلك ولي يحكموه ياgريسيوه ..ما يعرفو حتى واحد .. كل واحد عندو لاكليك تاعو ..

في كامل هاذو كاينة فئة قليلة متربية و تعرف للبالو وللاصول تاوعو ..ناس كي نهدر معاهم انا نحشم تالمون يعرفولها صح .. فئة مثقفة كرويا و يعرفو بالي اخلاق البالو مش العنف ولاكن المنافسة الشريفة

كلمات لطفي دوبل كانون في الالبوم تاعو kobay ..في غنية بلاد ميكي راهم يبردو القلب

واش كاين استنا ..

الحوانت كلها تكسرت .. باين كاين ماتش .. ما نعرف شكون لي خسرت

الغاشي تاع اليوم ما تهموش حنا واش درنا ... المهم في les gardins قداه قتلو وقداه قتلنا

واش كاين استنا

وينو l'arbitre ... شبعوه بالسبان .... والبزاق بالليتر

مسكين تشوفو كل يوم بـ les douleurs ... لا ما ضربوهش les spectateurs .. يضربوه le joueures



انا la carte rouge نورمالمون تتمد للسيبورتور زعما .. اللي راهم حكمتهم la rage





.... ربي يهدينا .. نطرح سؤال طرحو بوضياف ربي يرحمو


الجزائر الي أين ؟ ou vas l'algerie ؟


خوكم محمد











ابعثو بناتكم للصطاد يسيبورتيو :sleep:


 
آخر تعديل:

ديالى

:: عضو فعّال ::
إنضم
12 أكتوبر 2007
المشاركات
1,845
النقاط
37
عندك حق اخي محمد في كل كلمة ، العقلية هي اللي تغيرت للأسوا
مانلوموا لاالكرة ولا النت ولا الساتالايت ، وذهاب الفتيات للملاعب
في رأي انتحار في اوطاننا العربية اعتذر عن التعبير لكنها الحقيقة .

 

jiji 94

:: عضو فعّال ::
إنضم
20 جوان 2007
المشاركات
2,886
النقاط
157
مشكور اخي محمد ...واصل لنا تميزك
بارك الله فيك على المواضيع القيمة
تقبل مروري
اخوك جيلالي

 

حفيد هواري بومدين

:: عضو شرفي ::
إنضم
14 جانفي 2008
المشاركات
5,608
النقاط
323
العمر
32


:laugh::laugh::laugh::laugh:
شوف لي هوليقانز
:laugh:
والله قتلني بالضحك
موضوعك باهي يا موح
الله غالب
الكورة
وعليها نحيا وعليها نموت
 

aMiNa-K

:: عضو فعّال ::
إنضم
19 جانفي 2009
المشاركات
1,500
النقاط
37
السلام عليكم
راك بردت قلبك تاع الصح :thumbup:

بصح كاينة كلمة معاودة بزاف مافهمتهاش.. لونطونت :confused1:.. وش معنتها لونطونت هدي :confused1: :confused1:

الشعب تاعنا شعب همجي و زاد قالك النسا يدخلو باطل تماك وين تزيد تخلا علينا
و الفوت هدا راهي فيه سياسة كبيييييييرة غييير اللي مايعرفلوش :sleep:

بارك الله فيك على الموضوع
 

nina bonoise

:: عضو متألق ::
إنضم
8 أوت 2009
المشاركات
3,357
النقاط
157
يا يما على ذيك الصراحة قتلتينا بيها
العقلية تاع درك راهي تبدلت مبقاتش كيما تاع بكري
عندهم النيف و الرجلة
مشكور على الموضوع المميز
 

nina bonoise

:: عضو متألق ::
إنضم
8 أوت 2009
المشاركات
3,357
النقاط
157




و هذا وش بيه ههههههههههههه
يقطعولو في قشوا ؟؟
هههههههههه
شوفوا les voyoux تاع لالجيري
هههههههههههههههههههههه
 

حفيد هواري بومدين

:: عضو شرفي ::
إنضم
14 جانفي 2008
المشاركات
5,608
النقاط
323
العمر
32
مامش جزائرين
هادو ليهوليgانز نتاع لانgليز
وبريطانيا




و هذا وش بيه ههههههههههههه
يقطعولو في قشوا ؟؟
هههههههههه
شوفوا les voyoux تاع لالجيري
هههههههههههههههههههههه
 

