اليوم جيت نحكيلكم الشي اللي شوكاني

الحالة
مغلق ولا يسمح بالمزيد من الردود.

كلي امال

:: عضو مُتميز ::
إنضم
29 ماي 2008
المشاركات
599
نقاط التفاعل
4
النقاط
17
العمر
34
السلام عليكم و رحمة الله تعالى و بركاته
اليوم جيت نقولكم على حاجة صراتلي
يا سيدي هذا بعد الفطور قاعدة نتفرج في باب الحارة كي العادة و من بعد نسمع في اختي تعيطلي من لا شومبر لوخرا قلتها واش كاين قاتلي ديري الجزيرة تشوفي درتها واش لقيت ؟ لقيت وحد البرنامج فيه زوج متقابضين قريب يضربو بعضاهم قعدت نشوف ما فهمت والو نسمع غير في كلمة القدس و من بعد سفت سهمين متعاكسيمن عرفتوا هادا هو البرنامج اللي اسمو الاتجاه و الاتجاه المعاكس و اللي ديما الضيوف فيه يتعافروا المهم بقينا نشوفوا بلا ما عرفنا الضيوف من شدة تأثرهم من بعد شويا قاتلي اختي شوفي امال هدا الشيخ وجدي غنيم قتلها مكانش منها و من بعد كتبوا اسماء الضيوف الاول كان واحد اسمو زياد ابو عين قيادي في حركة فتح و التاني الشيخ وجدي غنيم انا هنا تشوكيت على خاطر التصرف اللي اتصرفوا ماشي نتاع شخص في قيمتو
و في الخير كي كملوا قالهم المقدم سلموا على بعض القيادي في فتح قام و مد يدو لكن وجدي غنيم رفض يسلم عليه و قال انا ما نمدش يدي للي باعوا القدس انا هنا زدت تشوكيت اكتر
واش رايكم في تصرف الشيخ وجدي غنيم ؟
حقيقة انا كنت نحبو بزاف مي بعد هاد التصرف طاح من عيني
و واش رايكم في لغة الحوار اللي عندنا حنا العرب ؟
 
انا رأيي في مقدم البرنامج .. هو اللي يخلي الضيوف يهدروا بالطريقة هاذيك
يشعل النار بيناتهم ويخليهم ياكلوا بعضاهم
ربي يهديه برك على البرنامج اللي مدايرو
والله غير قاعد يدير فالفتنة برك بين العرب
والفتنة أشد من القتل
ربي يثبت عليه الدين والعق
وعلى اللي يقبلوا ويرحوا للبرنامج تاعو
 
شكرا اختي على المرور
و اذا كان الله سبحانه و تعالى وصانا بكظم الغيظ و هدا الشيئ ما يخفاش على الشيخ وجدي غنيم و هو ادرى بهاذا الشيئ اكثر من غيروا
و زيد الضيف اللي يستدعى للبرنامج اكيد رايح يكون انسان مثقف و بقيمتو في المجتمع و ما لازمش يخلي المقدم يستفزو و يوصلوا لهكذا حالة
 
احنا العرب ديما نهدرو على حرية الرأي ونحوسو عليها
وفي نفس الوقت مانقدروش نقبلو رأي الآخرين
يعني الحرية هادي كل واحد يحبها حكر لروحو وحدو وبرك
وهادا لي يزيد في مشاكلنا كتر
 
احنا العرب ديما نهدرو على حرية الرأي ونحوسو عليها

وفي نفس الوقت مانقدروش نقبلو رأي الآخرين
يعني الحرية هادي كل واحد يحبها حكر لروحو وحدو وبرك
وهادا لي يزيد في مشاكلنا كتر
و هدا الشيئ اللي خلانا حنا اللخرين
نورتي موضوعي
 
نقولك ختيتو مام انا زدت تشوكيت ...كان يبانلى ماشاء الله و بزيادة يعجبنى كيما كان يحكى على العالم الاسلامى علاش ماشى مطوريين سورتو التسامح هديك حتى لقيتو هو يدير فيها ههههه ...ربى يجيب الخير
 
شكرا على الموضوع
....................
....................
...................
..............
......
..
.
 