حفيد هواري بومدين

:: عضو شرفي ::
إنضم
14 جانفي 2008
المشاركات
5,608
النقاط
323
العمر
32
لونطونط هادي مسطلحات رياضية
لونطونط يقصد بيها الوفاق
يعني وفاق سطيف
او النسر الاسود كيما نقولو
ومتلا الشناوا يطلقوها على مولودية الجزائر
والمسامعي على اتحاد العاصمة
الجراد الاصفر على اهلي البرج
وهكا ماشية
نضن وفيت الشرح
وشكرا ليكم لزوج
:thumbup:​

السلام عليكم

راك بردت قلبك تاع الصح :thumbup:

بصح كاينة كلمة معاودة بزاف مافهمتهاش.. لونطونت :confused1:.. وش معنتها لونطونت هدي :confused1: :confused1:

الشعب تاعنا شعب همجي و زاد قالك النسا يدخلو باطل تماك وين تزيد تخلا علينا
و الفوت هدا راهي فيه سياسة كبيييييييرة غييير اللي مايعرفلوش :sleep:


بارك الله فيك على الموضوع
 

Moha le sage

:: عضو شرفي ::
إنضم
15 مارس 2009
المشاركات
8,013
النقاط
851
عندك حق اخي محمد في كل كلمة ، العقلية هي اللي تغيرت للأسوا
مانلوموا لاالكرة ولا النت ولا الساتالايت ، وذهاب الفتيات للملاعب
في رأي انتحار في اوطاننا العربية اعتذر عن التعبير لكنها الحقيقة .


يعطيك الصحة ختي على المرور تاعك الجميل على موضوعي لي راني نهدر فيه على مجتمعنا لي فسد و زاد لحق للبالو و فسدوه بتصرفاتهم المريضة .. وزيدي ضيفي للقائمة لحوايج لخرى لي ذكرتيها

تحياتي ليك
 

Moha le sage

:: عضو شرفي ::
إنضم
15 مارس 2009
المشاركات
8,013
النقاط
851
مشكور اخي محمد ...واصل لنا تميزك
بارك الله فيك على المواضيع القيمة
تقبل مروري
اخوك جيلالي


يعطيك الصحة خويا الجيلالي .. المواضيع القيمة ما تنساش تقيمها هنا


 

Dr.CrAzY

:: عضو فعّال ::
إنضم
15 ماي 2009
المشاركات
2,374
النقاط
77
شعب راطي
ايماجيني نروح للستاد نلقى ناس جايبين معاهم الزطلة لخرين الشراب
ويديرو دي gروp ويشيخو بيان
ألور كي يفض الماتش ولا في نصو يكونو في قمة النشوة
ويصرا وش يصرا في الستاد
واحد دزولو موس في راسو واو كاين فيديو مشهور تع واحد سلفي من الحراش ظهرتلي مات وكرون داري لاصق في راسو
المهم الغاشي ضرك والله تلقى في ستاد كامل كشما الربع ولاأقل لي جاي يتفرج بالون ويفهملها أما الباقي جاي على جال النش برك

ربي يهدينا
مازلنا بعاد ياسر
 

Moha le sage

:: عضو شرفي ::
إنضم
15 مارس 2009
المشاركات
8,013
النقاط
851


:laugh::laugh::laugh::laugh:
شوف لي هوليقانز
:laugh:
والله قتلني بالضحك
موضوعك باهي يا موح
الله غالب
الكورة
وعليها نحيا وعليها نموت

صح البالو ماشي الواحد في دمو ... بصح والله غير يوجعك قلبك من حوايج بزاف فسداتو

مرسي ليك عبدو ويعطيك الصحة كي عاونتني في الشرح
 

Moha le sage

:: عضو شرفي ::
إنضم
15 مارس 2009
المشاركات
8,013
النقاط
851
السلام عليكم
راك بردت قلبك تاع الصح :thumbup:

بصح كاينة كلمة معاودة بزاف مافهمتهاش.. لونطونت :confused1:.. وش معنتها لونطونت هدي :confused1: :confused1:

الشعب تاعنا شعب همجي و زاد قالك النسا يدخلو باطل تماك وين تزيد تخلا علينا
و الفوت هدا راهي فيه سياسة كبيييييييرة غييير اللي مايعرفلوش :sleep:

بارك الله فيك على الموضوع

اهلا امينة


علابالك ردودك كي الملح في مواضيعي تزيد ديما فيهم البنة :001_rolleyes: ( نستاهل زوج بوراكات عليها من بعد :laugh: )

لونطونت هي ess يعني = entente sportif setifienne = الوفاق الرياضي السطايفي

شوفي انا راني عايش في سطيف على ذيك راني نهدر على وفاق سطيف ولي زيكيب لخرين

بصح شايف وش راه صاري .. كيما زعما الحراش usmh مع لوساندي حسين داي ( nahd )

و باقي كيما الداربيات ..

راكي فقتي معايا للسياسة الجديدة ..كون يدخلو البنات للصطاد يولو كيما البنات تاع البرازيل .. :sleep:

مرسي عليك امينة
 

Moha le sage

:: عضو شرفي ::
إنضم
15 مارس 2009
المشاركات
8,013
النقاط
851
يا يما على ذيك الصراحة قتلتينا بيها
العقلية تاع درك راهي تبدلت مبقاتش كيما تاع بكري
عندهم النيف و الرجلة
مشكور على الموضوع المميز
يعطيك الصحة لينة .. وتعرفي خوك صريح ويضرب في الوجه ما ينافقش

العوج تاع الغاشي راه كثر ونا كي يتعمر قلبي لازم نبردو

مرسي ليك لينة







و هذا وش بيه ههههههههههههه
يقطعولو في قشوا ؟؟
هههههههههه
شوفوا les voyoux تاع لالجيري
هههههههههههههههههههههه

هاذو كيما قالك عبدو تاع لهيه ... بصح تاوعنا ثاني راهم وحوش ما يغروكش
 

satdodo707

:: عضو مُتميز ::
إنضم
28 جوان 2009
المشاركات
850
النقاط
31
انا la carte rouge نورمالمون تتمد للسيبورتور زعما .. اللي راهم حكمتهم la rage



صح اصبحت الملاعب ملجئ للزطايلة و شراب وووووو......كارثة كبيرة
بارك الله فيك محمد موضوع مليح ويستاهل تقييم ......صح فطوركم.​
 

aMiNa-K

:: عضو فعّال ::
إنضم
19 جانفي 2009
المشاركات
1,500
النقاط
37
لونطونط هادي مسطلحات رياضية

لونطونط يقصد بيها الوفاق
يعني وفاق سطيف
او النسر الاسود كيما نقولو
ومتلا الشناوا يطلقوها على مولودية الجزائر
والمسامعي على اتحاد العاصمة
الجراد الاصفر على اهلي البرج
وهكا ماشية
نضن وفيت الشرح
وشكرا ليكم لزوج

:thumbup:​


ااااااااه صار هكدا :mellow:
انا نعرف غير الشناوة و المسامعية :blink:

باااااارك الله فيك على الشرح
و صحا فطورك خويا
 

Moha le sage

:: عضو شرفي ::
إنضم
15 مارس 2009
المشاركات
8,013
النقاط
851
شعب راطي
ايماجيني نروح للستاد نلقى ناس جايبين معاهم الزطلة لخرين الشراب
ويديرو دي gروp ويشيخو بيان
ألور كي يفض الماتش ولا في نصو يكونو في قمة النشوة
ويصرا وش يصرا في الستاد
واحد دزولو موس في راسو واو كاين فيديو مشهور تع واحد سلفي من الحراش ظهرتلي مات وكرون داري لاصق في راسو
المهم الغاشي ضرك والله تلقى في ستاد كامل كشما الربع ولاأقل لي جاي يتفرج بالون ويفهملها أما الباقي جاي على جال النش برك

ربي يهدينا
مازلنا بعاد ياسر

اهلا خويا يوسف على سلامتك الغيبة انا قلت حرقت للطاليان :laugh:

راك شفت واش راه يصرا في les tribunes مع الزطلة والكيف والشراب ولالكول و ليكليموجان ... نتا تقول معرف وين راك داخل ..

الفيديوات راني شفتهم وكان عندي في البرطابل و شايف بزاف حوايج .. دخلت ذيك نهار للسبيطار على جال الوالد نزورو كان مريض و ذرك الحمد لله برى .. قتلك لقيت واحد jeune مخلوق عطاوه بموس للظهر .. و ظربوه بحجرة .. تحماو فيه في 3 و هربو .. هو يعني برا الحمد لله بصح والله غير غاضني جا فايت تلاقى مع الموفمون تاع الصطاد

ربي يهدنا و صح فطورك خويا يوسف
 

البسكرية1990

:: عضو فعّال ::
إنضم
5 أوت 2009
المشاركات
1,635
النقاط
37
العمر
30
موضوع مميز
كي ولات الحالة دونجي في لي ستاد لاه يحوسو نساء يجيو ولا يحوسو يبهدلوهم
تقبل مروري
 
الحالة
مغلق ولا يسمح بالمزيد من الردود.
Top