كاين مقولة تقول اتفق العرب على ان لا يتفقو ا

وانا بدوري نقول ان شاء الله يجي نهار الي يتافقو فيه ويمشو برأي واحد
شكرا اختي
 
ماتدوخيش

باسكو راهم دايرين كونترا اوver باه مايتفاهموش
ماعندك ماتقولي غي ربي يفكنا
هادي علابالي بيها مي الى متى ؟؟؟؟؟؟؟؟؟؟؟؟؟؟
 
نقولك ختيتو مام انا زدت تشوكيت ...كان يبانلى ماشاء الله و بزيادة يعجبنى كيما كان يحكى على العالم الاسلامى علاش ماشى مطوريين سورتو التسامح هديك حتى لقيتو هو يدير فيها ههههه ...ربى يجيب الخير
انا هدا اللي غاضني انو شخصية مثقفة و قدوة لناس بزاااااااااف تلقايه يدو مايمدهاش لمسلم اخر
ياربي اطف بينا و اسرنا
مرورك نور الموضوع ميرسي بزاف
 
حنا نقووولو ربي يهدى وخلاص رانا نسينا بلي حنا كامل عرب......

مشكووورررة على الموضووووع
 
انا نقلك الصح ما نعرفوش هدا وجدي غنيم
وحنا العرب ما عندناش لغة الحوار من اساسو كيما يقولو اتفقوا العرب الا يتفقو
 
كاين مقولة تقول اتفق العرب على ان لا يتفقو ا


وانا بدوري نقول ان شاء الله يجي نهار الي يتافقو فيه ويمشو برأي واحد

شكرا اختي
لكن الى متى ؟؟؟؟؟؟؟؟؟؟؟؟؟؟؟؟؟؟؟؟؟؟؟
ميرسي على الباساج
 
حنا نقووولو ربي يهدى وخلاص رانا نسينا بلي حنا كامل عرب......

مشكووورررة على الموضووووع
امين ياربي
و الله هدا ما بقا غير اضعف الايمان ندعوا ربي يهدينا للسراط المستقيم
مشكورة اخيتي على المرور
 
انا نقلك الصح ما نعرفوش هدا وجدي غنيم
وحنا العرب ما عندناش لغة الحوار من اساسو كيما يقولو اتفقوا العرب الا يتفقو
وجدي غنيم داعية اسلامي مصري
و قيلا هاد المقولة سلمنا بيها و رجعت نظرية
لكن العكس لازم يكون تغيير و الى متى و حنا ماعندناش لغة حوار ؟؟؟؟؟؟؟؟؟
ميرسي بزاف على الباساج
 
شفتي الانسان كي يدير عقد مدى الحياة عن وضيفت عمل ؟؟

هكاك هوما

دايرين عقد مدى الحياة بلي مايتفاهموش
=============

مثال حي

احنا في حنا

صحاب لافيل مايحبوش صحاب الداوار
وسيرتو عند الشاوية
و و و وياحسرااه
ماتدوخيش خلاص
سلام راسك خير منهم ههه
يا خويا اللي تغيض هداك العبد اللي يفتي في الناس و من بعد تلقاه يدير في تصرفات ماهو قابلها لا الدين و لا المجتمع
شكرا على المرور التاني
 
السلام عليكم
انا مش راح نتكلم عن الشيخ وجدي غنيم
لكن راح اتكلم عن البرنامج
انا كنت من محبي البرنامج ومن المدمنين عليه لكن البرنامج اصبح عبارة عن شوشرة ومشاكل والكثير اصبح يشاهد البرنامج من اجل الفرجة والضحك
هذا البرنامج اصبح وسيلة للتفريق بين الكثير من الشخصيات الهامة ونشر العداوة بينهم والدليل الاكبر كما ذكرت الاخت وازيد عليه عدم مصافحة الضيوف لبعضهم والاخر يعطي كلام عن الاخر مثل عميل لا اصافحه او لا يستحق المصافحة
ونسال الله الهداية و العافية

شكرا اختي وفقك الله
 
الحالة
مغلق ولا يسمح بالمزيد من الردود.
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top